21-11-2022, 00:41
Türkiyədən mesaj: Sizi məhv edərik! - “Pəncə-Qılınc” əməliyyatının detalları
Bu gün Türkiyə Silahlı Qüvvələri İraq və Suriyanın şimalında “Pəncə-Qılınc” adlı xüsusi antiterror əməliyyatına start verib. Türkiyə Milli Müdafiə Nazirliyinin yaydığı məlumata görə, əməliyyatın istər planlama, istərsə də icra prosesində günahsız insanlara və ətraf mühitə zərər verməmək üçün bütün lazımi tədbirlər görülüb. Son məlumatlara əsasən, “Pəncə-Qılınc” əməliyyatı nəticəsində İraq və Suriyanın şimalında ümumilikdə 89 hədəf məhv edilib, çoxlu sayda terrorçu zərərsizləşdirilib. Türkiyə Hərbi Hava Qüvvələrinin qırıcıları vasitəsilə keçirilən əməliyyat zamanı zərərsizləşdirilən terrorçular arasında terror təşkilatının qondarma liderləri də var. Əməliyyatda yerli və milli silah-sursatlardan istifadə edilib. Əməliyyatın əsas məqsədi terrorun mənbəyində məhv edilməsi strategiyası çərçivəsində İraq və Suriyanın şimaldan xalqa və təhlükəsizlik qüvvələrinə qarşı həyata keçirilən terror hücumlarını aradan qaldırmaqdır. Xüsusi əməliyyat terrorçular tərəfindən Türkiyəyə qarşı hücumların əsas yerləşmələrinin olduğu İraqın şimalında Qəndil, Asos, Hakurk bölgələrində, Suriyanın şimalında isə Arap bulağı, Tel Rıfat, Cizirə və Derik bölgələrinə hücumlar üçün baza kimi istifadə edilən bölgələrdə uğurla reallaşdırılıb. “Pəncə-Qılınc” əməliyyatı barədə danışan Türkiyənin təhlükəsizlik eksperti İmbat Muğlu bildirib ki, İstanbul terrorundan sonra Ankaranın cavab gözlənilirdi və gecikmədi. “Türkiyə Silahlı Qüvvələrinin Suriya və İraqın şimalında PKK terror təşkilatına qarşı həyata keçirdiyi əməliyyat PKK-nın və onları dəstəkləyən qüvvələrin xəyallarını bir daha puç etdi. ABŞ və onun müttəfiqlərinin müdafiəsi altında olduğunu düşünən PKK psixoloji olaraq məhv oldu. Türkiyə bu əməliyyatda “ABŞ-a baxmayaraq, sizi havada və quruda məhv edə bilərik” mesajını verdi. Hava əməliyyatı ilə PKK-nın hədəfləri məhv edildi. Təbii ki, əməliyyatlar davam edəcək, terror təşkilatının arxasında kimlər durursa, onlar cavab verəcək. Hazırkı əməliyyat PKK/YPG qruplaşmasının İstanbulda, İstiqlal küçəsində törətdiyi partlayışa cavabdır və davamı olacaq”, - deyə tanınmış ekspert vurğulayıb. Qeyd edək ki, noyabrın 13-də İstanbulun İstiqlal küçəsində baş vermiş partlayış nəticəsində 6 nəfər həlak olub, 81 nəfər yaralanıb. Hadisəni törətməkdə ittiham olunan Suriya əsilli Əhlam Əlbəşir gizləndiyi evdə saxlanılaraq istintaqa cəlb olunub. Hadisə ilə əlaqədar daha 50-dən çox şəxs saxlanılıb.
20-11-2022, 23:02
BİR DAHA İRAN İSLAM RESPUBLİKASININ RƏHBƏRİ S.Ə XAMENEİNİN MİLLİ\ETNİK KİMLİYİ HAQQINDA
İİR Rəhbəri S.Ə.Xamenei nə türkdür, nə də farsdır. Ata nənəsi tərəfdən az-maz təsadüfi türk qarışığı olsa da, ata xətti ilə nəsli IV İmam Əli ben Hüseynə gedib çıxır. Anası da nəsillikcə ərəb olaraq VI İmam Cəfərə gedib çıxır.
