29-06-2024, 16:13
Parlament seçkilərində seçkiqabağı təşviqata 9 avqustda başlanacaq
Növbədənkənar parlament seçkilərində seçkiqabağı təşviqata nə zaman başlanacağı məlum olub.
Bu, “Azərbaycan Respublikasının Milli Məclisinə növbədənkənar seçkilərin hazırlanıb keçirilməsi üzrə əsas hərəkət və tədbirlərin Təqvim Planı”nda əksini tapıb.
Qeydə alınmış namizədlər, namizədi qeydə alınmış siyasi partiyalar, siyasi partiyaların blokları, səlahiyyətli nümayəndələri seçkiqabağı təşviqatın aparılmasına səsvermə gününə 23 gün qalmış başlamalı və səsvermənin başlanmasına 24 saat qalmış dayandırmalıdırlar.
Növbədənkənar parlament seçkilərində seçkiqabağı təşviqatın aparılmasına 9 avqustda başlanacaq, 31 avqust saat 8:00-da seçkiqabağı təşviqat dayandırılacaq.
29-06-2024, 15:48
Prezidentdən pensiyalarla bağlı sərəncam
Azərbaycanda bir sıra vəzifəli şəxslərin qulluq stajına görə əmək pensiyasına əlavələrin hesablanması qaydası dəyişib.
Bu, Prezident İlham Əliyevin iyunun 29-da “Əmək pensiyaları haqqında” qanuna dəyişikliyi imzalaması ilə mümkün olub.
Dəyişiklik əmək pensiyası yaşına çatmış və ya bu yaşa çatanadək orqanizmin funksiyalarının 81-100 faiz pozulmasına görə əlilliyi müəyyən edilmiş sabiq deputatlar, Mərkəzi Seçki Komissiyasının (MSK) və Naxçıvan Muxtar Respublikası MSK-nın üzvü kimi azı səlahiyyət müddətinin yarısı qədər sığorta stajı olan MSK və Naxçıvan MSK-nın üzvləri, İnsan hüquqları üzrə müvəkkil (Ombudsman) və Naxçıvan Ombudsmanı kimi azı səlahiyyət müddətinin yarısı qədər sığorta stajı olan Ombudsman və Naxçıvan Ombudsmanı və Hesablama Palatasının üzvü kimi azı səlahiyyət müddətinin yarısı qədər sığorta stajı olan Hesablama Palatasının üzvlərinə şamil olunacaq.
Həmin şəxslər üçün 2024-cü il iyulun 1-dən pensiyaya əlavələrin təyinatında pensiya təyinatı tarixinədək əməkhaqqındakı sonrakı artımlar da nəzərə alınmaqla səlahiyyət müddəti ərzində müvafiq vəzifə üzrə aldığı əməkhaqqının orta aylıq məbləğinin 80 faizi miqdarı prinsipi əsas götürüləcək. Eyni zamanda bu şəxslərə “Əmək pensiyaları haqqında” qanunun 2024-cü il iyulun 1-dək qüvvədə olan normaları tətbiq ediləcək.
29-06-2024, 15:38
Belarusla bağlı protokol təsdiqləndi
Bakı şəhərində 2024-cü il mayın 16-da imzalanmış “Azərbaycan Respublikası Hökuməti ilə Belarus Respublikası Hökuməti arasında malların mənşəyinin sertifikatlaşdırılmasının elektron sisteminin qarşılıqlı tətbiqi haqqında Protokol” təsdiq edilib.
Prezident İlham Əliyev bununla bağlı Fərman imzalayıb.
Fərmana əsasən, Protokol qüvvəyə mindikdən sonra Azərbaycan İqtisadiyyat Nazirliyi və Azərbaycan Dövlət Gömrük Komitəsi onun müddəalarının həyata keçirilməsini təmin etməlidirlər.
Xarici İşlər Nazirliyi Protokolun qüvvəyə minməsi üçün zəruri olan dövlətdaxili prosedurların yerinə yetirildiyi barədə Belarus Respublikası Hökumətinə bildiriş göndərməlidir.
