4-11-2022, 14:45
Kiyevdə 450 min mənzil işıqsız qalıb
Ukraynanın paytaxtı Kiyev şəhərində 450 minə yaxın mənzilin elektrik enerjisi kəsilib. Bu barədə Kiyev şəhərinin meri Vitali Kliçko bildirib.“Kiyev şəhərində 450 minə yaxın mənzil işıqsız qalıb”, - deyə mer söyləyib. Onun sözlərinə görə, problemin səbəbi sistemdəki yüklənmədən qaynaqlanır. Qeyd edək ki, Rusiyanın Ukraynaya hücumu və müharibə başlayandan bəri ölkənin müxtəlif şəhərlərində vaxtaşırı olaraq elektrik enerjisi təminatında problemlər yaşanır.
4-11-2022, 14:43
Bayden: İranı azad edəcəyik
ABŞ dövlət başçısı Cozef Bayden Kaliforniya ştatında çıxışı zamanı İranda baş verən son hadisələrə toxunub. Butov.az xəbər verir ki, Co Bayden İranın azad olunacağını bəyan edib. “Biz İranı azad edəcəyik. Onlar tezliklər özlərini azad edəcəklər”, - deyə ABŞ lideri vurğulayıb. Xatırladaq ki, İranda polis tərəfindən hicab qaydasının pozulması iddiası ilə həbs olunan 22 yaşlı Məhsa Əmininin 16 sentyabrda dünyasını dəyişməsindən sonra iğtişaşlar başlayıb. Ailəsi onun polis tərəfindən döyüldüyünü bildirir, rəsmi qurumlar isə bu ittihamı qəbul etmir. İranın dövlət başçısı İbrahim Rəisi iğtişaşlara qarşı qətiyyətlə mübarizə aparacaqlarını bəyan edib.
3-11-2022, 20:15
Avropa İttifaqından İrəvan və Bakıya delimitasiya çağırışı
Avropa İttifaqı (Aİ) İrəvan və Bakını sərhədlərin delimitasiyasında irəliləyiş əldə etməyə çağırır. Bunu Aİ-nin Xarici Fəaliyyət Xidmətinin baş katibi Stefano Sannino tvitter-də yazıb. “Mən Brüsseldə baş nazirin müavinləri Mher Qriqoryan və Şahin Mustafayevin rəhbərlik etdiyi Ermənistan və Azərbaycanın sərhəd komissiyalarını salamlamağa şadam. Avropa İttifaqı tərəfləri yerlərdə təhlükəsizliyi yaxşılaşdırmaq və sərhədlərin delimitasiyası ilə bağlı irəliləyiş əldə etmək üçün addımlar atmağa çağırır”. Qeyd edək ki, Brüsseldə Ermənistan və Azərbaycanın sərhəd komissiyalarının üçüncü iclası keçirilir.
3-11-2022, 17:40
Avropa İttifaqından İrəvan və Bakıya delimitasiya çağırışı
Avropa İttifaqı (Aİ) İrəvan və Bakını sərhədlərin delimitasiyasında irəliləyiş əldə etməyə çağırır. Bunu Aİ-nin Xarici Fəaliyyət Xidmətinin baş katibi Stefano Sannino tvitter-də yazıb. “Mən Brüsseldə baş nazirin müavinləri Mher Qriqoryan və Şahin Mustafayevin rəhbərlik etdiyi Ermənistan və Azərbaycanın sərhəd komissiyalarını salamlamağa şadam. Avropa İttifaqı tərəfləri yerlərdə təhlükəsizliyi yaxşılaşdırmaq və sərhədlərin delimitasiyası ilə bağlı irəliləyiş əldə etmək üçün addımlar atmağa çağırır”. Qeyd edək ki, Brüsseldə Ermənistan və Azərbaycanın sərhəd komissiyalarının üçüncü iclası keçirilir.
