3-11-2022, 13:56
DSX-nin əsgərimözünü güllələləyib
Dövlət Sərhəd Xidmətinin (DSX) əsgəri özünü güllələyib. Bu barədə Baş Prokurorluğun Mətbuat Xidmətindən bildirilib. Qeyd edilib ki, DSX-nin Sərhəd Qoşunlarının N saylı hissəsinin əsgəri Baxşəliyev Onur Nazim oğlunun istifadəsində olan silahla özünə atəş açması nəticəsində xəsarət yetirməsi faktı ilə bağlı hazırda Lənkəran Hərbi Prokurorluğunda Cinayət Məcəlləsinin 125-ci maddəsi ilə cinayət işi başlanılıb. Hazırda qeyd olunan iş üzrə istintaq davam edir.
3-11-2022, 13:53
Şəhid ailələri vergidən azad olunur
Gələn il şəhid ailələri və şəhid valideynlərinin gəlirlərinin 800 manata qədər olan hissəsi vergilərdən azad olunacaq. Bu barədə Milli Məclisin İqtisadi siyasət, sənaye və sahibkarlıq komitəsinin sədri Tahir Mirkişili bildirib. Qeyd edək ki, Milli Məclisin İqtisadi siyasət, sənaye və sahibkarlıq komitəsinin payız sessiyasında növbəti iclası keçirilir. İclasın gündəliyinə “Azərbaycan Respublikasının 2023-ci il dövlət büdcəsi haqqında” Azərbaycan Respublikası qanununun layihəsi (birinci oxunuş) daxil edilib.
3-11-2022, 13:51
Kadırov Zelenskini təhqir etdi: “Onu Qroznıya gətirəcəyik və…”
“Xüsusi əməliyyat başa çatdıqdan sonra Ukrayna prezidenti Vladimir Zelenski “Putin prospektinin baş təmizləyicisi” olacaq”. Bunu Çeçenistan Respublikasının rəhbəri Ramzan Kadırov Ukrayna prezidenti haqqında deyib.“Tezliklə biz Ukraynadakı satanizmi, faşizmi məhv edəcəyik, Zelenskini Qroznıya gətirəcəyik və Putin prospektinə baş təmizlikçi təyin edəcəyik. O da gecə-gündüz prospekti təmizləyəcək. Onun üçün belə bir mövqe düşünmüşəm”, - Kadırov bildirib.
3-11-2022, 13:49
Gələn il şəhid ailələri və qazilər üçün ayrılacaq vəsait açıqlandı
Növbəti ilin dövlət büdcəsindən əhalinin həssas təbəqələrinə ödənilən yaşa, sağlamlıq imkanlarının məhdudluğuna, ailə başçısının itirməyə və digər sosial müavinətlərin, eləcə də müharibə əlillərinə, ümumi səbəbdən əlillərə, müharibə veteranlarına, şəhid ailələrinə ödənilən Azərbaycan Respublikası Prezidentinin təqaüdlərinin maliyyələşdirilməsi üçün 1436,8 milyon manat vəsait proqnozlaşdırılıb. Butov.az xəbər verir ki, bu, “Azərbaycan Respublikasının 2023-cü il dövlət büdcəsi Zərfi”ndə əksini tapıb. 2023-cü ilin dövlət büdcəsində Dövlət Sosial Müdafiə Fondunun büdcəsinin balanslaşdırılması məqsədilə dövlət büdcəsinin öhdəliklərinin maliyyələşdirilməsi üçün yönəldilən vəsaitin məbləği 1467,8 milyon manat proqnozlaşdırılıb ki, bu da 2022-ci illə müqayisədə 235,8 milyon manat (19,1 faiz) çox olmaqla, Fondun xərclərinin tərkibində xüsusi çəkisi 1,6 bənd artaraq 23,6 faiz təşkil edəcək. Növbəti ildə dövlət büdcəsində ünvanlı sosial yardımların verilməsi məqsədilə 277,7 milyon manat vəsait nəzərdə tutulub.
