Bu gün, 20:33
Sabahın havası - Yağışlı, qarlı olacaq
Bakıda və Abşeron yarımadasında dekabrın 1-i gündüzdən 2-si səhərədək bəzi yerlərdə fasilələrlə yağış yağacağı gözlənilir.
Milli Hidrometeorologiya Xidmətindən verilən məlumata görə, yarımadanın bəzi yerlərində qısamüddətli intensivləşəcəyi ehtimalı var.
Azərbaycanın rayonlarında dekabrın 1-i gündüzdən 3-ü gündüzədək bəzi yerlərdə hava şəraitinin arabir yağıntılı olacağı gözlənilir. Bəzi şərq rayonlarında leysan xarakterli intensiv olacağı, dağlıq rayonlarda qar yağacağı ehtimalı var.
Çaylarda sululuğun artacağı, xüsusilə də Lənkəran-Astara bölgəsinin bəzi çaylarından qısamüddətli daşqın və sel keçəcəyi ehtimal olunur.
Bu gün, 19:14
Bakıda qızıl üzük oğurlandı - Saxlanılan var
Nəsimi rayonu ərazisində oğurluq və dələduzluqda şübhəli bilinən şəxslər polis əməkdaşları tərəfindən saxlanılıblar.
Daxili İşlər Nazirliyinin Mətbuat Xidmətindən verilən məlumata görə, Nəsimi rayonu ərazisində yerləşən mağazaların birindən 680 manat dəyərində qızıl üzüyün oğurlanması barədə polisə məlumat daxil olub. Nəsimi Rayon Polis İdarəsinin 19-cu Polis Şöbəsi əməkdaşlarının keçirdikləri tədbirlərlə oğurluq əməlində şübhəli bilinən 62 yaşlı qadın müəyyən olunaraq saxlanılıb.
22-ci Polis Şöbəsi əməkdaşlarının keçirdikləri tədbirlərlə isə ayrı-ayrı vaxtlarda 2 nəfərin ümumilikdə 556 manatını dələduzluq yolu ilə ələ keçirməkdə şübhəli bilinən, əvvəllər məhkum olunmuşlar 41 yaşlı İ.Mahmudov və 64 yaşlı İ.Abiyev müəyyən olunaraq saxlanılıblar.
Faktlarla bağlı araşdırmalar aparılır.
Bu gün, 18:48
Fidan Lavrovla Suriyanı müzakirə etdi
Türkiyənin xarici işlər naziri Hakan Fidan rusiyalı həmkarı Sergey Lavrovla telefon danışığı aparıb.
Telefon danışığı zamanı Suriyadakı son vəziyyət və Astana prosesi müzakirə edilib.
Bu gün, 18:39
Kürdəmirdə dəhşətli qəza, ölən var - Hadisə yerindən FOTOLAR
Kürdəmirdə ölümlə nəticələnən yol qəzası baş verib.
Hadisə Zərdab-Kürdəmir avtomobil yolunda qeydə alınıb.
"Mercedes" markalı minik avtomobili ilə motosiklet toqquşub. Nəticədə motosikletin sürücüsü Tahir Abdullayev hadisə yerində ölüb.
Fakt araşdırılır.
Bu gün, 18:32
Eldar Qasımova “Avroviziya”da yeni vəzifə verildi
“Avroviziya”nın yerli musiqi prodüseri Eldar Qasımov Lüksemburqla çalışmağa başlayıb.
Bu barədə Songfestival səhifəsi məlumat yayıb.
İfaçı sözügedən yarışmanın Lüksemburq milli finalının beynəlxalq münsifləri arasında yer alıb.
E.Qasımovla yanaşı heyətdə Dioqo Fernandes, Poli Genova, Marie Miriam və Niamh Kavanah var.
Bu gün, 18:10
Gürcüstanda daha bir səfiri istefa verdi
Gürcüstanın daha bir səfiri istefa verib.
Ölkənin Niderlanddakı səfiri David Solomonia hakimiyyətin Avropa İttifaqına inteqrasiyasının dayandırılması fonunda vəzifədən getdiyini açıqlayıb.
“Gürcüstanın diplomatik xidmətində 30 illik fəaliyyətimin böyük bir hissəsi Avropaya inteqrasiya məsələləri üzərində işləməyə həsr olunub. Peşəkar məsuliyyətləriniz həyat seçimlərinizlə üst-üstə düşərsə, bu böyük xoşbəxtlikdir. Proseslərə az da olsa təsir edə biləcəyimə inandığım müddətcə xidməti vəzifələrimi ciddi şəkildə yerinə yetirdim. Bu gün bu ümid sona çatdı”, - deyə səfir açıqlamasında bildirib.
Qeyd edək ki, bundan əvvəl Gürcüstanın Bolqarıstandakı səfiri də eyni səbəbdən istefa verib.
Bu gün, 17:54
Qiyamçılar İdlibi də ələ keçirdilər
Suriyada qiyamçılar İdlib şəhərini tamamilə ələ keçirib.
