9-02-2026, 18:05
Siyəzən sakini dəm qazından ölüb
Siyəzən sakini dəm qazından zəhərlənərək ölüb.
Siyəzən rayonu sakini İzzət Cəfərovun yaşadığı evin hamamında dəm qazından zəhərlənərək öldüyü bildirilir.
Faktla bağlı araşdırma aparılır.
9-02-2026, 18:00
"Barselona"nın prezidenti istefa verdi
Kataloniyanın “Barselona” klubu yeni prezident seçkiləri ilə bağlı rəsmi kampaniyaya başlayıb.
Bu barədə klubun saytı məlumat yayıb. Seçki prosesi 9 fevral tarixindən etibarən start götürüb. Seçki isə 15 mart 2026-cı il tarixində keçiriləcək.
Seçki prosesi hazırkı prezident Joan Laportanın və idarə heyətinin istefası ilə başlayıb. “Barselona” prezidentinin səlahiyyətlərini müvəqqəti olaraq klubun birinci vitse-prezidenti Rafa Yuste icra edəcək. Joan Laporta yenidən prezident vəzifəsinə namizəddir. İddiaçılar Viktor Font, Mark Siria və Joan Kamprubi də var.
“Barselona” prezidenti vəzifəsinə rəsmi namizəd olmaq üçün iddiaçıların klub üzvlərindən ən azı 2321 imza toplaması tələb olunur.
9-02-2026, 17:53
36 yaşlı kişi dərmandan zəhərlənib öldü
Bakıda 36 yaşlı kişi dərmandan zəhərlənərək ölüb.
Qaradağ rayonu, Lökbatan qəsəbə sakini 1990-cı il təvəllüdlü İsgəndər Hacıbaba oğlu Hacıyev dərmandan zəhərlənmə diaqnozu ilə xəstəxanaya yerləşdirilib.
Həkimlərin səyinə baxmayaraq xəstəxanada ölüb.
Araşdırmalar aparılır.
9-02-2026, 17:48
AXCP-nin rayon şöbəsinin sədri həbs edildi
AXCP-nin Abşeron rayon şöbəsinin sədri Əhməd Əhmədov həbs edilib.
Əhməd Əhmədov övladını döyməkdə təqsirli bilinir.
Ağır xəsarətlər alan övladı atasından şikayət edib.
Şikayət əsasında cinayət işi başlanıb və atası həmin cinayət işi üzrə tutulub.
Məhkəmənin qərarı ilə onun barəsində 3 ay müddətinə həbs qətimkan tədbiri seçilib.
9-02-2026, 17:36
Bakıda Barış Mançonun xatirəsi anılacaq
Bakı Yunus Əmrə İnstitutunun təşkilatçılığı ilə fevralın 13-də musiqisi ilə nəsilləri birləşdirən, sözləri ilə sevgi, barış və insanlıq dəyərlərini həm Türkiyəyə, həm də dünyaya çatdıran unudulmaz mədəniyyət elçisi Barış Mançonun xatirəsinə həsr olunmuş anım tədbiri keçiriləcək.
Beynəlxaq Muğam Mərkəzində təşkil olunacaq tədbirdə Türkiyənin ölkəmizdəki səfiri professor Birol Akgün, Azərbaycanın Əməkdar jurnalisti professor Etibar Babayev və Bakı Yunus Əmrə İnstitutunun koordinatoru Gökhan Seyhan çıxış edəcəklər.
Azərbaycanlıların da ürəkdən sevdiyi Barış Mançonun xatirəsinə həsr olunmuş konsert proqramında Azərbaycan Milli Konservatoriyasının tələbələrinin musiqi ifaları, xanəndə Habil Məmmədov və tələbələri tərəfindən Barış Manço mahnılarının ifası dinləniləcək və rəqs nömrələri ifa ediləcək.
9-02-2026, 17:27
Prezident bu sazişi təsdiqlədi
“Azərbaycan Respublikasının Səhiyyə Nazirliyi ilə Latviya Respublikasının Səhiyyə Nazirliyi arasında səhiyyə və tibb elmi sahəsində əməkdaşlıq haqqında Saziş” təsdiq edilib.
Prezident İlham Əliyev bununla bağlı Fərman imzalayıb.
Saziş 2025-ci il dekabrın 4-də Riqa şəhərində imzalanıb.
Səhiyyə Nazirliyinə Fərmanın müddəalarının həyata keçirilməsini təmin etmək, Xarici İşlər Nazirliyinə Sazişin qüvvəyə minməsi üçün zəruri olan dövlətdaxili prosedurların yerinə yetirildiyi barədə Latviya Respublikası Hökumətinə bildiriş göndərmək tapşırılıb.
9-02-2026, 17:11
Vens Ermənistandadır
ABŞ-nin vitse-prezidenti Cey Di Vens Ermənistandadır.
Onun təyyarəsi bir neçə dəqiqə öncə "Zvartnots" aeroportuna eniş edib.
Xatırladaq ki, Vens 9-10 fevral tarixlərində Ermənistanda olacaq və bundan sonra Azərbaycana səfər edəcək.
