28-05-2024, 19:30
Vaşinqton meri 28 Mayla bağlı bəyannamə imzaladı
ABŞ-ın paytaxtı Vaşinqton şəhərinin meri Myuriel Bouzer Azərbaycan Demokratik Respublikasının yaranmasının 106-ci illiyi ilə əlaqədar Bəyannamə imzalayıb.
Bəyannamədə 1918-ci il 28 may tarixində qadınlara seçki hüquqlarını təmin edildiyi Müsəlman Şərqində ilk dünyəvi parlamentli respublika olan Azərbaycan Demokratik Respublikasının qurulduğu bildirilib.
Eyni zamanda Azərbaycan Demokratik Respublikasının yaranması münasibətilə dünyada 50 milyondan çox azərbaycanlının Müstəqillik Gününü qeyd etdiyi vurğulanıb.
Bundan başqa Bəyannamədə bu il Azərbaycanın müstəqilliyinin bərpasından otuz üç il və ABŞ ilə Azərbaycan arasında diplomatik əlaqələrin qurulmasından otuz iki il keçdiyi qeyd olunub.
Mer Bouzer imzaladığı Bəyannamədə Vaşinqtonda Azərbaycan Səfirliyinin mövcudluğu və Azərbaycan icmasının şəhərin təhsil və mədəniyyət müxtəlifliyinə verdiyi töhfələrlə çox zənginləşdiklərini qeyd edib.
Qeyd edək ki, Vaşinqton meri tərəfindən hər il 28 may tarixində Bəyannamə imzalaması artıq ənənəyə çevrilib.
28-05-2024, 19:09
Gürcüstan parlamenti prezidentin vetosunu ləğv etdi
Bu gün Gürcüstan parlamenti Prezident Salome Zurabişvilinin "xarici təsir" haqqında qanuna veto qoymasını səs çoxluğu ilə ləğv edib.
Qanunun lehinə 84, əleyhinə isə 4 deputat səs verib.
Parlamentin gərgin keçən iclasında insident də qeydə alınıb. "Gürcü arzusu”nun deputatı İrma Zavradaşvili “Strategiya Aqmaşenebeli” partiyasının sədri Giorgi Vaşadzenin üzərinə su töküb. Hadisə G.Vaşadze tribunada çıxış edərkən baş verib.
Artıq parlamentin binasındakı hüquq-mühafizə orqanlarının əməkdaşlarının sayı artırılıb və qanunverici orqanın yan girişlərində xüsusi təyinatlılar tərəfindən dəhliz yaradılıb.
Qeyd edək ki, Gürcüstan Prezidenti Salome Zurabişvili hakim "Gürcü Arzusu" partiyasının təqdim etdiyi "Xarici təsirin şəffaflığı haqqında" qanuna veto qoymuşdu.
28-05-2024, 17:59
Prezidentlə xanımı xocalılılarla - VİDEO
Xəbər verdiyimiz kimi, bu gün Azərbaycan Prezidenti İlham Əliyev, xanımı Mehriban Əliyeva və qızları Arzu Əliyeva Xocalı şəhərinə köçən sakinlərlə görüşüblər.
Butov.az sözügedən görüşdən videonu təqdim edir:
28-05-2024, 17:41
Şəmkir su anbarında batan kişinin meyiti tapıldı
Şəmkir su anbarının Tovuz rayonu ərazisinə düşən hissəsində batan Aşağı Öysüzlü kənd sakini 1987-ci il təvəllüdlü Baxşəliyev Zabit Paşa oğlunun cəsədi tapılıb.
Bu barədə Fövqəladə Hallar Nazirliyi (FHN) məlumat yayıb.
Bildirilib ki, FHN-nin Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıcları tərəfindən meyit suda tapılıb çıxarılaraq aidiyyəti üzrə təhvil verilib.
Qeyd edək ki, B.Zabit mayın 23-də sözügedən su anbarında batmışdı.
28-05-2024, 17:30
“Taliban”la əlaqələr qurmalıyıq - Putin
Rusiya “Taliban”la hansısa formada əlaqələr qurmalıdır.
Bunu Rusiya prezidenti Vladimir Putin “Taliban”ın Rusiya Federasiyasında terror təşkilatları siyahısından çıxarılmasının mümkünlüyü haqqında danışarkən bildirib.
"Taliban”la hansısa formada əlaqələr qurmalıyıq, onlar hazırki hakimiyyətdir", deyən Putin qeyd edib ki, Rusiya "Taliban"ın terrorçu təşkilarların siyahısından çıxarılması məsələsində regiondakı hər bir ölkənin fikrini nəzərə alır. "Qərar birlikdə işlənəcək", deyə Rusiya prezidenti vurğulayıb.
28-05-2024, 17:28
Qazaxın azad edilmiş kəndində minatəmizləmə - FOTO
Qazaxın işğaldan azad olunmuş kəndlərinə mediatur təşkil olunub.
