2-11-2024, 23:47
Tanınmış azərbaycanlı blogerdə xərçəng tapıldı
Azərbaycanlı bloger Mehin Oktaylının (iconmekh) səhhətində problem yaranıb.
Bu barədə bloger özü "Instagram" hesabında məlumat yayıb.
O, boğazında xərçəng aşkarlandığını bildirib:
"Öncə tamam başqa bir səbəbdən şübhələnib bədxassəlidir dedilər. İstanbulda aydınlaşdırdıq ki, qorxulu nəsə yoxdur. Ancaq Bakıda etdirdiyim test nəticəsində şübhələndiyim yerdə yox, tamam başqa bir nahiyədə (boğazımda) həmin xəstəlik aşkar edildi. Ailəm və dostlarım ilə bu dövrdən də keçəcəyəm.
Risksiz əməliyyatla birdəfəlik bədənimdən çıxacaq. Siz nə qədər öz gücünüzlə nələrisə dəyişməyə çalışsanız da, həyatın öz planını pozmağınız mümkün deyil. Bir ildir ki, ən böyük xəyalım - xaricdə yaşamaq məsələsində bu qədər qəribə pozulmalar niyədir? Bu gün aydın oldu. Mən belə bir halı tez öyrənə bilim, öyrəndiyim anda uzaqda deyil, ailəmlə öhdəsindən gəlim deyə. İlahi sistemə güvənin. Hər şey xeyrinizədir."
2-11-2024, 22:24
İsraildən Hizbullah komandirinə ŞOK ƏMƏLİYYAT
İsrail Hərbi Dəniz Qüvvələrinin bir qrup komandosu Livanın şimalında Hizbullah hərəkatının komandirini ələ keçirib.
Bu barədə N12 telekanalı İsrail ordusuna istinadən məlumat yayıb.
Telekanalın məlumatına görə, əsir götürülən Hizbullah komandiri dindirilmək üçün İsrailə aparılıb.
"Ynet" portalının məlumatına görə, ələ keçirilən şəxs İmad Amhazdır, o, “Hizbullah” hərəkatının dəniz qüvvələrində aparıcı vəzifələrdən birini tutub.
2-11-2024, 22:03
Toydan qayıdan bəy maşını ağaca çırpdı: yaralılar var
Tovuz rayonunda toy mərasimindən qayıdan şəxslər avtomobil qəzasına uğrayıblar. Hadisə nəticəsində 2 nəfər xəsarət alıb.
Yaralılar xəstəxanaya çatdırılıb. Avtomobil idarə edən şəxsin bəy olduğu bildirilir.
Faktla bağlı araşdırma aparılır.
Daxili İşlər Nazirliyinin Mətbuat Xidmətinin Gəncə Regional Qrupundan bildirilib ki, rayonun Alakol kəndində, "Chevrolet Curuze" markalı avtomobil ağaca çırpılıb.
Qəza nəticəsində, 2001-ci il təvəllüdlü N.Qurbanlı və 2000-ci il təvəllüdlü Ş.Namazlı xəsarət alıb.
Yaralılar xəstəxanaya yerləşdirilib.
Faktla bağlı araşdırma aparılır.
2-11-2024, 21:50
[b]Şəhidimizin ailəsində faciə: Ana və bacısı öldü - FOTO[/b]
Zaqatalada iki nəfər dəm qazından zəhərlənib.
Hadisə rayonun Əliabad qəsəbəsində baş verib.
Belə ki, 1983-cü il təvəllüdlü İrapova Nayimə və 2009-cu il təvəllüdlü İrapova Havva dəm qazından zəhərlənərək Zaqatala rayon Mərkəzi xəstəxanasına yerləşdiriliblər.
Məlumata görə, zərərçəkənlər Vətən müharibəsi şəhidi İsmayıl İrapovun anası və bacısıdır.
İsmayıl Nəsrulla oğlu İrapov 2002-ci il fevralın 23-də Zaqatala rayonunun Əliabad qəsəbəsində anadan olub.
O, 2020-ci ildə müddətli həqiqi hərbi xidmətə çağırılıb. Vətən müharibəsinə qədər Azərbaycan Silahlı Qüvvələrinin “N” saylı hərbi hissəsində xidmət edirdi.
