Suriya prezidenti Bəşər Əsədin 48 yaşı tamam olur. ANSPRESS xəbər verir ki, hazırki Suriya prezidenti 1965-ci ilin sentyabr ayının 11-də Suriyanın paytaxtı Dəməşq şəhərində anadan olub. O, ölkənin nüfuzlu Kəlbiyyə qəbiləsindəndir. Orta təhsilini Dəməşqdəki fransız-ərəb təmayüllü “əl-Hürriyyə” liseyində bitirən Əsəd daha sonra Dəməşq universitetinin Oftolmologiya fakültəsinə daxil olur. 1992-ci ildə o, oftolmologiya üzrə təcrübə keçmək və təhsilini davam etdirmək üçün İngiltərənin paytaxı Londona gedir və burada Qərb Göz Hospitalında təcrübə keçir.

Londonda Əsma Əsədlə tanış olan Bəşər 2000-ci ildə onunla evlənməyə qərar verir. Elə həmin ildən də atası Hafiz Əsədin ölümündən sonra birinci müddətə Suriya prezidenti seçilir. 2007-ci il may ayının 27-də isə Bəşər Əsəd növbəti 7 il müddətində Suriyanın prezidenti seçilib. Seçkilərdə Bəşər Əsəd səslərin 97,6%-ni toplayaraq prezident kürsüsündə əyləşir. O daha çox, İsrail və Amerikanı tənqidi siyasəti ilə tanınır. Təsadüfi deyil ki, o çıxışlarında hər zaman Amerika və İsrailin apardığı işğalçı müharibəlri qınayır. Suriya liderinin prezidentlik müddəti 2014-cü ildə sona yetir.