31-01-2026, 15:27
Məşhurlar narkotikə görə saxlanıldı - SİYAHI
İstanbul prokurorluğunun apardığı istintaq çərçivəsində bəzi tanınmış simalar saxlanılıb.
Keçirilən genişmiqyaslı əməliyyat zamanı tanınmış komediyaçı Hasan Can Kaya, rep ifaçısı Emirhan Çakal və sosial media fenomeni Reynmen də daxil olmaqla ümumilikdə 26 şübhəli saxlanılıb. Hazırda onların barəsində polis idarəsində istintaq tədbirləri davam etdirilir.
İstintaq materiallarında adı keçən, lakin əməliyyat zamanı xaricdə olduqları müəyyən edilən şübhəlilər barəsində prokurorluq tərəfindən saxlanma qərarı çıxarılıb. Saxlanma qərarı verilən şəxslər arasında "YouTuber" Enes Batur, sosial media fenomeni Çağrı Taner, eləcə də Survivor yarışmasının iştirakçıları Nisa Bölükbaşı və Barış Murat Yağcı kimi ictimaiyyətə yaxşı tanış olan simalar da var.
Xaricdə olduqları üçün barələrində saxlanma qərarı çıxarılan 9 nəfərlik siyahı aşağıdakılardır:
- Enes Batur Sungurtekin
- Barış Murat Yağcı
- Ecenaz Üçer
- Kemal Can Parlak
- Çağrı Taner
- Turgut Ekim
- Barbaros Dikmen
- Yaren Alaca
- Nisa Bölükbaşı
31-01-2026, 15:21
Suriya hökuməti SDQ ilə anlaşmaya nail oldu
Suriya hökuməti cümə günü kürd qruplaşmalarınə birləşdirən Suriya Demokratik Qüvvələri (SDQ) ilə hərtərəfli razılaşmaya nail olunduğunu elan edib.
SANA agentliyinin yaydığı məlumata əsasən, razılaşma atəşkəsin elan olunmasını, eləcə də SDQ-nin mərhələli şəkildə hərbi və inzibati strukturlara inteqrasiyasını nəzərdə tutur.
Hökumətə yaxın mənbə Suriya dövlət televiziyasına bildirib ki, sazişə əsasən, kürd silahlılıları təmas xəttindən geri çəkiləcək, Suriya Daxili İşlər Nazirliyinin təhlükəsizlik qüvvələri isə Həsəkə və Qamışlı şəhərlərinin mərkəzlərinə yerləşdiriləcək.
Mənbənin sözlərinə görə, razılaşma həmçinin SDQ tərkibində üç briqadadan ibarət hərbi birləşmənin, eləcə də Kobani (Ayn əl-Ərəb) qüvvələrindən formalaşdırılan briqadanın Hələb vilayəti ilə əlaqəli hərbi struktur çərçivəsində fəaliyyətini nəzərdə tutur. Bildirilib ki, SDQ-nin hərbi və təhlükəsizlik qüvvələrinin inteqrasiyası briqadalar daxilində fərdi əsasda həyata keçiriləcək.
Eyni zamanda dövlət ölkə ərazisindəki bütün mülki və hökumət qurumları, eləcə də sərhəd-keçid məntəqələri və giriş nöqtələri üzərində tam nəzarəti öz üzərinə götürəcək və ölkənin heç bir hissəsinin mərkəzi hakimiyyətdən kənarda qalmamasına təminat verəcək.
Razılaşma çərçivəsində muxtar inzibati strukturların dövlət institutlarına inteqrasiyası, mülki qulluqçuların isə öz vəzifələrində saxlanılması nəzərdə tutulur. Saziş eyni zamanda kürd icmasının vətəndaş hüquqlarının və təhsil hüquqlarının təmin edilməsini, məcburi köçkünlərin öz doğma yurdlarına qayıtmasına şərait yaradılmasını ehtiva edir.
Mənbə vurğulayıb ki, bu razılaşmanın əsas məqsədi “Suriya ərazisinin birliyini təmin etmək, qanunun aliliyini möhkəmləndirmək və müvafiq tərəflər arasında əməkdaşlığın genişləndirilməsi, eləcə də ölkənin bərpası istiqamətində əlaqələndirilmiş səylər vasitəsilə regionda tam inteqrasiyaya nail olmaqdır”.
Qeyd edək ki, yanvarın 20-də Suriya Müdafiə Nazirliyi SDQ ilə əldə olunan razılaşma əsasında dörd günlük atəşkəs elan etmiş, bu atəşkəs yanvarın 24-də daha 15 gün müddətinə uzadılmışdı.