9-02-2026, 17:06
Pensiyalar bu qədər artacaq
Prezident İlham Əliyevin yeni “Əmək pensiyalarının indeksləşdirilməsi haqqında” Sərəncamı pensiyaçıların sosial müdafiəsinin gücləndirilməsi, pensiyaların artırılması istiqamətində növbəti mühüm irəliləyişə imkan yaradır.
Bu, Əmək və Əhalinin Sosial Müdafiəsi Nazirliyinin yaydığı məlumatda əksini tapıb.
"Sərəncamla Əmək və Əhalinin Sosial Müdafiəsi Nazirliyi tərəfindən 2026-ci il yanvarın 1-dək təyin edilmiş bütün pensiyalar Dövlət Statistika Komitəsinin təqdim etdiyi məlumata əsasən, 2025-ci il üzrə orta aylıq əməkhaqqının illik artım göstəricisinə uyğun olaraq bu il yanvarın 1-dən 9,3 faiz indeksləşdirilməklə artırılır.
Bu artım pensiyaçıların müraciətinə və sənəd təqdim etmələrinə ehtiyac olmadan, elektron sistem üzərindən avtomatik şəraitdə həyata keçirilir.
Pensiyalara yanvar ayı üzrə edilmiş artımlar fevral ayının pensiyası ilə birgə ödəniləcək. Yəni, pensiyaçılar artıq fevral ayının pensiyasını yeni artımla, habelə yanvar ayının pensiyasına edilmiş artım məbləği ilə birgə alacaqlar.
Pensiyaların indeksləşdirilərək artırılması bütün pensiyaçılara (o cümlədən pensiyaçı olan hərbi qulluqçular, hüquq-mühafizə orqanları əməkdaşları və b.), yəni, 1,1 milyon pensiyaçıya şamil olunur və bu artımlar üçün illik əlavə 640 milyon manat vəsait ayrılıb.
Dövlətimizin başçısının Sərəncamı ilə sığortaolunanların fərdi hesablarında 2026-cı il yanvarın 1-dək qeydə alınmış pensiya kapitalları da istehlak qiymətləri indeksinin ötən il üzrə illik səviyyəsinə uyğun olaraq 5,6 faiz indeksləşdirilərək artırılır.
Hər ilin əvvəlində tətbiq edilən bu artım sosial sığorta sistemində iştirak edən şəxslərin pensiya kapitallarının yalnız onların əməkhaqlarından sosial sığorta ayırmaları hesabına deyil, dövlət tərəfindən də hər il indeksləşdirilərək artırıldığını göstərir", - məlumatda qeyd olunub.
9-02-2026, 16:57
İran şərtlərini yumşaldır
İran uranın zəngilləşdirilməsi səviyyəsini 60%-ə endirməyə hazırdır.
Bunu İranın vitse-prezidenti və Atom Enerjisi Təşkilatının rəhbəri Məhəmməd Eslami bildirib.
O, qeyd edib ki, bu, Vaşinqtonun Tehrana qarşı bütün beynəlxalq sanksiyaları ləğv edəcəyi təqdirdə mümkün olacaq.
9-02-2026, 16:53
Dövlət qulluğuna qəbul imtahanına dəyişiklik edildi
Dövlət qulluğuna qəbul imtahanının test proqramına dəyişiklik edilib.
Bu barədə DİM-dən məlumta verilib.
Bildirilib ki, dövlət qulluğuna qəbul üzrə müsabiqənin İnformasiya texnologiyaları üzrə test imtahanı proqramlarına müəyyən dəyişiklik edilib. Belə ki, BB vəzifə qrupu üzrə proqrama "Əməliyyat sistemləri" bölməsi, AB vəzifə qrupuna aid proqrama isə "Microsoft Excel 2019 cədvəl prosessoru" bölməsinə aid olan Funksiya kateqoriyaları və MS Excel 2019 elektron cədvəlinin əsas funksiyaları və onlardan istifadə qaydaları mövzuları əlavə edilib.
Pqoqramdakı dəyişiklik 2026-cı il aprel ayından etibarən keçirilən imtahanların məzmununda əks olunacaq.
Proqramla tanış olmaq üçün aşağıdakı linkdə müvafik keçidə daxil olun:
//exidmet.dim.gov.az/dqq/Elan/TestImtProq
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Tanınmış telejurnalist vəfat edib
Tanınmış telejurnalist Nailə Əkbərova vəfat edib.
Bu barədə onun dostları məlumat yayıblar.
O, ağır xəstəlikdən əziyyət çəkirmiş.
Əkbərova Nailə Ənvər qızı 27 avqust 1963-cü ildə Şamaxı şəhərində anadan olub. Azərbaycan Dövlət Mədəniyyət və İncəsənət Universitetinin məzunudur. 1981-ci ildən Azərbaycan Dövlət Televiziyasında çalışmağa başlayıb. 1997-2006-cı illərdə musiqi verlişləri baş redaksiyasında baş rejissor vəzifəsində çalışıb.
2006-ci ildə “Space” telekanalında bir neçə verlişin rejissoru işləyib. 2009-cu ildən TRT telekanalının əməkdaşıdır. TRT Avaz-da yayımlanan “Qafqazlara əsən yellər” proqramının müəllifi, rejissoru və aparıcısı olub. Azərbaycanda ilk klip yaradıcılarındandır.
Allah rəhmət etsin!
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!