31-01-2026, 23:08
Milli Azərbaycan Tarixi muzeyində
M.Ə.Rəsulzadənin anadan olmasının 142-ci ildönümü
Yanvarın 30-da Milli Azərbaycan Tarixi muzeyində “Rəsulzadə ev muzeyi ictimai qrup”nun təşkilatçılığı ilə Azərbaycanın görkəmli dövlət, siyasi və ictimai xadimi, istiqlal məfkurəsinin daşıyıcısı və Azərbaycançılıq ideologiyasının banisi Məhəmməd Əmin Rəsulzadənin anadan olmasının 142-ci ildönümü münasibətilə elmi tədbir keçirildi. Həmin gün elmi tədbirdə təşkil olunan sərgiyə də baxış keçirildi. Sərgidə tarixçi alim Dilqəm Əhmədin şəxsi kolleksiyasından Məhəmməd Əmin Rəsulzadəyə aid eksponatlar və onun müəllifi olduğu kitablar təqdim olundu.
Onların hamısını yox etdilər.” Rais Rəsulzadə babası M.Ə.Rəsulzadənin gördüyü mühim işləri tariximizin şanlı səhifəsi adlandırdı. O, çıxışının sonunda Milli Azərbaycan Tarixi muzeyinin direktoru Nailə Vəlixanlıya, dəyərli qonaqlara, tədbir iştirakçılarına təşəkkür etdi. Tədbirdə ANS Şirkətlər qrupunun prezidenti Vahid Mustafayevin M.Ə.Rəsulzadənin yaşadığı binaya virtual xatirə lövhəsi vurulması layihəsi təqdim olundu. Vahid Mustafayev söylədi ki, “M.Ə.Rəsulzadənin virtual ev muzeyinə yaşadığı məkandan asılı olmayaraq daxil olmaq mümkündür. Xatirə lövhəsi üzərində Azərbaycanın xəritəsinin, üç rəngli bayrağımızın təsviri də verilib.”
Tədbir istirakçilarinin diqqətinə Azərbaycan Kültür Dərnəyinin başqanı Cəmil Ünalın təbriki də çatdırıldı.
Daha sonra tədbir iştirakçılarını maraqlandıran suallar cavablandırıldı, xatirə şəkli çəkildi.
Təranə CƏBİYEVA
31-01-2026, 18:27
Komitə sədri Leyla
Calalovanı təbrik edib
Milli Məclisin İctimai birliklər və dini qurumlar komitəsinin sədri Fazil Mustafa Qərbi Azərbaycan İcmasının üzvü, ADPU Qərbi Azərbaycan Araşdırmalar Mərkəzinin rəhbəri, tarix üzrə fəlsəfə doktoru Leyla Calalovanı təbrik edib.
Təbrik məktubunda deyilir:
"Sizi – Qərbi Azərbaycan mövzusunun elmi araşdırılması, tarixi yaddaşın qorunması və ictimai platformalarda ardıcıl təbliği ilə seçilən tarixçi-alimi – əlamətdar yubileyiniz münasibətilə səmimi-qəlbdən təbrik edirəm!
Azərbaycan Dövlət Pedaqoji Universiteti nəzdindəki Qərbi Azərbaycan Araşdırmalar Mərkəzinin rəhbəri, habelə Qərbi Azərbaycan İcması Qadınlar Şurasının və Dərələyəz (Keşkənd) icmasının fəal üzvü olaraq, professor Mahirə Hüseynovanın rəhbərliyi ilə apardığınız tədqiqatlar, özəlliklə Azərbaycanın xanlıqlar dönəminə dair araşdırmalarınız elmi obyektivlik və mənbə əsaslı yanaşma ilə seçilir. İctimai fəaliyyətiniz, bir alim olaraq gördüyünüz işlər, ümumən milli-mənəvi dəyərlərimizin yaşadılması və tarixi ədalətin bərpası yönündə çalışmalarınız təqdirəlayiqdir.
