4-11-2022, 16:07
Ukrayna Avropa İttifaqına daxil olacaq - Zelenski
ABŞ-da hakimiyyətdə kimin olmasından asılı olmayaraq, Amerika cəmiyyətinin əksəriyyəti Ukraynanın yanındadır. Ona görə də Amerika cəmiyyətinin Ukraynaya dəstəyinin davam etdirilməsi ilə bağlı narahatlığa əsas görmürəm. Bunu xarici KİV-ə müsahibəsində Ukrayna Prezidenti Vladimir Zelenski bildirib. Zelenski deyib ki, Amerika cəmiyyətinin seçiminə hörmətlə yanaşacaqlarını açıqlayıb:"Müharibə ona görə başladı ki, Rusiya bizi müstəqil ölkə, Avropa ölkəsi kimi tanımır. Xalqın müstəqil olmaq istədiyi Belarusda da eyni şey olacaq. Niyə Rusiya Belarusda insanların necə yaşamasına qərar verməlidir?". Zelenski, həmçinin ölkəsinin Avropa İttifaqına daxil olacağını söyləyib: "Gec və ya tez olacağını demək istəmirəm, çünki artıq gec olduğuna inanıram”.
4-11-2022, 15:28
Rəisi Baydenə cavab verdi: İran əsla sağmal inək olmayacaq!
İran prezident İbrahim Rəisi ABŞ prezidenti Co Baydenin “Biz tezliklə İranı azad edəcəyik” açıqlamasına cavab verib. Butov.az xəbər verir ki, İbrahim Rəisi ABŞ-ın müharibələrdə və qan tökülmələrində aparıcı rol oynadığını, xalqların maraqlarını öz maraqları naminə məhv etdiyini bildirib. O, ABŞ prezidenti Co Baydeni İrandakı iğtişaşları dəstəkləməkdə ittiham edib. İran prezidentinin sözlərinə görə, bu gün imperializmin simvolu ABŞ-da hökmranlıq edən sistemdir. O, Amerikanı “böyük şeytan” adlandırıb. İbrahim Rəisi çıxışının sonunda belə deyib:“Bir neçə saat əvvəl ABŞ prezidentinin İranı azad etmək istədikləri ilə bağlı açıqlamalarını eşitdim. Baydenə demək istəyirəm: İran 43 il bundan əvvəl azad edilib və biz heç vaxt sağmal inək olmayacağıq!”.
4-11-2022, 15:25
Türkiyədə Qardaşlıq Parkı açıldı
Türkiyənin Kayseri şəhərində Azərbaycan Qardaşlıq Parkının təntənəli açılış mərasimi keçirilib. Butov.az xəbər verir ki, tədbir Kayserinin Talas Bələdiyyəsinin və Azərbaycan-Türkiyə Təhsil, Mədəniyyət və Yardımlaşma Dərnəyinin birgə təşkilatçılığı ilə baş tutub. Mərasimi açıq elan edən Talas bələdiyyəsinin sədri Mustafa Yalçın bildirib ki, Kayseridə qardaş Azərbaycana hər zaman xüsusi münasibət bəslənilir. “Talas bələdiyyəsi olaraq belə mötəbər tədbirə ev sahibliyi etdiyimiz üçün qürur duyuruq”, - deyə bələdiyyə sədri vurğulayıb. Tədbirin layihə rəhbəri və təşəbbüskarı olan Azərbaycan-Türkiyə Təhsil, Mədəniyyət və Yardımlaşma Dərnəyinin həmtəsisçisi və fəxri prezidenti Nəcəf Qənbərov türk dünyasının parlaq zəfərlərindən biri olan 44 günlük Vətən müharibəsi dövründə və sonra iki Prezidentin – iki Ali Baş Komandanın bütün dünyaya göstərdiyi birlikdən danışıb. Türkiyə Cümhuriyyətinin qurucusu Mustafa Kamal Atatürkün “Azərbaycanın sevinci sevincimiz, kədəri kədərimizdir” və müasir Azərbaycan dövlətinin qurucusu Heydər Əliyevin “Bir millət, iki dövlət” kəlamlarının bu parkda öz əksini tapdığını nəzərə çatdırıb. Bu layihənin gerçəkləşdirilməsi üçün göstərdikləri dəstəyə görə Diasporla İş üzrə Dövlət Komitəsinə və Kayseri şəhər rəhbərliyinə minnətdarlığını bildirib. Diasporla