27-08-2023, 23:40
İsrail və Liviyanın XİN Başçıları ilk görüşü baş tutdu
Ötən həftə İsrail və Liviyanın xarici işlər nazirləri Eli Koen və Nəcla Manquş arasında görüş keçirilib.
Bu barədə AP agentliyi İsrail Xarici İşlər Nazirliyinə istinadən məlumat yayıb.
Görüş İtaliyada keçirilib. Bildirilir ki, bu, iki ölkənin xarici işlər nazirləri arasında ilk görüşdür. Romadakı görüş İtaliyanın xarici işlər naziri Antonio Tajaninin vasitəçiliyi ilə keçirilib.
İsrail Xarici İşlər Nazirliyinin məlumatına görə, Liviyanın keçmiş yəhudi icmasının irsinin qorunub saxlanması, o cümlədən sinaqoqların və qəbiristanlıqların yenidən qurulması müzakirə olunub. Danışıqlar, həmçinin humanitar məsələlər, kənd təsərrüfatı və su idarəçiliyində İsrailin mümkün yardımını əhatə edib.
“Mən xarici işlər naziri ilə iki ölkə arasında əlaqələrin böyük potensialı haqqında danışdım”, - deyə Koen bəyanatında bildirib. Liviya tərəfdən heç bir açıqlama verilməyib.
Qeyd edək ki, Liviya İsrailin müstəqilliyini tanımır.
27-08-2023, 20:23
Zelenski Qərbdən yeni hərbi yardımlar alacağını bildirdi
Ukrayna prezidenti Volodimir Zelenski sentyabrda ölkəsinin Qərb ölkələrindən yeni hərbi yardımlar alacağını bildirib.
Bu barədə o, özünün teleqram kanalında yazıb.
Onun sözlərinə görə, bir həftə ərzində avadanlıqların tədarükü ilə bağlı danışıqlar aparılacaq.
“Biz artıq Ukrayna üçün sentyabr ayına hazırlaşmağa başlamışıq... Ukrayna əsgərləri üçün yeni hərbi yardım paketləri olacaq. Artilleriya, zirehli texnika, hava hücumundan müdafiə və raketlər, minalardan təmizləmə texnikası. Tərəfdaşların hər biri ehtiyaclarımız barədə məlumatlandırılır. Biz qərarları gözləyirik”, – o Zelenski qeyd edib.
O, konkret hansı ölkələrin Ukraynaya yardım edəcəyini açıqlamayıb.
Zelenski vurğulayıb ki, sentyabr ayında Ukrayna üçün təhlükəsizlik zəmanətləri üzrə danışıqlar olacaq. Onun sözlərinə görə, Ukrayna beynəlxalq tədbirlərdə, o cümlədən BMT Baş Assambleyasının sessiyasında iştirak edəcək.
27-08-2023, 19:25
Qısamüddətli həbsdən sonra 7,1 milyon dollar ianə topladı
ABŞ-nin keçmiş Prezidenti Donald Tramp qısamüddətli həbsdən sonra seçki kampaniyası üçün təxminən 7,1 milyon dollar ianə toplayıb.
Tramp təkcə avqustun 25-də 4,18 milyon dollar ianə toplaya bilib. Buna qədər Trampın seçki qərargahı indiyə qədər heç vaxt 24 saat ərzində bu qədər böyük məbləğ toplaya bilməyib.
Keçmiş ABŞ Prezidentinin seçki qərargahı bildirib ki, son üç həftə ərzində o, kampaniyaya 20 milyon dollara yaxın ianə cəlb edə bilib.
Yenidən seçilmək istəyən hazırkı Amerika lideri Cozef Bayden bu ilin ikinci rübündə kampaniya üçün təxminən 72 milyon dollar toplayıb.
ABŞ-də növbəti prezident seçkiləri 2024-cü ilin noyabrında keçiriləcək.
27-08-2023, 18:09
Parisdə elektrikli skuterləri icarəyə götürmək mümkün olmayacaq
Sentyabrın 1-dən Parisdə elektrikli skuterləri icarəyə götürmək mümkün olmayacaq.
Şəhər meriyası Parisdə bu nəqliyyat vasitələrini təklif edən üç özəl operatorla müqavilələri yeniləmək niyyətində deyil. Beləliklə, Paris bu qərarla əhaliyə elektrikli skuterlərin verilməsi xidmətini qadağan edən ilk Avropa paytaxtı olacaq.
Bu xidmətin təminatçıları avqustun sonuna kimi istifadə oluna bilən skuterləri Paris küçələrindən yığışdırmalıdırlar.
Bu qərar şəhərin elektrik skuterlərindən istifadəyə dair referendumun nəticələrinə əsaslanır. Səsvermədə 100 mindən çox parisli iştirak edib. Aprelin 2-də keçirilən referendumda iştirak edənlərin 89 %-i qadağanın lehinə səs verib.
Belə bir səsvermənin səbəbi şəhərin hər yerinə səpələnmiş skuterlərin yaratdığı problemlər, lakin xüsusilə onların istifadəçilərinin təhlükəsizliyi ilə bağlı narahatlıq idi.
RTBF bu referendumun sözügedən şirkətlər tərəfindən tənqid edilməsini qeyd edir ki, bu da hər şeydən əvvəl 7,46 % aşağı iştirakla əlaqədardır.
27-08-2023, 16:27
Belqorod vilayəti atəşə tutuldu
Ukrayna Ordusu Rusiyanın Belqorod vilayətini atəşə tutub.
Belqorod vilayəti ərazisinə 140 mərmi, o cümlədən pilotsuz aparatlardan partlayıcı qurğular atılıb.