Qərbi Azərbaycana qayıdış platformasında “Yurdun Səsi” qəzetində və “İz” jurnalında redaksiya fəaliyyətiniz, eləcə də “Heydər Əliyevin Qərbi Azərbaycan siyasəti: tarixi və siyasi varislik” (Bakı, 2025) adlı monoqrafiyanız bu hərəkatın elmi-intellektual əsaslarının möhkəmlənməsinə sanballı töhfədir. Bu fəaliyyətlər ictimai şüurun formalaşmasına, milli yaddaşın sistemli şəkildə cəmiyyətə çatdırılmasına xidmət edir.
Əlamətdar yubileyiniz münasibətilə Sizə möhkəm cansağlığı, ailə səadəti, elmi və ictimai fəaliyyətinizdə yeni uğurlar arzulayıram!"
31-01-2026, 18:20
Narkotik almağa pul vermədiyi üçün arvadını baltalayıb
Ağdam rayonunda kişinin arvadına kəsici alətlə xəsarət yetirməsi hadisəsinin detalları məlum olub.
Hadisə rayonun Mahrızlı kəndində baş verib. Kənd sakini Gülzəndə Abbas qızı Salahovaya həyat yoldaşı Ceyhun Salahov balta ilə ağır xəsarətlər yetirib.
Məlumata görə, hadisəni törətməkdə təqsirləndirilən C.Salahov bir neçə dəfə məhkumluq həyatı yaşayıb. O, narkotik aludəçisi olub və sonuncu cəza müddəti ötən ilin mart ayında başa çatıb. O, sonuncu dəfə narkotik vasitələrin qanunsuz dövriyyəsində təqsirləndirilərək həbs edilibmiş.
C.Salahov cəzaçəkmə müəssisəsindən gələndən sonra mütəmadi olaraq ailədə mübahisə yaradırmış. Heç bir yerdə işləməyən C.Salahov həyat yoldaşı və qayınanasından tez-tez pul alıb, narkotik və içki alırmış. Buna görə də mütəmadi olaraq evdə mübahisə yaranırmş.
C.Salahovun oğlu Tural Salahov Xankəndi şəhərində tikinti şirkətində çalışırmış və hadisədən bir gün əvvəl evlərinə qayıdıbmış. Hadisə baş verən də isə Tural evdə olmayıb. Oğlunun evdə olmadığından istifadə edən C.Salahov həyat yoldaşından narkotik üçün pul istəyib. Qadın isə ona pulunun olmadığını deyib.
Buna görə də ər-arvad arasında dava başlayıb. Dava zamanı C.Salahov evin zirzəmisində olan baltanı götürərək qadına hücum edib. O, qadına baş və bədəninin müxtəlif nahiyələrindən xəsarətlər yetirib. Qadının öldüyünü ehtimal edən C.Salahov hadisə yerindən qaçıb.
Polis əməkdaşlarının keçirdiyi əməliyyatla C.Salahov saxlanılıb.
31-01-2026, 18:10
Azərbaycan opera kollektivi dünya səhnəsində
Yanvarın 31-də Oman Sultanlığının Maskat şəhərində yerləşən “Royal Opera House Muscat” səhnəsində Cakomo Puççininin “Toska” operasının premyerası olacaq.
Tamaşa əsas partiyada Azərbaycanın Xalq artisti Yusif Eyvazov çıxış edəcək. Eyni zamanda səhnə əsəri Azərbaycan Dövlət Akademik Opera və Balet Teatrının simfonik orkestri və xorunun müşayiəti ilə təqdim ediləcək.
Azərbaycan kollektivinin dünyanın nüfuzlu opera məkanlarından hesab olunan “Royal Opera House Muscat” səhnəsində çıxışı milli opera sənətinin beynəlxalq səviyyədə təmsili baxımından əhəmiyyətli hadisədir.
Qeyd edək ki, bu opera evi Ərəb dünyasında ölçüsünə görə ikinci ən böyük opera teatrı hesab olunur.
