Xəbərlərin siyahısı: Avqust 2024 illər » Səhifə 44

Əlaqə Haqqımızda

Azərbaycan və Türkiyənin XİN Başçıları görüşdü

Dr. Müqəddəs Sancar və Səlcuq Bayraktar.

“Qarabağın xalça xəritəsi” - FOTO

Andımız

Fars tədqiqatçıdan sərsəm iddia

ARZULARIM KİMLƏRƏSƏ NAĞIL KİMİ GƏLİRDİ...

Təbrik edirik!

DƏYƏRLƏRƏ SADİQ DOĞRU İNSAN - SADİQ QURBANOV

Azərbaycan əsgəri yenilməz və dəyanətlidir!

Bakıda ''Azərbaycan kəlağayılarının təbliği'' layihəsi icra olunub.

Görüşünüzə el oğlu kimi gəlmişəm

Yaxşıların önündəki Məryəm Gəncəliyeva

“MƏN, SƏN YOX, BİZ VARIQ”!

Amerikada koronavirusun yeni ştammı yayılır ..... "Bu, kişiliyə yaraşan bir hərəkət deyil" ..... Ağdamın Xıdırlı kəndindən FOTOLAR ..... “İmarət” stadionunun təməli qoyuldu - FOTO ..... Dövlət başçısı Xankəndidə uşaq bağçasının açılışında ..... Bakıda körpünün üzərində iki maşın yanır ..... Azərbaycanda abortla bağlı dəhşətli statistika - əksəriyyəti gəncdir ..... Rusiya bazarında ən populyar HİBRİD AVTOMOBİLLƏR ..... 3000-dən çox şəxsin yaralanmasına səbəb olan peycerlər - TARİX .....

12-08-2024, 16:21

"Kurskda 28 yaşayış məntəqəsi Ukraynanın nəzarətindədir"

Rusiyanın Kursk vilayətində Ukraynanın nəzarətində olan 28 yaşayış məntəqəsi var.
Bunu qubernator vəzifəsini icra edən Aleksey Smirnov bildirib.
O əlavə edib ki, orada 2 minə yaxın insan yaşayır. Smirnovun sözlərinə görə, Ukrayna qüvvələrinin bölgəyə nüfuz etmə dərinliyi 12 km, eni 40 km-dir.
Qeyd olunub ki, Kursk vilayətində 180 min insan təxliyə olunmalıdır.

"Kurskda 28 yaşayış məntəqəsi Ukraynanın nəzarətindədir"

12-08-2024, 16:04

Dənizdən iki nəfərin meyiti çıxarıldı

Bakıda dənizdə batan iki nəfərin meyiti tapılıb.
Bu barədə FHN-dən məlumat verilib.
Bildirilib ki, avqustun 12-də Bakı şəhəri, Xəzər rayonu, Buzovna qəsəbəsi yaxınlığında dənizdə (ən yaxın sularda xilasetmə məntəqəsindən təqribən 800 m aralı, nəzarətsiz ərazi) 2 nəfərin batması ilə əlaqədar aparılan axtarış işləri yekunlaşıb.
Fövqəladə Hallar Nazirliyinin Kiçikhəcmli Gəmilərə Nəzarət və Sularda Xilasetmə Dövlət Xidməti tərəfindən həyata keçirilən tədbirlər nəticəsində batan şəxslərin meyiti dalğıc-xilasedicilər tərəfindən tapılaraq çıxarılıb və aidiyyəti üzrə təhvil verilib.

Dənizdən iki nəfərin meyiti çıxarıldı

12-08-2024, 15:40

Dövlət qulluğuna qəbulun nəticələri

Dövlət qulluğuna qəbul və dövlət qulluğunda fəaliyyətin davam etdirilməsi üzrə imtahanların nəticələri elan olunub.
Mərkəz 2024-cü il avqustun 11-də inzibati icraçı vəzifələrə (B növü) aid vəzifə qrupları üzrə dövlət qulluğuna qəbul və inzibati icraçı vəzifələrə aid BB vəzifə qrupları üzrə dövlət qulluğunda fəaliyyətin davam etdirilməsi imtahanı keçirib.
Kağız daşıyıcılar vasitəsilə keçirilən hər iki imtahanın nəticələri DİM-in saytında yerləşdirilib. Namizədlər imtahanın nəticələri haqqında məlumatı, mobil operatorlar (Azercell, Bakcell, Nar, Naxtel) vasitəsilə “iş nömrəsi”ni 7727 nömrəsinə göndərməklə də öyrənə bilərlər.