3-11-2022, 13:47
İndiyədək Qarabağa 4,4 milyard manat xərclənib
İndiyə qədər Azərbaycanın işğaldan azad edilmiş ərazilərinin bərpasına ayrılan vəsait açıqlanıb. Bu barədə Milli Məclisin İqtisadi siyasət, sənaye və sahibkarlıq komitəsinin sədri Tahir Mirkişili bildirib. Onun sözlərinə görə, Qarabağın yenidən qurulmasına 4,4 milyard manat vəsait xərclənib.
3-11-2022, 13:44
XTQ-nin İranla sərhəddə keçirdiyi təlimlərdən görüntülər
Xüsusi Təyinatlı Qüvvələrin (XTQ) hərbi hissələri ilə keçirilən təlimin növbəti mərhələləri üzrə tapşırıqlar icra edilib. Müdafiə Nazirliyindən verilən məlumata görə, xüsusi təyinatlılar tərəfindən şərti düşmənin dərinliyində müxtəlif kəşfiyyat tapşırıqları və xüsusi əməliyyatlar yerinə yetirilib. Aviasiya və artilleriya vasitələrinin, eləcə də zərbə dronlarının dəstəyi ilə təyin edilən həddin və məntəqələrin nəzarətə götürülməsi üzrə fəaliyyətlər icra edilib. Plana uyğun olaraq xüsusi hazırlıqların yoxlanılması paralel davam etdirilir, o cümlədən yüksək dağlıq, meşəlik ərazilərdə döyüş tapşırıqlarının icrası və çətin maneələr sisteminin dəf edilməsi üzrə hərbi qulluqçuların peşəkarlıq səviyyəsi yoxlanılır. Xüsusi təyinatlıların təlimi davam edir.
[media=https://youtu.be/1qaeX72D140]
3-11-2022, 13:39
ABŞ Ukraynaya 1 milyon artilleriya mərmisi göndərib
2022-ci ilin fevral ayının sonundan bəri ABŞ Ukraynaya 202 artilleriya sistemi tədarük edib. Bu barədə Pentaqonun açıq məlumatlarında qeyd olunur. Ukrayna ordusu Amerika tərəfdən 1 milyondan çox artilleriya mərmisi, zirehli hədəfləri məhv etmək üçün 63 min mobil raket sistemi, 1,4 min mobil zenit-raket kompleksi, 15 helikopter, 46 radar, 10,2 min atıcı silah, 68,2 milyon atıcı silah sursatı və 26 patrul kateri alıb. Qeyd edək ki, ABŞ Ukraynaya müasir HİMARS raket sisteməri, M777 artilleriya qurğuları, NASAMS hava hücumundan müdafiə sistemləri və digər silahlar göndərir.
3-11-2022, 13:36
Putinə zəng etdim, bu gün dəhlizi açdılar - Ərdoğan
Ötən gün Vladimir Putinə zəng etdim və bu gün taxıl dəhlizini açdılar. Bunu Türkiyə Prezidenti Rəcəb Tayyib Ərdoğan yerli mediaya müsahibəsində deyib. Ərdoğan gün ərzində Rusiya və Ukrayna liderləri ilə danışdığını və hər iki tərəfin tələblərinə müsbət yanaşdığını bildirib. Qeyd edək ki, Rusiya Sevastopoldakı terror aktından sonra dayandırılmış “taxıl sazişi”nin icrasını bərpa edib. Rusiya Müdafiə Nazirliyinin yaydığı rəsmi məlumata görə, Moskva Ukraynadan yazılı təminat alıb - Kiyev taxıl dəhlizindən Moskvaya qarşı hərbi əməliyyatlar üçün istifadə etməyəcəyinə söz verib.
3-11-2022, 13:32
Ərdoğan Putini müdafiə etdi
"Praqada kiminlə görüşdümsə, hamı Putinin əleyhinə danışırdı. Dedim ki, yanlış edirsiniz". Bunu Türkiyə Prezidenti Rəcəb Tayyib Ərdoğan yerli mediaya müsahibəsində deyib. Ərdoğan bildirib ki, Rusiya kimi dövlətin başçısına qarşı mənfi münasibət bəsləmək doğru deyil. “Bir lider olaraq sizə hücumlar edilsə, buna göz yumarsınızmı? Etməzsiniz. Mənə qarşı edilsə, mən də etmərəm. Nə lazımdırsa, onu da edərəm. Putinin etdiyi budur. Dünyada 3-5 hörmətli ölkədən biri olan Rusiyanın başçısı olacaqsınız və sonra durub belə hücumlara göz yumacaqsınız. Mümkün deyil”, - Türkiyə prezidenti qeyd edib.