Hərbçimiz 2020-ci il sentyabrın 27-də başlanan Vətən müharibəsi zamanı Füzulinin azadlığı uğrunda gedən döyüşlərdə iştirak edib.
İsmayıl İrapov oktyabrın 4-də Füzuli döyüşləri zamanı şəhid olub. Zaqatala rayonunun Əliabad qəsəbəsində torpağa tapşırılıb.
2-11-2024, 21:43
Bank kartları məlumatlarınız oğurlanan bilər! - XƏBƏRDARLIQ
Sosial mediada ADY (Azərbaycan Dəmir Yolları) Kart adı altında saxta səhifələr açılıb.
Bu barədə Azərbaycan Dəmir Yolları QSC-dən (ADY) bildirilib.
Qeyd edilir ki, bu səhifələr “il ərzində məhdudiyyətsiz səyahət təklifi ilə ilkin satış qiymətinə smart kart” kimi yalan məlumatlar yayaraq istifadəçiləri aldadır və bank kartı məlumatlarını mənimsəyir.
“Təhlükəsizliyinizi qoruyun: ADY-nin rəsmi səhifələrini izlədiyinizə əmin olun. Şəxsi məlumatlarınızı paylaşmadan əvvəl səhifənin etibarlılığını yoxlayın. Yalnız rəsmi mənbələrdən məlumat əldə edin. Kibercinayətkarlığa qarşı birgə mübarizə aparaq. Şübhəli hallarla qarşılaşdıqda dərhal aidiyyəti qurumlarla əlaqə saxlayın və bank məlumatlarınızı heç kimlə paylaşmayın”, - ADY-dən bildirib.
2-11-2024, 21:19
Azərbaycan boksçusu dünya birinciliyində medal qazandı
Azərbaycan boksçusu Bilalhəbaşi Nəzərov Monteneqronun Budva şəhərində gənclər arasında keçirilən dünya birinciliyini gümüş medalla başa vurub.
48 kq-da mübarizə aparan milli üzvü finalda Safyiddin Sabirova (Özbəkistan) məğlub olub.
Qeyd edək ki, Bilalhəbaşi Nəzərov yarımfinalda Osman Çadqura (Mərakeş) qalib gəlib. Görüş Nəzərovun 5:0 (30:26, 30:26, 30:26, 29:27, 30:26) hesablı qələbəsi ilə yekunlaşıb.
2-11-2024, 20:44
400 manata görə qohumunun qanını tökdü - TƏFƏRRÜATLAR
Gəncədə 44 yaşlı kişinin qətlə yetirilməsinin bəzi detalları məlum olub.
Qətlə yetirilən Şəmistan Süleymanov şəhərin Totanlı küçəsində fəhlə işləyən qohumu Nəsimi Mustafayevin yanına gələrək borcunu istəyib.
Onların arasında dava baş verib. Mübahisə zamanı Mustafayev Süleymanova kəsici alətlə bir neçə zərbə endirib.
Ş. Süleymanov xəstəxanaya çatdırılsa da, onun həyatını xilas etmək mümkün olmayıb.
Totanlı küçəsi, 6-cı döngə, ev 13 də (yeni məhlələr) adlanan ərazidə qeydə alınan hadisənin 400 manat borc üstündə baş verdiyi bildirilir.
Faktla bağlı araşdırmalar davam etdirilir.
2-11-2024, 20:43
Azərbaycan regionda liderliyini göstərir - Kiyevdən AÇIQLAMA
Azərbaycan regionda lider olmağa hazır olduğunu göstərir. Azərbaycanın, BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasına ev sahibliyi dünyanın indiki durumunda çox yaxşı təşəbbüsdür.
Bunu müsahibəsində Ukrayna Prezident Ofisinin müşaviri Mixaylo Podolyak bildirib.
Onun sözlərinə görə, Azərbaycanın qlobal rol oynamaq imkanı var:
"Mən həmişə öz regional liderliyini göstərən təşəbbüskar ölkələri bəyənirəm. Azərbaycan regionda lider olmağa hazır olduğunu göstərir. Bu tamamilə təsirli, real görünür. Necə ki, Türkiyə Qara dənizdə regional lider olmağa hazır olduğunu tez-tez göstərir. Azərbaycan da bunu edir".
