4-10-2023, 20:12
ABŞ İrandan müsadirə etdiyi silahları Ukraynaya verir
ABŞ müsadirə etdiyi İran silahlarını Ukraynaya təhvil verməyi planlaşdırır.
Bu barədə CNN Amerika rəsmilərinə istinadən məlumat yayıb.
Telekanalın məlumatına görə, Amerika komandanlığı qərarı bu həftə açıqlayacaq.
CNN qeyd edir ki, BMT müsadirə edilmiş silahların məhv edilməsini və ya saxlanmasını tələb edir, ABŞ prezidenti Co Baydenin administrasiyası isə silahları Ukrayna hərbçilərinə göndərməyə çalışır. Hazırda silahlar ABŞ-ın Yaxın Şərqdəki Mərkəzi Komandanlığının obyektlərində saxlanılır.
2023-cü ilin yanvarında ABŞ ordusu İrandan Yəmənə göndərilən silahları müsadirə edib.
Bu silahlara 3 min avtomat, 578 min patron və 23 tank əleyhinə idarə olunan raket daxildir.
4-10-2023, 17:39
Paşinyan hansı halda istefa verəcəyini açıqladı
Ermənistan Baş naziri Nikol Paşinyan hansı halda istefa verə biləcəyini açıqlayıb.
Bu barədə o, parlamentdə çıxışı zamanı danışıb.
Baş nazir ölkənin bütün təhlükəsizlik problemlərinin həll olunacağına əmin olduğu təqdirdə istefa verə biləcəyini vurğulayıb.
"Analizlər onu göstərir ki, istefa olarsa, vəziyyət daha da pis olacaq”, - Paşinyan bildirib.
4-10-2023, 17:12
Paşinyan: “Mən bu sazişi imzalamağa razıyam”
Ermənistan Baş naziri Nikol Paşinyan Avropa Siyasi Birliyinin Qranadada keçiriləcək sammitində iştirak edəcək.
Bu barədə o, mətbuata açıqlamasında deyib.
Paşinyan qeyd edib ki, Ermənistan nümayəndə heyəti sammitdə öz mövqeyini daha ətraflı təqdim etməyə çalışacaq.
Baş nazir vurğulayıb ki, İrəvan “konseptual sənəd”in imzalanmayacağına görə təəssüflənir. “Mən bu sazişi imzalamağa razıyam”, - Paşinyan əlavə edib.
Qeyd edək ki, Azərbaycan Qranada görüşündə Türkiyənin iştirakını təklif etmişdi və bunda israr edirdi. Lakin buna imkan verilməyib, bu məsələdə Fransa və Almaniya xüsusi canfəşanlıq nümayiş etdirib. Azərbaycana təklif olunan beşli formatda (Ermənistan-Azərbaycan-Fransa-Almaniya-Avropa İttifaqı) anti-Azərbaycan ab-havası formalaşıb. Fransa rəsmilərinin (müdafiə naziri, xarici işlər naziri və s.) ermənipərəst bəyanatları, XİN başçısının Ermənistana səfəri və hərbi əməkdaşlıq, silah-sursat veriləcəyi haqda açıqlamalar, Aİ Şurasının Prezidenti Şarl Mişelin dünənki Azərbaycanı ittiham edən açıqlaması fonunda Azərbaycan bu formatda danışıqlarda iştiraka lüzum görməyib. Buna görə Azərbaycan görüşdən imtina edib və Prezident İlham Əliyev Qranadaya getməyib.
4-10-2023, 17:01
Paşinyan Qarabağ hadisələrinə görə müxalifəti ittiham etdi
Ermənistanın baş naziri Nikol Paşinyan ölkə müxalifətini Qarabağ hadisələrinə görə ittiham edib.
Paşinyan parlamentin bugünkü iclasında deyib ki, Qarabağ separatçılarının rəhbərliyindəki son dəyişikliyə sevinən müxalifət Ermənistanın da müharibəyə cəlb olunmasını istəyirdi. O bildirib ki, müxalifət Qarabağın erməni sakinlərini hücuma məruz qoyub.
“Sizin planınız Ermənistanın dövlət müharibəsinə cəlb olunması idi”, - Paşinyan deyib.
O, müxalifəti “marionet” olmaqda da günahlandırıb.
“Siz Ermənistanda uzun illərdir nə nəfəs alan, nə öskürən, nə də asqıran kukla hökumət qurmuşdunuz”, - Nikol Paşinyan bəyan edib.
