8-02-2026, 19:56
Zelim Tçkayev Paris “Böyük Dəbilqə”sində finala yüksəldi
Azərbaycan cüdoçusu Zelim Tçkayev Parisdə keçirilən “Böyük Dəbilqə” turnirində finala vəsiqə qazanıb.
İdmançı yarımfinalda qazaxıstanlı Abilayxan Jubanazarı qızıl xalla məğlub edib.
Qeyd edək ki, ötən gün Balabəy Ağayev (60 kq) qızıl mükafata sahib çıxıb. Ruslan Paşayev (66 kq) isə bürünc medal qazanıb.
Xatırladaq ki, “Böyük Dəbilqə” bu gün başa çatacaq. Azərbaycan yarışda səkkiz cüdoçu ilə təmsil olunur.
8-02-2026, 19:32
Sabahdan Türkiyədən toyuq məhsullarının ixracı dayandırılacaq
Türkiyədə fevralın 9-dan başlayaraq toyuq məhsullarının ixracı müvəqqəti olaraq dayandırılacaq.
Qərarın əsas məqsədi daxili bazarda qiymət artımının qarşısını almaqdır.
Bildirilib ki, Ramazan ayı ərəfəsində ölkədə toyuq istehsalçıları və satıcıları qiymətləri təxminən 15 faiz yüksəldiblər. Bunun ardınca Türkiyənin Ticarət Nazirliyi ixracın sabahdan etibarən dayandırılacağını açıqlayıb.
8-02-2026, 19:13
Qubada bir ailənin 8 üzvü qonaqlıqda qidadan zəhərlənib
Quba rayonunda səkkiz nəfər qidadan zəhərlənib.
Rayonun Xucbala kəndində qonaqlıq zamanı - 1953-cü il təvəllüdlü N.Şabutov, 1953-cü il təvəllüdlü H.Şabutova, 1986-ci il təvəllüdlü A.Şabutova, 2003-cü il təvəllüdlü A.Şabutova, 2003-cü il N.Şabutova, 2010-cu il D.Şabutov, 2025-ci il təvəllüdlü G.Şabutova və 1978-ci il təvəllüdlü D.Məmmədova qida zəhərlənməsi diaqnozu ilə Qusar Rayon Mərkəzi Xəstəxanasına aparılıblar.
Onların paytaxt salatından zəhərləndikləri ehtimal olunur. Faktla bağlı araşdırma aparılır.
8-02-2026, 19:10
Bakı-Sumqayıt yolunda təmir işlərinin bitəcəyi vaxt açıqlandı
Bakı-Sumqayıt yolunun Sulutəpə dairəsi istiqamətində asfalt örtüyünün dəyişdirilməsi ilə əlaqədar aparılan təmir işləri bu gün axşam saatlarında başa çatacaq.
Bu barədə Azərbaycan Avtomobil Yolları Dövlət Agentliyindən (AAYDA) məlumat yayıb.
Bildirilib ki təmir işləri yekunlaşdıqdan sonra yol nəqliyyatın hərəkəti üçün açılacaq.
Qeyd edək ki, təmir işləri ilə əlaqədar bir sıra küçə və yollarda avtomobillərin hərəkətinə məhdudiyyət qoyulub.
8-02-2026, 18:50
İcmadan Ermənistan məhkəməsinin qərarına etiraz
Qərbi Azərbaycan İcması ABŞ Prezidenti Donald Trampın iştirakı ilə 2025-ci il avqustun 8-də Vaşinqtonda keçirilmiş tarixi zirvə görüşündən sonra Azərbaycan-Ermənistan normallaşma prosesində müşahidə olunan müsbət dinamikaya, Azərbaycan və Ermənistan liderlərinin bu günlərdə Əbu-Dabidə keçirilmiş görüşün ruhuna zidd olaraq, Ermənistanda və ondan kənarda sülhə qarşı yönəlmiş bir sıra cəhdlərlə bağlı narahatlığını ifadə edir.
Bununla bağlı Qərbi Azərbaycan İcması bəyanat yayıb.
Bəyanatda deyilir: “Bu xüsusda, Ermənistanda məhkəmənin Samvel Şahramanyan adlı şəxsin qondarma qurumun “özünü buraxması barədə qərarı”nın güc tətbiqi və ya təhdid altında verilməsi və buna görə də, hüquqi qüvvəyə malik olmaması barədə təxribatçı qərarını hiddətlə qarşılayırıq.
Bu məhkəmə qərarı açıq-aşkar Azərbaycanın suverenliyinə və ərazi bütövlüyünə qarşı yönəlmişdir. Ermənistan məhkəməsi hansı əsasla, hansı mandatla suveren bir dövlətin daxili işlərinə qarışır?
Qərbi Azərbaycan İcması bu məhkəmə qərarını, həm də bu il parlament seçkilərinin keçiriləcəyi Ermənistanda revanşistlərin sülhə qarşı fəaliyyəti kimi qiymətləndirir.
Əgər Ermənistan məhkəməsi iki xalq arasında sülhə, barışığa töhfə vermək əzmindədirsə, onda biz Qərbi azərbaycanlıların öz dədə-baba yurdlarından deportasiya olunmasını, qəbristanlıqların, məscidlərin dağıdılmasını pisləyən məhkəmə qərarları çıxarmalıdır”.
