28-02-2025, 23:29
Zelenski Amerikaya təşəkkür etdi
Ağ Evdə ABŞ Prezidenti Donald Trampla gərginlik yaşayan Ukrayna lideri Volodimir Zelenski sosial media hesabında paylaşım edib.
O, ABŞ xalqına, Prezidentinə və Konqresə səfər və dəstək üçün təşəkkür edib.
O, Ukraynanın davamlı sülhə ehtiyacı olduğunu bildirib.
28-02-2025, 23:23
Makrondan Tramp-Zelenski davasına reaksiya
Fransa Prezidenti Emmanuel Makron Ağ Evdə Trampla Zelenski arasında yaşanan gərginliyə münasibət bildirib.
Bu barədə o, Portuqaliyada jurnalistlərə açıqlama verib.
Qeyd edib ki, Rusiya təcavüzkardır, Ukrayna isə təcavüzə məruz qalan tərəfdir.
"Düşünürəm ki, biz 3 il əvvəl Ukraynaya kömək etmək və Rusiyaya sanksiya tətbiq etməkdə haqlı idik və bunu davam etdirməkdəyik. Biz... əvvəldən mübarizə aparanlara hörmət etməliyik", - Makron deyib.
Qeyd edək ki, Ağ Evdə ABŞ və Ukrayna Prezidentləri Donald Tramp ilə Volodimir Zelenski arasında gərginlik yaşanıb. Zelenski görüş başa çatmadan Ağ Evi tərk edib.
28-02-2025, 22:48
Zelenski-Tramp görüşü yarımçıq başa çatdı
ABŞ və Ukrayna prezidentləri Donald Tramp və Volodimir Zelenski Ukraynanın mineral ehtiyatlarının birgə işlənməsinə dair saziş imzalamayıblar.
Liderlər Ağ Evdəki danışıqlardan sonra sənədi imzalamalı idilər, lakin Rusiya-Ukrayna münaqişəsinin həlli ilə bağlı fikir ayrılıqları səbəbindən görüş vaxtından əvvəl başa çatıb.
Zelenski artıq Ağ Evi tərk edib.
ABŞ və Ukrayna prezidentlərinin görüşdən sonra planlaşdırılan mətbuat konfransı da ləğv edilib. Donald Tramp bildirib ki, o, Zelenskinin sülhə hazır olmadığına əmindir.
“O, Oval kabinetdə Amerika Birləşmiş Ştatlarına hörmətsizlik etdi. O, sülhə hazır olanda geri qayıda bilər”, – dövlət başçısı yazıb.
28-02-2025, 22:40
TASS-ın müxbiri Ağ Evdən qovuldu
Rusiyanın TASS informasiya agentliyinin müxbiri ABŞ və Ukrayna prezidentləri Donald Tramp və Volodimir Zelenski arasında Vaşinqtonda keçirilən görüşdən qovulub.
Dövlət agentliyinin akkreditasiya olunmuş media qurumları siyahısında olmadığı vurğulanıb.
Reportyoru Oval kabinetdən Ağ evin mətbuat katibi Kerolayn Levitt müşayiət edib. Jurnalistin iki ölkə liderləri arasında görüşə buraxılması “səhv” adlandırılıb.
28-02-2025, 21:22
Trampdan Zelenskiyə sərt sözlər: "Mənə hörmət etmirsən"
Ukrayna prezidenti Volodimir Zelenski ABŞ prezidenti Donald Trampla danışıqlara başlamazdan əvvəl onlar jurnalistlərin suallarını cavablandırıblar.
Butov.az prezidentlərin çıxışlarından əsas hissələri təqdim edir:
Donald Tramp:
- Biz böyük razılaşma əldə edəcəyik, Ukrayna bir daha müharibəyə qayıtmayacaq.
- Ukraynada atəşkəs razılaşması qaçılmazdır. Münaqişəni bitirməyin vaxtıdır, Rusiya bunu istəyir.
- Biz hamımız münaqişənin bitməsini gözləyirik, hələ ki, zəmanətdən danışmırıq.
- Danışıqçılar Ukrayna üzrə gələcək sazişin parametrlərini müzakirə etməyə başlayıblar.
