11-05-2024, 19:19
Polis "Eurovision"dakı insidenti araşdırır
İsveç polisi bu günlərdə “Eurovision-2024” beynəlxalq mahnı müsabiqəsinin keçirildiyi Malmö arenasında baş verən insidentlə bağlı qanunsuz təhdid faktları üzrə ilkin araşdırmaya başlayıb.
Mayın 10-da Avropa Yayım İttifaqı (EBU) niderlandlı artıst Yost Klyaynın iştirakı ilə insidenti araşdırdığını elan edib. Ehtimal olunan cinayət Malmö arenasında mayın 9-da baş verib. “Kulturnyheterna”nın məlumatına görə, söhbət Klyaynla fotoqrafın fiziki qarşıdurmasından gedir.
Bununla yanaşı, başlanan ilkin təhqiqatın niderlandlı artistə aid olub-olmaması ilə bağlı polisdə şərh vermək istəmirlər.
“Biz qanunsuz təhdidlər barədə protokol tərtib etdik. “Eurovision”un əməkdaşı olan şikayətçimiz də var, şübhəlimiz də var”, - deyə polis təmsilçisi Evelina Olsson bildirib.
Polisin mətbuat katibi Rikard Lundkvistin sözlərinə görə, onlar baş verən hadisəyə aidiyyəti olanları sorğu-sual ediblər. Şübhəli şəxs də sorğu-sual olunub, lakin saxlanılmayıb. İstintaq baxılması üçün prokurora ötürülüb.
Bundan əvvəl EBU “Eurovision-2024” mahnı müsabiqəsinin finalının cümə məşqinə gəlməyən niderlandlı artist Yost Klyaynla bağlı insidenti araşdırır. Təşkilatçılar məsələni şərh etməyərək növbəti iştirakçıya keçiblər. Sonradan EBU-nun rəsmi bəyanatında bu sözlər yer alıb: “Hazırda biz Niderlanddan olan artistin iştirakı ilə baş verən insident barədə alınan məlumatı araşdırırıq”.
“EBU ilə Niderlandın “AVROTROS” televiziya şirkəti arasında hazırda danışıqlar aparılır. İstintaq davam etdiyindən EBU-nun qərarı ilə Yost Klyayn finaldan kənarlaşdırılıb”, - deyə EBU-da bildiriblər.
İnsident, həmçinin ona gətirib çıxarıb ki, müsabiqədə iştirak etməyən ölkələr üçün ilkin səsvermə fürsəti cari təhqiqat başa çatanadək təxirə salınıb.
11-05-2024, 19:11
“Mançester Siti” liderliyə yüksəldi
Futbol üzrə İngiltərə Premyer Liqasında XXXVII tura start verilib.
Çempionluq mübarizəsi aparan “Mançester Siti” səfərdə “Fulhem”lə qarşılaşıb. Görüş “şəhərlilər”in 4:0 hesablı qələbəsi ilə yekunlaşıb.
Qolları Yoşko Qvardiol (2 qol), Fil Foden və Xulian Alvares vurublar.
Bu nəticədən sonra xallarını 85-ə yüksəldən “Mançester Siti” liderliyə yüksəlib. “Arsenal” isə 83 xalla ikinci pillədə qərarlaşıb.
11-05-2024, 18:22
FHN zəlzələ ilə bağlı məlumat yaydı
Zəlzələ nəticəsində hər hansı dağıntı və ya insan xəsarəti barədə bu vaxtadək Fövqəladə Hallar Nazirliyinə (FHN) məlumat daxil olmayıb.
Bu barədə FHN-in Mətbuat xidmətindən bildirilib.
Azərbaycan Milli Elmlər Akademiyası nəzdində Respublika Seysmoloji Xidmət Mərkəzindən Fövqəladə Hallar Nazirliyinin Böhran Vəziyyətlərində İdarəetmə Mərkəzinə daxil olmuş ilkin məlumata əsasən, 11.05.2024-cü il tarixində yerli vaxtla saat 17:23-də Lənkəran seysmik stansiyasından 16 km şimal-qərbdə, Lənkəran şəhəri, Bəliton kəndi ərazisində 18 km dərinlikdə 5.2 maqnituda zəlzələ qeydə alınıb.
Zəlzələ episentrdə 6 bala yaxın ətraf rayonlarda 5-3 bala qədər hiss olunub.
11-05-2024, 17:39
Rusiyada 21 nazirlik saxlanılır - Baş nazirin 10 müavini olacaq
Rusiya prezidenti Vladimir Putin “Federal icra orqanlarının strukturu haqqında” fərman imzalayıb.
Sənədə əsasən, baş nazirin 1 birinci müavini də daxil olmaqla, 10 müavini olacaq.
Fərmanda deyilir ki, Rusiyanın yeni hökumətində 21 nazirlik saxlanılacaq.