Yanvarın 18-də isə Suriya Prezidenti Əhməd əş-Şəraa SDQ-nin dövlət institutlarına tam inteqrasiyasını nəzərdə tutan atəşkəs sazişini imzalamışdı. Bundan əvvəl, yanvarın 16-da Prezident əş-Şəraa sərəncam imzalayaraq suriyalı kürdlərin “Suriya xalqının ayrılmaz hissəsi” olduğunu və onların “mədəni və dil kimliyinin Suriyanın vahid milli kimliyinin tərkib hissəsi” sayıldığını bəyan etmişdi.
31-01-2026, 15:14
Keçmiş nazirə 4,5 illik həbs cəzası kəsildi və əfv olundu
Ermənistanın keçmiş mədəniyyət naziri Hasmik Poqosyan İrəvanda torpaq sahəsinin mənimsənilməsinə görə 4,5 il həbs cəzasına məhkum edilib.
Ermənistan Baş Prokurorluğunun məlumatına görə, məhkəmə onun amnistiyasını da təmin edib.
Məhkəmə nazirliyin keçmiş rəhbərinin İrəvan Çaykovski Musiqi Məktəbinə məxsus torpaq sahəsinin özgəninkiləşdirilməsi üçün cinayət sxemində iştirak etdiyini müəyyənləşdirib.
Əvvəllər Ermənistanın İsraildəki keçmiş səfiri Armen Smbatyan və onun oğlu, Ermənistan Dövlət Simfonik Orkestrinin baş dirijoru Sergey Smbatyan da bu işdə iştirak ediblər. Sonradan onlara qarşı cinayət təqibi dayandırılıb.
İş materiallarına görə, 2012-ci ildə təqsirləndirilən şəxslər hökumətə 800 milyon dram (təxminən 2 milyon dollar) dəyərində "Kitab Dünyası" çoxfunksiyalı kompleksinin tikintisi üçün uydurma investisiya proqramı təqdim ediblər. Müstəntiqlərin fikrincə, bu, Çaykovski Musiqi Məktəbinə məxsus 300 kvadratmetrlik torpaq sahəsinin saxtakarlıqla ələ keçirilməsinə imkan verib.
31-01-2026, 14:22
II Qareginin Ermənistandan çıxışı yasaqlanır
Fevral ayında Avstriyada keçirilməsi planlaşdırılan Yepiskoplar Şurasının toplantısında Erməni Apostol Kilsəsinin rəhbəri II Qareginin də iştirakı gözlənilir. Lakin bütün ermənilərin katalikosunun Avstriyaya səfəri baş tutmaya da bilər.
Hökumətin II Qareginə “sürpriz” edə biləcəyi gözlənilir.
Katolikosa qarşı cinayət işi başlanıb: o, vəzifə səlahiyyətlərindən istifadə edərək məhkəmə qərarını yerinə yetirməməkdə ittiham olunur.
Cinayət işi Masyatsotn yeparxiyasının keçmiş rəhbəri yepiskop Gevorqun (Saroyan) vəzifəsindən azad edilməsi əsasında açılıb. Vəkillərin yeparxiya rəhbərinin katolikosa əmək müqaviləsi ilə deyil, andla bağlı olduğuna dair israrları hüquq-mühafizə orqanları tərəfindən ciddi qarşılanmayıb.
Katolikosu Gevorq Saroyanı yeparxiya rəhbəri vəzifəsinə bərpa etməyə məcbur edən məhkəmə qərarı olsa da, o icra olunmadığı üçün cinayət işi başlanıb.
Hakimiyyət orqanları bildirirlər ki, bu iş katolikosa səyahət qadağası üçün yol açır.
31-01-2026, 13:53
Rəsulzadənin Bakıdakı evinin divarına vurulacaq LÖVHƏ
Bu gün görkəmli ictimai-siyasi xadim, Azərbaycan Xalq Cümhuriyyətinin banilərindən biri Məhəmməd Əmin Rəsulzadənin anadan olmasından 142 il ötür.
Məhəmməd Əmin Rəsulzadə 1884-cü il yanvarın 31-də Bakının Novxanı kəndində anadan olub.
1918-ci ildə o, Nəsib bəy Yusifbəyli, Əhməd bəy Ağaoğlu, Fətəli xan Xoyski, Əli Mərdan bəy Topçubaşov, Ceyhun bəy Hacıbəyli və başqaları ilə irlikdə Şərqdə ilk respublikanın yaradılmasını rəsmi şəkildə elan edib.
