8-01-2025, 22:18
Türkiyənin 3 məşhur partiyası birləşir
Türkiyənin üç məşhur partiyası birləşmək barədə razılığa gəlib.
Gələcək, Səadət və DEVA partiyaları vahid partiyada birləşəcək.
Üç partiyanın sədri cümə axşamı bir araya gələrək partiyanın adını, loqosunu və təsisçilərini müəyyən edəcək.
Partiyanın yaradılması ilə bağlı müraciətin cümə günü Daxili İşlər Nazirliyinə təqdim edilməsi planlaşdırılır.
DEVA Partiyasının sədri Əli Babacan, Gələcək Partiyasının sədri Əhməd Davudoğlu və Səadət Partiyasının sədri Mahmud Arıkan tərəfindən yaradılacaq çətir partiyanın korporativ kimliklərini qoruyacaq və hazırkı liderlər partiyalarının başında qalacaqlar. Ancaq millət vəkilləri yeni partiyanın çətiri altında qruplar yaradaraq Türkiyə Böyük Millət Məclisində təmsil olunacaqlar.
Çətir partiyanın loqosunun dəqiqləşdirildiyi və adı ilə bağlı böyük konsensusun əldə edildiyi bildirilir.
Partiya adı üçün "Demokratiya üçün Birlik", "Türkiyə üçün Birlik" və "Yeni Yol" adları ön plana çıxıb.
Sədrlərin "Yeni Yol Partiyası" adında razılığa gəldiyi bildirilir.
8-01-2025, 19:32
Gürcüstanda matəm elan edildi
Gürcüstan hökuməti yanvarın 9-nu ölkədə matəm günü elan edib.
Bu barədə hökumətin mətbuat xidməti məlumat yayıb.
Buna səbəb yanvarın 5-i Abxaziyanın Qal rayonunun Saberio kəndində baş vermiş və beş uşağın ölümü ilə nəticələnən faciədir.
Məlumata görə, faciə qurbanlarının dəfn mərasimi yanvarın 9-da keçiriləcək.
8-01-2025, 18:26
İran qorxuya düşüb: səmadan zərbə gözləyir
İranda nüvə infrastrukturunu hava zərbələrindən qorumaq üçün genişmiqyaslı təlimlər başlayıb.
Bu barədə "Mehr" agentliyi məlumat yayıb.
Təlimlərə hökumət qərarlarının qəbulunda iştirak edən və ölkənin ən nüfuzlu hərbi-siyasi təşkilatı olan İslam İnqilabı Keşikçiləri Korpusunun (SEPAH) nizami ordusu və aerokosmik qüvvələri iştirak edir.
Təlimin birinci mərhələsində hava hücumundan müdafiə bölmələri Nətənzdəki (Mərkəzi İran) İran zənginləşdirmə mərkəzinin mühafizəsi üzrə məşq edib.
İran İnqilabı Keşikçiləri Korpusunun aerokosmik qüvvələri hava məkanında bir sıra təhdidlərin meydana gəlməsini simulyasiya edib və elektron müharibə imkanlarını işə salıb.
Qeyd edək ki, Qərb və İsrail mətbuatında ABŞ və İsrailin İranın nüvə obyektlərinə hücum etməyə hazırlaşdığı barədə xəbərlər yayılıb.
ABŞ prezidenti Co Baydenin müşavirlərinin fikrincə, İsrailin hava hücumları nəticəsində İranın hava hücumundan müdafiə sisteminin zəifləməsi İslam Respublikasının nüvə proqramlarına birdəfəlik son qoymaq üçün əlverişli şərait yaradır.
8-01-2025, 16:03
Türkiyədə təlim təyyarəsi qəzaya uğradı - Pilot yaralandı
Türkiyənin Bursa şəhərində təlim təyyarəsi eniş zolağından çıxaraq qəzaya uğrayıb.
Hadisə Bursanın Yenişehir bölgəsində baş verib.