3-11-2022, 17:38
“Taxıl dəhlizi” ilə 10 milyon ton məhsul ixrac edilib
“Taxıl dəhlizi” işə başlayandan indiyədək Ukraynanın 10 milyon ton kənd təsərrüfatı məhsulu ixrac olunub. Məhsullar Asiya, Avropa və Afrika ölkələrinə yola salınıb. Bu barədə Ukrayna İnfrastruktur Nazirliyi məlumat yayıb. Bildirilib ki, “Taxıl dəhlizi”nin həyata keçirilməsi çərçivəsində noyabrın 3-də Ukraynanın ərzaq məhsulları ilə dolu daha 7 gəmi Odessa limanlarını tərk edib. Məlumata görə, gəmilərin göyərtəsində ümumilikdə 290 min ton kənd təsərrüfatı məhsulu var və onlar Asiya, Avropa, Afrika ölkələrinə yola salınıb. “Oktyabr ayında Rusiya Bosfor boğazında yoxlamanı süni şəkildə əngəlləməsəydi, ixracın həcmi 30-40 faiz çox ola bilərdi”, - deyə hesabatda bildirilib. Xatırladaq ki, iyulun 22-də Ukrayna, Rusiya, Türkiyə və BMT Ukrayna taxılının Qara dəniz vasitəsilə ixracının həyata keçirilməsi ilə bağlı dördtərəfli saziş imzalayıb. Taxıl daşıyan ilk gəmi avqustun 5-də Odessa limanını tərk edib.
3-11-2022, 17:35
Kremldən orduda xidmət müddətinin uzadılmasına reaksiya
Çağırış üzrə orduda xidmət müddətinin uzadılması Rusiya Federasiyası Müdafiə Nazirliyinin müraciətindən asılıdır. Lakin hazırda Kreml bu məsələni müzakirə etmir. Bu barədə jurnalistlərə Rusiya Federasiyası Prezidentinin mətbuat katibi Dmitri Peskov məlumat verib. "Burada, axır ki, həlledici səs Rusiya Federasiyasının Müdafiə Nazirliyinə məxsusdur. Hər şey dəqiq olaraq Müdafiə Nazirliyinin mövqeyindən, Müdafiə Nazirliyinin müraciətlərindən, onların tövsiyələrindən asılıdır”, - deyə o, orduda çağırış müddətinin uzadılmasına münasibət bildirərkən deyib. Peskov bildirib ki, Kreml parlamentdə bununla bağlı bəyanatların təqdim olunduğunu görür. "Lakin burada bu məsələ ilə bağlı heç bir mövqe yoxdur, yəni Rusiya Federasiyası Prezidentinin Administrasiyasında bu mövzuda heç bir danışıqlar aparılmır", - dövlət başçısının mətbuat katibi vurğulayıb. Qeyd edək ki, son zamanlar bir neçə deputat orduya çağırış müddətinin uzadılmasının tərəfdarı olduğunu bildirib.
3-11-2022, 17:34
Almaniya çağırış etdi: İranı tərk edin!
Almaniya Xarici İşlər Nazirliyi ölkə vətəndaşlarını İranı tərk etməyə çağırıb. Butov.az xəbər verir ki, İranda xüsusilə ikili vətəndaşlığı olan şəxslər üçün təhlükəli vəziyyət yarandığı bildirilib. “Hazırda İranda Almaniya vətəndaşları üçün saxlanılma və uzunmüddətli həbslə bağlı konkret təhlükə var”, - deyə Almaniya XİN-in yaydığı məlumatda vurğulanıb. Həmçinin qeyd edilib ki, son vaxtlar İranda xarici vətəndaşlarla bağlı müxtəlif problemlərin yaşanması və süni əngəllər yaradılması tendensiyası mövcuddur.