O qeyd edib ki, Ermənistanda hakimiyyət dəyişikliyinə müxalifət qərar verə bilməz.
“Buna Ermənistan xalqı qərar verə bilər. Xalq qərar verərsə, bu gün və ya sabah hakimiyyət dəyişikliyi ola bilər”, - Nikol Paşinyan bildirib.
4-10-2023, 14:33
Peskov Qarabağla bağlı danışıqlar aparıldığınl təsdiqlədi
Rusiya prezidentinin mətbuat katibi Dmitri Peskov ABŞ, Avropa İttifaqı (Aİ) və Rusiya nümayəndələrinin Qarabağla bağlı Türkiyədə danışıqlar apardığını təsdiqləyib.
Bu barədə o, jurnalistlərə açıqlamasında bildirib.
Peskov qeyd edir ki, "Politico"nun görüşlə bağlı təqdim etdiyi təfərrüatlar reallığa uyğun gəlmir.
Kremlin sözçüsü “Qarabağla bağlı müəyyən təmasların olduğunu” deyib, “Onların təsvir etdiyi kimi deyil. Bu materialda çoxlu qeyri-dəqiqliklər, çoxlu səhvlər var”, - Dmitri Peskov bildirib.
Xəbər verdiyimiz kimi, ABŞ, Avropa İttifaqı (Aİ) və Rusiyanın yüksək səviyyəli rəsmiləri Azərbaycan ordusunun həyata keçirdiyi antiterror tədbirlərindən bir neçə gün əvvəl Qarabağdakı vəziyyətlə bağlı gizli danışıqlar aparıblar. Bu barədə "Politico" qəzeti yazıb. Xatırladaq ki, İstanbulda keçirilən görüşdə ABŞ-ı Vaşinqtonun Qafqaz üzrə danışıqlar üzrə baş müşaviri Lui Bono təmsil edib, Aİ Cənubi Qafqaz üzrə xüsusi nümayəndəsi Toivo Klaarı göndərib. Rusiyadan isə Cənubi Qafqaz üzrə xüsusi nümayəndə olan İqor Xovayev iştirak edib.
3-10-2023, 22:37
Fransa Ermənistana silah yardımı göstərəcək
Fransa Ermənistanı silahlandıracaq.
Bu barədə İrəvanda olan Fransanın xarici işlər naziri Katrin Kollona erməni həmkarı Ararat Mirzoyanla mətbuat konfransında məlumat verib.
O qeyd edib ki, Fransa Ermənistana hərbi texnikanın verilməsinə imkan verəcək saziş imzalayacaq. Kolonna əlavə edib ki, bu məsələ ilə bağlı əlavə təfərrüatların verilməsini məqsədəuyğun hesab etmir.
“Həmçinin, biz Aİ-nin xarici siyasət və təhlükəsizlik üzrə ali nümayəndəsi Cozep Borrelə Aİ-nin müşahidə missiyasını genişləndirmək və onun mandatını gücləndirmək üçün rəsmi məktub göndərmişik. Biz Ermənistanı da Avropa sülh mexanizminə daxil etməyi təklif etmişik, məsələn, Moldovada belə bir proqram həyata keçirilir", - Kolonna qeyd edib.
3-10-2023, 21:58
Putin Təhlükəsizlik Şurasının daimi üzvləriylə iclas keçirdi
Rusiya prezidenti Vladimir Putin Təhlükəsizlik Şurasının daimi üzvləri ilə videokonfrans vasitəsilə operativ iclas keçirib.
Bu barədə Kremlin mətbuat xidməti məlumat yayıb.
Görüş zamanı müzakirə mövzusu Şimaldakı ərazilərin, o cümlədən Şimal Dəniz Marşrutunun inkişafı olub.
“Bu gün biz Şimalın inkişafı ilə bağlı məsələlərdən danışacağıq. Bu, Şimal dəniz yoluna, kontinental şelfə və bəzi digər məsələlərə aiddir”, - deyə Putin bildirib.
3-10-2023, 20:53
İlon Mask yenidən ABŞ-ın ən varlı vətəndaşı oldu
"Forbes" jurnalı ABŞ-ın 400 ən varlı vətəndaşının siyahısını açıqlayıb.