Bundan əlavə, sənədə əsasən, Rusiya prezidentinin Uzaq Şərq Federal Dairəsi üzrə nümayəndəsi və Baş nazirin aparat rəhbəri baş nazirin müavinləri statusuna malik olacaqlar.
11-05-2024, 17:31
Azərbaycanda 5,2 gücündə zəlzələ oldu
Azərbaycanda zəlzələ olub.
Zəlzələlərin Tədqiqatı Bürosunun məlumatına əsasən, mayın 11-də yerli vaxtla saat 17:23:47-də Talış dağlıq zonasında zəlzələ qeydə alınıb.
Yerin 18 km dərinliyində baş verən zəlzələ cənub rayonlarında hiss olunub. Zəlzələnin gücü 5,2 bal olub.
Respublika Seysmoloji Xidmət Mərkəzindən əlavə məlumat veriləcəyi bildirilib.
11-05-2024, 16:54
Bu gecə “Avroviziya-2024”ün finalıdır
Bu gecə İsveçin Malmö şəhərində “Avroviziya-2024” mahnı müsabiqəsinin finalı keçiriləcək.
Finalda 26 ölkə mübarizə aparacaq.
Finalçıların çıxış sırası da artıq məlumdur.
Konserti İsveç təmsilçiləri açacaq, sonuncu isə Avstriyadan olan iştirakçı olacaq.
Çıxışlar aşağıdakı ardıcıllıqla olacaq:
11-05-2024, 16:48
Üsyankar keşiş xaricdəki erməni diasporunu İrəvana çağırdı
Ermənistandakı etiraz aksiyalarına rəhbərlik edən keşiş Baqrat Qalstanyan diaspor ermənilərinə müraciət ünvanlayıb.
Üsyankar keşiş xaricdəki erməni diasporunu ölkədəki etirazlara qoşulmağa çağlırlb.
“Biz çox şadıq ki, Ermənistanın hazırkı hakimiyyətinin mahiyyət etibarı ilə ərazilərimizin Azərbaycana birtərəfli güzəştli hərəkətlərini bəyənmədiyinizi ifadə edirsiniz. Biz sizi təşkil edilmiş dəstək mitinqlərinə qoşulmağa və səsinizi ucaltmağa çağırırıq, bunu ümumerməniləşdirməliyik”, - arxiyepiskop bildirib.
O, həmçinin deyib edib ki, birləşmə sayəsində baş nazir Nikol Paşinyanı istefaya məcbur edə biləcəklər.
11-05-2024, 16:48
Üsyankar keşiş xaricdəki erməni diasporunu İrəvana çağırdı
Ermənistandakı etiraz aksiyalarına rəhbərlik edən keşiş Baqrat Qalstanyan diaspor ermənilərinə müraciət ünvanlayıb.
Üsyankar keşiş xaricdəki erməni diasporunu ölkədəki etirazlara qoşulmağa çağlırlb.
“Biz çox şadıq ki, Ermənistanın hazırkı hakimiyyətinin mahiyyət etibarı ilə ərazilərimizin Azərbaycana birtərəfli güzəştli hərəkətlərini bəyənmədiyinizi ifadə edirsiniz. Biz sizi təşkil edilmiş dəstək mitinqlərinə qoşulmağa və səsinizi ucaltmağa çağırırıq, bunu ümumerməniləşdirməliyik”, - arxiyepiskop bildirib.
O, həmçinin deyib edib ki, birləşmə sayəsində baş nazir Nikol Paşinyanı istefaya məcbur edə biləcəklər.
11-05-2024, 16:41
Əfqanıstanda fəlakət: 153 ölü, 138 yaralı
Əfqanıstanın şimalında daşqınlar nəticəsində ölənlərin sayı üç əyalətdə 153 nəfərə çatıb.
Bunu ölkənin Daxili İşlər Nazirliyi şənbə günü bildirib.
Nazirliyin sözçüsü Əbdül Mətin Kani “Reuters” agentliyinə deyib ki, Baqlan, Taxar və Bədəxşan əyalətlərinin şimalında baş verən daşqınlarda ən azı 138 nəfər xəsarət alıb.
Əfqanıstan rəsmiləri 100-dən çox adamın qapalı vəziyyətdə qalması xəbərini aldıqdan sonra mülki şəxslərə yardım etmək üçün helikopterlər göndərib.
Ümumdünya Səhiyyə Təşkilatının (ÜST) məlumatına görə, çoxlu insan evsiz qalıb, nəqliyyat, su təchizatı və kanalizasiya şəbəkəsi ciddi şəkildə pozulub.