Qəza nəticəsində təyyarənin pilotu yaralanıb. Onun həyati təhlükəsi yoxdur.
8-01-2025, 15:20
Ermənistan Avropa missiyasını sərhəddən çıxarmaq istəmir
Ermənistan Azərbaycanla sərhəddə yerləşdirilən Avropa İttifaqının (Aİ) missiyasının hələ də lazımlı olduğunu iddia edir.
Bu barədə Ermənistanın xarici işlər naziri Ararat Mirzoyan İrəvanda keçirilən mətbuat konfransında bildirib.
Onun sözlərinə görə, sərhədin delimitasiyası tamamlanana qədər avropalı müşahidəçilər İrəvan üçün vacibdir.
“Biz əminik ki, Ermənistan və Azərbaycan arasında bölünməz sərhəd var olduqca, silahlı qüvvələrimizə qarşı atəşkəsi pozmaqda ittihamlar davam etdikcə, Aİ missiyası bizim üçün vacib və zəruridir”, - deyə Ararat Mirzoyan mətbuata açıqlamasında qeyd edib.
Qeyd edək ki, Aİ müşahidəçiləri Ermənistanda 2023-cü ildə 2 il müddətinə yerləşdirilib, onların səlahiyyət müddəti 2025-ci ilin fevralında başa çatır və Ermənistan müddətin uzadılması üçün müraciət etməsələr, missiya başa çatacaq.
Xatırladaq ki, Azərbaycanla Ermənistan arasında müzakirə olunan sülh sazişi layihəsində razılaşdırılmayan maddələrdən biri sərhəddəki üçüncü qüvvələrin çıxarılması ilə bağlıdır. Prezident İlham Əliyev ötən ay bildirib ki, Avropa müşahidəçiləri pərdəsi altında bizimlə Ermənistan sərhədində NATO tərəfindən infrastruktur yaradılıb.
"Axı, bu müşahidəçilərin göndərilməsi məsələsi bizimlə 2022-ci ilin oktyabrında Paşinyan, Avropa Şurasının Prezidenti Şarl Mişel, Fransa prezidenti və mənim aramda keçirilən dördtərəfli görüşdə razılaşdırılıb. O vaxt Fransa hələ bizim tərəfimizdən normallaşdırma prosesindən kənarlaşdırılmamışdı. Belə bir razılıq əldə edildi ki, Avropa İttifaqının nümayəndələrinin iki ay müddətində məhdud kontingenti olacaq, iki aylığına 40 nəfər yerləşdiriləcək. Bundan sonra bu missiya bizimlə razılaşdırılmadan uzadıldı və arqument bundan ibarət idi: niyə sizinlə razılaşdırmalıyıq, axı, bu missiya Ermənistan ərazisindədir. Bizim isə arqumentimiz belə idi: razılığa gələndə siz niyə bizimlə razılaşdırdınız? Axı, belə olmaz. Sonra onların sayı 200 nəfərdən çox artırıldı. Bundan başqa, bu missiya tədricən NATO-nun missiyasına çevrildi, belə ki, oraya Kanadanın nümayəndələri qoşuldu. Beləliklə, bu, bizim razılığa gələcəyimiz ikinci maddədir".
8-01-2025, 15:11
Ermənistan-Türkiyə sərhədi açılsa... - Mirzoyan cavab verdi
Hazırda Rusiya hərbi bazasının dislokasiyası ilə bağlı sazişin dəyişdirilməsi məsələsi gündəmdə deyil.
Bu barədə Ermənistanın xarici işlər naziri Ararat Mirzoyan brifinqdə bildirib.
“Əgər Türkiyə ilə sərhəd açıq olarsa, bu iki ölkə arasında, məsələn, Ermənistan və İranla olduğu kimi yüksək etimad yaranarsa, o zaman biz Ermənistan-Türkiyə sərhədində Rusiya sərhədçilərinin ixtisar edilməsi məsələsini nəzərdən keçirə və müzakirə edə bilərik”, - Mirzoyan qeyd edib.