Dövlət qulluğuna qəbul imtahanı

İmtahanda iştirak etmək üçün qeydiyyatdan keçən 2215 namizəddən 45 nəfər imtahana gəlməyib.
İmtahan nəticələrinə əsasən, BA1 altqrupu üzrə 9 nəfər, BA2 altqrupu üzrə 16 nəfər, BA3 altqrupu üzrə 40 nəfər, BA4 altqrupu üzrə 56 nəfər, BB1 altqrupu üzrə 116 nəfər, BB2 altqrupu üzrə 163 nəfər, BB3 altqrupu üzrə 252 nəfər, BB4 altqrupu üzrə 260 nəfər olmaqla, ümumilikdə 912 namizəd tələb olunan müsabiqə şərtlərini ödəyərək uğur qazanıb.
Test imtahanından müvəffəqiyyətlə keçən namizədə altqruplara daxil olan vəzifələrə uyğun olaraq sertifikat veriləcək. Sertifikatın qüvvədə olma müddəti 5 ildir.
Test imtahanından müvəffəqiyyətlə keçən namizəd sertifikatı əldə etmək üçün avqustun 13-dən 26-dək DİM-in portalında müraciət formasını doldurmalıdır. Namizədin təqdim etdiyi məlumatların düzgünlüyünün yoxlanılması məqsədi ilə aşağıdakı sənədlərin “skan” edilmiş surətləri formaya əlavə edilir:

ali təhsil haqqında sənədin surəti;
əmək kitabçasının surəti (olduğu halda).
Dövlət qulluğunda fəaliyyətin davam etdirilməsi (BB vəzifə qrupu) üzrə imtahan

Dövlət qulluğunda fəaliyyətin davam etdirilməsi imtahanında 153 namizəd iştirak edib.
İmtahan nəticələrinə əsasən, BB1 altqrupu üzrə 21, BB2 altqrupu üzrə 33, BB3 altqrupu üzrə 31, BB4 altqrupu üzrə 40 nəfər olmaqla, ümumilikdə 125 namizəd tələb olunan şərtləri ödəyərək uğur qazanıb.
Test imtahanından müvəffəqiyyətlə keçən namizədlərə altqruplara daxil olan vəzifələrə uyğun olaraq sertifikat veriləcək. Sertifikatın qüvvədə olma müddəti 5 ildir.
Hər iki imtahan nəticələri ilə bağlı apellyasiya komissiyasına müraciət etmək istəyənlər 13 avqust saat 10:00-dan 15 avqust 17:00-dək DİM-in saytında yerləşdiriləcək elektron ərizəni doldurmaqla qeydiyyatdan keçə bilərlər. Göstərilən müddət ərzində qeydiyyatdan keçməyənlər sonradan apellyasiya üçün müraciət edə bilməyəcəklər.
Bir namizədin ərizəsi (müraciəti) üzrə ən çox 15 dəqiqə müzakirə aparıla bilər. Ayrılan vaxt bitdikdə, kənar şəxs müzakirəyə qoşulduqda və ya etik davranış qaydaları pozulduqda müzakirə prosesi dayandırılır.

Dövlət qulluğuna qəbulun nəticələri

12-08-2024, 15:37

İstefa verən MSK sədrinin yerinə yeni üzv seçiləcək

Naxçıvan Muxtar Respublikası Ali Məclisinin növbədənkənar sessiyası çağırılıb.
Bu barədə Naxçıvan Muxtar Respublikası Ali Məclisi sədrinin müavini Anar İbrahimov qərar imzalayıb.
Sessiya avqust ayının 12-dən başlayacaq. İclasların gündəliyinə “Naxçıvan Muxtar Respublikasının 2024-cü il büdcəsi haqqında” Naxçıvan Muxtar Respublikasının Qanununda dəyişiklik edilməsi və Naxçıvan Muxtar Respublikası Mərkəzi Seçki Komissiyasının tərkibində dəyişiklik edilməsi məsələləri əlavə edilib.
Əldə etdiyimiz məlumata görə, Ali Məclis Naxçıvan Mərkəzi Seçki Komissiyasının sədri Əjdər Əliyevin yerinə yeni üzv seçiləcək. Qeyd edək ki, o, bir müddət əvvəl tutduğu vəzifədən istefa verib. Məlumata görə, Əjdər Əliyev Ali Məclisə seçkilərdə iştirak etmək və deputat seçilmək niyyətindədir.
Naxçıvan Mərkəzi Seçki Komissiyasına yeni üzv seçildikdən sonra qurumun sədri də müyyənləşəcək.