2-11-2022, 21:24
Lukaşenkonun Qarabağ açıqlaması İrəvanı bir-birinə vurdu
Ermənistan tərəfi Belarus Prezidenti Aleksandr Lukaşenkonun səsləndirdiyi tənqidi fikirlərə münasibət bildirib. Butov.az xəbər verir ki, Ermənistan Xarici İşlər Nazirliyinin (XİN) mətbuat katibi Vahan Hunanyan Lukaşenkonun İrəvana ünvanladığı “xaotik və danışıqların məntiqindən uzaq” bəyanatlarını şərh etməyi yersiz hesab edib. “Biz Belarus Prezidentinin danışıqlar məntiqindən uzaq, müttəfiq və tərəfdaş münasibətlərinə zidd olan xaotik bəyanatlarını şərh etməyi məqsədəuyğun hesab etmirik”, - deyə Hunanyan qeyd edib. Ermənistan Xarici İşlər Nazirliyindən bildirilib ki, bu bəyanatlar KTMT üzvünün Lukaşenko tərəfindən imzalanmış öhdəliklərini şübhə altına alır. Belarus Xarici İşlər Nazirliyinin (XİN) mətbuat katibi Anatoli Qlaz İrəvanın ittihamlarına cavab olaraq bildirib ki, Lukaşenkonun Ermənistan-Azərbaycan münaqişəsinə yanaşması reallığa əsaslanır və başa düşüləndir. “Ona görə də biz dostlarımıza və tərəfdaşlarımıza Belarus dövlət başçısının bu çətin, lakin həll oluna bilən məsələ ilə bağlı çoxsaylı çıxışlarını diqqətlə oxumağı və yenidən oxumağı tövsiyə edirik”, - deyə Qlaz vurğulayıb. Qeyd edək ki, Lukaşenko Ermənistanın baş naziri Nikol Paşinyanı Rusiyanın vasitəçiliyi altında Azərbaycan Prezidenti İlham Əliyevlə danışıqlar masasına oturmağa çağırıb. Onun fikirləri Ermənistanda birmənalı qarşılanmayıb. Onu da bildirək ki, Kollektiv Təhlükəsizlik Müqaviləsi Təşkilatının (KTMT) oktyabrın 28-də keçirilən növbədənkənar sessiyasında Belarus Prezidenti Aleksandr Lukaşenko Ermənistanın Baş naziri Nikol Paşinyana sərt cavab verib. Lukaşenko iclas zamanı Paşinyanın ünvanladığı iki sualı cavablandırıb. Belarus lideri Paşinyana cavabında deyib ki, KTMT-nin ayrı-ayrı ölkələrini Azərbaycanla üz-üzə qoymaq lazım deyil, problemi həll etmək vacibdir.“Siz bizim qarşımıza iki sual qoyursunuz: hadisələrin qiymətləndirilməsi və KTMT-nin mövqeyi. Siz tələb etdiniz ki, biz öz mövqeyimizi bildirək. Bizim mövqeyimizi bilmirsiniz? Biz qonşu dövlətlər arasında münaqişənin sülh yolu ilə həllini istəyirik. İkinci məsələ, "mənə Ermənistanın ərazi bütövlüyünün bərpası üçün yol xəritəsi təqdim edin" deyirsiniz. Hansı yol xəritəsi? Mən sizə dərhal cavab verim: İlham Əliyevlə oturun, lazım gələrsə, Rusiya prezidentindən soruşun, qərar verin. Bu gün qəbul etməsəniz, daha pis olacaq, bunu özünüz başa düşürsünüz. Biz bu münaqişəni istəmirik”, - deyə Lukaşenko Paşinyanı yerinə oturdub.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!