9-10-2022, 15:38
İçində 85 nəfərin olduğu qayıq batdı
Nigeriyanın cənub-şərqindəki Anambra əyalətində qayıq batıb. Bu barədə "Reuters" agentliyi yerli rəsmilərə istinadən məlumat yayıb. Qəza nəticəsində azı 10 nəfər ölüb, daha 60 nəfər itkin düşüb. Məlumata görə, göyərtəsində 85 nəfərin olduğu qayıq güclü daşqınlar səbəbindən batıb. Anambra əyalətinin qubernatoru Çukvuma Çarlz Soludo 10 nəfərin suda boğulduğunu açıqlayıb. Bundan başqa, axşam saatlarına kimi 15 nəfərin xilas edildiyi deyilir.
8-10-2022, 22:55
Rusiyanın 16 milyon dollarlıq helikopteri vuruldu
Ukrayna ordusu Rusiyaya məxsus daha bir helikopteri vurub. Bu barədə Ukrayna ordusunun 128-ci hücum briqadası özünün "Facebook" səhifəsində məlumat yayıb. Briqada Rusiya ordusunun məhv edilən Ka-52 "Alliqator" helikopterinin qalıqlarının görüntülərini paylaşıb. Qeyd edək ki, "Alliqator" Rusiya ordusunun ən müasir helikopterlərindən biridir. 16 milyon dollar dəyərində olan hava platforması kəşfiyyat, zərbə hədəf təyin etmə üçün istifadə olunur.
8-10-2022, 22:31
İrlandiyada partlayış - 10 ölü, 8 yaralı
İrlandiyanın Doneqal əyalətində yanacaqdoldurma məntəqəsində partlayış baş verib. Bu barədə "Reuters" agentliyi məlumat yayıb. Hadisə nəticəsində on nəfər həlak olub. Polis hadisənin faciəli qəza olduğunu bildirib. Qeyd olunub ki, daha səkkiz nəfər xəsarət alıb, onlar xəstəxanaya yerləşdiriliblər.
8-10-2022, 22:27
Tehranda yenidən etiraz aksiyaları başladı
İranda Məhsa Əmininin ölümünə etiraz olaraq yenidən aksiyalar başlayıb. Butov.az xəbər verir ki, Tehranın Veliasr, Cumhuri, Şerif Metro və Keşaverz küçələrində, Danışcu parkında, İnkılap meydanı ətrafında və şəhərin bir çox yerində eyni vaxtda nümayişlər keçirilib. Hökumət əleyhinə şüarlar səsləndirən nümayişçilərə gözyaşardıcı qaz və dəyənəklərlə müdaxilə edən təhlükəsizlik qüvvələrinin rezin güllələrdən də istifadə etdiyi bildirilir.
8-10-2022, 16:49
Rusiya Ukraynadakı döyüşlərə yeni komandan təyin edib
Rusiya Ukraynadakı döyüşlərə yeni komandan təyin edib. Bu barədə Rusiya Müdafiə Nazirliyindən bildirilib. Qeyd olunub ki, ordu generalı Sergey Surovikin xüsusi hərbi əməliyyat zonasında birləşmiş qoşunlar qrupunun komandiri təyin edilib.
8-10-2022, 16:44
Krım körpüsündəki partlayışda 3 nəfər ölüb
Krım körpüsündə baş vermiş partlayış nəticəsində 3 nəfər ölüb. Bu barədə Rusiya İstintaq Komitəsi məlumat yayıb. Ölənlərin partladılmış yük maşınının yaxınlığında olan minik avtomobilinin sərnişinləri olduğu ehtimal edilir. “İki ölən şəxsin - kişi və qadının cəsədi artıq sudan çıxarılıb, onların şəxsiyyəti müəyyənləşdirilir”, - məlumatda deyilir. Qeyd edək ki, bu gün səhər saatlarında Krım körpüsündə yanacaq çəni yanıb. Nəticədə körpüdə güclü partlayış olub. Körpüdə nəqliyyatın hərəkəti dayandırılıb.