Azərbaycana Xameneinin atasının babası İranın kiçik şəhərlərindən olan Təfreşdən gəlib. Yalnız onun oğlu Seyid Hüseyn Təbrizdə anadan olub, nə atası, nə də özü Təbrizdə anadan olmayıb. Xameneinin uşaqlıqda Təbrizə gəlib-gəlməməsi haqqında məlumat yoxdur. Xamenei ana nənəsini yəqin ki, heç görməyib və xatırlamır da. Xameneinin atası Nəcəfdə, özü isə Məşhəddə doğulub. Beləliklə, ərəb ata və anadan olan Azərbaycan/türk mühitində belə yaşamayan Xameneini türk adlandırıb millətinə naxələf çıxmaqda ittiham etməyin əsası yoxdur. O nə türkdür, nə də fars, farslaşmış, lakin kimliyini çox yaxşı bilən, cüzi miqdarda türk qanı daşıyan bir ərəbdir.
Vidadi Mustafayev
20-11-2022, 22:23
Budurmu sizin qonşuluğunuz, dostluğunuz?
İran mediasında ölkənin rəhbəri Əli Xameneyinin ali müşaviri Əliəkbər Vilayətinin son açıqlaması müzakirələrə səbəb olub.”Bütöv Azərbaycan” qəzetinin təsisçisi və baş redaktoru Tamxil Ziyəddinoğlu da Vilayətinin açıqlamasına münasibət bildirib: “Vilayəti bildirib ki, İranın Azərbaycanla müharibə etmək fikri yoxdur. Adama deyərlər ki, əgər məramınız normal qonşuluq olsaydı, İlham Əliyevin öz xanımı ilə Xudafərinə gedib verdiyi dostluq mesajına- “Xudafərin dostluq körpüsüdür” ifadəsinə dostcasına cavab verərdiniz. Amma İranlılar nə etdilər? Azərbaycan sərhədlərinə topla- tüfənglə gəldilər. Araz çayından tank keçirmək üçün səyyar körpü atdılar. Budurmu sizin qonşuluğunuz, dostluğunuz?
"İranın istər Qafqazda, istərsə də başqa yerdə heç bir ölkəyə, o cümlədən də qonşularına hücum etmək fikri yoxdur, xüsusən də eyni irqdən, dildən, dindən, adət-ənənədən, tarixdən olan insanlar, yəni Azərbaycan Respublikası xalqı gözümüzün işığıdır",-deyə, Xameneyinin müşaviri bildirib.
Tamxil Ziyəddinoğlu əlavə edib ki, Azərbaycana Bakı hökuməti deyənlər, nə yaxşı, İlham Əliyev soydaşlarımıza sahib çıxmalıyıq deyəndən, Təbriz İlham Əliyevin plakatları ilə bəzədiləndən sonra “Azərbaycan Respublikasının xalqı gözümüzün işığıdır”,- deyir.
Əliəkbər Vilayətinin çoxbaşlı fikirlərinin hamısının üzərində dayanmağa ehtiyac görmürəm. Bircə onu bildirmək istəyirəm ki, 40 milyonluq xalqı ana dilindən, adi insani haqlarından məhrum etdiyiniz yetər!
Butov.az
20-11-2022, 20:48
İranda əməliyyat: kürd partiyasının ofisi basıldı
Cənub qonşumuz İranda etirazların pik həddə çatdığı vaxtda hüquq-mühafizə orqanları Kürdüstan Kamala Partiyasının ofisinə basqın edib. İran polisi adıçəkilən partiyanın Qərbi Azərbaycan vilayətindəki ofisində əməliyyat keçirib. Məlumata görə, partiyanın onlarla üzvünün həbs edildidiyi bildirilir. Qeyd olunub ki, İranda fəaliyyət göstərən Kürdüstan Kamala Partiyasının bir sıra üzvləri ölkədə baş verən etirazlara dəstək verməkdə və aranı qarışdırmaqda ittiham olunur.