Dünya opera irsinin tanınmış əsərlərindən olan “Toska” operasının Maskatda Azərbaycan Dövlət Akademik Opera və Balet Teatrının iştirakı ilə təqdim olunması milli opera məktəbinin yaradıcı potensialını və beynəlxalq etimadı nümayiş etdirir.
Tamaşada Floriya Toska rolunu italyan soprano Carmen Giannattasio, Mario Kavaradossi rolunu tenor Yusif Eyvazov, Baron Skarpia rolunu isə tanınmış bariton Ambrogio Maestri ifa edir. Bununla yanaşı, operada Azərbaycan Dövlət Akademik Opera və Balet Teatrının digər solistləri də müxtəlif rollarda çıxış edərək səhnə heyətinin bədii bütövlüyünü təmin edirlər.
Tamaşanın səhnə quruluşu Davide Livermore, musiqi rəhbərliyi isə dirijor Fabio Mastrancelonun rəhbərliyi ilə həyata keçirilir.
Xatırladaq ki, “Royal Opera House Muscat” Sultan Qabus bin Səidin təşəbbüsü ilə 2011-ci ildə fəaliyyətə başlayıb və Yaxın Şərqin aparıcı mədəniyyət mərkəzlərindən hesab olunur.
31-01-2026, 17:53
"Qarabağ" və "Neftçi"dən Rəsulzadə ilə bağlı PAYLAŞIM
Bu gün görkəmli ictimai-siyasi xadim, Azərbaycan Xalq Cümhuriyyətinin banilərindən biri Məhəmməd Əmin Rəsulzadənin anadan olmasından 142 il ötür.
"Qarabağ" Futbol Klubu özünün Facebook səhifəsində Rəsulzadəninin doğum günü münasibətilə paylaşım edib.
Paylaşımda deyilir:
"Bu gün Azərbaycan Xalq Cümhuriyyətinin qurucularından olan Məhəmməd Əmin Rəsulzadənin anadan olmasından 142 il ötür. Hörmətlə anırıq!"
"Neftçi" klubunun da Facebook hesabında anoloji paylaşım edilib:
"Bu gün Azərbaycan Xalq Cümhuriyyətinin banilərindən biri, görkəmli siyasi xadim Məhəmməd Əmin Rəsulzadənin anadan olmasından 142 il ötür. Hörmətlə anırıq!"
Qeyd edək ki, Məhəmməd Əmin Rəsulzadə 1955-ci ilin martın 6-da Ankarada vəfat edib.
31-01-2026, 17:48
Tramp 13 yaşlı qıza təcavüz etməkdə suçlanır
ABŞ Ədliyyə Nazirliyi tərəfindən pedofiliya və seks alverində ittiham olunan məşhur maliyyəçi Ceffri Epşteyn haqqında açıqlanan dosyedə Prezident Donald Trampı 13 yaşlı qıza təcavüz etməkdə ittiham edən ifadələr də yer alır.
Açıqlanan sənədə görə, zərərçəkmiş ifadə verərək, Trampın ona 13 yaşında ikən təcavüz etdiyini iddia edib.
İddiaçı deyib ki, Trampa qarşı oral seks etməyə məcbur edilib. İfadəyə görə, zərərçəkmiş Trampı dişləyib və vəziyyətə gülüb, Tramp isə onun üzünə yumruq vurub.
Bu arada, “The Independent” qəzeti hesablayıb ki, Epşteyn dosyesinin son nəşrində Trampdan 3000 dəfədən çox bəhs olunub.
Ümumilikdə, cümə günü 2000-dən çox video və 180.000 şəkil daxil olmaqla üç milyon səhifədən çox sənəd yayımlanıb. Bunların sonuncu olması gözlənilir.
31-01-2026, 17:09
"Mən azərbaycanlıyam!” deyib rəqibinə meydan oxudu - VİDEO
Azərbaycanlı UFC döyüşçüsü Rafael Fiziyev növbəti qarşılaşmaya hazırlaşır.