29-06-2024, 14:29
Putin Ermənistana görə Narışkini danladı: "Düşmənlərimizlə otururlar..."
Rusiya Prezidenti Vladimir Putin Ermənistan ətrafında yaranmış vəziyyətə görə Xarici Kəşfiyyat Xidmətinin rəisi Sergey Narışkini təxminən 10 dəqiqə danlayıb.
Bu barədə Kremlə yaxın teleqram kanalları məlumat yayıb
Buna səbəb Qərb ölkələrinin Ermənistanla yaxınlaşması olub.
Kanal qeyd edir ki, İrəvan iyulda baş tutacaq NATO sammitinə öz nümayəndə heyətini Vaşinqtona göndərəcəyini təsdiqləyib.
Putin bildirib ki, Xarici Kəşfiyyat Xidməti Qafqazda qarşıya qoyulan bütün vəzifələrin öhdəsindən gəlmir. Putinin fikrincə, bu, Narışkinin şəxsi günahıdır.
Müzakirə zamanı Xarici Kəşfiyyat Xidmətinin rəisi NATO sammitinin əhəmiyyətsiz bir hadisə olduğunu izah etməyə çalışıb.
“Amma indi Ermənistan bizim düşmənlərimizlə masa arxasında oturub, bu, faktiki olaraq bizim şş düşmənimizdir”, - Putin belə cavab verib.
29-06-2024, 14:17
Qarpız dolu yük maşını dərəyə aşdı
Şamaxıda yol qəzası baş verib.
Hadisə bu gün günorta saatlarında Şamaxı-Çöl Göylər-Padar avtomobil yolunda qeydə alınıb. İlkin məlumata görə, Kürdəmirdən Şamaxı istiqamətində hərəkətdə olan yük avtomobili yoldan çıxaraq aşıb və dərəyə yuvarlanıb.
Qəza nəticəsində qarpız dolu yük avtomobili yararsız hala düşüb.
Hadisədən sonra müxtəlif dərəcəli bədən xəsarətləri alan sürücü və sərnişin Şamaxı Rayon Mərkəzi Xəstəxanasına yerləşdirilib.
Faktla bağlı araşdırma aparılır.
29-06-2024, 13:29
"Qərbi Azərbaycan Kubok"u uğrunda
Əziz oxucular, xəbər verdiyimiz kimi İyunun 26-da "Qərbi Azərbaycan Kubok"u uğrunda mini futbol turnirinin açılış mərasimi keçirilib.
Tarixdə ilk dəfə təşkil olunan mini futbol turnirində Qərbi Azərbaycanın rayon icmalarını təmsil edən gənclərdən ibarət 20 komanda iştirak edib. Bunlar "Axta", "Amasiya", "Basarkeçər", "Böyük Qarakilsə", "Barana", "Çəmbərək", "Qarakilsə", "Qəmərli", "Qafan", "Gorus", "Keşişkənd", "Karvansaray", "Loru mahalı", "Meğri", "Hamamlı", "İrəvan", "Paşalı", "Vedi", "Sərdarabad" və "Zəngibasar" komandalarıdır.
İyul ayının 1-də komandalardan altısı arasında yarış keçiriləcək. "Axta"-"Basarkeçər" komandaları saat 12-də, "Qafan"- "Sərdarabad" saat 13-də"Paşalı" ilə "Loru" komandaları isə saat 14-də qarşılaşacaq.
Yarış Bakı Tennis Akademiyasında keçiriləcək. Yarış iştirakçılarının hər birinə uğur arzulamaqla idman həvəskarlarımızı, vətənsevərlərimizi Qərbi Azərbaycan gənclərini ruhlandırmaq üçün stadiona dəvət edirik.
Dərin hörmətlə: Tamxil Ziyəddinoğlu,
Qərbi Azərbaycan İcması Ziyalılar Şurasının üzvü
29-06-2024, 13:26
Zakir Həsənov Macarıstanda daha bir görüş keçirdi
Macarıstanda rəsmi səfərdə olan Azərbaycan Respublikasının müdafiə naziri general-polkovnik Zakir Həsənov bu ölkənin Milli Assambleyasının sədr müavini cənab Çaba Hende ilə görüşüb.