İş üzrə Dövlət Komitəsi sədrinin birinci müavini Valeh Haciyev çıxışı zamanı Zəfər Günü münasibətilə tədbir iştirakçılarını təbrik edib və birliyimizin daim olmasını arzulayıb. Azərbaycan və Türkiyə Prezidentlərinin öz millətinin və dövlətinin lideri olmağı bacarmış siyasətçilər olduğuna, mürəkkəb siyasi proseslər dövründə apardıqları siyasətin yalnız öz dövlət və millətinin mənafeyinə xidmət etdiyinə diqqəti cəlb edib. Tədbirdə çıxış edən Kayseri Böyükşəhər Bələdiyyəsinin sədri Memduh Büyükkılıç və Azərbaycanın Türkiyədəki səfirliyinin təhsil müşaviri Nəcibə Nəsibova Azərbaycan Qardaşlıq Parkının yaradılmasının önəmindən bəhs ediblər. Ədalət və İnkişaf Partiyası sədrinin müavini Mehmet Özhasekinin, Zəngilana səfərləri zamanı keçirdikləri qəza səbəbindən tədbirdə iştirak edə bilməyən Türk Şurası Ağsaqqallar Birliyinin sədri Binəli Yıldırımın və Türkiyə Böyük Millət Məclisinin deputatı, Türkiyə-Azərbaycan parlamentlərarası dostluq qrupunun rəhbəri Şamil Ayrımın təbrik məktubları oxunub. Onlar parkın açılışını Azərbaycan və Türkiyə qardaşlığının sevinc, qürur və uğur günü kimi dəyərləndiriblər. Könüllərinin hər zaman Azərbaycanla birlikdə olduğunu, gələcəkdə Şuşa Mədəniyyət Evinin açılış törənində iştirak edəcəklərinə ümid etdiklərini və bundan qürur duyacaqlarını bildiriblər. Sonra Azərbaycan Qardaşlıq Parkının qırmızı lenti kəsilib. Parkın ərazisində Qarabağın və Şuşanın rəmzlərindən biri olan İsa bulağı tikilib, Azərbaycanın qan yaddaşı sayılan Xocalı soyqırımı qurbanlarının abidəsi ucaldılıb. Bu parkda tikiləcək Şuşa Mədəniyyət Evinin təməli qoyulub. Qeyd edək ki, açılış mərasimində Erciyes Universitetinin, bələdiyyələrin və qeyri-hökumət təşkilatlarının rəhbərləri, yerli ictimaiyyətin nümayəndələri iştirak ediblər.
4-11-2022, 15:23
“Putinlə razılaşdıq, taxıl pulsuz veriləcək” - Ərdoğan
Türkiyə Prezidenti Rəcəb Tayyib Ərdoğan Rusiya dövlət başçısı Vladimir Putinlə taxıl məsələsində razılığa gəldiklərini açıqlayıb. Ərdoğan bu barədə 19-cu MÜSİAD “Expo” sərgisində çıxışı zamanı danışıb.“Vladimir Putin taxılı pulsuz şəkildə Cibuti, Somali və Sudana göndərmək barədə təklif etdi. Həmfikir olduq, razılaşdıq. Atmalı atdığımız addım budur. Ehtiyacı olan ölkələrə taxıl pulsuz çatdırılacaq”, - Türkiyə lideri əlavə edib. Qeyd edək ki, bir neçə gün öncə Rusiya “taxıl sazişi”nin icrasını bərpa edib. Rusiya Müdafiə Nazirliyinin yaydığı rəsmi məlumata görə, Moskva Ukraynadan yazılı təminat alıb - Kiyev taxıl dəhlizindən Moskvaya qarşı hərbi əməliyyatlar üçün istifadə etməyəcəyinə söz verib.
4-11-2022, 15:20
İsrail Qəzzaya zərbələr endirdi
İsrail Fələstinin Qəzza zolağına zərbələr endirib. Bu addımın HƏMAS-ın raket zərbələrinə cavab olaraq atıldığı bildirilib. İlkin məlumata görə, İsrail hərbçilərinin zərbələri nəticəsində yaralanan və ya ölən olmayıb. Qeyd edək ki, Qəzza zolağı Fələstinin əsas hissəsi olan İordan çayının qərb sahillərindən kənarda yerləşir. Aralıq dənizi sahilində yerləşən ərazi uzun müddət embarqo altında saxlanılıb.