Podolyak bunun çox yaxşı perspektivinin olduğunu hesab edir:
"Xüsusilə də mənim fikrimcə, Azərbaycanın enerji trafiki, enerji tranziti ilə bağlı çox mühüm rollar tutmaq və buna uyğun olaraq bu gün daha qlobal rol oynamaq imkanı var. Əlbəttə ki, bunu alqışlamaq lazımdır".
Ukrayna Prezident Ofisinin müşaviri həmçinin iki ölkə arasında münasibətlərin inkişafı ilə bağlı əminliyini vurğulayıb:
"Ukrayna ilə Azərbaycan arasında ikitərəfli münasibətlərin, eləcə də Ukrayna ilə Türkiyə arasında ikitərəfli münasibətlərin son dərəcə müsbət istiqamətdə inkişaf edəcəyinə zərrə qədər şübhəm yoxdur. Niyə bu faydalıdır? Bu, Ukraynanın regionla enerji baxımından, regionda təsir baxımından və s. münasibətlərini maksimum dəqiq qura bilər. Ona görə də Azərbaycanın BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasına ev sahibliyi dünyanın indiki durumunda çox yaxşı təşəbbüsdür. Düşünürəm ki, Ukraynanın təmsilçiliyi maksimum yüksək səviyyədə olacaq. Çünki belə layihələrdə iştirak etmək bizim üçün son dərəcə vacibdir”, - o əlavə edib.
2-11-2024, 19:11
Azərbaycan Dəmir Yollarında COP29-a hazırlıq - FOTO
Azərbaycan Dəmir Yolları (ADY) QSC yaşıl dünya naminə və COP29-a hazırlıq çərçivəsində Bakı şəhəri üzrə dəmir yolunun təhkim zolaqlarında genişmiqyaslı təmizlik aksiyası keçirib.
QSC-dən bildirilib ki, Bakı, Nərimanov, Keşlə, Koroğlu və Biləcəri stansiyalarının ərazisində baş tutmuş aksiyada ADY-nin müxtəlif struktur bölmələri və törəmə təşkilatlarının əməkdaşları iştirak ediblər.
İştirakçılar ərazilərdə təmizlik-abadlıq, yaşıllıqlara qulluq və ağacların diblərinin yumşaldılması kimi işləri yerinə yetirib, dəmiryol xətləri üzərinə atılmış və hərəkətin təhlükəsizliyinə risk yaradan məişət tullantılarını təmizləyib.
Bu təşəbbüs ətraf mühitin mühafizəsinə diqqəti artırmaq, ekoloji problemlərin vacibliyini vurğulamaq və təbiətə qarşı məsuliyyət hissini gücləndirmək məqsədi daşıyır.
Toplanmış tullantılar aidiyyəti üzrə təhvil verilib.
2-11-2024, 19:11
Azərbaycan Dəmir Yollarında COP29-a hazırlıq - FOTO
Azərbaycan Dəmir Yolları (ADY) QSC yaşıl dünya naminə və COP29-a hazırlıq çərçivəsində Bakı şəhəri üzrə dəmir yolunun təhkim zolaqlarında genişmiqyaslı təmizlik aksiyası keçirib.
QSC-dən bildirilib ki, Bakı, Nərimanov, Keşlə, Koroğlu və Biləcəri stansiyalarının ərazisində baş tutmuş aksiyada ADY-nin müxtəlif struktur bölmələri və törəmə təşkilatlarının əməkdaşları iştirak ediblər.
İştirakçılar ərazilərdə təmizlik-abadlıq, yaşıllıqlara qulluq və ağacların diblərinin yumşaldılması kimi işləri yerinə yetirib, dəmiryol xətləri üzərinə atılmış və hərəkətin təhlükəsizliyinə risk yaradan məişət tullantılarını təmizləyib.
Bu təşəbbüs ətraf mühitin mühafizəsinə diqqəti artırmaq, ekoloji problemlərin vacibliyini vurğulamaq və təbiətə qarşı məsuliyyət hissini gücləndirmək məqsədi daşıyır.