- ABŞ Ukraynaya çoxlu silah göndərmək istəməz, lakin təchizat təmin ediləcək.
- Həmişə kompromisə getməliyik, Zelenski də güzəştə getməli olacaq.
- Mən ABŞ-ın münaqişədə iştirakına görə təəssüflənirəm və buna görə məsuliyyət hiss edirəm.
- Vladimir Putinlə əlaqələrim əladır.
- Putinlə Zelenski arasında görüş olacaqmı? Bir-birlərini bəyənmirlər.
- Mən neytralam: hər ikisinin tərəfdarıyam.
- ABŞ-Ukrayna nadir torpaq metalları müqaviləsi "çox ədalətlidir".
- Saziş Ukrayna üçün irəliyə doğru bir addım olmalıdır. Və bu, ABŞ üçün böyük öhdəlikdir.
- Ukraynanın mineralları süni intellekt və silahların hazırlanmasında istifadə olunacaq. Bununla çoxlu pul gətirəcək.
- (Zelenskiyə) Heç nə diktə edə bilməzsən, çox yaxşı vəziyyətdə deyilsən.
- Sizin Rusiya ilə münaqişədə böyük problemləriniz var, qalib gəlmirsiniz.
- Nə hiss edəcəyimizi bizə diktə etməyə haqqınız yoxdur. Biz III Dünya Müharibəsinin astanasındayıq, amma ABŞ-a və mənə hörmət etmirsən.
- Əgər bizim silahlarımız olmasaydı, bu müharibə dərhal bitərdi.
Volodimir Zelenski:
- Biz heç vaxt atəşkəsi qəbul etməyəcəyik.
- Vladimir Putinlə müqavilə bağlayarkən heç bir güzəştə getmək olmaz.
- Bu sözləri Putindən eşitmişəm.
28-02-2025, 21:14
Zelenski atəşkəsə qarşı çıxdı
Ukrayna prezidenti Volodimir Zelenski ABŞ prezidenti Donald Trampla görüşüb.
Onlar jurnalistlərin suallarını cavablandırıb.
O, Rusiya ilə “sadəcə atəşkəs”in “işləməyəcəyini” deyib.
Zelenski vurğulayıb ki, Kiyev uzunmüddətli sülh zəmanəti olmadan hərbi əməliyyatların dayandırılmasına razı olmayacaq.
“Biz heç vaxt sadəcə atəşkəsi qəbul etməyəcəyik. Rusiya bunu pozacaq”, – Zelenski deyib.
Eyni zamanda Donald Tramp vurğulayıb ki, Rusiya-Ukrayna münaqişəsinə son qoymağın vaxtı çatıb və sülhün bərqərar olması üçün Ukrayna prezidenti güzəştə getməli olacaq:
"Biz böyük razılaşma əldə edəcəyik, Ukrayna bir daha müharibəyə qayıtmayacaq".
28-02-2025, 20:37
Zelenskinin Trampla görüşü başladı
Ukrayna Prezidenti Volodimir Zelenski amerikalı həmkarı Donald Trampla görüşmək üçün Ağ Evə gedib.
Tramp onu Ağ Evdə qarşılayıb.
Onlar içəri girməzdən öncə əl sıxışıb.
Tramp bildirib ki, bu gün faydalı qazıntılar haqqında saziş imzalanacaq.
"Bizdə çox ədalətli bir razılaşma var. Bu, ABŞ-dan böyük öhdəlikdir", - o qeyd edib.
28-02-2025, 20:26
Ağcabədidə faciə: 5 nəfər öldü - FOTO
Ağcabədi rayonunun Xocavənd kəndində zəncirvari yol-nəqliyyat hadisəsi baş verib. Belə ki, hərəkətdə olan "Mercedes", "Hyundai" və "VAZ" markalı 3 maşın toqquşub.
Qəza nəticəsində "VAZ” markalı avtomaşının sürücüsü və maşındakı dörd sərnişin hadisə yerində ölüb.
Hadisə yerinə təcili tibbi yardım briqadası cəlb edilib.