11-05-2024, 16:25
Prezident və birinci xanım “Xarıbülbül” Festivalında - VİDEO
Azərbaycan Respublikasının Prezidenti İlham Əliyev və birinci xanım Mehriban Əliyeva Şuşa şəhərində “Xarıbülbül” VII Beynəlxalq Musiqi Festivalının açılışında iştirak ediblər.
Dövlətimizin başçısı tədbirdə çıxış edib.
Sonra ICESCO-nun Baş direktoru Salim bin Məhəmməd əl-Malik çıxış edib.
Çıxışlardan sonra açılış konserti keçirilib.
Konsertdə “Xarıbülbül”ün bütün iştirakçılarının yer aldığı açılış kompozisiyasının müşayiəti ilə 27 Qarabağ atından ibarət süvari dəstə ICESCO-ya üzv ölkələrin bayraqları ilə Cıdır düzünə daxil olub.
Açılış konsertində müxtəlif ölkələrdən məşhur ifaçılar - Azərbaycandan Xalq artistləri Arif Babayev, Gülyanaq Məmmədova, Polad Bülbüloğlu, Zeynəb Xanlarova, Zülfiyyə Xanbabayeva, Sevda Ələkbərzadə, Əməkdar artist Rəşad İlyasov, Qazaxıstandan Əməkdar artist Əlişer Kərimov, Qvineyadan Aboubakar Silla, Özbəkistandan Xalq artisti Nəsibə Abdullayeva, Türkiyədən Hüsnü Şenlendirici, həmçinin “Aşıqlar qrupu”, Azərbaycan Dövlət Rəqs Ansamblı, “Natiq” ritm qrupu, Birləşmiş Ərəb Əmirliklərindən “Almazyood”, İndoneziyadan “Sendja Community”, Qətərdən “Qılınc rəqqasları”, Mərakeşdən “Tizwit” qrupları, Özbəkistandan “Navbahor” Mahnı və Rəqs Ansamblı, Türkiyədən “Anadolu atəşi” rəqs qrupu və digərləri çıxış ediblər. Konsert iştirakçıların ifasında festivalı rəmzi olaraq təcəssüm etdirən “Səsin gəlsin, Xarıbülbül” mahnısı ilə yekunlaşıb.
Xatırladaq ki, festival mayın 12-də Şuşada, 13-də isə Laçında davam edəcək.
Heydər Əliyev Fondunun və Mədəniyyət Nazirliyinin təşkilatçılığı ilə keçirilən festivalın proqramı ifaçıların və repertuarın zənginliyi, fərqli təqdimatlar ilə seçilir. Builki festivalın iştirakçıları arasında həm də ICESCO-ya üzv ölkələrdən ifaçılar və yaradıcı kollektivlər yer alıb. Möhtəşəm mədəniyyət hadisəsinə çevrilən “Xarıbülbül” Beynəlxalq Musiqi Festivalında Azərbaycanla yanaşı, Birləşmiş Ərəb Əmirlikləri, İndoneziya, İran, Qazaxıstan, Qətər, Qvineya, Mərakeş, Özbəkistan, Türkiyə də təmsil olunur.
Qeyd edək ki, Şuşa şəhəri 2024-cü il üçün “İslam dünyasının mədəniyyət paytaxtı” elan olunub. Azərbaycan Respublikasının Prezidenti İlham Əliyev ötən ilin noyabrında bununla bağlı tədbirlər haqqında Sərəncam imzalayıb.
Şuşanın rəmzi olan gülün adını daşıyan “Xarıbülbül” Musiqi Festivalı 1989-cu ildən keçirilir. Festival həmin il may ayında məşhur xanəndə, pedaqoq, Xalq artisti Seyid Şuşinskinin 100 illik yubileyi ilə əlaqədar Ağdam rayonunun Abdal Gülablı kəndində başlayıb, Şuşada davam edib və Ağdamda yekun konsertlə başa çatıb. “Xarıbülbül” festivalı 1990-cı ildə beynəlxalq status alıb. Qarabağ münaqişəsinin başlaması ilə əlaqədar əsas konsertlər Ağdamda təşkil edilib. Festivalın bir sıra konsertləri Ağcabədi və Bərdə də təşkil olunub.
Vətən müharibəsindəki tarixi Zəfərimiz nəticəsində torpaqlarımız işğaldan azad olunduqdan sonra festival yenidən Şuşada keçirilir. Bu il isə festivalın məkanı genişlənərək Laçını da əhatə edir.
Dünyanın bir çox ölkələrindən çoxsaylı musiqiçilərin iştirak etdikləri bu dostluq və musiqi bayramı mədəni irsimizin zəngin ənənələrinin qorunub saxlanılması ilə yanaşı, müxtəlif ölkələri təmsil edən musiqiçilərə ünsiyyət və əməkdaşlıq üçün əlverişli şərait yaradaraq mədəniyyətlərarası dialoqun möhkəmləndirilməsinə töhfə verir.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!