Toplanmış tullantılar aidiyyəti üzrə təhvil verilib.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Zəngilanın dirçəliş
və qayıdış dövrü
Azərbaycan tarixinin ən şanlı səhifəsi olan Vətən müharibəsi bizə təkcə torpaqlarımızı deyil, ləyaqətimizi, qürurumuzu qaytardı. Həmin qürurun ən parlaq ünvanlarından biri də Zəngilandır. 2020-ci il sentyabrın 27-də başlanan Zəfər yürüşü zamanı şərqdən, Cəbrayıl istiqamətindən düşmənə vurulan sarsıdıcı zərbələr nəticəsində Azərbaycan Ordusu 30-dan çox yaşayış məntəqəsini azad edərək Zəngilanın inzibati hüdudlarına çatdı. Oktyabrın 18-də rayonun tam azad edilməsi uğrunda genişmiqyaslı əməliyyata start verildi və cəmi iki gün sonra, oktyabrın 20-də Müzəffər Ali Baş Komandan, Prezident İlham Əliyev xalqa müraciətində Havalı, Zərnəli, Məmmədbəyli, Həkəri, Şərifan, Birinci Muğanlı kəndlərinin və Zəngilan şəhərinin işğaldan azad edildiyini elan etdi. Beləliklə, Zəngilan döyüşləri nəticəsində 1 şəhər, 4 qəsəbə və 49 kənd düşmən tapdağından xilas edildi və bununla da 132 kilometrlik Azərbaycan-İran dövlət sərhədi tam bərpa olundu. İşğalın bitməsindən dərhal sonra sərhəd boyunca zəruri istehkam və mühafizə işlərinə başlanıldı.
Qərbi zəngəzurlular Zəngilan şəhidliyində
Bu tarixi qələbənin əbədiləşdirilməsi üçün 2020-ci il noyabrın 26-da “Zəngilanın azad olunmasına görə” medalı təsis edildi və 6974 hərbi qulluqçumuz bu medalla təltif olundu. Prezidentin 31 iyul 2023-cü il tarixli Sərəncamı ilə isə 20 oktyabr tarixi Zəngilan şəhəri günü kimi rəsmiləşdirildi. Zəngilanın azad olunması Böyük Qayıdışın başlanğıcı oldu. Bu gün dövlətin ən böyük hədəfi həmin torpaqları yenidən həyatla doldurmaqdır. 2026-cı il 1 oktyabr tarixinə olan məlumata görə, Zəngilan şəhərində 84 ailə, yəni 339 nəfər, Ağalı kəndində 234 ailə, yəni 1017 nəfər, Məmmədbəyli kəndində isə 179 ailə, yəni 903 nəfər öz doğma ocağına qayıdıb. Köçürülən ailələr peşə və bacarıqlarına uyğun olaraq müxtəlif dövlət qurumlarında, tikinti şirkətlərində, tikiş fabrikində və digər sahələrdə işlə təmin edilirlər.Bu qayıdışın dünyaya nümunə olan simvolu isə Ağalı kəndidir. Ağalı təkcə Azərbaycanda deyil, dünyanın ən müasir kəndlərindən biri hesab olunur. Burada “ağıllı kənd” konsepsiyası tam şəkildə tətbiq edilib. Dayanıqlı inkişafın təmin olunması üçün sosial-iqtisadi xidmətlər ən yüksək texnologiyalarla qurulub. Kəndin enerji təminatı ekoloji cəhətdən tam təmizdir, Həkəri çayı üzərində 3 turbindən ibarət Arximed tipli su elektrik stansiyası və gücü 325 kilovat olan günəş panelləri quraşdırılıb. Evlərdə istilik xərclərini azaltmaq üçün kombinə edilmiş sistemlər, mətbəx sobası və yüksək səmərəli elektrod boilerlər var. Suyun isidilməsi üçün günəş kollektorlarından, çirkab suların təmizlənməsi üçün bioloji təmizləmə qurğularından istifadə olunur.