3-11-2022, 17:32
Ermənistan Təbrizdə konsulluq açmağı qətiləşdirdi
Ermənistan 2023-cü ildə bir neçə ölkədə səfirlik və diplomatik nümayəndəliklər açmağı planlaşdırır. Bu barədə Ermənistanın xarici işlər naziri Ararat Mirzoyan bildirib.“Ermənistan 2023-cü ildə Uruqvayda səfirlik, İranın Təbriz və Rusiyanın Vladiqafqaz şəhərlərində isə konsulluq açmağı planlaşdırır”, - Ararat Mirzoyan parlamentin 2023-cü il dövlət büdcəsi layihəsinin müzakirəsi üzrə daimi komissiyalarının iclasında deyib. Onun sözlərinə görə, səfirliyin açılması ilə bağlı razılıq Uruqvay xarici işlər naziri Fransisko Bustixonun Ermənistana səfəri zamanı əldə olunub. Nazir hesab edir ki, bu, Latın Amerikası ölkələri ilə əməkdaşlığı dərinləşdirəcək. Təbrizdə konsulluğun açılmasına gəlincə, bu, İranın Qafandakı konsulluğunun işinə erməni tərəfinin cavabıdır. "Kiprdə və Belqradda (Serbiya) diplomatik nümayəndəliklər açılacaq. Biz həmçinin Rusiyada - Vladiqafqaz şəhərində konsulluq açmağı planlaşdırırıq", - Mirzoyan bildirib. O qeyd edib ki, Vladiqafqazda konsulluğun açılması heç də Verxniy Lars keçid məntəqəsindəki problemlərlə bağlı deyil.
3-11-2022, 17:30
Putin Ərdoğana söz verdi: Ukraynada nüvə silahından istifadə etməyəcək
Rusiya prezidenti Vladimir Putin türkiyəli həmkarı Tayyib Ərdoğanla telefon danışığı zamanı onu əmin edib ki, Ukraynada nüvə silahından istifadə etmək planı yoxdur. Bu barədə cümə axşamı Türkiyə liderinin rəsmi nümayəndəsi İbrahim Kalın bildirib. “Telefon danışıqları zamanı Rusiya tərəfi Türkiyəni nüvə silahından istifadə etmək planının olmadığına əmin etdi”. TRT İbrahim Kalına istinadən xəbər verir ki, Ukrayna tərəfi öz növbəsində “çirkli silahların” istifadəsinə hazırlıqla bağlı iddiaları təkzib edib. Türkiyə prezidentinin nümayəndəsinin sözlərinə görə, Ankara münaqişə tərəflərini sülh yolu ilə nizamlanma üzrə danışıqlara qayıtmağa dəvət etmək niyyətindədir. Xatırladaq ki, Ərdoğan Putinlə dünən axşam danışmışdı.
3-11-2022, 17:28
ABŞ və Cənubi Koreyadan Kim Çen Ina etiraz
ABŞ dövlət katibinin müavini Vendi Şerman və Cənubi Koreyanın xarici işlər nazirinin müavini Ço Hyun Donq arasında telefon danışığı olub. Butov.az xəbər verir ki, telefon danışığı zamanı tərəflər Koreya Xalq Demokratik Respublikasının (KXDR) raket sınaqlarını müzakirə ediblər. V.Şerman Şimali Koreyanın raket sınaqlarının regionun və beynəlxalq birliyin təhlükəsizliyi üçün ciddi təhdid olduğunu bəyan edib. Tərəflər KXDR-in təxribatlarına qarşı müttəfiqlərin əməkdaşlıq etməli olduğuna diqqət çəkiblər. Qeyd edək ki, Şimali Koreyanın bu gün ümumilikdə 3 raket sınağı həyata keçirdiyi bildirilir. Bu sınaqlar zamanı qitələrarası ballistik raketlərin test edildiyi güman edilir.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Zəngilanın dirçəliş
və qayıdış dövrü
Azərbaycan tarixinin ən şanlı səhifəsi olan Vətən müharibəsi bizə təkcə torpaqlarımızı deyil, ləyaqətimizi, qürurumuzu qaytardı. Həmin qürurun ən parlaq ünvanlarından biri də Zəngilandır. 2020-ci il sentyabrın 27-də başlanan Zəfər yürüşü zamanı şərqdən, Cəbrayıl istiqamətindən düşmənə vurulan sarsıdıcı zərbələr nəticəsində Azərbaycan Ordusu 30-dan çox yaşayış məntəqəsini azad edərək Zəngilanın inzibati hüdudlarına çatdı. Oktyabrın 18-də rayonun tam azad edilməsi uğrunda genişmiqyaslı əməliyyata start verildi və cəmi iki gün sonra, oktyabrın 20-də Müzəffər Ali Baş Komandan, Prezident İlham Əliyev xalqa müraciətində Havalı, Zərnəli, Məmmədbəyli, Həkəri, Şərifan, Birinci Muğanlı kəndlərinin və Zəngilan şəhərinin işğaldan azad edildiyini elan etdi. Beləliklə, Zəngilan döyüşləri nəticəsində 1 şəhər, 4 qəsəbə və 49 kənd düşmən tapdağından xilas edildi və bununla da 132 kilometrlik Azərbaycan-İran dövlət sərhədi tam bərpa olundu. İşğalın bitməsindən dərhal sonra sərhəd boyunca zəruri istehkam və mühafizə işlərinə başlanıldı.