8-10-2022, 16:42
Rusiya Krım körpüsündəki partlayışı terror adlandırdı
Rusiya Xarici İşlər Nazirliyi oktyabrın 8-də Krım körpüsündə baş vermiş partlayışın terror aktı olduğunu açıqlayıb. Bu barədə Rusiya XİN rəsmisi Mariya Zaxarova bildirib. O, Ukrayna rəhbərliyinin hadisəyə münasibətini qınayıb: “Bu, partlayışın terror xarakterli olmasına dəlalət edir”. Qeyd edək ki, bu gün səhər saatlarında Krım körpüsündə yanacaq çəni yanıb. Nəticədə körpüdə yanğın başlayıb, partlayış olub. Körpüdə nəqliyyatın hərəkəti dayandırılıb. Rusiyanın Baş naziri Mixail Mişustin hadisəni araşdırmaq üçün hökumət komissiyasının yaradılması barədə fərman imzalayıb. Ukrayna Prezident Ofisinin rəhbərinin müşaviri Mixaylo Podolyak körpüdəki partlayışın hələ başlanğıc olduğunu söyləyib. Xatırladaq ki, Krım körpüsü Rusiyanın ən uzun körpüsüdür, uzunluğu 19 kilometrdir. Körpü Rusiya ilə Ukraynanın işğal altındakı Krım yarımadasını birləşdirir. Avtomobil hissəsi 2018-ci ilin may ayında istismara verilib. 2019-cu ilin dekabrında isə onun dəmir yolu hissəsi ilə ilk qatarlar hərəkət etməyə başlayıb.
8-10-2022, 16:40
Fransadan çağırış: İranı dərhal tərk edin!
Fransa Xarici İşlər Nazirliyi İranda olan vətəndaşlarını mümkün qədər tez ölkəni tərk etməyə çağırıb. Bu barədə nazirlik rəsmi məlumat yayıb. Bildirilib ki, İranda olan Fransa vətəndaşlarının həbs və ədalətsiz mühakimə olunmaq təhlükəsi var:“Bu kontekstdə Fransanın Tehrandakı səfirliyinin İranda saxlanılan və ya həbs edilən vətəndaşlara konsulluq mühafizəsi təmin etmək imkanları çox məhduddur”. Xatırladaq ki, İranda sentyabr ayında 22 yaşlı Məhsa Əmininin əxlaq polisi tərəfindən saxlanıldıqdan sonra ölməsi ölkədə kütləvi etirazlara səbəb olub. Etirazlara Fransadan olan qadınlar da dəstək veriblər.
8-10-2022, 16:39
Krım körpüsü oktyabrın sonunadək bağlandı
Krım körpüsü oktyabrın 31-dək bağlanıb. Bu barədə Yandex.Maps xidməti məlumat yayıb."Krım körpüsü ilə keçid oktyabrın 31-dək bağlı qalacaq", - deyə məlumatda qeyd olunub.
8-10-2022, 16:37
Baş Qərargah: Rusiyanın itkiləri 62 mini keçib
Ukrayna ordusu müharibə başlayandan bəri Rusiyanın 62 060 hərbçisini məhv edib. Bu barədə Ukrayna Silahlı Qüvvələrinin Baş Qərargahı məlumat yayıb. Bildirilib ki, son sutkada 380 rus hərbçisi zərərsizləşdirilib. Bundan əlavə, Rusiyanın digər döyüş itkiləri 2472 tank, 5 111 zirehli maşın, 1 459 artilleriya sistemi, 345 reaktiv yaylım atəşi sistemi, 180 hava hücumundan müdafiə sistemi, 266 təyyarə, 234 helikopter, 1 079 operativ-taktiki PUA, 246 qanadlı raket, 15 gəmi/qayıq, 3875 avtomobil və avtoçən, 136 xüsusi texnikadan ibarətdir.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Təqvim
| « İyun 2026 » | ||||||
|---|---|---|---|---|---|---|
| Be | Ça | Ç | Ca | C | Ş | B |
| 1 | 2 | 3 | 4 | 5 | 6 | 7 |
| 8 | 9 | 10 | 11 | 12 | 13 | 14 |
| 15 | 16 | 17 | 18 | 19 | 20 | 21 |
| 22 | 23 | 24 | 25 | 26 | 27 | 28 |
| 29 | 30 | |||||
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Tanınmış telejurnalist vəfat edib
Tanınmış telejurnalist Nailə Əkbərova vəfat edib.
Bu barədə onun dostları məlumat yayıblar.
O, ağır xəstəlikdən əziyyət çəkirmiş.
Əkbərova Nailə Ənvər qızı 27 avqust 1963-cü ildə Şamaxı şəhərində anadan olub. Azərbaycan Dövlət Mədəniyyət və İncəsənət Universitetinin məzunudur. 1981-ci ildən Azərbaycan Dövlət Televiziyasında çalışmağa başlayıb. 1997-2006-cı illərdə musiqi verlişləri baş redaksiyasında baş rejissor vəzifəsində çalışıb.
2006-ci ildə “Space” telekanalında bir neçə verlişin rejissoru işləyib. 2009-cu ildən TRT telekanalının əməkdaşıdır. TRT Avaz-da yayımlanan “Qafqazlara əsən yellər” proqramının müəllifi, rejissoru və aparıcısı olub. Azərbaycanda ilk klip yaradıcılarındandır.
Allah rəhmət etsin!
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!