Siyahıya “SpaceX” və “Tesla”nın sahibi İlon Mask başçılıq edir. Onun sərvəti 251 milyard dollar dəyərində qiymətləndirilib. Sonrakı yerlərdə “Amazon”un rəhbəri Ceff Bezos (161 milyard dollar), “Oracle” korporasiyasının yaradıcılarından olan Larri Ellison (158 milyard dollar) qərarlaşıb. “Microsoft”un rəhbəri Bil Geyts 6-cı (111 milyard dollar), “Meta” şirkətinin rəhbəri Mark Zukerberq 8-ci (106 milyard dollar) sıradadır.
ABŞ-ın ən varlı vətəndaşları siyahısında yer alan texnologiya maqnatları 2022-ci ilin payızından bəri, əsasən, süni intellektə yatırdıqları investisiya sayəsində, ümumilikdə 300 milyard dollar xalis sərvət qazanıblar. Belə ki, keçən il texnologiya sahəsində 65 nəfər sərvət qazanmışdısa, bu il bu rəqəm 69-dur. Onların dörddə üçündən çoxu 2022-ci ildəkindən daha zəngindir.
3-10-2023, 16:42
Roma statutunun ratifikasiyası Putinin Ermənistana girişini qadağan edəcək
Ermənistan parlamentinin Roma statutunu ratifikasiya etməsi əslində Vladimir Putinin bu ölkəyə girişinə qadağa kimi qiymətləndirilə bilər.
Bunu Rusiya Dövlət Dumasının MDB işləri üzrə komitə rəhbərinin birinci müavini Konstantin Zatulin deyib.
Onun sözlərinə görə, İrəvan Roma statutunun ratifikasiyasının əhəmiyyətini hər vəchlə azaltmağa çalışır və həmçinin sənədin müddəalarını Rusiyanın hökumət rəsmilərinə şamil olunmayacağına əmin edir.
“Mən yaxın gələcəkdə Rusiya Prezidentinin Ermənistana səfəri üçün ratifikasiyalı və ya ratifikasiyasız heç bir perspektiv görmürəm”, - Zatulin qeyd edib.
Xatırladaq ki, bu gün Ermənistan parlamenti Roma Statutunu ratifikasiya edib. Müxalifətin boykot etdiyi parlament iclasında hakim partiya nümayəndələri ratifikasiya edilən sənədin Rusiyaya qarşı yönəlmədiyini deyiblər. İqtidar ratifikasiyanın Azərbaycanla əlaqəli olduğunu müdafiə edib. Bundan əvvəl “Hayastan” fraksiyasının katibi Artsvik Minasyan məsələnin parlament müzakirələrinin gündəliyinə salınmasını Ermənistan Konstitusiyasına zidd adlandırıb.
Beynəlxalq Cinayət Məhkəməsi Rusiya Prezidenti Vladimir Putinin həbs edilməsi barədə order çıxarıb. BCM-nin qərarına əsasən, Putin məhkəmənin qərarını tanıyan ölkələrin ərazisində olan zaman həbs olunmalıdır. Rəsmi Moskva BCM-nin məlum qərarını tanımadığını, bu qərarın Rusiya Federasiyası üçün əhəmiyyətsiz olduğunu açıqlayıb.
3-10-2023, 15:53
Peskov: “Rusiya Ermənistan xalqını qardaş hesab edir, lakin..”
Kreml istəməzdi ki, Vladimir Putin nə vaxtsa Ermənistana səfərdən imtina etməli olsun.
Bunu Kremlin sözçüsü Dmitri Peskov deyib.
O qeyd edib ki, Kreml Ermənistanın Roma Statutunu ratifikasiya etməsini ikitərəfli münasibətlər baxımından yanlış addım hesab edir və Ermənistanın Roma Statuna qoşulmasından sonra Rusiya diplomatik həll yolu tapmağa çalışacaq.
"Rusiya Ermənistan xalqını qardaş hesab edir, lakin Moskvanın bu ölkənin rəhbərliyi ilə bağlı sualları var", - Peskov bildirib.
Peskov vurğulayıb ki, Kreml İrəvanın ikitərəfli mexanizmlər və KTMT-ni tənqid etməsi ilə razılaşmır və Ermənistanın bu mexanizmlərdən yaxşı heç nəyi yoxdur.
"Rusiyanın Qarabağ ermənilərinə humanitar yardım göstərməkdə davam edir. Bugünkü Qarabağ ətrafında vəziyyət Paşinyanın özünün verdiyi qərar idi", - o deyib.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!