Qəza nəticəsində ölənlər 1990-cı il təvəlldlü Vüsal Məmməd oğlu Hüsiyev, 1991-ci il təvəllüdlü Sənan Aqil oğlu Əmrahov, 1992-ci il təvəllüdlü Azər Fəyyaz oğlu Aslanov, 2007-ci il təvəllüdlü Asiman Yaşar oğlu Ələsgərov və Elbəy Mövsüm oğlu Aslanovdur.
Faktla bağlı araşdırma aparılır.
28-02-2025, 19:43
Türkiyə terrorçuları əfv edəcək? - Hulusi Akardan sərt cavab
PKK terror təşkilatının həbsdəki lideri Abdullah Öcalan tərəfdarlarını silahı yerə qoymağa və terror təşkilatını buraxmağa çağırıb.
Bu çağırışdan sonra Türkiyə mətbuatında həbsdə olan terrorçuların, hətta Öcalanın əfv ediləcəyi barədə iddialar yayılıb.
Türkiyə Böyük Millət Məclisinin deputatı, parlamentin Milli müdafiə komissiyasının sədri, sabiq milli müdafiə naziri Hulusi Akar məsələyə münasibət bildirib.
O qeyd edib ki, burada hər hansı güzəştdən, amnistiyadan söhbət gedə bilməz: "Hər kəs cəzasını alacaq, bu ayrı məsələdir, amma terrora son qoymaq üçün səylər göstərilir".
Hulusi Akar qeyd edib ki, meydanda heç nə dəyişməyib:
“Mehmetçik terrorçuların sığınacaqlarını məhv edir, gecə-gündüz terrorla mübarizə davam edir. Biz terrorsuz Türkiyə deyirik. Bu, güzəşt və ya kompromis deyil. Bu, şəhidlərimizin qanını görməzlikdən gəlmək deyil, biz bu məsələdə son dərəcə həssasıq. Prezident Rəcəb Tayyib Ərdoğan və cənab Baxçalı bu məsələdə hər cür həssaslıq nümayiş etdirdilər. Dünən lazımi açıqlama verildi və təşkilat rəhbəri dedi ki, silahlarınızı yerə qoyub təşkilatı ləğv edin. Bunu edib-etməmək öz ixtiyarlarındadır. Terrora son qoymaq əzmimiz və qətiyyətimiz mütləqdir. “Ölsək şəhid, qalsaq qazi olacağıq” anlayışı ilə sona qədər mübarizə aparacağıq. Məqsədimiz terror bəlasını dayandırmaq, Türkiyənin rifahı və gələcəyi üçün çalışmaqdır. İnanc və düşüncələrimizdə heç bir şəkildə dəyişiklik yoxdur. Terrorçu terrorçudur və Türkiyə Cümhuriyyəti öz yerində möhkəm qalır. Buna heç kimin şübhəsi olmasın”.
28-02-2025, 18:56
Ceyhun Bayramov Pakistan naziri ilə danışıqlar apardı
Azərbaycanın xarici işlər naziri Ceyhun Bayramovun Pakistanın Baş nazirinin müavini, xarici işlər naziri Məhəmməd İshaq Dar ilə telefon danışığı baş tutub.
Bu barədə Xarici İşlər Nazirliyindən məlumat verilib.
Bildirilib ki, nazirlər iki dost və qardaş ölkə arasında mövcud olan strateji əməkdaşlıq əlaqələrini yüksək qiymətləndirərək, bir çox istiqamətlərdə əməkdaşlığın daha da dərinləşməsinin zəruri olduğunu vurğulayıblar.
Bununla yanaşı, iki ölkə liderləri arasında yüksək səviyyəli təmaslar, habelə Pakistan Baş nazirinin ölkəmizə sonuncu səfəri zamanı əldə olunmuş razılıqların icrası məsələləri, o cümlədən gələcək planlar müzakirə edilib.