İstefa verən MSK sədrinin yerinə yeni üzv seçiləcək

12-08-2024, 15:30

Xankəndidə silah-sursat tapılıb - VİDEO

Vətən müharibəsi və antiterror əməliyyatlarından sonra Böyük Qayıdış prosesinin sürətləndirilməsi və təhlükəsizliyin etibarlı təmin edilməsi məqsədilə Daxili İşlər Nazirliyinin əməkdaşları qarşıya qoyulan tapşırıqları peşəkarlıqla icra edirlər.
DİN-in mətbuat xidmətindən verilən xəbərə görə, müharibə qalıqları, təhlükə mənbələrinin aşkarlanıb zərərsizləşdirilməsi prosesi fasiləsiz davam etdirilir. "Bölgənin silah-sursatlardan, partlayıcı maddələrdən təmizlənməsi işi xidmətə cəlb edilən daxili işlər orqanları əməkdaşlarının əsas fəaliyyət istiqamətlərindən biridir.
Həyata keçirilən tədbirlərlə ötən həftə polis əməkdaşları tərəfindən Xankəndi şəhəri ərazisindən 38 avtomat silahı, 2 pulemyot, 9 tapança, 14 tüfəng, 69 qumbara, 1 qumbaraatan, 61 alışdırıcı, 1 mərmi, 10 mina, 11 kiloqram barıt, 9 gecəgörmə cihazı, 31 süngü-bıçaq, 26 rabitə vasitəsi, 197 patron darağı, 19986 ədəd müxtəlif çaplı patron və digər sursatlar, Xocavənd rayonu ərazisindən 4 avtomat silahı, Füzuli rayonu ərazisindən 2 avtomat silahı, 1 qumbaraatan, 3 pulemyot, 4 mərmi partlayıcısı, 1050 ədəd müxtəlif çaplı patron, Xocalı rayonu ərazisindən 6 avtomat silahı, 1 tapança, 2 tüfəng, 7 qumbara, 5 alışdırıcı, 160 ədəd müxtəlif çaplı patron aşkar edilərək götürülüb"-deyə məlumatda deyilir.

Xankəndidə silah-sursat tapılıb - VİDEO

12-08-2024, 15:13

Ötən ay aşkarlanan minaları sayı

İşğaldan azad edilmiş ərazilərdə Azərbaycan Respublikasının Minatəmizləmə Agentliyi (ANAMA) tərəfindən icra olunan əməliyyatlar barədə həftəlik (05.08.2024 - 11.08.2024) məlumat açıqlanıb.
ANAMA-dan verilən məlumata görə, Tərtər, Ağdam, Ağdərə, Laçın, Füzuli, Şuşa, Xocalı, Xankəndi, Kəlbəcər, Xocavənd, Cəbrayıl, Qubadlı və Zəngilanda 163 piyada əleyhinə mina, 44 tank əleyhinə mina, 10 040 Partlamamış Hərbi Sursat (PHS) aşkarlanıb.
Bildirilib ki, 1 224,3 hektar ərazi mina və PHS-lərdən təmizlənib.

Ötən ay aşkarlanan minaları sayı

12-08-2024, 15:04

Prezident təsdiqlədi: Əmək müqavilələri elektron qaydada bağlanacaq

Əmək müqaviləsi elektron informasiya sistemində elektron sənəd formasında bağlanacaq, əmək müqaviləsi bildirişi ləğv olunur.
Bu, Prezident İlham Əliyevin tətbiqi barədə Fərman imzaladığı Əmək Məcəlləsinə dəyişiklikdə əksini tapıb.
Qanuna əsasən, siyahısı müvafiq icra hakimiyyəti orqanı tərəfindən təsdiq edilmiş dövlət orqanlarında çalışan, eləcə də əmək müqavilələrinə 2014-cü il iyulun 1-dək xitam verilmiş işçilərin əmək stajı onların əmək kitabçası əsasında müəyyən ediləcək.
Əmək Məcəlləsinə dəyişiklik qüvvəyə mindiyi tarixdən elektron informasiya sistemində məlumatları mövcud olan əmək kitabçaları işəgötürənlər tərəfindən işçilərə təhvil veriləcək. Bu qanun qüvvəyə mindiyi günədək bağlanılmış əmək müqavilələrinin elektron sənəd formasına keçirilməsi müvafiq icra hakimiyyəti orqanının müəyyən etdiyi orqanın (qurumun) müəyyən etdiyi mərhələlərə uyğun olaraq həyata keçiriləcək.