4-11-2022, 14:57
Türkiyə ordusu şəhid verdi
Türkiyə ordusunun hərbi qulluqçusu İraqda şəhid olub. Hadisə İraqın şimalındakı “Pençe-Kilit” əməliyyat bölgəsində baş verib. Terrorçuların açdığı atəş nəticəsində hərbçi Lokman Akçağlayan həyatını itirib. Hazırda bölgədə antiterror əməliyyatları davam etdirilir.
4-11-2022, 14:55
Şənbə gününün havası - Çiskin, yağış...
Azərbaycanda noyabrın 5-nə gözlənilən hava proqnozu açıqlanıb. Milli Hidrometeorologiya Xidmətindən verilən məlumata görə, Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Lakin gecə və səhər bəzi yerlərdə az çiskin olacağı ehtimalı var. Mülayim şimal küləyi əsəcək. Havanın temperaturu gecə 9-13° isti, gündüz 15-17° isti olacaq. Bakıda gecə 10-12° isti, gündüz 15-17° isti olacaq. Atmosfer təzyiqi 764 mm civə sütunu olacaq. Nisbi rütubət 60-70 % olacaq. Azərbaycanın rayonlarında əsasən yağmursuz hava olacaq. Lakin axşam bəzi yerlərdə arabir yağış yağacağı gözlənilir. Yüksək dağlıq ərazilərdə qar yağacağı ehtimalı var. Gecə və səhər saatlarında duman olacaq. Şərq küləyi əsəcək. Havanın temperaturu gecə 7-11° isti, gündüz 17-21° isti, dağlarda gecə 2° şaxtadan 3°-dək isti, gündüz 5-10° isti olacaq.
4-11-2022, 14:52
Rusiya enerji terroru həyata keçirir - Zelenski
Ukrayna Prezidenti Volodimir Zelenski Rusiyanı ölkəsinə qarşı “enerji terroru” həyata keçirməkdə günahlandırıb. Butov.az xəbər verir ki, Zelenski Rusiyanın Ukraynanın enerji təchizatı sistemlərinə hücum etdiyini bəyan edib. Onun sözlərinə görə, Rusiya tərəfindən Ukraynanın elektrik infrastrukturuna vurulan zərər nəticəsində 4.5 milyon insan işıqsız qalıb. “Rusiya Ukraynaya qarşı enerji terroru gerçəkləşdirir”, - deyə o əlavə edib.
4-11-2022, 14:50
Koreya yarımadasında gərginlik - Qırıcılar havaya qaldırıldı
Cənubi Koreya aviasiyası təyyarələrini havaya qaldırıb. Bu barədə “Yonhap” agentliyi məlumat yayıb. Koreyanın bu addımı Şimali Koreyanın hərəkətlərinə cavab olaraq atdığı bildirilib. Belə ki, KXDR son vaxtlar hərbi aviasiya sahəsində aktivləşmə nümayiş etdirir. Bu ölkə tərəfindən ümumilikdə 180-ə yaxın təyyarənin iştirakı ilə manevrlər gerçəkləşdirilib. Qeyd edək ki, ABŞ müdafiə naziri Lloyd Ostin də Şimali Koreyanın addımlarını pisləyib.