7-01-2025, 20:27
Güclü zəlzələdə ölənlərin sayı 126-a çatdı
Tibet bölgəsində baş verən zəlzələ nəticəsində ölənlərin sayı ən azı 126 nəfərə çatıb.
Zəlzələ nəticəsində yaralananların sayı isə 188 nəfərə çatıb.
7-01-2025, 17:03
Çində virusa görə məktəblər bağlanır
Çinin Uhan şəhərində metapnevmovirus HMPV virusunun sürətlə yayılması nəticəsində məktəblərin bağlanmasına qərar verilib.
Xüsusilə uşaqları təsir edən virus COVID-19-a bənzər simptomlar göstərir. Xəstəxanalardakı həddindən artıq sıxlıq COVID-19-un ilk günlərini xatırladır. Virusun yayılmasının qarşısının alınması üçün həyata keçirilən tədbirlər çərçivəsində Hindistanın Karnataka ştatında üç yoluxma halı aşkarlanıb.
7-01-2025, 16:53
[b]Ərdoğan 2025-ci ili Türkiyədə “Ailə ili” elan etdi[/b]
Prezident Rəcəb Tayyib Ərdoğan 2025-ci ili Türkiyədə “Ailə ili” elan edib.
Türkiyə lideri 2023-cü ildə doğum əmsalının 1,51 səviyyəsinə enməsini “ciddi həyəcan siqnalı” və “Türkiyənin gələcəyi üçün təhlükə” adlandırıb.
Siyasətçi xatırladıb ki, imkan daxilində ailələri ən azı üç uşaq sahibi olmağa çağırır.
Dövlət başçısının qərarına əsasən, yanvarın 9-da Ankarada Türkiyənin Əhali Məsələləri üzrə Ali Şurasının ilk iclası keçiriləcək.
Vitse-prezident Cevdet Yılmazın sədrliyi ilə keçiriləcək iclasda iştirakçılar ölkənin demoqrafik inkişafının vəziyyəti və perspektivlərini müzakirə edəcəklər.
Bu arada Türkiyənin ailə məsələləri və sosial xidmətlər naziri Mahinur Özdemir Göktaş sosial şəbəkələrdə yazıb ki, hökumət ölkədə ailə institutunun gücləndirilməsi üçün bütün lazımi addımları atacaq.
7-01-2025, 16:44
Pezeşkian Ermənistan səfirinin etimadnaməsini qəbul edib
Ermənistanın İrandakı səfiri Qriqor Akopyan etimadnaməsini Prezident Məsud Pezeşkiana təqdim edib.
Bu barədə İran Prezidentinin rəsmi saytında məlumat dərc edilib.
İran Prezidenti İrlandiya, Böyük Britaniya, Niderland, Keniya, Mavritaniya, Türkmənistan, Kuba, Küveyt və Syerra Leone səfirlərinin də etimadnaməsini qəbul edib.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Tanınmış telejurnalist vəfat edib
Tanınmış telejurnalist Nailə Əkbərova vəfat edib.
Bu barədə onun dostları məlumat yayıblar.
O, ağır xəstəlikdən əziyyət çəkirmiş.
Əkbərova Nailə Ənvər qızı 27 avqust 1963-cü ildə Şamaxı şəhərində anadan olub. Azərbaycan Dövlət Mədəniyyət və İncəsənət Universitetinin məzunudur. 1981-ci ildən Azərbaycan Dövlət Televiziyasında çalışmağa başlayıb. 1997-2006-cı illərdə musiqi verlişləri baş redaksiyasında baş rejissor vəzifəsində çalışıb.
2006-ci ildə “Space” telekanalında bir neçə verlişin rejissoru işləyib. 2009-cu ildən TRT telekanalının əməkdaşıdır. TRT Avaz-da yayımlanan “Qafqazlara əsən yellər” proqramının müəllifi, rejissoru və aparıcısı olub. Azərbaycanda ilk klip yaradıcılarındandır.
Allah rəhmət etsin!
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!