Sabah Bakıya yağış yağacaq .....                        Baş Prokurorluq: “Çağrı Mərkəzi” və “Qaynar xətt” barədə yayılan məlumatlar həqiqətəuyğun deyil .....                        Kəmaləddin Heydərov Yevlaxda vətəndaşları qəbul edəcək .....                        11 bağça müdiri işdən çıxarıldı: ciddi nöqsanlar... .....                        DİM-dən iyul və avqustda keçirilən imtahanlarla bağlı müraciət .....                        “Location” klubdakı partlayışla bağlı məhkəmə başlayır .....                        Azərbaycana meymunçiçəyi testi gətirildi .....                        Xəzərlə bağlı beynəlxalq konfrans keçirilir .....                        Şabran prokuroru vəzifəsindən azad edildi .....                       
Tarix : 22-09-2021, 14:17
Səməd Bayramzadə yazır: "ABŞ -Çin nüvə qarşıdurması".

Səməd Bayramzadə


Məşhur neft tarixçisi Daniel Yergin 14 sentyabr 2021-ci il tarixində Nyu-Yorkda nəşr olunmuş "Yeni xəritə" adlı kitabında post-neft dünyasındakı geosiyasi dəyişiklikləri dərindən araşdırmışdır. O, adıgedən kitabında yazır ki, XX əsrin əvvəllərində Birinci Dünya müharibəsindən sonra dünya xəritəsi necə dəyişmişdisə, iyirmi birinci əsrdə də dünyanın yeni xəritəsi formalaşacaq. Dünya illərdir ki, Çinlə ABŞ arasında strateji və geosiyasi qarşıdurmanı izləməkdədir. Bununla belə hər iki ölkənin liderləri istər-istəməz hər hansı bir səbəbdən baş verən qarşıdurmaların qarşısını almaqla onları aradan qaldırmış və ya təxirə salmışlar.

16 Sentyabr 2021, cümə axşamı günü isə dünya üçün tarixi bir gün yaşandı. Həmin gün Avstraliya, İngiltərə və ABŞ liderləri birdən-birə dünya televiziyalarına çıxaraq müdafiə, təhlükəsizlik və nüvə sahəsində üçtərəfli müqavilənin bağlanması barədə xəbər yaydılar. Dünyanı sarsıdan bu bəyanata ilk olaraq Çin reaksiya verdi və Avstraliyanı nüvə hücumu ilə təhdid etdi. Belə ki, dünya televiziyalarında üç ölkənin liderləri tərəfindən yayımlanan sözü gedən bəyanata dərhal reaksiya verən Çin Kommunist Partiyasının ingilis dilli orqanı "Global Times" ən çılpaq sözlərlə dünya siyasi ədəbiyyatına yeni abbreviatura (qisaltma) ilə daxil olan bu müqaviləyə qarşı çıxdı. "Politico" xəbər agentliyinin bildirdiyinə görə, AUKUS (Australia, United Kingdom, United States) Amerika tarixində ən yeni və çirkin bir müqavilənin abbreviaturası - qısaltmasıdır.
Avstraliya, İngiltərə və ABŞ arasında bağlanmış üçtərəfli təhlükəsizlik müqaviləsinə uyğun olaraq qarşıdakı 18 ay ərzində Avstraliyaya səkkiz nüvə sualtı qayığı veriləcək və bundan əlavə, Avstraliya bir çox süni intellekt, kvant və müdafiə texnologiyası ilə də təchiz ediləcək. Əslində ABŞ Əfqanıstan, Səudiyyə Ərəbistanı, İraq və Suriyadan ya geri çəkilmiş və ya geri çəkilməklə yanaşı indi Çinə qarşı Sakit okeanda nüvə və təhlükəsizlik düşərgəsi yaradır. "Röyter" xəbər agentliyinin təbirincə desək, 16 sentyabr 2021-ci il tarixində imzalanmış üçtərəfli AUKUS müqaviləsi dünyanın geosiyasi mühitinə təsir edəcək yeni "Soyuq müharibə"nin başlanmasından xəbər verir.
Sakit okean hövzəsində ABŞ hərbi düşərgəsinin yaradılması Avropa, xüsusilə də Fransa üçün çox böyük bir zərbədir. Fransa həmin müqaviləni ona arxadan vurulan xəncər kimi qiymətləndirir. "France" radiosuna verdiyi müsahibəsində Xarici İşlər naziri Jean-Yves Le Drian (Jan-İv Le Drian) da bu müqaviləni qəddar, birtərəfli və gözlənilməz bir qərar adlandırmışdır. O, qəzəbini də gizlədə bilməyərək demişdir: "Həm qəzəblənirəm, həm də acıyıram. Müttəfiqlər arasında belə bir şey edilməməlidir". Fransa hər üç ölkəni xəyanətdə günahlandırıb.
Bəs Fransanı bu qədər qəzəbləndirən səbəb nədir? Fransanı qəzəbləndirən iki əsas səbəb var: birincisi, AUKUS-dan öncə Fransanın Avstraliyaya 90 milyard dollarlıq nüvə sualtı gəmiləri satmaq barədə razılaşması var idi, lakin indi həmin qazanclı razılaşmanın icrası dayandırılmışdır. Digər əhəmiyyətli bir səbəb isə ilk böyük Transatlantik təhlükəsizlik müqaviləsində təkcə Fransanın deyil, Avropanın da göz ardı edilməsidir.
Avstraliyanın Baş naziri Skott Morrison BMT Baş Assambleyasının sammiti çərçivəsində Fransa Prezidenti Emmanuel Makronla görüşməkdən imtina etmişdir. O, Fransa ilə müqavilənin ləğv edilməsindən Fransanın məyus olmayacağını düşünməyin sadəlövhlük olduğunu bildirməklə bunun Avstraliyanın milli maraqları naminə edildiyini söyləyib.
16 Sentyabr 2021-ci il tarixində dünyanın geosiyasi səhnəsində baş verənlərdən görünən budur ki, ABŞ Çinin artan irəliləyişlərinə dözməyib nəhayət, nüvə qarşıdurmasında yeni hərbi bir blokun yaradılmasına başlayıb.


Paylaş



Bölmə: Dünya / Karusel / Xəbər lenti
Fikirlər
Sorğu
Saytımızda hansı mövzulara daha çox yer verilməsini istəyirsiniz?


Son buraxılışımız
Facebook səhifəmiz
Təqvim
«    İyul 2022    »
BeÇaÇCaCŞB
 123
45678910
11121314151617
18192021222324
25262728293031
Reklam
Hava
Valyuta
Reklam

Sayğac
Ən çox baxılanlar
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
Xəbər lenti
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
Foto
Erməni tərəfdən Azərbaycan mövqeləri belə görünür... - VİDEO






Bütöv.az
Video
Qırmızı işıqda keçən “Range Rover” dəhşətli qəza törətdi - VİDEO

Bakının mərkəzində avtomobilin aşması ilə nəticələnən dəhşətli qəza baş verib.

Bütöv.az xəbər verir ki, bununla bağlı görüntülər sosial şəbəkələrdə paylaşılıb.

Görüntülərdən anlaşılır ki, Bülbül prospektində “Range Rover” markalı avtomobil aşıb.

Hadisə şahidlərinin verdiyi məlumata görə, onun digər avtomobillə toqquşmasının səbəbi yüksək sürətlə qırmızı işıqda keçməsi olub.

Hadisə nəticəsində xəsarət alanlarla bağlı məlumat verilməyib.(Unikal)



All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!