Yüngül çəki dərəcəsində çıxış edən idmançı Bakı UFC 325 turnirində oktaqona çıxacaq.
O, bu döyüşdə braziliyalı Mauricio Ruffy ilə üz-üzə gələcək. Qarşılaşma Avstraliyanın Sidney şəhərində baş tutacaq və turnirin əsas kartına daxil edilib. Döyüşün fevralın 1-i, Bakı vaxtı ilə saat 06:00-da başlanması nəzərdə tutulub.
Döyüşdən öncə idmançılar son dəfə üzləşiblər. Fiziyev rəqibinə məğrurcasına deyib:
“Mən Rafaeləm, Salmanın oğlu! Əli Abbasın nəvəsiyəm. Mən azərbaycanlıyam və mən sənə əllərimlə zərbə endirəcəm - dirsəklərimlə, dizlərimlə və ayaqlarımla. Sabahdan sonra sən bunu hiss edəcəksən. Və mən hazıram. Mən döyüşə gedəndə gülümsəyirəm, bilirsən? Başlayaq!”
Həmin anın videosu:
31-01-2026, 16:40
“Problemlər xalqı görməməyimizdən irəli gəlir" - Pezeşkian
"Bugünkü cəmiyyətdəki problemlər İmam Xomeyninin tövsiyələrinə düzgün əməl etməməyimizdən və xalqı görməməyimizdən irəli gəlir".
Bunu İran Prezidenti Məsud Pezeşkian hökumət üzvləri ilə birlikdə İmam Xomeyninin məzarını ziyarət etdikdən sonrakı çıxışında bildirib.
"Çıxışlar edərkən həmişə mərhum İmama istinad edirəm və xarici mənbələrə istinad edə bilmirəm, çünki deyirlər ki, o, Qərbdən təsirlənib...
Əgər davranışımızı əmr edilənlərə və tətbiq etməli olduğumuz şeylərə uyğunlaşdırsaydıq və xalqı bu cəmiyyətin sütunları kimi görsəydik, baş verməməli olan şeyin baş verib acılaşdığı bu nöqtəyə çatmazdıq....
Əgər doğru yolu tutmaq istəyiriksə, xalqla və xalq üçün çalışmalı və xalqa mümkün qədər xidmət etməliyik. Geniş ictimaiyyət bizdən razı qalmadıqda, bir neçə elitanın məmnuniyyəti faydalı olmayacaq. İnsanlar davranışımıza və ədalətimizə baxır...
İnsanların bizdən gözlədiyi şey ədalətə əsaslanaraq hərəkət etməkdir. Heç bir insanın hüquqlarını görməzdən gəlməyə haqqımız yoxdur”.
Prezident bütün vəzifədəkilərin xalqla birlikdə olmağı, xalqa qarşı davranışı dəyişdirməyin vacibliyin vurğulayıb:
“Ədalətli baxış baxımından etnik qruplar, cinslər, irqlər, dillər və inanclar hərəkətlərimizə və qərarlarımıza təsir etməməli və əsas meyar həqiqət və ədalət olmalıdır. Heç bir etnik qrupa qarşı düşmənçilik bizi və müsəlman olduğunu iddia edənləri ədalətli münasibət yolundan yayındırmamalı və ədalətsiz hərəkətlərə sövq etməməlidir”.
31-01-2026, 16:38
Pakistanda eyni vaxtda 12 terror aktı - 10 polis öldü
Pakistanda separatçı Bəlucistan Azadlıq Təşkilatının silahlı üzvləri əyalətin müxtlif yerlərində koordinasiyalı terror aktları törədiblər.
Vilayətin paytaxtı Kvetta şəhərində yerli vaxtla saat 06:00 radələrində güclü partlayış səsi eşidildikdən sonra təxminən iki saat ərzində intensiv atışma olub.