20-11-2022, 20:15
İstanbul terrorunun qisası belə alındı
Türkiyə Silahlı Qüvvələri İraq və Suriyanın şimalında Hərbi Hava Qüvvələrinin qırıcıları vasitəsilə “Pəncə-Qılınc” adı altında xüsusi antiterror əməliyyatı keçirib. Türkiyə Milli Müdafiə Nazirliyinin yaydığı məlumata görə, əməliyyatın istər planlama, istərsə də icra prosesində günahsız insanlara və ətraf mühitə zərər verməmək üçün bütün lazımi tədbirlər görülüb, buna böyük həssaslıqla yanaşılıb. Türkiyənin Milli Müdafiə Naziri Hulusi Akar açıqlamasında deyib ki, terrorçuların sığınacaqları, bunkerləri, mağaraları, tunelləri və anbarları, terror təşkilatının qondarma qərargahı məhv edilib: “Yalnız terrorçular və terrorçulara məxsus strukturlar hədəfə alınıb”. Nazir bildirib ki, son terrorçu zərərsizləşdirilənə qədər mübarizə davam edəcək. Butov.az-ın məlumatına görə, Türkiyənin həyata keçirdiyi xüsusi əməliyyatı şərh edən politoloq Elxan Şahinoğlu bunun İstanbulda törədilmiş terrora cavab olduğunu düşünür. "Türkiyə Hərbi Hava Qüvvələrinin Suriya və İraqın şimalında kök salan terrorçuların bazalarına hava zərbələri endirməsi gözlənilən idi. Terrorçulara məxsus sığınacaqlar, bunkerlər, mağaralar, tunellər və anbarlar dağıdılıb. Əlbəttə, Türkiyə il ərzində qurudan və havadan İraq və Suriyadakı PKK/YPG terrorçularına qarşı müxtəlif hərbi əməliyyatlar keçirib. Ancaq budəfəki əməliyyat bir az fərqli idi. Hazırkı əməliyyat PKK/YPG qruplaşmasının İstanbulun mərkəzində, İstiqlal küçəsində törətdiyi partlayışa tutarlı cavabdır. ABŞ və Avropa ölkələrindən hər hansı birinin Türkiyənin hava zərbələrinə mümkün etirazı olsa da, bunu açıq deyə bilməyəcəklər. Çünki sözdə İstanbuldakı terroru pisləyiblər, partlayışın arxasında PKK/YPG qruplaşmasının dayandığı sübut olunub", - politoloq vurğulayıb. Xatırladaq ki, noyabrın 13-də İstanbulun İstiqlal küçəsində baş vermiş partlayış nəticəsində 6 nəfər həlak olub, 81 nəfər yaralanıb. Hadisəni törətməkdə ittiham olunan Suriya əsilli Əhlam Əlbəşir gizləndiyi evdə saxlanılaraq istintaqa cəlb olunub. Hadisə ilə əlaqədar daha 50-dən çox şəxs saxlanılıb.
20-11-2022, 17:11
Tarixdə bir ilk: Qətərdə dünya çempionatı başlayır
Bu gün futbol üzrə XXII dünya çempionatına start veriləcək. Qətərin ev sahibliyi etdiyi mundial 29 gün davam edəcək. 31 ən güclü komanda və meydan sahiblərinin iştirakı ilə dünyanın ən güclüsü müəyyən olunacaq. Qeyd edək ki, Qətər dünya çempionatına ilk dəfədir ev sahibliyi edir. Mundialda ümumilikdə 64 qarşılaşma keçiriləcək. 32 komanda hərəsində 4 yığma olmaqla 8 qrupda mübarizə aparacaq. DÇ-nin qalibi uğrunda mübarizədə əvvəllər qalib olmuş 8 komandadan 7-si iştirak edəcək. Braziliya, Almaniya, Argentina, Uruqvay, Fransa, İngiltərə və İspaniya yenə titul qazanmaq arzusundadır. Elə mundialın əsas favoritləri də onlardır. Uruqvay istisna olmaqla, digəriləri qızıl medala namizədlər hesab olunur.
A qrupu: Qətər, Ekvador, Seneqal, Niderland
B qrupu: İngiltərə, İran, ABŞ, Uels
C qrupu: Argentina, Səudiyyə Ərəbistanı, Meksika, Polşa
D qrupu: Fransa, Avstraliya, Danimarka, Tunis
E qrupu: İspaniya, Kosta-Rika, Almaniya, Yaponiya
F qrupu: Belçika, Kanada, Mərakeş, Xorvatiya
G qrupu: Braziliya, Serbiya, İsveçrə, Kamerun
H qrupu: Portuqaliya, Qana, Uruqvay, Cənubi Koreya
Olimpiya sistemi ilə keçiriləcək mundial ev sahiblərinin DÇ-nin final mərhələsindəki debütü ilə əlamətdar olacaq. Qeyd edək ki, Qətərdə keçirilən DÇ-2022-yə təqribən 208 milyard avro xərclənib. Bu, Rusiyada 2018-ci ildə keçirilən mundiala xərclənən məbləğdən 17 dəfə çoxdur. Rusiya dünya çempionatına ev sahibliyi etmək üçün 11,6 milyard funt-sterlinq (təxminən 13 milyard avro) xərcləyib. Mundiala dekabrın 18-də yekun vurulacaq.