8-02-2026, 18:36
Rusiyanın hücumları daha da güclənə bilər - Zelenski
“Son bir həftə ərzində Rusiya 116 raket, 1200 idarə olunan bomba və 2000-dən çox dronla hücumlar həyata keçirib”.
Bu sözləri Ukrayna Prezidenti Volodimir Zelenski sosial media hesabında paylaşdığı açıqlamada deyib.
O, Rusiyanın Ukraynadakı enerji, logistika və mülki infrastrukturu hədəf almağa davam etdiyini bildirib:
“Müharibəyə son qoymaq üçün danışıqlar aparılarkən Rusiyanın hücumları davam edir. Dünyanın heç bir reaksiyası olmadıqda hücumlar daha da güclənir. Təkcə, dünən Rusiya Ukraynaya təxminən 40 raket və 400-dən çox PUA hücumu həyata keçirib. Bu silahların istifadəsi rusların sanksiyaları pozması deməkdir”.
8-02-2026, 18:16
Filippində "Basyanq" fırtınası - 12 nəfər öldü
Filippində “Basyanq” tropik fırtınasının törətdiyi fəsadlar nəticəsində azı 12 nəfər həyatını itirib.
Bu barədə GMA telekanalı ölkənin Mülki Müdafiə İdarəsinə istinadən xəbər yayıb.
Bildirilir ki, Mindanao adasında yerləşən Kaqayan-de-Oro şəhərində baş verən torpaq sürüşməsi nəticəsində 4 nəfər ölüb, digər ölənlər isə daşqınlar zamanı boğulub.
Güclü yağışlarla müşayiət olunan fırtına Filippinin cənub bölgələrində təxminən yarım milyon insana təsir göstərib. Təbii fəlakət nəticəsində 38 bina tamamilə dağılıb, 407 tikili isə qismən zərər görüb.
Açıqlamada qeyd olunub ki, “Basyanq” tropik siklonunun yaratdığı fəsadlardan Visayas adası və Mindanao bölgəsində ümumilikdə 467 minə yaxın insan zərər çəkib.
8-02-2026, 18:00
“Neftçi” “Qarabağ”ın azarkeşlərini oyuna buraxmadı
Bu gün “Neftçi” və “Qarabağ” komandalarının əvəzedici heyətləri arasında oyun keçirilib.
“Neftçi”nin 2:0 qələbəsi ilə başa çatan matça “Qarabağ”ın azarkeşləri buraxılmayıb.
Onların matça buraxılmamasının səbəbi bəlli deyil.
Amma sosial şəbəkələrdə yazılanlara görə, dünən komandaların U-17 heyətləri arasında matç keçirilib. Həmin oyunda “Qarabağ” azarkeşləri komandalarına böyük dəstək göstəriblər. Bu səbəbdən də “Neftçi” tərəfi bu gün əvəzedici heyətlərin matçına qonaq komandanın azarkeşlərini buraxmayıb.
Qeyd edək ki, həmin qarşılaşmada “Qarabağ” rəqib komandanı 2:0 hesabı ilə məğlub edib.
8-02-2026, 17:24
Uşaqların sosial şəbəkələrdən istifadəsi qadağan ediləcək
Türkiyədə 15 yaşa qədər uşaqların sosial şəbəkələrdən istifadəsi qadağan ediləcək.
Bu barədə qanun layihəsi yaxın günlərdə Türkiyə Böyük Millət Məclisində müzakirəyə çıxarılacaq.
Qanun qəbul edilərsə, valideynlərinin icazəsi olsa belə uşaqlar sosial şəbəkələrə daxil ola bilməyəcək.
8-02-2026, 16:56
Aya kütləvi köçün vaxtıdır - İlon Mask
“Tesla”, “SpaceX” və “Starlink” şirkətlərinin rəhbəri İlon Mask Aya genişmiqyaslı köçün vaxtının çatdığına inanır.
O bu barədə “X” sosial media platformasında yazıb.
“Aya kütləvi şəkildə getməyin vaxtıdır”, - deyə bildirib.
Həmçinin, Mask ilk təyyarə uçuşundan (1903) insanın Aya enişinə (1969) qədər 66 il keçdiyini xatırladıb.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Tanınmış telejurnalist vəfat edib
Tanınmış telejurnalist Nailə Əkbərova vəfat edib.
Bu barədə onun dostları məlumat yayıblar.
O, ağır xəstəlikdən əziyyət çəkirmiş.
Əkbərova Nailə Ənvər qızı 27 avqust 1963-cü ildə Şamaxı şəhərində anadan olub. Azərbaycan Dövlət Mədəniyyət və İncəsənət Universitetinin məzunudur. 1981-ci ildən Azərbaycan Dövlət Televiziyasında çalışmağa başlayıb. 1997-2006-cı illərdə musiqi verlişləri baş redaksiyasında baş rejissor vəzifəsində çalışıb.
2006-ci ildə “Space” telekanalında bir neçə verlişin rejissoru işləyib. 2009-cu ildən TRT telekanalının əməkdaşıdır. TRT Avaz-da yayımlanan “Qafqazlara əsən yellər” proqramının müəllifi, rejissoru və aparıcısı olub. Azərbaycanda ilk klip yaradıcılarındandır.
Allah rəhmət etsin!
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!