Prezident təsdiqlədi: Əmək müqavilələri elektron qaydada bağlanacaq

12-08-2024, 14:53

İranın yeni müdafiə
və xarici işlər nazirləri kimdir

İran Prezidenti Məsud Pezeşkian Nazirlər Kabinetinin üzvlərini siyahısını parlamentə təqdim edib. Parlamentdə təqdim olunan şəxslərə etimad səsverməsi keçiriləcək. Nazirlər Kabinetinin üzvlərinin orta yaşı 59 il 7 aydır. Ən gənc nazirin yaşı 47, ən qocasının isə 66 yaşı var.
Bundan əvvəllər xarici işlər nazirinin müavini vəzifəsini tutan Seyid Abbas Əraqçi ölkənin yeni XİN başçısı olacaq.
Bir neçə dəfə Azərbaycana səfər edən Əraqçi 1962-ci ildə Tehranda anadan olub. O, Xarici İşlər Nazirliyinin Beynəlxalq Münasibətlər Məktəbinin fakültəsinin beynəlxalq münasibətlər üzrə bakalavr dərəcəsinə, İslami Azad Universitetinin siyasi elmlər üzrə magistr dərəcəsinə və Kent Universitetində siyasi fikir üzrə doktorluq dərəcəsinə malikdir.
Əraqçi 1989-cu ildə diplomatik xidmətə başlayıb. O, 1990-cı illərin əvvəllərində Səudiyyə Ərəbistanının Ciddə şəhərində yerləşən İran İslam Respublikasının İslam Konfransı Təşkilatı yanında Daimi Nümayəndəliyinin müvəqqəti işlər vəkili, Finlandiya (1999-2003) və Yaponiyada (2007-2011) səfir vəzifələrində çalışıb.
Səfir olmamışdan əvvəl Əraqçı Siyasi və Beynəlxalq Araşdırmalar İnstitutunun (IPIS) baş direktoru vəzifəsində çalışıb. 2004-2005-ci illərdə Beynəlxalq Münasibətlər Məktəbinin rektoru olub.
O, Həsən Ruhani hökumətində Qərb ölkələri ilə İranın baş nüvə müzakirəçisi kimi fəaliyyət göstərib.
Əziz Nəsirzadə isə yeni hökumətdə müdafiə naziri vəzifəsində çalışacaq. O, 1965-ci ildə Şərqi Azərbaycan əyalətinin Sərab şəhərində anadan olub.
İran-İraq müharibəsində F-14 qırıcısının pilotu kimi iştirak edən Nəsirzadə orduda müxtəlif vəzifələrdə çalışıb. Müharibədən sonra Nəsirzadə İran İslam Respublikasının İtaliyadakı hərbi attaşesi olub.
O, İran İslam Respublikası Silahlı Qüvvələrinin Baş Qərargah rəisinin müavini vəzifəsini icra edib.

İranın yeni müdafiə və xarici işlər nazirləri kimdir

12-08-2024, 14:53

İranın yeni müdafiə və xarici işlər nazirləri kimdir

12-08-2024, 07:27

“GƏNCLİYİN RƏNGLƏRİ” - Dünyamıza xoş gəldiniz!

Şəkidə Beynəlxalq Gənclər Günü münasibətilə “Gəncliyin rəngləri” adlı rəsm sərgisinin keçirilməsi şəhər ictimaiyyəti, sənətsevərlər və şəhərin qonaqları üçün əsl sürpriz oldu. Sərgidəki əsərlərlə tanış olan qonaqlar mərasim boyunca səsləndirilən bir-birindən gözəl, rəngarəng musiqilərin sədaları altında rəqs edib şənləndilər, sərgidən xoş təəssüratlarla ayrıldılar.