Dövlət Sərhəd Xidmətinin (DSX) təşkilatçılığı baş tutan səfər çərçivəsində media nümayəndələri rayonun Bağanıs Ayrım kəndində minatəmizləmə işləri ilə tanış olublar.
Qeyd edək ki, delimitasiya işləri nəticəsində 12,7 km uzunluğunda sərhəd xətti müəyyən edilmiş və bununla Azərbaycan Respublikasının Qazax rayonunun 4 kəndinin: Bağanıs Ayrım, Aşağı Əskipara, Xeyrımlı və Qızılhacılının ərazilərinin (6,5 km2) Azərbaycana qaytarılması təmin edilib.
Mayın 24-də Azərbaycan Respublikasının Qazax rayonunun Bağanıs Ayrım, Aşağı Əskipara, Xeyrımlı və Qızılhacılı kəndlərinin əraziləri Azərbaycan Respublikası Dövlət Sərhəd Xidməti tərəfindən nəzarətə götürülüb.
28-05-2024, 17:23
Danimarka Fələstini dövlət kimi tanımadı - Deputalar əleyhinə səs verdilər
Danimarka parlamenti Fələstinin dövlət kimi tanınmasının əleyhinə səs verib.
Qərar layihəsi bugünkü iclasda səsverməyə çıxarılsa da, parlamentarilərin dəstəyini qazana bilməyib.
Qeyd edək ki, İrlandiya, İspaniya və Norveç Fələstinin beynəlxalq hüququn subyekti kimi tanınması barədə qərar elan edib.
28-05-2024, 17:17
İraq Azərbaycanı belə təbrik etdi - FOTO
İraqın paytaxtı Bağdadda 28 May - Müstəqillik Günü münasibətilə ən hündür binalardan biri bayrağımızın rəngləri ilə işıqlandırılıb.
Bu haqda Azərbaycanın İraqdakı səfiri Nəsir Məmmədov “X” sosial şəbəkə hesabında paylaşım edib.
“Azərbaycan Respublikasının milli bayramı 28 May - Müstəqillik Günü münasibətilə Bağdadın ən hündür binalarından birində dövlət bayrağımız nümayiş etdirilib.
Təşəkkürlər İraq!”, - paylaşımda qeyd olunub.
28-05-2024, 16:44
Azərbaycan Şəhidlərini hörmətlə anırıq - Ərdoğan
Türkiyə Prezidenti Rəcəb Tayyib Ərdoğan Azərbaycanı Müstəqillik Günü münasibətilə təbrik edib.
Rəcəb Tayyib Ərdoğan bu barədə rəsmi "X" hesabında paylaşım edib.
“Bir millət, iki dövlət ruhuna sahib olduğumuz Azərbaycanın 28 May Müstəqillik Gününü təbrik edir, bütün azərbaycanlı qardaşlarımızın haqlı qürur və sevincini ürəkdən bölüşürəm. Müstəqillik uğrunda şəhid olan qəhrəmanlarımızı hörmət və rəhmətlə yad edirəm", - paylaşımda vurğulanıb.
28-05-2024, 16:17
Paşinyan keşiş Baqratın planlarını pozdu
Bu gün Ermənistanın baş naziri Nikol Paşinyan dövlət protokolunda səhər saatları üçün nəzədə tutulan ənənəvi tədbirə vaxtında getməyib.
Nikol Paşinyan "Sardarabat" abidəsini ziyarət etməyi təxirə salmaqla əleyhdarlarının planını pozub. Çünki səhər saatlarında "Sardarabat" abidəsinə yürüş edən keşiş Baqrat Srbazan öz tərəfdarları ilə Paşinyanın memorial kompleksinə gəlişini gözləyirdi. Lakin baş nazir həmin tədbirə getməyi təxirə salmaqla orada baş verə biləcək qarşıdurmanı zərərsizləşdirmiş olub. Bununla da o, taktiki və strateji baxımdan vacib addım atıb. Halbuki, Baqrat Srbazan və tərəfdarları "Sardarabat" kompleksində təxribat baş verməsinin və toqquşmanın marağında idilər.
Keşiş və tərəfdarları memorial komlkeksini tərk edəndən sonra baş nazir Nikol Paşinyan "Sardarabat" abidəsini ziyarət edib. Baş nazir Ermənistan prezidenti və parıamentin sədri ilə birlikdə "Sardarapat" abidənin önünə gül dəstələri qoyub. Nikol Paşinyan burada çıxış da edib.
Qeyd edək ki, Ermənistanda ali hakimiyyət nümayəndələrinin "Sardarabat" abidəsini ziyarət etməsi çox önəmli sayılır. 1918-ci il mayın 21-dən 29-na qədər davam etmiş "Sardarabat" döyüşündə erməni qoşunları Osmanlıya qalib gəlmişdilər. Daha sonra paytaxtı İrəvan olan Ermənistan Respublikası elan olunmuşdu.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!