1920-ci il aprelin 28-də bolşevik işğalından sonra həbs edilib. Az sonra Stalinin göstərişi ilə həbsdən azad edilərək Moskvaya aparılıb. Stalinin təkidlərinə baxmayaraq, sovet hakimiyyəti ilə əməkdaşlıqdan imtina edərək SSRİ-ni tərk edib.
Məhəmməd Əmin Rəsulzadə 1955-ci ilin martın 6-da Ankarada vəfat edib.
Rəsulzadənin doğum günündə onun Bakıdakı evinin divarına vurulması nəzərdə tutulan lövhənin şəkli yayılıb.
Lövhənin müəllifi “Rəsulzadə ev-muzeyi ictimai qrupu”nun həmtəsisçisi, ANS Şirkətlər Qrupunun rəhbəri Vahid Mustafayevdir.
“Rəsulzadə ev-muzeyi ictimai qrupu”nun üzvü, tarixçi alim Solmaz Rüstəmova-Tohidi bildirib ki, bu lövhə hələ ki layihədir.
"Vahid Mustafatev Rəsulzadənin 1918-1920-ci illər Bakıda yaşadığı İslam Səfərli-15 (keçmiş Vorontsovskaya küçəsi) ünvandakı binaya vurulmaq üçün nəzərdə tutulmuş xatirə lövhəsi-barelyefin virtual layihəsini təqdim edib. Bu lövhə hələ ki layihədir.
Rəsmi icazə alınanda təbii ki, üzərində işləmək, dəyişikliklər etmək mümkündür. Əsas məqsəd - cəmiyyətdən gələn dəstəkdir”, - tarixçi alim deyib.
31-01-2026, 13:31
Özümüzü müdafiə etmək gücümüz var - İran XİN
"İrana hər hansı potensial hücuma güclü və qətiyyətli cavab veriləcək"
Bunu İranın xarici işlər naziri Arakçi CNN Türk-ə verdiyi müsahibədə vurğulayıb.
Arakçi Türkiyə ilə İran arasında münasibətlərin güclü və konstruktiv olduğunu və iki ölkənin daim fikir mübadiləsi apardığını deyib. O bildirib ki, yanvarın 30-da Ankaraya səfəri zamanı Türkiyə prezidenti Rəcəb Tayyib Ərdoğan və xarici işlər naziri Hakan Fidan ilə görüşüb və regional problemlərin diplomatiya yolu ilə həll yollarını tapmaq barədə fikir mübadiləsi aparıb.
Türkiyənin İrana qarşı mövqeyini həmişə konstruktiv hesab etdiklərini vurğulayan Arakçi deyib: "Türkiyənin İrana baxışları həmişə çox konstruktiv olub və bu, bizim üçün olduqca vacibdir. Xüsusilə İranla işğalçı İsrail rejimi arasında 12 günlük müharibə zamanı Türkiyənin çox konstruktiv yanaşmasını gördük. İran və Türkiyə xalqları arasında çox güclü bir bağ var".
Nazir hazırda Vaşinqtonla danışıqlar üçün ciddi bir əsas olmadığını bildirdi. O, səmərəli danışıqlar üçün əvvəlcə təhdid və təzyiq atmosferinin aradan qalxmalı olduğunu vurğulayıb.
Arakçi ABŞ-ın tez-tez üçüncü ölkələr vasitəsilə İranla əlaqə qurmağa çalışdığını bildirib və əlavə edib ki, Tehran ədalətli və balanslı diplomatiyaya hazırdır. Bununla belə, o, danışıqların diktə yolu ilə aparıla bilməyəcəyini deyib.
İranın müdafiə qabiliyyətinə toxunan XİN başçısı hər hansı potensial hücuma güclü və qətiyyətli cavab veriləcəyini vurğulayıb. Ötən ilin iyun ayında baş verən hücumun uğursuz olduğunu deyən Arakçi oxşar vəziyyətin eynilə nəticələnəcəyini bildirib və əlavə edib ki, "əgər hücum olarsa, biz sərt və çox güclü cavab verəcəyik".
Xarici işlər naziri İranın özünü müdafiə etmək gücünə malik olduğunu vurğulayaraq deyib: "Özümüzü müdafiə etmək gücümüz var, heç kimə ehtiyacımız yoxdur".