Telefon danışığı zamanı, həmçinin qarşılıqlı maraq doğuran digər ikitərəfli və regional məsələlər ətrafında fikir mübadiləsi aparılıb.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Zəngilanın dirçəliş
və qayıdış dövrü
Azərbaycan tarixinin ən şanlı səhifəsi olan Vətən müharibəsi bizə təkcə torpaqlarımızı deyil, ləyaqətimizi, qürurumuzu qaytardı. Həmin qürurun ən parlaq ünvanlarından biri də Zəngilandır. 2020-ci il sentyabrın 27-də başlanan Zəfər yürüşü zamanı şərqdən, Cəbrayıl istiqamətindən düşmənə vurulan sarsıdıcı zərbələr nəticəsində Azərbaycan Ordusu 30-dan çox yaşayış məntəqəsini azad edərək Zəngilanın inzibati hüdudlarına çatdı. Oktyabrın 18-də rayonun tam azad edilməsi uğrunda genişmiqyaslı əməliyyata start verildi və cəmi iki gün sonra, oktyabrın 20-də Müzəffər Ali Baş Komandan, Prezident İlham Əliyev xalqa müraciətində Havalı, Zərnəli, Məmmədbəyli, Həkəri, Şərifan, Birinci Muğanlı kəndlərinin və Zəngilan şəhərinin işğaldan azad edildiyini elan etdi. Beləliklə, Zəngilan döyüşləri nəticəsində 1 şəhər, 4 qəsəbə və 49 kənd düşmən tapdağından xilas edildi və bununla da 132 kilometrlik Azərbaycan-İran dövlət sərhədi tam bərpa olundu. İşğalın bitməsindən dərhal sonra sərhəd boyunca zəruri istehkam və mühafizə işlərinə başlanıldı.
Qərbi zəngəzurlular Zəngilan şəhidliyində
Bu tarixi qələbənin əbədiləşdirilməsi üçün 2020-ci il noyabrın 26-da “Zəngilanın azad olunmasına görə” medalı təsis edildi və 6974 hərbi qulluqçumuz bu medalla təltif olundu. Prezidentin 31 iyul 2023-cü il tarixli Sərəncamı ilə isə 20 oktyabr tarixi Zəngilan şəhəri günü kimi rəsmiləşdirildi. Zəngilanın azad olunması Böyük Qayıdışın başlanğıcı oldu. Bu gün dövlətin ən böyük hədəfi həmin torpaqları yenidən həyatla doldurmaqdır. 2026-cı il 1 oktyabr tarixinə olan məlumata görə, Zəngilan şəhərində 84 ailə, yəni 339 nəfər, Ağalı kəndində 234 ailə, yəni 1017 nəfər, Məmmədbəyli kəndində isə 179 ailə, yəni 903 nəfər öz doğma ocağına qayıdıb. Köçürülən ailələr peşə və bacarıqlarına uyğun olaraq müxtəlif dövlət qurumlarında, tikinti şirkətlərində, tikiş fabrikində və digər sahələrdə işlə təmin edilirlər.Bu qayıdışın dünyaya nümunə olan simvolu isə Ağalı kəndidir. Ağalı təkcə Azərbaycanda deyil, dünyanın ən müasir kəndlərindən biri hesab olunur. Burada “ağıllı kənd” konsepsiyası tam şəkildə tətbiq edilib. Dayanıqlı inkişafın təmin olunması üçün sosial-iqtisadi xidmətlər ən yüksək texnologiyalarla qurulub. Kəndin enerji təminatı ekoloji cəhətdən tam təmizdir, Həkəri çayı üzərində 3 turbindən ibarət Arximed tipli su elektrik stansiyası və gücü 325 kilovat olan günəş panelləri quraşdırılıb. Evlərdə istilik xərclərini azaltmaq üçün kombinə edilmiş sistemlər, mətbəx sobası və yüksək səmərəli elektrod boilerlər var. Suyun isidilməsi üçün günəş kollektorlarından, çirkab suların təmizlənməsi üçün bioloji təmizləmə qurğularından istifadə olunur.