4-11-2022, 14:48
Paşinyanın partiyasında skandal - “Qara siyahı” üzə çıxdı
Ermənistanda hakim Vətəndaş Müqaviləsi Partiyasının qurultayında skandal yaşanıb. Bu barədə “Joğovurd” qəzeti yazıb. Məlumata görə, uyğunsuz hesab edilən bir sıra partiya funksionerləri “qara siyahı”ya salınıb. Həmçinin partiyanın əsas simalarının çoxu qurultayda təşkil olunmuş seçkilərdə rəhbər orqanlara düşə bilməyib. İdarə heyətinə düşə bilməyən funksionerlər arasında narazılıq yaranıb. Qəzet yazır ki, ilk 15-liyə əvvəllər az səs toplamış bəzi nazirlər – Ermənistanın fövqəladə hallar naziri Armen Pambuxçyan və səhiyyə naziri Arsen Torosyan daxil olublar. Baş nazir Nikol Paşinyan isə 4 səs çox toplayaraq 945 səs yığıb. Həmçinin bildirilir ki, partiya daxilində fəaliyyət göstərən xüsusi qrup formalaşıb və bu xüsusi qrup seçkinin gedişini “koordinasiya” etməklə məşğul olub.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Zəngilanın dirçəliş
və qayıdış dövrü
Azərbaycan tarixinin ən şanlı səhifəsi olan Vətən müharibəsi bizə təkcə torpaqlarımızı deyil, ləyaqətimizi, qürurumuzu qaytardı. Həmin qürurun ən parlaq ünvanlarından biri də Zəngilandır. 2020-ci il sentyabrın 27-də başlanan Zəfər yürüşü zamanı şərqdən, Cəbrayıl istiqamətindən düşmənə vurulan sarsıdıcı zərbələr nəticəsində Azərbaycan Ordusu 30-dan çox yaşayış məntəqəsini azad edərək Zəngilanın inzibati hüdudlarına çatdı. Oktyabrın 18-də rayonun tam azad edilməsi uğrunda genişmiqyaslı əməliyyata start verildi və cəmi iki gün sonra, oktyabrın 20-də Müzəffər Ali Baş Komandan, Prezident İlham Əliyev xalqa müraciətində Havalı, Zərnəli, Məmmədbəyli, Həkəri, Şərifan, Birinci Muğanlı kəndlərinin və Zəngilan şəhərinin işğaldan azad edildiyini elan etdi. Beləliklə, Zəngilan döyüşləri nəticəsində 1 şəhər, 4 qəsəbə və 49 kənd düşmən tapdağından xilas edildi və bununla da 132 kilometrlik Azərbaycan-İran dövlət sərhədi tam bərpa olundu. İşğalın bitməsindən dərhal sonra sərhəd boyunca zəruri istehkam və mühafizə işlərinə başlanıldı.
Qərbi zəngəzurlular Zəngilan şəhidliyində
Bu tarixi qələbənin əbədiləşdirilməsi üçün 2020-ci il noyabrın 26-da “Zəngilanın azad olunmasına görə” medalı təsis edildi və 6974 hərbi qulluqçumuz bu medalla təltif olundu. Prezidentin 31 iyul 2023-cü il tarixli Sərəncamı ilə isə 20 oktyabr tarixi Zəngilan şəhəri günü kimi rəsmiləşdirildi. Zəngilanın azad olunması Böyük Qayıdışın başlanğıcı oldu. Bu gün dövlətin ən böyük hədəfi həmin torpaqları yenidən həyatla doldurmaqdır. 2026-cı il 1 oktyabr tarixinə olan məlumata görə, Zəngilan şəhərində 84 ailə, yəni 339 nəfər, Ağalı kəndində 234 ailə, yəni 1017 nəfər, Məmmədbəyli kəndində isə 179 ailə, yəni 903 nəfər öz doğma ocağına qayıdıb. Köçürülən ailələr peşə və bacarıqlarına uyğun olaraq müxtəlif dövlət qurumlarında, tikinti şirkətlərində, tikiş fabrikində və digər sahələrdə işlə təmin edilirlər.Bu qayıdışın dünyaya nümunə olan simvolu isə Ağalı kəndidir. Ağalı təkcə Azərbaycanda deyil, dünyanın ən müasir kəndlərindən biri hesab olunur. Burada “ağıllı kənd” konsepsiyası tam şəkildə tətbiq edilib. Dayanıqlı inkişafın təmin olunması üçün sosial-iqtisadi xidmətlər ən yüksək texnologiyalarla qurulub. Kəndin enerji təminatı ekoloji cəhətdən tam təmizdir, Həkəri çayı üzərində 3 turbindən ibarət Arximed tipli su elektrik stansiyası və gücü 325 kilovat olan günəş panelləri quraşdırılıb. Evlərdə istilik xərclərini azaltmaq üçün kombinə edilmiş sistemlər, mətbəx sobası və yüksək səmərəli elektrod boilerlər var. Suyun isidilməsi üçün günəş kollektorlarından, çirkab suların təmizlənməsi üçün bioloji təmizləmə qurğularından istifadə olunur.
