23-11-2024, 12:20
Bakıda bu universitet təmir edilir - 790 min manat pul ayrıldı
V.Lomonosov adına Moskva Dövlət Universitetinin Bakı filialı kompleksində təmir işləri həyata keçiriləcək.
Dövlət satınalmalarının vahid internet portalına görə, bununla bağlı Fövqəladə Hallar Nazirliyinin Tikintidə Təhlükəsizliyə Nəzarət Dövlət Agentliyinin Tikilməkdə Olan Obyektlərin Birləşmiş Müdiriyyəti hazırlıqlara başlayıb.
Qurum sözügedən işlərin icrasını "NN Constraction" MMC-yə həvalə edib və onunla dəyəri 791.264,3 AZN (791 min 264 manat 3 qəpik) olan müqavilə bağlayıb.
Qeyd edək ki, nizamnamə kapitalı 20 manat olan "NN Constraction" MMC-nin qanuni təmsilçisi Məcidzadə Niyaməddin Cəlil oğludur.
23-11-2024, 12:09
Bakıda yağış, rayonlarda güclü duman - Sabahın havası
Noyabrın 24-də gözlənilən hava şəraiti açıqlanıb.
Milli Hidrometeorologiya Xidmətindən verilən xəbərə görə, sabah Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi İlə əvəz olunacaq.
Havanın temperaturu gecə 10-13° isti, gündüz 14-17° isti olacaq. Atmosfer təzyiqi 769 mm civə sütunu olacaq. Nisbi rütubət 70-80 % olacaq.
Azərbaycanın rayonlarında hava şəraiti əsasən yağmursuz olacaq. Gecə və səhər bəzi şərq rayonlarında çiskin. Arabir duman. Qərb küləyi gündüz bəzi yerlərdə arabir güclənəcək.
Havanın temperaturu gecə 5-10° isti, gündüz 13-18° isti, dağlarda gecə 0-4° isti, gündüz 4-8° isti olacaq.
23-11-2024, 11:47
Baş nazirdən yeni qərar
Azərbaycan Respublikasında sektorlar üzrə strateji planların hazırlanması Qaydası təsdiqlənib.
Bu barədə Baş nazir Əli Əsədov qərar verib.
Yeni Qaydanın təsdiqi ilə əlaqədar Nazirlər Kabinetinin “Azərbaycan Respublikasında büdcə təşkilatlarının sektor strateji planlarının hazırlanması Qaydası”nın təsdiq edilməsi haqqında” 2018-ci il 28 dekabr tarixli qərarı ləğv edilib.
Maliyyə Nazirliyi bu qərarın tətbiqi ilə bağlı müvafiq sektorlar üzrə aparıcı qurumların sektorlar üzrə strateji planlarının, habelə həmin sektorlarda fəaliyyəti olan təşkilatların sektorlar üzrə büdcə planlarının tərtibi, icrasına dair hesabatlılığı və monitorinqi sahəsində təlimatlandırma və koordinasiyalı işin təşkilinin təmin edilməsi məqsədilə “Sektorlar üzrə strateji planların və büdcə planlarının tərtibinə dair metodoloji Təlimat”ı Nazirlər Kabineti ilə razılaşdırmaqla üç ay müddətində təsdiq etməli, bu qərardan irəli gələn digər məsələləri həll etməlidir.
23-11-2024, 11:32
Rusiya DİN bəzi şəxsləri vətəndaşlıqdan məhrum edir - Azərbaycanlılar da olacaq?
Rusiya Daxili İşlər Nazirliyi (DİN) noyabrın 23-dən ölkə vətəndaşlığını qəbul etmiş, lakin andiçmə prosedurundan keçməmiş şəxsləri Rusiya Federasiyasının vətəndaşı statusundan məhrum etməyə başlayır.
Müvafiq normalar Rusiya Federasiyası Prezidentinin vətəndaşlıq məsələləri ilə bağlı fərmanında müəyyən edilib.