Dalbandin və Nuşki bölgələrinin sakinləri də partlayışlar və silah səsləri eşitdiklərini bildiriblər. Eyni zamanda Mastung, Qvadar, Pasni və Turbat şəhərlərində də oxşar hücumların həyata keçirildiyi qeyd olunur. Rəsmi qurumların məlumatına görə, 12 ayrı nöqtədə təşkil edilən terror aktları nəticəsində azı 10 polis və təhlükəsizlik əməkdaşı həlak olub, 58 silahlı şəxs zərərsizləşdirilib.
Belucistan vilayətinin baş naziri Sərfraz Bugti açıqlamasında bildirib ki, vilayətin müxtəlif bölgələrində əməliyyatlar aparılır və terrorçular hələ də təqib olunur. O, hücumların arxasında Hindistanın dayandığını iddia edib.
“Səhər saatlarında son dövrlərdə yaşadıqları mənəvi sarsıntını kompensasiya etmək məqsədilə Hindistanın dəstəklədiyi terrorçular bir neçə nöqtədə hücumlar təşkil etməyə cəhd göstəriblər. Lakin Belucistan polisi və sərhəd qoşunlarının qəhrəman şəxsi heyəti bu hücumları birgə dəf edərək bu günə qədər daha 58 terrorçunu zərərsizləşdirib. Bu hücumlar terrorizmə qarşı qətiyyətimizi sarsıda bilməz -son terrorçuyadək onların ardınca gedəcəyik”,-Bugti deyib.
Vilayət baş naziri əlavə edib ki, təhlükəsizlik qüvvələri son iki gün ərzində Bəlucistan ərazisində keçirilən əməliyyatlar zamanı ümumilikdə 70 terrorçunu zərərsizləşdirib.
31-01-2026, 16:15
Prezident İlham Əliyevin gənclər strategiyası uğurlu gələcəyə aparır
2 Fevral - Azərbaycan Gəncləri Günü ölkəmizdə gənclərə göstərilən diqqət və qayğının, həyata keçirilən məqsədyönlü dövlət siyasətinin bariz ifadəsidir. Ulu Öndər Heydər Əliyevin əsasını qoyduğu gənclər siyasətinin Prezident İlham Əliyev tərəfindən müasir dövrün tələblərinə uyğun şəkildə davam etdirilməsi Azərbaycan gəncliyinin hərtərəfli inkişafı üçün geniş imkanlar açıb və bu strategiya ölkənin uğurlu gələcəyinin əsas təminatına çevrilib.
Ulu Öndər Heydər Əliyev gəncləri Azərbaycanın strateji inkişaf resursu kimi qiymətləndirərək bildirib ki, xalqın gələcəyi gənclərdir və onlar həm fiziki cəhətdən sağlam, həm də yüksək bilik və əxlaqa malik olmalıdırlar. Bu baxışın məntiqi davamı olaraq Prezident İlham Əliyev gənclərin potensialının reallaşdırılmasını dövlət siyasətinin prioritet istiqamətlərindən biri kimi müəyyən edib. Dövlət başçısının qeyd etdiyi kimi, bu gün gənclər azad, sabit və özünə güvənən ölkədə yaşayır və bu imkanlardan düzgün istifadə etməklə həm öz gələcəklərini, həm də dövlətin inkişafını təmin etməlidirlər.
Prezident İlham Əliyevin təşəbbüsü ilə 2007-ci ilin “Gənclər ili” elan olunması, Gənclər Fondunun yaradılması, Gənclərin İnkişaf və Karyera Mərkəzinin fəaliyyəti, “Yüksəliş” müsabiqəsi, “Gənclər üçün Prezident Mükafatı” kimi layihələr gənclərin ictimai-siyasi, sosial və peşəkar inkişafına güclü stimul verib. Bu təşəbbüslər gənclərin yalnız fəal vətəndaş kimi formalaşmasına deyil, eyni zamanda gələcəyin idarəçi kadrlarının yetişdirilməsinə xidmət edir.