Qərbi zəngəzurlular Zəngilan şəhidliyində
Bu tarixi qələbənin əbədiləşdirilməsi üçün 2020-ci il noyabrın 26-da “Zəngilanın azad olunmasına görə” medalı təsis edildi və 6974 hərbi qulluqçumuz bu medalla təltif olundu. Prezidentin 31 iyul 2023-cü il tarixli Sərəncamı ilə isə 20 oktyabr tarixi Zəngilan şəhəri günü kimi rəsmiləşdirildi. Zəngilanın azad olunması Böyük Qayıdışın başlanğıcı oldu. Bu gün dövlətin ən böyük hədəfi həmin torpaqları yenidən həyatla doldurmaqdır. 2026-cı il 1 oktyabr tarixinə olan məlumata görə, Zəngilan şəhərində 84 ailə, yəni 339 nəfər, Ağalı kəndində 234 ailə, yəni 1017 nəfər, Məmmədbəyli kəndində isə 179 ailə, yəni 903 nəfər öz doğma ocağına qayıdıb. Köçürülən ailələr peşə və bacarıqlarına uyğun olaraq müxtəlif dövlət qurumlarında, tikinti şirkətlərində, tikiş fabrikində və digər sahələrdə işlə təmin edilirlər.Bu qayıdışın dünyaya nümunə olan simvolu isə Ağalı kəndidir. Ağalı təkcə Azərbaycanda deyil, dünyanın ən müasir kəndlərindən biri hesab olunur. Burada “ağıllı kənd” konsepsiyası tam şəkildə tətbiq edilib. Dayanıqlı inkişafın təmin olunması üçün sosial-iqtisadi xidmətlər ən yüksək texnologiyalarla qurulub. Kəndin enerji təminatı ekoloji cəhətdən tam təmizdir, Həkəri çayı üzərində 3 turbindən ibarət Arximed tipli su elektrik stansiyası və gücü 325 kilovat olan günəş panelləri quraşdırılıb. Evlərdə istilik xərclərini azaltmaq üçün kombinə edilmiş sistemlər, mətbəx sobası və yüksək səmərəli elektrod boilerlər var. Suyun isidilməsi üçün günəş kollektorlarından, çirkab suların təmizlənməsi üçün bioloji təmizləmə qurğularından istifadə olunur.