M.F.Axundzadə adına Şəki Şəhər Mədəniyyət Mərkəzinin tabeliyində fəaliyyət göstərən, Şəkimizin ən mənzərəli yerində qərar tutan“Narınqala” Folklor evinin təşkilatçılığı ilə istedadlı gənc rəssam Gül Narın Gənclər gününə həsr olunmuş fərdi yaradıcılıq sərgisinin açılışı oldu. Qeyd edək ki, may ayında Nakam adına Şəki Mərkəzi Kitabxanasında böyük uğurla keçirilmiş ilk fərdi sərgisi ilə sənətsevərlərin görüşünə gələn gənc rəssam Gülnar Məmmədli Baş Zəyzid kənd tam orta məktəbinin X sinif əlaçı şagirdidir. Bu gün baş tutan ikinci sərgisində Gül Narın 80-ə yaxın rəsm əsəri nümayiş olunurdu.
Şəhər ziyalılarının, məktəblilərin, pedaqoji kollektivlərin böyük sevgi ilə qatıldıqları sərgi dünyanın müxtəlif ölkələrindən Şəkimizi gəzməyə gəlmiş çoxsaylı turistlərin diqqətini xüsusilə cəlb etdi. Əcnəbi qonaqların hər biri gənc rəssamın bütün əsərləri haqda ayrı-ayrılıqda müəllifin öz dilindən açıqlamasını eşitmək istəyirdi. Hətta gənc rəssamın əsərlərini almaq istəyən çox sayda qonağın "arzusu gözündə qaldı". Çünki nümayiş olunan əsərlər satılmırdı.

Böyük coşqu ilə keçən təqdimatda çıxış edənlərin hər biri Gül Narın geniş ictimaiyyətə təqdim edilən müxtəlif mövzulu əsərlərinin onun parlaq gələcəyindən xəbər verdiyini xüsusilə vurğulayırdı.
Tədbirdə Şəki şəhər Gənclər və İdman İdarəsinin baş məsləhətçisi Səbahət Bağırova, filologiya üzrə fəlsəfə doktoru, şair-publisist Qiymət Məhərrəmli, M.F.Axundzadə adına Mədəniyyət Mərkəzinin direktoru Ağaəli Cəlilov və digər ziyalılar çıxış edərək, gənc istedadların fərdi qabiliyyətlərinin üzə çıxarılmasına dövlət qayğısından danışdılar, Gənclər Günü ərəfəsində belə bir möhtəşəm sərginin keçirilməsinə vəsilə olduqları üçün “Narınqala” Folklor evinin əməkdaşlarına təşəkkürlərini bildirdilər. Gənc və istedadlı rəssam Gülnar Məmmədlinin yaradıcılığını yüksək dəyərləndirərək, onun beynəlxalq arenada ölkəmizi layiqincə təmsil edə biləcək rəssam kimi gördüklərini dilə gətirdilər, gələcəkdə daha böyük uğurlar arzuladılar.
Sərginin musiqili qonaqları B.Ələsgərova adına klubun direktoru, müğənni Sərdar Yunusov, şəhər 3 saylı musiqi məktəbinin tar müəllimi Dursun Eyyubov, onun övladları - gənc xanəndə Rəmil Eyyubov və nağara ifaçısı Rəvan Eyyubov idi.

Sərginin çoxsaylı tamaşaçılarından təəssüratlarını öyrəndik. Qonaqlarımız Azərbaycanın dilbər guşələrindən olan Şəkinin həm öz gözəllyindən, həm insanlarının mehribanlığından, səmimiyyətlərindən ağızdolusu danışaraq, belə bir yüksək səviyyəli sərgidə tamaşaçı qismində iştirak etdiklərinin sevincini bölüşdülər. Əsərlərdən zövq aldıqlarını, doyunca rəqs edib əyləndiklərini dilə gətirdilər.
Arzu xanımın dedikləri: “Hər şey yüksək səviyyədədir. Belə gözəl əsərlərdən heç olmasa birini almaq istərdik, təəssüf ki, satılmır, dedilər. Eybi yoxdur, gələcəkdə əldə edəcəyimizə ümid edirik. Sağlıq olsun. Uğurlar arzulayırıq. Həqiqətən, çox gözəl əsərləri var rəssamın...”
Biz də öz növbəmizdə Gül Nara gələcək yaradıcılığında daha böyük uğurlar arzulayır, “Narınqala” Folklor evinin müdiri Zeynəb xanıma, folklor evinin metodisti, aparıcı Yasin bəyə və folklor evinin mehriban əməkdaşlarına sərginin təşkilində göstərdikləri fəallığa görə səmimi minnətdarlığımızı bildiririk. Regional Mədəniyyət İdarəsinin rəhbəri Nargilə xanım Rəhmana “Narınqala” Folklor evinin səmimi kollektivinin əməyindən razılığımızı bildirməyi özümüzə borc bilirik. Azərbaycan mədəniyyətinin, folklorunun inkişafına göstərdikləri xidmətə görə hər birinizə ayrı-ayrılıqda təşəkkür edirik, əziz mədəniyyət işçiləri!