Xaricdə təhsil proqramları gənclər siyasətinin mühüm istiqamətlərindən biridir. Dövlətin maliyyə dəstəyi ilə minlərlə azərbaycanlı gəncin dünyanın nüfuzlu ali təhsil müəssisələrində təhsil alması insan kapitalının güclənməsinə, müasir bilik və bacarıqların ölkəyə gətirilməsinə şərait yaradıb. Bu gün həmin gənclər müxtəlif sahələrdə ölkənin inkişafına töhfə verən aparıcı mütəxəssislər kimi fəaliyyət göstərirlər.
Vətən müharibəsi zamanı Azərbaycan gəncliyi öz qəhrəmanlığı ilə tarix yazdı. Ordumuzun sıralarında döyüşən minlərlə gənc torpaqlarımızın azad olunmasında həlledici rol oynadı, informasiya müharibəsində isə sosial şəbəkələrdə fəal mövqe tutaraq Azərbaycanın haqq səsini dünyaya çatdırdı. Bu faktlar bir daha sübut etdi ki, Prezident İlham Əliyevin həyata keçirdiyi gənclər strategiyası yalnız sosial inkişaf deyil, eyni zamanda milli təhlükəsizlik və dövlətçilik baxımından da mühüm əhəmiyyət daşıyır.
Bu gün gənclər ölkənin sosial-iqtisadi, mədəni və idman həyatında aparıcı qüvvəyə çevrilib. Beynəlxalq idman yarışlarında əldə olunan nailiyyətlər, könüllülər hərəkatının genişlənməsi, “Gənclər evi” şəbəkəsinin fəaliyyəti, innovasiya və startap layihələri gənclərin potensialının real nəticələrə çevrildiyini göstərir. Dördüncü Sənaye İnqilabı dövründə texnologiya və innovasiyaların əsas daşıyıcısı da məhz gənclərdir və bu prosesdə Azərbaycan gəncliyi fəal iştirak edir.
Abşeron-Xızı Regional Gənclər və İdman İdarəsi olaraq biz də Abşeron rayonunda gənclərin maarifləndirilməsi, vətənpərvərlik ruhunda tərbiyəsi, onların sosiallaşması və karyera inkişafı istiqamətində ardıcıl tədbirlər həyata keçiririk. Gənclərin potensialının üzə çıxarılmasına və cəmiyyətə inteqrasiyasına dəstək oluruq.
Əminliklə demək olar ki, Prezident İlham Əliyevin həyata keçirdiyi gənclər strategiyası nəticəsində bu gün Azərbaycan gəncliyi ölkənin ən böyük gücünə çevrilib. Savadlı, vətənpərvər, yaradıcı və təşəbbüskar gənclərimiz Azərbaycanın müstəqilliyini daha da möhkəmləndirəcək, dövlətimizin gələcək uğurlarının əsas təminatçısı olacaqlar.
Xannənə Həsənova
Abşeron-Xızı Regional Gənclər və İdman İdarəsinin
Abşeron rayonu üzrə gənclər və idman sektorunun müdiri
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Tanınmış telejurnalist vəfat edib
Tanınmış telejurnalist Nailə Əkbərova vəfat edib.
Bu barədə onun dostları məlumat yayıblar.
O, ağır xəstəlikdən əziyyət çəkirmiş.
Əkbərova Nailə Ənvər qızı 27 avqust 1963-cü ildə Şamaxı şəhərində anadan olub. Azərbaycan Dövlət Mədəniyyət və İncəsənət Universitetinin məzunudur. 1981-ci ildən Azərbaycan Dövlət Televiziyasında çalışmağa başlayıb. 1997-2006-cı illərdə musiqi verlişləri baş redaksiyasında baş rejissor vəzifəsində çalışıb.
2006-ci ildə “Space” telekanalında bir neçə verlişin rejissoru işləyib. 2009-cu ildən TRT telekanalının əməkdaşıdır. TRT Avaz-da yayımlanan “Qafqazlara əsən yellər” proqramının müəllifi, rejissoru və aparıcısı olub. Azərbaycanda ilk klip yaradıcılarındandır.
Allah rəhmət etsin!
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!