O, İranın fərqli variantlarının olduğunu və bütün ssenarilərin qiymətləndirildiyini bildirib. Nazir İran rejimi və hökumətinin mümkün hücuma qarşı cavab tədbirləri ilə bağlı tam razılığa gəldiyini vurğulayıb.
Arakçi kəşfiyyat hesabatlarının diqqətlə izlənildiyini və hər bir ehtimala hazırlıq görüldüyünü bildirib.
Avropa Birliyinin İran İnqilab Keşikçiləri Korpusunu (SEPAH) terror təşkilatı kimi tanımasına sərt reaksiya verən Arakçi, bu qərarın "böyük strateji səhv" olduğunu iddia edib.
İrandakı etirazlara münasibət bildirən nazir ölənlərin sayının təxminən 3100 olduğunu bildirib və daha yüksək rəqəmlərlə bağlı iddiaların həqiqəti əks etdirmədiyini söyləyib.
İranda rejim dəyişikliyi iddialarına toxunan Arakçi, bunun real olmadığını bildirərək, ölkəsindəki siyasi sistemin dərin köklərə malik və güclü olduğunu deyib.
31-01-2026, 13:14
İranda internet bərpa olundu
İran daxilində etirazlar səbəbindən 8 yanvarda kəsilən internet bağlantısı tam şəkildə bərpa olunub.
İranın xəbər saytları da normal fəaliyyətə keçib.
Qeyd edək ki, 28 dekabr 2025-ci ildə Tehranın Böyük Bazarında tacirlərin rəhbərliyi ilə başlayan etirazlar yerli valyutanın xarici valyutalar qarşısında sürətlə dəyərdən düşməsi və iqtisadi çətinliklərin dərinləşməsi səbəbindən ölkənin müxtəlif bölgələrinə yayılıb.
8 yanvarda paytaxt Tehranda keçirilən etiraz aksiyaları zamanı baş verən hadisələrin şiddətlənməsindən sonra hökumət internetə çıxışı məhdudlaşdırıb.
31-01-2026, 12:50
Sabahın hava proqnozu: 18 dərəcə isti
Sabah - fevralın 1-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Gecə və səhər bəzi yerlərdə duman olacaq. Şimal-şərq küləyi günün ikinci yarısında mülayim şimal-qərb küləyi ilə əvəz olunacaq.
Bu barədə Milli Hidrometeorologiya Xidməti məlumat yayıb.
Bildirilib ki, Havanın temperaturu gecə 3-6, gündüz 8-11 dərəcə isti olacaq. Atmosfer təzyiqi 755 mm civə sütunundan 760 mm civə sütununa yüksələcək. Nisbi rütubət 70-80 % təşkil edəcək.
Azərbaycanın rayonlarında havanın əsasən yağmursuz keçəcəyi gözlənilir. Lakin gündüz bəzi yerlərdə qısamüddətli yağıntılı olacağı, dağlıq ərazilərdə qar yağacağı ehtimalı var. Bəzi yerlərdə arabir duman olacaq. Qərb küləyi ayrı-ayrı yerlərdə arabir güclənəcək.
Havanın temperaturu gecə 2-7, gündüz 13-18 dərəcə isti, dağlarda gecə 2 dərəcə şaxtadan 3 dərəcəyədək isti, gündüz 10-15 dərəcə isti olacaq.
31-01-2026, 12:41
Bakıda iki marşrutun gedişhaqqı 50 qəpiyə endirildi
Fevralın 1-dən 76 və 78 nömrəli marşrutlar üzrə müasir avtobuslar sərnişinlərə xidmət göstərəcək.
Bu barədə Azərbaycan Yerüstü Nəqliyyat Agentliyindən (AYNA) bildirilib.
76 nömrəli marşrut Bakıxanov dəmiryol stansiyası - “Neftçilər” m/st;
78 nömrəli marşrut isə Bakıxanov dəmiryol stansiyası - “Qara Qarayev” m/st istiqamətləri üzrə işləyəcək.
Avtobuslarda ödəniş nağdsız qaydada olacaq.
AYNA 76 və 78 nömrəli marşrutların avtobuslarında gedişhaqqının 50 qəpik olacağını bəyan edib.
31-01-2026, 12:29
İnterpolun axtardığı türkiyəli Gürcüstanda saxlanıldı
Daxili İşlər Nazirliyinin Kvemo Kartli Polis Departamentinin Marneuli Rayon İdarəsinin əməkdaşları "İnterpol" tərəfindən qırmızı bülletenlə axtarışda olan Türkiyə Respublikasının vətəndaşı, 1986-cı il təvəllüdlü M.İ.-ni saxlayıblar.