Kənddə GPON texnologiyası ilə yüksək sürətli internet, İP TV, video müşahidə kameraları, ağıllı işıq dirəkləri və avtomatik hava müşahidə stansiyaları var. Əhalinin rahatlığı üçün Tele-səhiyyə, E-təhsil və digər elektron xidmətlər, ASAN, DOST, məktəb, bağça, tibb məntəqəsi, kiçik və orta biznesə dəstək mərkəzləri fəaliyyət göstərir. Ümumi sahəsi 2 hektardan çox olan park salınıb. Bütün bunlar onu göstərir ki, Ağalı kəndi sadəcə yaşayış məntəqəsi deyil, gələcəyin kənd modelidir. Nazirlər Kabinetinin 30 oktyabr 2023-cü ildə təsdiq etdiyi Baş Plana əsasən şəhərin 2040-cı ilədək inkişafı üçün böyük vəsait ayrılıb. 2022-ci ildə təməli qoyulan 104 mənzilli ilk yaşayış kompleksinin açılışı 2026-cı ildə olub. Kompleksin ərazisi 2 hektardan artıqdır və burada 12 bina, o cümlədən 4 ədəd üçmərtəbəli 60 mənzilli və 8 ədəd ikimərtəbəli 44 mənzilli evlər tikilib.
Azad Zəngilanın qonaqları
Zəngilan Beynəlxalq Hava Limanı bu bölgənin inkişafı üçün mühüm faktora çevrilib. Zəngəzur dəhlizinin hava infrastrukturu ilə gücləndirilməsi baxımından hava limanı strateji əhəmiyyət daşıyır. Eyni zamanda Horadiz-Zəngilan-Ağbənd dəmir yolunun inşası da böyük strateji əhəmiyyətə malikdir. Bu yol azad edilmiş torpaqlara həm vətəndaşların qayıdışı, həm də yüklərin daşınması üçün tarixi imkan yaradır. Artıq yolun birinci mərhələsi üzrə böyük hissə tamamlanıb və Araz İqtisadi Zonası Sənaye Parkına yüklər daşınır. Horadiz-Cəbrayıl-Zəngilan-Ağbənd avtomobil yolunun uzunluğu 126,3 kilometrdir, illik buraxılış qabiliyyəti 15 milyon tondur və layihənin 2026-cı ilin ikinci yarısında yekunlaşdırılması nəzərdə tutulur. İşğal dövründə tövlə kimi istifadə olunan XIX əsrə aid Zəngilan şəhər məscidi Heydər Əliyev Fondu tərəfindən bərpa olunub. Bərpa-tikinti işləri çərçivəsində tarixi məscid konservasiya edilib və onun yanında düzbucaqlı planlı, iki minarəli yeni məscid inşa edilib. Yeni məsciddə 220 və 100 nəfərlik ibadət zalları yaradılıb. Rayonun gələcəyi üçün turizm və kənd təsərrüfatı da unudulmayıb. 2024-cü il mayın 18-də Ağalı kəndində, Həkəri çayı vasitəsilə yaradılmış süni gölün sahilində “Ağalı” hoteli açılıb. Zəngilan İstirahət Kompleksində 111 nömrəli hotelin təməli 2023-cü il mayın 4-də qoyulub. 2026-cı il mayın 10-da isə “Zəngilan City Park Hotel”in təməli qoyulub. Kənd təsərrüfatı sahəsində isə “Dost Aqropark” layihəsi həyata keçirilir. Azərbaycan və Türkiyə şirkətlərinin birgə layihəsi olan bu kompleks tam başa çatdıqda 500 nəfəri işlə təmin edəcək və 100 milyon dollar sərmayə qoyulacaq. Layihənin birinci mərhələsində 5200 kvadratmetr qapalı, 113 min kvadratmetr açıq tipli heyvandarlıq kompleksləri, sosial obyektlər, kafe, kinoteatr tikilib.
Beləliklə, Zəngilan bu gün sadəcə işğaldan azad edilmiş bir rayon deyil, Azərbaycan dövlətinin qüdrətinin, iradəsinin və gələcəyə olan inamının canlı rəmzidir. Burada hər daş, hər tikilən ev, hər qayıdan ailə 30 illik həsrətin sonu və Böyük Qayıdışın əbədi başlanğıcıdır.
Mahnur Hüseynova
Xırdalan şəhər 8 nömrəli tam orta ümumtəhsil məktəbinin direktoru
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!