Rusiya Federasiyası Daxili İşlər Nazirliyinin mətbuat mərkəzi noyabrın 22-nin bu kateqoriyadan olan vətəndaşlar üçün and içmək üçün son tarix olduğunu açıqlamışdı.
“Belə şəxslər 2024-cü il noyabrın 23-dən Rusiya vətəndaşlığını almamış hesab ediləcək və onların Rusiya vətəndaşlığını qəbul etmələri ilə bağlı qərarları etibarsız sayılacaq”, - deyə DİN bildirib.
Bununla belə, fərmanın müddəaları and içmək öhdəliyinin qüvvəyə mindiyi 2017-ci il sentyabrın 1-dən əvvəl Rusiya vətəndaşlığını almış və ya vətəndaşlıq alarkən ondan azad edilmiş şəxslərə şamil edilmir.
Rusiyada çox sayda azərbaycanlının olduğunu nəzərə alsaq, belə sanksiyaların Rusiya vətəndaşlığını qəbul etmiş soydaşlarımıza da şamil ediləcəyi istisna deyil.
23-11-2024, 11:08
Bu il 31 mindən çox şəxsə pensiya təyin edilib
2024-cü ilin yanvar-oktyabr ayları ərzində 31 min nəfərdən çox şəxsə proaktiv qaydada yaşa, əlilliyə və ailə başçısını itirməyə görə pensiya təyinatı aparılıb.
Bu barədə Əmək və Əhalinin Sosial Müdafiəsi Nazirliyinin tabeliyindəki Dövlət Sosial Müdafiə Fondundan xəbər verilib.
Bildirilib ki, onların 68,53%-ni kişilər, 31,47%-ni isə qadınlar təşkil edib.
23-11-2024, 10:44
VI çağırışın deputatlarına mənzil verilib
Sentyabrda səlahiyyətləri başa çatmış VI çağırış (2000-2024-cü illər) Milli Məclisin bəzi deputatlarına mənzil verilib.
Məlumatı parlamentarları özləri də təsdiqləyiblər. Lakin mənzil alan deputatlar əməkdaşımızın telefon zənginə cavab verərkən təbrikləri qəbul etsələr də, bu mövzuda danışmağa həvəs göstərməyiblər.
Araşdırmamız zamanı bu məsələyə dair digər maraqlı məlumatlar da öyrəndik. Məlum oldu ki, VI çağırış Milli Məclisin bəzi deputatları mənzil almaq təklifindən imtina ediblər. Bunu onunla əsaslandırıblar ki, yaşayış şəraitləri kifayət qədər yaxşı olduğundan yeni mənzilə ehtiyacları yoxdur.
Amma mənzilləri olan bəzi deputatlar yeni evə də “yox” deyə bilməyib və bunun üçün məktub yazaraq, əlavə yaşayış sahəsinə sahibləniblər.
Beləliklə yeni mənzil alanlar arasında həm evi olanlar, həm də buna ehtiyac duyanlar var.
Qeyd edək ki, Milli Məclisin əvvəlki çağırışlarında da deputatlara mənzillər verilib.
Xatırladaq ki, “Azərbaycan Respublikası Milli Məclisi deputatının statusu haqqında” Qanuna əsasən, deputatlar mənzillə təmin oluna bilərlər.
Sözügedən qanunun 26-cı maddəsində deyilir:
“Bakı və Sumqayıt şəhərlərində, habelə Abşeron rayonunun hüdudlarında mənzili olmayan deputata səlahiyyət müddətində xidməti mənzil, bu mümkün olmadıqda yaşayış xərclərinin ödənilməsi üçün Azərbaycan Respublikası Milli Məclisinin müəyyən etdiyi qaydada və məbləğdə pul təminatı verilir. Bakı və Sumqayıt şəhərlərində, habelə Abşeron rayonunun hüdudlarında daimi yaşayan və mənzil şaraitinin yaxşılaşdırılmasına ehtiyacı olan deputatın mənzil şəraiti Azərbaycan Respublikasının qanunvericiliyində nəzərdə tutulmuş qaydada yaxşılaşdırılır. Deputatın daimi yaşadığı yer telefonla təchiz edilir”.