Bu barədə Daxili İşlər Nazirliyi məlumat yayıb.
Qeyd edilib ki, saxlanılan şəxs Türkiyə Respublikası tərəfindən 2025-ci ilin dekabr ayından etibarən qəsdən adam öldürmə ittihamı ilə axtarışda olub.
Əlavə edilib ki, saxlanılan şəxs barəsində qanunvericiliklə nəzərdə tutulmuş ekstradisiya prosedurları davam etdirilir.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Zəngilanın dirçəliş
və qayıdış dövrü
Azərbaycan tarixinin ən şanlı səhifəsi olan Vətən müharibəsi bizə təkcə torpaqlarımızı deyil, ləyaqətimizi, qürurumuzu qaytardı. Həmin qürurun ən parlaq ünvanlarından biri də Zəngilandır. 2020-ci il sentyabrın 27-də başlanan Zəfər yürüşü zamanı şərqdən, Cəbrayıl istiqamətindən düşmənə vurulan sarsıdıcı zərbələr nəticəsində Azərbaycan Ordusu 30-dan çox yaşayış məntəqəsini azad edərək Zəngilanın inzibati hüdudlarına çatdı. Oktyabrın 18-də rayonun tam azad edilməsi uğrunda genişmiqyaslı əməliyyata start verildi və cəmi iki gün sonra, oktyabrın 20-də Müzəffər Ali Baş Komandan, Prezident İlham Əliyev xalqa müraciətində Havalı, Zərnəli, Məmmədbəyli, Həkəri, Şərifan, Birinci Muğanlı kəndlərinin və Zəngilan şəhərinin işğaldan azad edildiyini elan etdi. Beləliklə, Zəngilan döyüşləri nəticəsində 1 şəhər, 4 qəsəbə və 49 kənd düşmən tapdağından xilas edildi və bununla da 132 kilometrlik Azərbaycan-İran dövlət sərhədi tam bərpa olundu. İşğalın bitməsindən dərhal sonra sərhəd boyunca zəruri istehkam və mühafizə işlərinə başlanıldı.
Qərbi zəngəzurlular Zəngilan şəhidliyində
Bu tarixi qələbənin əbədiləşdirilməsi üçün 2020-ci il noyabrın 26-da “Zəngilanın azad olunmasına görə” medalı təsis edildi və 6974 hərbi qulluqçumuz bu medalla təltif olundu. Prezidentin 31 iyul 2023-cü il tarixli Sərəncamı ilə isə 20 oktyabr tarixi Zəngilan şəhəri günü kimi rəsmiləşdirildi. Zəngilanın azad olunması Böyük Qayıdışın başlanğıcı oldu. Bu gün dövlətin ən böyük hədəfi həmin torpaqları yenidən həyatla doldurmaqdır. 2026-cı il 1 oktyabr tarixinə olan məlumata görə, Zəngilan şəhərində 84 ailə, yəni 339 nəfər, Ağalı kəndində 234 ailə, yəni 1017 nəfər, Məmmədbəyli kəndində isə 179 ailə, yəni 903 nəfər öz doğma ocağına qayıdıb. Köçürülən ailələr peşə və bacarıqlarına uyğun olaraq müxtəlif dövlət qurumlarında, tikinti şirkətlərində, tikiş fabrikində və digər sahələrdə işlə təmin edilirlər.Bu qayıdışın dünyaya nümunə olan simvolu isə Ağalı kəndidir. Ağalı təkcə Azərbaycanda deyil, dünyanın ən müasir kəndlərindən biri hesab olunur. Burada “ağıllı kənd” konsepsiyası tam şəkildə tətbiq edilib. Dayanıqlı inkişafın təmin olunması üçün sosial-iqtisadi xidmətlər ən yüksək texnologiyalarla qurulub. Kəndin enerji təminatı ekoloji cəhətdən tam təmizdir, Həkəri çayı üzərində 3 turbindən ibarət Arximed tipli su elektrik stansiyası və gücü 325 kilovat olan günəş panelləri quraşdırılıb. Evlərdə istilik xərclərini azaltmaq üçün kombinə edilmiş sistemlər, mətbəx sobası və yüksək səmərəli elektrod boilerlər var. Suyun isidilməsi üçün günəş kollektorlarından, çirkab suların təmizlənməsi üçün bioloji təmizləmə qurğularından istifadə olunur.