Kənddə GPON texnologiyası ilə yüksək sürətli internet, İP TV, video müşahidə kameraları, ağıllı işıq dirəkləri və avtomatik hava müşahidə stansiyaları var. Əhalinin rahatlığı üçün Tele-səhiyyə, E-təhsil və digər elektron xidmətlər, ASAN, DOST, məktəb, bağça, tibb məntəqəsi, kiçik və orta biznesə dəstək mərkəzləri fəaliyyət göstərir. Ümumi sahəsi 2 hektardan çox olan park salınıb. Bütün bunlar onu göstərir ki, Ağalı kəndi sadəcə yaşayış məntəqəsi deyil, gələcəyin kənd modelidir. Nazirlər Kabinetinin 30 oktyabr 2023-cü ildə təsdiq etdiyi Baş Plana əsasən şəhərin 2040-cı ilədək inkişafı üçün böyük vəsait ayrılıb. 2022-ci ildə təməli qoyulan 104 mənzilli ilk yaşayış kompleksinin açılışı 2026-cı ildə olub. Kompleksin ərazisi 2 hektardan artıqdır və burada 12 bina, o cümlədən 4 ədəd üçmərtəbəli 60 mənzilli və 8 ədəd ikimərtəbəli 44 mənzilli evlər tikilib.
Azad Zəngilanın qonaqları
Zəngilan Beynəlxalq Hava Limanı bu bölgənin inkişafı üçün mühüm faktora çevrilib. Zəngəzur dəhlizinin hava infrastrukturu ilə gücləndirilməsi baxımından hava limanı strateji əhəmiyyət daşıyır. Eyni zamanda Horadiz-Zəngilan-Ağbənd dəmir yolunun inşası da böyük strateji əhəmiyyətə malikdir. Bu yol azad edilmiş torpaqlara həm vətəndaşların qayıdışı, həm də yüklərin daşınması üçün tarixi imkan yaradır. Artıq yolun birinci mərhələsi üzrə böyük hissə tamamlanıb və Araz İqtisadi Zonası Sənaye Parkına yüklər daşınır. Horadiz-Cəbrayıl-Zəngilan-Ağbənd avtomobil yolunun uzunluğu 126,3 kilometrdir, illik buraxılış qabiliyyəti 15 milyon tondur və layihənin 2026-cı ilin ikinci yarısında yekunlaşdırılması nəzərdə tutulur. İşğal dövründə tövlə kimi istifadə olunan XIX əsrə aid Zəngilan şəhər məscidi Heydər Əliyev Fondu tərəfindən bərpa olunub. Bərpa-tikinti işləri çərçivəsində tarixi məscid konservasiya edilib və onun yanında düzbucaqlı planlı, iki minarəli yeni məscid inşa edilib. Yeni məsciddə 220 və 100 nəfərlik ibadət zalları yaradılıb. Rayonun gələcəyi üçün turizm və kənd təsərrüfatı da unudulmayıb. 2024-cü il mayın 18-də Ağalı kəndində, Həkəri çayı vasitəsilə yaradılmış süni gölün sahilində “Ağalı” hoteli açılıb. Zəngilan İstirahət Kompleksində 111 nömrəli hotelin təməli 2023-cü il mayın 4-də qoyulub. 2026-cı il mayın 10-da isə “Zəngilan City Park Hotel”in təməli qoyulub. Kənd təsərrüfatı sahəsində isə “Dost Aqropark” layihəsi həyata keçirilir. Azərbaycan və Türkiyə şirkətlərinin birgə layihəsi olan bu kompleks tam başa çatdıqda 500 nəfəri işlə təmin edəcək və 100 milyon dollar sərmayə qoyulacaq. Layihənin birinci mərhələsində 5200 kvadratmetr qapalı, 113 min kvadratmetr açıq tipli heyvandarlıq kompleksləri, sosial obyektlər, kafe, kinoteatr tikilib.
Beləliklə, Zəngilan bu gün sadəcə işğaldan azad edilmiş bir rayon deyil, Azərbaycan dövlətinin qüdrətinin, iradəsinin və gələcəyə olan inamının canlı rəmzidir. Burada hər daş, hər tikilən ev, hər qayıdan ailə 30 illik həsrətin sonu və Böyük Qayıdışın əbədi başlanğıcıdır.
Mahnur Hüseynova
Xırdalan şəhər 8 nömrəli tam orta ümumtəhsil məktəbinin direktoru
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!