23-11-2024, 10:21
Neftçalada faciə: Ata öldü, qızı və nəvələri yaralandı
Neftçala rayonunda minik avtomobili ilə motosiklet toqquşub.
Qəza dünən səhər saatlarında, Neftçala şəhər M.Ə.Sabir küçəsində baş verib.
Belə ki, 2005-ci il təvəllüdlü Əliəkbər Hüseynovun idarə etdiyi “Changan” markalı avtomobillə 1960-cı il təvəllüdlü Ağasəf Mirzəyevin sürdüyü motosiklet toqquşub.
Hadisə nəticəsində A. Mirzəyev həlak olub.
Motosikletdə olan sərnişinlər - Ağasəf Mirzəyevin qızı 1986-cı il təvəllüdlü Günel İbrahimova, onun övladları - 2010-cu il təvəllüdlü Natiq, 2010-cu il təvəllüdlü Yəhya və 2008-ci il təvəllüdlü Ləman isə müxtəlif dərəcəli xəsarətlər alıblar.
Yaralılar Neftçala Rayon Mərkəzi Xəstəxanasına yerləşdiriliblər.
Faktla bağlı araşdırma aparılır.
23-11-2024, 10:13
Saakaşvili tərəfdarlarını radikallaşmağa çağırdı
Gürcüstanın üçüncü prezidenti Mixail Saakaşvili tərəfdarlarını radikal etiraz formalarına əl atmağa çağırıb.
Həbs cəzasını çəkən sabiq prezident sərhədi qanunsuz keçmə ilə bağlı növbəti məhkəmə iclasında tərəfdarlarına müraciət edib.
O, səhhəti pisləşdiyi üçün 2022-ci ilin mayında Tbilisidəki “Vivamed” klinikasına köçürülüb.
"Ölkə əlimizdən alınır. Ya müqaviməti davam etdirib ölkəni geri alacağıq, ya da müqaviməti dayandıracağıq və Gürcüstan müstəqil ölkə kimi mövcud olmağı dayandıracaq..." deyə siyasətçi bildirib.
23-11-2024, 10:05
Xalq müxalifətdən razı deyil
Gürcüstan prezidenti Salome Zurabişvili parlament seçkilərinin nəticələrinə etiraz edən müxalifətdən narazılığını bildirib.
Bunu Zurabişvili yerli kanallara müsahibəsində bildirib.
Onun sözlərinə görə, siyasi partiyalar küçə etirazlarına yox, seçkilərə hazırlaşıblar.
“Heç kim müxalifətdən razı deyil - nə mən, nə də əhali, çünki müxalifət başqa şeyə hazır idi. Biz nizamnaməyə uyğun fəaliyyət planını, hansı qanunların qəbul edilməli olduğunu, növbəti seçkilərə necə getməli olduğumuzu bilirdik”, - deyə Prezidenti qeyd edib.
Gürcüstanda seçkilər oktyabrın 26-da keçirilib. Mərkəzi Seçki Komissiyasının məlumatına görə, hakim “Gürcü arzusu” partiyası 89 mandat (53,93%) əldə edib. Səsvermənin ertəsi günü müxalifət seçkilərdə saxtakarlıq olduğunu elan edib və prezidentin də iştirak etdiyi etiraz aksiyaları keçirilib. Müxalifət koalisiyaları alternativ parlament yaratmaq niyyətindədir.
23-11-2024, 09:48
YENI ÖZBEKISTANDA GENÇLERE SUNULAN FIRSATLAR: BAŞARILARIM VE DENEYIMIM
Bugünkü Özbekistanda gençler için yaratılan fırsatlar, şüphesiz ki, ülkemizin geleceğini belirleyen önemli unsurlardan biridir. Yeni Özbekistan tarihini ve kültürünü kavramak, kendi potansiyelini geliştirmek ve topluma faydalı katkılarda bulunmak için tüm fırsatlardan verimli bir şekilde yararlanmak gereklidir. Ben, Shoxijahon Urunov, Buhara Devlet Pedagoji Enstitüsü öğrencisiyim ve kendi deneyimim aracılığıyla Özbekistanlı gençler için sunulan fırsatların ne kadar yararlı olduğunu göstermek istiyorum.