Kənddə GPON texnologiyası ilə yüksək sürətli internet, İP TV, video müşahidə kameraları, ağıllı işıq dirəkləri və avtomatik hava müşahidə stansiyaları var. Əhalinin rahatlığı üçün Tele-səhiyyə, E-təhsil və digər elektron xidmətlər, ASAN, DOST, məktəb, bağça, tibb məntəqəsi, kiçik və orta biznesə dəstək mərkəzləri fəaliyyət göstərir. Ümumi sahəsi 2 hektardan çox olan park salınıb. Bütün bunlar onu göstərir ki, Ağalı kəndi sadəcə yaşayış məntəqəsi deyil, gələcəyin kənd modelidir. Nazirlər Kabinetinin 30 oktyabr 2023-cü ildə təsdiq etdiyi Baş Plana əsasən şəhərin 2040-cı ilədək inkişafı üçün böyük vəsait ayrılıb. 2022-ci ildə təməli qoyulan 104 mənzilli ilk yaşayış kompleksinin açılışı 2026-cı ildə olub. Kompleksin ərazisi 2 hektardan artıqdır və burada 12 bina, o cümlədən 4 ədəd üçmərtəbəli 60 mənzilli və 8 ədəd ikimərtəbəli 44 mənzilli evlər tikilib.
Azad Zəngilanın qonaqları
Zəngilan Beynəlxalq Hava Limanı bu bölgənin inkişafı üçün mühüm faktora çevrilib. Zəngəzur dəhlizinin hava infrastrukturu ilə gücləndirilməsi baxımından hava limanı strateji əhəmiyyət daşıyır. Eyni zamanda Horadiz-Zəngilan-Ağbənd dəmir yolunun inşası da böyük strateji əhəmiyyətə malikdir. Bu yol azad edilmiş torpaqlara həm vətəndaşların qayıdışı, həm də yüklərin daşınması üçün tarixi imkan yaradır. Artıq yolun birinci mərhələsi üzrə böyük hissə tamamlanıb və Araz İqtisadi Zonası Sənaye Parkına yüklər daşınır. Horadiz-Cəbrayıl-Zəngilan-Ağbənd avtomobil yolunun uzunluğu 126,3 kilometrdir, illik buraxılış qabiliyyəti 15 milyon tondur və layihənin 2026-cı ilin ikinci yarısında yekunlaşdırılması nəzərdə tutulur. İşğal dövründə tövlə kimi istifadə olunan XIX əsrə aid Zəngilan şəhər məscidi Heydər Əliyev Fondu tərəfindən bərpa olunub. Bərpa-tikinti işləri çərçivəsində tarixi məscid konservasiya edilib və onun yanında düzbucaqlı planlı, iki minarəli yeni məscid inşa edilib. Yeni məsciddə 220 və 100 nəfərlik ibadət zalları yaradılıb. Rayonun gələcəyi üçün turizm və kənd təsərrüfatı da unudulmayıb. 2024-cü il mayın 18-də Ağalı kəndində, Həkəri çayı vasitəsilə yaradılmış süni gölün sahilində “Ağalı” hoteli açılıb. Zəngilan İstirahət Kompleksində 111 nömrəli hotelin təməli 2023-cü il mayın 4-də qoyulub. 2026-cı il mayın 10-da isə “Zəngilan City Park Hotel”in təməli qoyulub. Kənd təsərrüfatı sahəsində isə “Dost Aqropark” layihəsi həyata keçirilir. Azərbaycan və Türkiyə şirkətlərinin birgə layihəsi olan bu kompleks tam başa çatdıqda 500 nəfəri işlə təmin edəcək və 100 milyon dollar sərmayə qoyulacaq. Layihənin birinci mərhələsində 5200 kvadratmetr qapalı, 113 min kvadratmetr açıq tipli heyvandarlıq kompleksləri, sosial obyektlər, kafe, kinoteatr tikilib.
Beləliklə, Zəngilan bu gün sadəcə işğaldan azad edilmiş bir rayon deyil, Azərbaycan dövlətinin qüdrətinin, iradəsinin və gələcəyə olan inamının canlı rəmzidir. Burada hər daş, hər tikilən ev, hər qayıdan ailə 30 illik həsrətin sonu və Böyük Qayıdışın əbədi başlanğıcıdır.
Mahnur Hüseynova
Xırdalan şəhər 8 nömrəli tam orta ümumtəhsil məktəbinin direktoru
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!