Kənddə GPON texnologiyası ilə yüksək sürətli internet, İP TV, video müşahidə kameraları, ağıllı işıq dirəkləri və avtomatik hava müşahidə stansiyaları var. Əhalinin rahatlığı üçün Tele-səhiyyə, E-təhsil və digər elektron xidmətlər, ASAN, DOST, məktəb, bağça, tibb məntəqəsi, kiçik və orta biznesə dəstək mərkəzləri fəaliyyət göstərir. Ümumi sahəsi 2 hektardan çox olan park salınıb. Bütün bunlar onu göstərir ki, Ağalı kəndi sadəcə yaşayış məntəqəsi deyil, gələcəyin kənd modelidir. Nazirlər Kabinetinin 30 oktyabr 2023-cü ildə təsdiq etdiyi Baş Plana əsasən şəhərin 2040-cı ilədək inkişafı üçün böyük vəsait ayrılıb. 2022-ci ildə təməli qoyulan 104 mənzilli ilk yaşayış kompleksinin açılışı 2026-cı ildə olub. Kompleksin ərazisi 2 hektardan artıqdır və burada 12 bina, o cümlədən 4 ədəd üçmərtəbəli 60 mənzilli və 8 ədəd ikimərtəbəli 44 mənzilli evlər tikilib.
Azad Zəngilanın qonaqları
Zəngilan Beynəlxalq Hava Limanı bu bölgənin inkişafı üçün mühüm faktora çevrilib. Zəngəzur dəhlizinin hava infrastrukturu ilə gücləndirilməsi baxımından hava limanı strateji əhəmiyyət daşıyır. Eyni zamanda Horadiz-Zəngilan-Ağbənd dəmir yolunun inşası da böyük strateji əhəmiyyətə malikdir. Bu yol azad edilmiş torpaqlara həm vətəndaşların qayıdışı, həm də yüklərin daşınması üçün tarixi imkan yaradır. Artıq yolun birinci mərhələsi üzrə böyük hissə tamamlanıb və Araz İqtisadi Zonası Sənaye Parkına yüklər daşınır. Horadiz-Cəbrayıl-Zəngilan-Ağbənd avtomobil yolunun uzunluğu 126,3 kilometrdir, illik buraxılış qabiliyyəti 15 milyon tondur və layihənin 2026-cı ilin ikinci yarısında yekunlaşdırılması nəzərdə tutulur. İşğal dövründə tövlə kimi istifadə olunan XIX əsrə aid Zəngilan şəhər məscidi Heydər Əliyev Fondu tərəfindən bərpa olunub. Bərpa-tikinti işləri çərçivəsində tarixi məscid konservasiya edilib və onun yanında düzbucaqlı planlı, iki minarəli yeni məscid inşa edilib. Yeni məsciddə 220 və 100 nəfərlik ibadət zalları yaradılıb. Rayonun gələcəyi üçün turizm və kənd təsərrüfatı da unudulmayıb. 2024-cü il mayın 18-də Ağalı kəndində, Həkəri çayı vasitəsilə yaradılmış süni gölün sahilində “Ağalı” hoteli açılıb. Zəngilan İstirahət Kompleksində 111 nömrəli hotelin təməli 2023-cü il mayın 4-də qoyulub. 2026-cı il mayın 10-da isə “Zəngilan City Park Hotel”in təməli qoyulub. Kənd təsərrüfatı sahəsində isə “Dost Aqropark” layihəsi həyata keçirilir. Azərbaycan və Türkiyə şirkətlərinin birgə layihəsi olan bu kompleks tam başa çatdıqda 500 nəfəri işlə təmin edəcək və 100 milyon dollar sərmayə qoyulacaq. Layihənin birinci mərhələsində 5200 kvadratmetr qapalı, 113 min kvadratmetr açıq tipli heyvandarlıq kompleksləri, sosial obyektlər, kafe, kinoteatr tikilib.
Beləliklə, Zəngilan bu gün sadəcə işğaldan azad edilmiş bir rayon deyil, Azərbaycan dövlətinin qüdrətinin, iradəsinin və gələcəyə olan inamının canlı rəmzidir. Burada hər daş, hər tikilən ev, hər qayıdan ailə 30 illik həsrətin sonu və Böyük Qayıdışın əbədi başlanğıcıdır.
Mahnur Hüseynova
Xırdalan şəhər 8 nömrəli tam orta ümumtəhsil məktəbinin direktoru
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!