Bu barədə Müdafiə Nazirliyindən bildirilib.
Görüşdə ölkələr arasında münasibətlərin inkişafında ölkə rəhbərlərinin xüsusi rolu vurğulanaraq bütün sahələrdə olduğu kimi, hərbi sahədə də birgə əməkdaşlığın uğurla davam etdirildiyi qeyd olunub.
Tərəflər, həmçinin iki ölkə arasındakı ikitərəfli əməkdaşlığın perspektivləri barədə geniş fikir mübadiləsi aparıblar.
29-06-2024, 13:17
Qazidən "şirinlik" istəyən həkim işdən ÇIXARILDI
Bir neçə gün öncə sosial şəbəkə platformalarında Lökbatan Tibb Mərkəzinin tərkibindəki 4 saylı doğum evində tibb işçisinin qızı dünyaya gələn qazidən “şirinlik” tələb etməsi ilə bağlı görüntü yayılmışdı. Görüntüyə görə, həmin şəxs “şirinlik” məbləği az olduğu üçün ataya etirazını bildirirdi.
TƏBİB-dən bildirilib ki, sözügedən görüntüdə əks olunan hadisə ilə bağlı TƏBİB tərəfindən geniş araşdırma aparılaraq müvafiq inzibati tədbirlər görülüb:
"Araşdırmanın yekun nəticələrinə əsasən, Lökbatan Tibb Mərkəzinin tabeliyində fəaliyyət göstərən 4 nömrəli Doğum evinin Doğum şöbəsinin həkim-mama-ginekoloqu Məmmədova Sevinc Malik qızının əmək müqaviləsinə iyunun 27-də xitam verilib".
Xatırladaq, iyunun 19-da saat 11:05 radələrində 2005-ci il təvəllüdlü şəxs doğuş üçün Lökbatan Tibb Mərkəzinin nəznində yerləşən 4 saylı Doğum evinə müraciət edib. Doğum şöbəsinin həkimi mama-ginekoloq Sevinc Məmmədovanın iştirakı ilə saat 13:30-da radələrində pasiyentin qız övladı dünyaya gəlib.
29-06-2024, 12:32
İran seçkiləri: Heç bir namizəd qalib gəlmədi - İkinci tur olacaq
İranda keçirilən prezident seçkilərinin birinci turunda heç bir namizəd mütləq səs çoxluğu əldə edə bilməyib.
Məlumatı artıq İran Daxili İşlər Nazirliyi yanında Seçki Qərargahı təsdiqləyib.
Namizədlərdən heç biri 50 faizdən artıq səs toplaya bilmədiyi üçün seçkilərin ikinci turu keçiriləcək.
İkinci turda ən çox səs toplayan iki namizəd - islahatçı Məsud Pezeşkian və mühafizəkar Səid Cəlili yarışacaq.
Ümumilikdə 24,535,185 bülleten hesablanıb. Məsud Pezeşkian 10,415,991 səslə liderlik edir. İkinci yerdə 9,473,298 səslə Səid Cəlilidir.
Seçkilərin ikinci turu iyulun 5-i baş tutacaq.
29-06-2024, 11:51
Mirzoyan Azərbaycanla sülhdən danışdı
Ermənistanın xarici işlər naziri Ararat Mirzoyan Azərbaycanla sülh müqaviləsinin Cənubi Qafqazda sabit sülh nöqteyi-nəzərindən əhəmiyyətini vurğulayıb.
Bu barədə o, alban həmkarı İqli Hasani ilə görüşdə danışıb.
Mirzoyan normallaşma prosesini Xorvatiyanın Dubrovnik şəhərində keçirilən forumda alban həmkarına təqdim edib.
Görüşdə Ermənistan-Albaniya münasibətlərinin inkişaf perspektivləri də müzakirə olunub.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!