Bu barədə "Reuters" mənbələrə istinadən yazıb.
Bildirilir ki, Suriyanın Marat ən-Numan şəhəri də qiyamçıların nəzarəti altındadır.
Suriya Mülki Müdafiəsi həmçinin bildirib ki, Suriya və Rusiya aviasiyası İdlib vilayətində yaşayış məntəqələri, yanacaqdoldurma məntəqəsi və məktəbə hava zərbələri endirib. “Reuters”in mənbələrinə görə, Moskva Dəməşqə əlavə hərbi yardım göstərəcək. Yardımın yaxın 72 saatda Suriyaya çatdırılacağı qeyd olunur.
Bundan əvvəl Suriya ordusu silahlıların Hələbin böyük hissəsini ələ keçirdiyini açıqlayıb.
Xatırladaq ki, noyabrın 26-da suriyalı üsyançılar Hələb şəhəri və İdlib vilayətinə hücuma başlayıblar.
Bu gün, 17:40
İsmayıllıda torpaq sürüşməsi evi ikiyə böldü
İsmayıllı rayonunun Basqal kəndi ərazisində torpaq sürüşməsi nəticəsində ikimərtəbəli tikiliyə ciddi ziyan dəyib.
Yol tikintisi zamanı evin yan-yörəsi qazılıb. Bundan sonra isə yolda çökmə əmələ gəlib və torpaq sürüşməsi baş verib.
"Nəticədə Mais Ağayusif oğlu Əhmədova məxsus ikimərtəbəli tikili ikiyə bölünüb. Hazırda ərazi təhlükəli vəziyyətdədir", - deyə məlumatda bildirilir.
Bu gün, 16:37
"Buna səbəb olacaq heç bir addım atmayacağıq"
Beynəlxalq sistem siyasi, hərbi, iqtisadi və ətraf mühitlə bağlı çətinliklər yaradır. Bu çətinliklərə qarşı kritik geosiyasi bir dövr yaşanır və getdikcə daha da dərinləşən bir qütbləşmə müşahidə olunur. Burada sistem bizi buna məcbur edir və bu da yeni ittifaqlara aparır. Nəticədə, beynəlxalq təhlükəsizlik strukturu getdikcə zəifləyir.
Bu fikirləri Türkiyənin xarici işlər naziri Hakan Fidan İstanbulda keçirilən “TRT World 2024” forumunda səsləndirib.
Tədbir çərçivəsində təşkil olunan “Müharibə və nizam: Dəyişən dünyada geosiyasi dəyişikliklərə yön vermək” başlıqlı panel iclasda çıxışı zamanı Yaxın Şərq və Asiya-Sakit Okean bölgələrində silahlanmanın artdığına diqqət çəkən Fidan bunun dünyanı uçuruma, hətta nüvə müharibəsi təhlükəsinə apara biləcəyini deyib.
Nazir, eyni zamanda, texno siyasətlərin beynəlxalq tarazlığa təsir etdiyini, süni zəka və kibertəhlükəsizlik sistemlərinin də təhdidi artırdığını bildirib.
Son günlər Suriya ərazisində baş verən hadisələrə diqqət çəkən Hakan Fidan ölkəsinin Hələbdə davam edən qarşıdurmalara müdaxilə etmədiyini, Türkiyənin Suriya sərhədində lazımi tədbirlər gördüyünü vurğulayıb.
“Yeni köç dalğasına səbəb olacaq heç bir addım atmayacağıq”, - deyə Hakan Fidan əlavə edib.
Bu gün, 16:23
Diaspor nümayəndəsi Qırğızıstanda deputat seçildi - FOTO
Azərbaycan diasporunun nümayəndəsi Səlim Kərimov «Birlik» Qırğızıstan Azərbaycanlıları İctimai Birliyinin dəstəyi ilə Kant Şəhər Şurasının deputatı seçilib.
Bu barədə Diasporla İş üzrə Dövlət Komitəsindən məlumat verilib.
Kant Şəhər Şurasının deputatı seçilən Səlim Kərimov göstərilən dəstəyə görə Birliyin rəhbərliyinə minnətdarlığını bildirib, ölkənin və xalqın rifahı naminə, həmçinin Azərbaycan diasporunun fəaliyyətində, Azərbaycan mədəniyyətinin təbliğində yaxından iştirak edəcəyini deyib.
Qeyd edək ki, Səlim Kərimov ictimai xadim olmaqla yanaşı, sahibkarlıq və xeyriyyəçilik fəaliyyəti ilə məşğuldur.
Xatırladaq ki, ölkə üzrə azərbaycanlıların ən çox yaşadığı şəhər olan Kantda türk dünyasının görkəmli dövlət xadimi, Ulu Öndər Heydər Əliyevin adını daşıyan küçə mövcuddur. Bundan başqa, 2016-cı ildə Kant şəhəri ilə Quba rayonu arasında qardaşlaşma memorandumu imzalanıb.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!