Kənddə GPON texnologiyası ilə yüksək sürətli internet, İP TV, video müşahidə kameraları, ağıllı işıq dirəkləri və avtomatik hava müşahidə stansiyaları var. Əhalinin rahatlığı üçün Tele-səhiyyə, E-təhsil və digər elektron xidmətlər, ASAN, DOST, məktəb, bağça, tibb məntəqəsi, kiçik və orta biznesə dəstək mərkəzləri fəaliyyət göstərir. Ümumi sahəsi 2 hektardan çox olan park salınıb. Bütün bunlar onu göstərir ki, Ağalı kəndi sadəcə yaşayış məntəqəsi deyil, gələcəyin kənd modelidir. Nazirlər Kabinetinin 30 oktyabr 2023-cü ildə təsdiq etdiyi Baş Plana əsasən şəhərin 2040-cı ilədək inkişafı üçün böyük vəsait ayrılıb. 2022-ci ildə təməli qoyulan 104 mənzilli ilk yaşayış kompleksinin açılışı 2026-cı ildə olub. Kompleksin ərazisi 2 hektardan artıqdır və burada 12 bina, o cümlədən 4 ədəd üçmərtəbəli 60 mənzilli və 8 ədəd ikimərtəbəli 44 mənzilli evlər tikilib.
Azad Zəngilanın qonaqları
Zəngilan Beynəlxalq Hava Limanı bu bölgənin inkişafı üçün mühüm faktora çevrilib. Zəngəzur dəhlizinin hava infrastrukturu ilə gücləndirilməsi baxımından hava limanı strateji əhəmiyyət daşıyır. Eyni zamanda Horadiz-Zəngilan-Ağbənd dəmir yolunun inşası da böyük strateji əhəmiyyətə malikdir. Bu yol azad edilmiş torpaqlara həm vətəndaşların qayıdışı, həm də yüklərin daşınması üçün tarixi imkan yaradır. Artıq yolun birinci mərhələsi üzrə böyük hissə tamamlanıb və Araz İqtisadi Zonası Sənaye Parkına yüklər daşınır. Horadiz-Cəbrayıl-Zəngilan-Ağbənd avtomobil yolunun uzunluğu 126,3 kilometrdir, illik buraxılış qabiliyyəti 15 milyon tondur və layihənin 2026-cı ilin ikinci yarısında yekunlaşdırılması nəzərdə tutulur. İşğal dövründə tövlə kimi istifadə olunan XIX əsrə aid Zəngilan şəhər məscidi Heydər Əliyev Fondu tərəfindən bərpa olunub. Bərpa-tikinti işləri çərçivəsində tarixi məscid konservasiya edilib və onun yanında düzbucaqlı planlı, iki minarəli yeni məscid inşa edilib. Yeni məsciddə 220 və 100 nəfərlik ibadət zalları yaradılıb. Rayonun gələcəyi üçün turizm və kənd təsərrüfatı da unudulmayıb. 2024-cü il mayın 18-də Ağalı kəndində, Həkəri çayı vasitəsilə yaradılmış süni gölün sahilində “Ağalı” hoteli açılıb. Zəngilan İstirahət Kompleksində 111 nömrəli hotelin təməli 2023-cü il mayın 4-də qoyulub. 2026-cı il mayın 10-da isə “Zəngilan City Park Hotel”in təməli qoyulub. Kənd təsərrüfatı sahəsində isə “Dost Aqropark” layihəsi həyata keçirilir. Azərbaycan və Türkiyə şirkətlərinin birgə layihəsi olan bu kompleks tam başa çatdıqda 500 nəfəri işlə təmin edəcək və 100 milyon dollar sərmayə qoyulacaq. Layihənin birinci mərhələsində 5200 kvadratmetr qapalı, 113 min kvadratmetr açıq tipli heyvandarlıq kompleksləri, sosial obyektlər, kafe, kinoteatr tikilib.
Beləliklə, Zəngilan bu gün sadəcə işğaldan azad edilmiş bir rayon deyil, Azərbaycan dövlətinin qüdrətinin, iradəsinin və gələcəyə olan inamının canlı rəmzidir. Burada hər daş, hər tikilən ev, hər qayıdan ailə 30 illik həsrətin sonu və Böyük Qayıdışın əbədi başlanğıcıdır.
Mahnur Hüseynova
Xırdalan şəhər 8 nömrəli tam orta ümumtəhsil məktəbinin direktoru
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!