Nəticədə 1 nəfər ölüb, 6 nəfər yaralanıb. Eyni zamanda 50 evə, 2 sosial obyektə, 3 müəssisəyə və 8 avtomobilə ziyan dəyib.
27-08-2023, 14:44
Priqojinin ölümü rəsmi olaraq təsdiqləndi
Rusiyanın İstintaq Komitəsi “Vaqner” özəl hərbi şirkətinin qurucusu Yevgeni Priqojının ölümü rəsmən təsdiqləyib.
Bu barədə müvafiq qurum məlumat yayıb.
“Tver vilayətində baş verən təyyarə qəzasında həlak olanların kimliyinin müəyyənləşdirilməsi başa çatıb, onların arasında Priqojın da var”, - qurum açıqlayıb.
Xatırladaq ki, avqustun 23-də – “vaqnerçilər”in qiyamından düz 2 ay sonra – Bakı vaxtı ilə saat 19:20-də Rusiyanın Tver vilayətinin Kujenkino qəsəbəsi ərazisində “Vaqner” özəl hərbi şirkətinin qurucusu və rəhbəri Yevgeni Priqojına məxsus “Embraer Legacy 600” biznes təyyarəsi qəzaya uğrayıb. Hava gəmisinin göyərtəsində çətənin başçısından başqa 6 sərnişin, o cümlədən dəstənin komandiri Dmitri Utkin və 3 ekipaj üzvü olub. Ümumilikdə 10 nəfərin öldüyü qəzadan, rəsmi məlumata görə, sağ çıxan olmayıb. KİV-də qəzaya raket hücumunun və ya daxili partlayışın səbəb olduğu barədə məlumatlar yayılıb. Eyni gün Rusiya İstintaq Komitəsi Rusiya Federasiyası Cinayət Məcəlləsinin 263-cü maddəsi ("Təyyarənin istismarı qaydalarının pozulması") üzrə cinayət işi açıb.
26-08-2023, 22:39
Akşener müxalifəti sərt tənqid etdi
Türkiyənin İYİ Partiyasının sədri Meral Akşener may ayında keçirilən seçkilərdə məğlubiyyətə görə müxtəlifi sərt tənqid edib.
Bu barədə o, Afyon Kocatepedə çıxışı zamanı danışıb.
Akşener “məğlubiyyətin qarşısını ala bilmədiyinə görə" dəfələrlə xalqdan üzr istəyib.
O, ittifaq sistemini tənqid edib və qarşıdan gələn yerli seçkilərə təkbaşına qatılacaqlarını deyib.
"Biz dedik, etiraz etdik ki, millət olmayan yerdən, siyasi elitanın, sözdə fikir liderlərinin rəhbərliyi altında istehsal olunan siyasət uğurlu olmayacaq. Biz reaksiya verdik, xəbərdarlıq etdik. Çox təəssüf ki, biz təkcə hökumət üzvləri ilə deyil, həm də bu seçkinin uduzmasına çalışanlarla mübarizə apardıq”.
Akşener seçkidən sonra susqunluğunu tənqid edənlərə də cavab verib: “Mən susdum, amma “60 faizlə qalib gələcəyik” deyənlər susmadı”
26-08-2023, 18:37
Təyyarələrin toqquşması üç pilotun ölümünə səbəb oldu
Avqustun 25-də Ukraynanın Jitomir vilayətində iki L-39 döyüş təlim təyyarəsi toqquşub.
Məlumatı Ukrayna Milli Təhqiqatlar Bürosu yayıb.
Qəza nəticəsində üç pilot həlak olub. İlkin məlumata görə, toqquşma uçuş təhlükəsizliyi qaydalarının pozulması səbəbindən baş verib.
“Döyüş tapşırığı zamanı Jitomir yaxınlığında səmada iki L-39 döyüş təlim təyyarəsi toqquşub. Ukrayna Silahlı Qüvvələrinin Hərbi Hava Qüvvələrinin üç pilotu həlak olub”, - deyə açıqlamada bildirilib.
Qeyd edək ki, L-39 Çexoslovakiyanın "Aero Vodochody" şirkəti tərəfindən istehsal edilən təlim və yüngül döyüş təyyarəsidir.
26-08-2023, 10:56
Paşinyan hökumətdə dəyişikliklər etməyi planlaşdırır
Ermənistan baş naziri Nikol Paşinyan hökumətdə bəzi dəyişikliklər etməyi planlaşdırır.
Bu barədə "Hraparak" qəzeti öz mənbələrinə istinadən məlumat yayıb.
Bildirilir ki, Paşinyan bəzi nazirləri işdən çıxarmaq istəyir. Dəyişiklər oktyabr ayında ola bilər.
İşdən çıxarılacaq nazirlər arasında baş nazirin narazı olduğu Ermənistanın Ərazi İdarəetmə və İnfrastruktur Nazirliyinin rəhbəri Qnel Sanosyan da var.
Nəşrin məlumatına görə, hökumət dəyişiklikləri hələlik gizli saxlamağa çalışır.
25-08-2023, 19:16
Danimarkalı diplomat Türkiyə XİN-ə çağırıldı
Danimarkanın Ankaradakı müvəqqəti işlər vəkili yenidən Türkiyə Xarici İşlər Nazirliyinə çağırılıb.
Bu barədə TRT kanalı məlumat yayıb.
Diplomata Danimarkada Qurani-Kərimin təhqir olunmasına görə növbəti dəfə etiraz bildirilib.
Qeyd edək ki, son 1 həftə ərzində danimarkalı diplomat eyni məsələyə görə 6 dəfə Türkiyə Xarici İşlər Nazirliyinə çağrılıb.
Avqustun 18-də, 21-də, 22-də, 23-də, 24-də və bu gün diplomata müqəddəs kitabın yandırılmsına görə etiraz bildirilib.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!