Gençler için Sunulan Fırsatlar
Özbekistanda gençlerin entelektüel ve kültürel gelişimini desteklemek amacıyla çeşitli programlar ve yarışmalar düzenlenmektedir. Ben de bu fırsatlardan yararlanarak birçok başarıya imza attım. 2023-2024 eğitim yılı için Bobur Devlet Bursunun sahibi olmam, gençler için sunulan fırsatların bir göstergesidir. Bu burs, eğitim sürecimde daha etkili olmama yardımcı oldu. Ayrıca, erken dönemde yüksek lisans için bir hibe kazandım ve 12 ay boyunca yüksek burs aldım.
Yıl boyunca düzenlenen çeşitli yarışmalarda yer alarak başarılar elde ettim. 2022 yılında "Yıl Öğrencisi" yarışmasında birincilik elde ettim ve bu, akademik kariyerimi daha da teşvik etti. Ayrıca, "Bağımsızlığın 31. Yılı" vesilesiyle düzenlenen yarışmada iPhone 13 Pro Max kazandım. Bu tür başarılar, gençlerin kendi bilgi ve yeteneklerini sergileyebilecekleri fırsatların ne kadar çeşitli olduğunu gösteriyor.
Yarışmalar ve Ödüller
Ülkemizde düzenlenen yarışmalar, gençleri her yönüyle desteklemeye yöneliktir. Örneğin, İslam Karimov Vakfı tarafından düzenlenen "Büyük İnsan Kalbimizde" adlı ulusal yarışmada ikinci oldum. Bu tür yarışmalar, sadece bilgi ve becerilerini test etme fırsatı sunmakla kalmaz, aynı zamanda hayallerine ulaşma yolunda yeni fırsatlar yaratır.
Bir diğer önemli konu ise, gençleri sosyal aktiviteye teşvik etmektir. Ben Buhara Devlet Pedagoji Enstitüsündeki gönüllüler merkezinde baş koordinatörüm. Bu pozisyonda, gençleri sosyal projelere katılmaya teşvik ediyorum ve liderlik becerilerini geliştirmelerine yardımcı oluyorum. Bu tür deneyimler, gelecekte bir lider olarak yerlerini bulmalarına yardımcı olacaktır. "Liderlik Sırasında" projesinin kurucusuyum; bu proje kapsamında 200-den fazla öğrenciye kişisel gelişimlerinde yardımcı oldum. Şu anda, yüksek öğretim lideri olarak seminerler ve eğitimler aracılığıyla öğrencilere fırsatlar hakkında daha geniş bilgi veriyorum.
Bilimsel Faaliyet ve Yaratım
Gençlerin bilimsel potansiyelini artırmak amacıyla da birçok fırsat bulunmaktadır. Ben 30-dan fazla bilimsel makalenin yazarı, 2 metodik kılavuz ve 7 edebi antolojinin yazarıyım. Bu tür çalışmalar aracılığıyla gençler, bilimsel potansiyellerini geliştirme ve kendi fikirlerini sergileme fırsatına sahip olurlar.
Özbekistan gençlerinin sosyal, bilimsel ve kültürel gelişiminde yaratılan fırsatlar, onlara hayallerini gerçekleştirmelerine yardımcı olmaktadır. Benim başarılarım ve deneyimlerim, bu fırsatlardan nasıl verimli bir şekilde yararlanılabileceğini göstermektedir. Yeni Özbekistan'da her genç, kendi potansiyelini sergilemek için birçok fırsata sahiptir. Sorunları aşmak ve geleceğe güvenle adım atmak için hepimizin fırsatlarımızdan verimli bir şekilde yararlanmamız gerekmektedir.
Shoxijahon URUNOV,
Buhara Dövlət Pedagoji İnstitutunun
4-cü kurs tələbəsi
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!