20-11-2022, 17:07
Etirazçıları cəzalandırın! - Xamenei əmr verdi
İranın ali dini lideri Əli Xamenei etiraz aksiyalarında iştirak edən şəxslərin cəzalandırılmasını tələb edib. Bu barədə o, İsfahan şəhərində xalqa müraciəti zamanı danışıb. Xamenei deyib ki, ölkə boyu davam edən nümayiş və dağıntılarda iştirak edən şəxslər cəzalandırılmalıdır. O, qiyamın sona çatacağını və ölkənin inkişafının davam edəcəyini vurğulayıb: “Üsyançılar xalqı küçələrə çıxara bilmədilər. Bu səbəbdən çaşqınlıq yaratmaqla təhlükəsizlik qüvvələrini və məmurları yormağa çalışırlar", - deyə İranın ali dini lideri bildirib. Xatırladaq ki, bu ilin sentyabr ayının ortalarından başlayaraq İranda etiraz aksiyaları keçirilir. 22 yaşlı Məhsa Əmininin əxlaq polisi tərəfindən zorakılığa məruz qalması və bir müddət sonra xəstəxanada vəfat etməsi ölkədə ictimai-siyasi vəziyyəti gərginləşdirib. Etirazçılar ölkədə hakimiyyətin dəyişməsini tələb ediblər.
20-11-2022, 16:52
Nyu-Yorkda qar fırtınası - 2 nəfər öldü
ABŞ-ın Nyu-York ştatında qar fırtınası baş verib. Fırtına şəhərdə həyatı iflic edib, nəqliyyatın hərəkətinə mane olub. Fırtına nəticəsində iki nəfər ölüb. Milli Meteoroloji Xidmətin məlumatına görə, çovğunun bazar gününə qədər davam edəcəyi gözlənilir.
20-11-2022, 15:55
Təbrizdə daha 9 milli fəal həbs edilib
Onların təhlükəsizlik idarəsinin təcridxanasına aparıldıqları ehtimal edilir.
Son günlər İranda və Güney Azərbaycan şəhərlərində genişlənən həbslərin davamında Təbrizdə daha bir neçə milli fəal saxlanılıb. Butov.az-ın əldə etdiyi məlumata görə həbs olunanlar Aytək Qurbani, Vida Əkbəri, Sayna Xərazi, Səmanə Babazadə, Hüseyn Dani, Rza Ünsi, Elyar Qəffari, Arəş İsmayılzadə və Armin Bibakdır.
İranın güc qurumları, mülki geyimli xəfiyyələri həmişə olduğu kimi onların dəqiq ittihamları və saxlanılma şərayitləri barədə məlumat vermirlər.
20-11-2022, 15:37
Şovinistlərin daxilində parçalanma yaranır
İranda etirazların gündən-günə artması və hakimiyyət orqanlarının onun qarşısının alınmasında acizliyi fikir ayrılıqlarının yaranmasına səbəb olub. Güney Azərbaycandakı mənbələrimizdən Butov.az-a bildirilir ki, son günlər İranın yüksək səviyyəli rəsmilərinin iştirakı ilə iki gizli və əhəmiyyətli görüşlər keçirilib.
Bu görüşlər Ali Milli Təhlükəsizlik Şurasının katibi Əli Şamxaninin istefaya getməsi və bu şura tərəfindən bunun təkzibi ilə bağlı şayiələrin yayılmasına səbəb olub.
Şamxaninin istefası ilə bağlı şayiənin kökündə onun Ali Milli Təhlükəsizlik Şurasında olması ilə bağlı ordu başçıları və ölkə rəsmiləri arasında geniş fikir ayrılıqları dayanır.
Mühafizəkarlar, o cümlədən İran rəhbəri Əli Xameneyiyə yaxın Həmid Rəsayi və Hüseyn Şəriətmədari Əli Şəmxaninin etirazların yatırılmasında zəiflik göstərdiyini iddia edir.
Onlar etirazçılara qarşı daha sərt tədbirlərin görülməsini təklif edirlər.
Təhlilçilərin fikrincə ölkədə nümayişlərin davam etməsi və genişlənməsi İran hakimiyyətinin üst qatları, ordu və SEPAH arasında çatların əmələ gəlməsinə səbəb olub.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!