22-11-2023, 14:12
Erməni müxalifəti dəstək üçüb Rusiyaya müraciət etmişdi - Zatulin
"2021-ci ildə erməni müxalifəti dəstək istəyi ilə Rusiya Federasiyasına müraciət etdi".
Bunu Rusiya Dövlət Dumasının deputatı Konstantin Zatulin "Moskva danışır" radiostansiyasında deyib.
"Lakin Rusiya tərəfi hakimiyyət dəyişikliyinin 9 noyabr 2020-ci il tarixli üçtərəfli bəyanatına təsir göstərə və yeni müharibəyə səbəb ola biləcəyi üçün bundan imtina edib", - o əlavə edib.
"Ermənistanın özündə də təbii ki, səhərdən axşama kimi internetdə, televiziyada və s.-də beyinləri yuyulduqları üçün Rusiyaya inam azalır. Biz bununla mübarizə aparmalıyıq", - Zatulin belə söyləyib.
21-11-2023, 13:39
Ukrayna Üçüncü Dünya Müharibəsinin mərkəzindədir - Zelenski
Hazırda Ukrayna Üçüncü Dünya Müharibəsinin qlobal risklərinin mərkəzindədir.
Bu sözləri "The Sun" nəşrinə müsahibəsində Ukrayna prezidenti Volodimir Zelenski deyib.
"Mən həqiqətən də düşünürəm ki, ABŞ və Çin birlikdə Rusiya qoşunlarını Ukrayna ərazisindən çıxarmaq üçün çox ciddi çağırış edənə qədər, Moskva irəliləməyə davam edəcək", - deyə o əlavə edib.
Zelenski Kremli Balkan yarımadasında problemləri qızışdırmaqda ittiham edib.
"Biz düşünürük ki, Balkanlar hazırda hazırlaşır və yeni addımlar atır. Və biz hesab edirik ki, onlar (ruslar) bəzi insanları öyrətməyə çalışırlar", - Ukrayna prezidenti deyib.
21-11-2023, 12:53
ABŞ Ukraynaya artilleriya mərmilərinin tədarükünü 30% azaldıb - SƏBƏB
İsrail və HƏMAS arasında müharibə başlayandan sonra ABŞ-dan Ukraynaya artilleriya mərmilərinin tədarükü 30% azalıb.
Bunu "ABC News" adı açıqlanmayan ukraynalı rəsmiyə istinadən yayıb.
Bununla belə, telekanalın ABŞ Müdafiə Nazirliyindəki həmsöhbəti bildirib ki, sursatın həcminin azalması Qəzza zolağındakı döyüşlərlə qətiyyən bağlı deyil. Qeyd edilib ki, 155 mm-lik artilleriya mərmiləri, ehtimal ki, Ukrayna üçün ən mühüm rollardan birini oynayır.
"Onlar bizə dedilər ki, bu, öhdəliklərə təsir etməyəcək, amma təsir etdi", - telekanal ukraynalı məmurun sözlərindən sitat gətirib.
Bu məlumatı şərh edən ABŞ Müdafiə Nazirliyinin adı açıqlanmayan yüksək rütbəli rəsmisi deyib ki, sursatların azaldılmasının Qəzza zolağında baş verənlərlə qətiyyən heç bir əlaqəsi yoxdur. O, Ukraynaya hərbi yardımın ayrılması ilə bağlı prezidentin fərmanlarının HƏMAS-ın İsrail ərazisinə hücumundan əvvəl hazırlanmağa başladığını izah edib: “Buna görə də Qəzza zolağında baş verənlərlə Ukraynada baş verənlər arasında heç bir əlaqə yoxdur”.
Ukrayna və İsrailə yardımın maliyyələşdirilməsi, eləcə də ABŞ-ın cənub sərhədinin mühafizəsi üçün vəsaitin ayrılması məsələləri noyabrın 17-də qəbul edilmiş müvəqqəti büdcədən ayrıca nəzərdən keçirilir. Əvvəllər Ağ Ev bu məqsədlər üçün 106 milyard dollar (o cümlədən, Ukraynaya 61 milyard dollardan çox) ayırmağı planlaşdırırdı.
Noyabrın 20-də ABŞ-ın müdafiə naziri Lloyd Ostin Kiyevə səfər edib. Ukrayna prezidenti Volodimir Zelenski ilə görüşdən sonra Ostin Ukraynaya əlavə 100 milyon dollarlıq hərbi yardım paketinin ayrıldığını açıqlayıb. Bu paketə tank əleyhinə silahlar və hava hücumundan müdafiə sistemləri üçün raketlər daxildir.
21-11-2023, 12:37
Moldova Prezidentindən Ukraynaya gözlənilməz səfər
Moldova prezidenti Maya Sandu Kiyevə gözlənilməz səfər edib.
Bu barədə Ukrayna Prezident Ofisi məlumat yayıb.
Onun həmkarı Volodimir Zelenski ilə görüş keçirməsi gözlənilir.
Detallar açıqlanmayıb.
21-11-2023, 00:30
İsrail Qəzzadakı məsciddə raket zavodu aşkar etdi
İsrail Müdafiə Qüvvələri Qəzza şəhərindəki məsciddə raket zavodu aşkar edib.
Bu barədə Qüvvələrin sözçüsü Daniel Haqari məlumat verib.
O, HƏMAS-ın məsciddən silah fabriki və tunel girişi kimi istifadə etdiyini əlavə edib.
"Zeytun bölgəsindəki məscid silah istehsalı üçün laboratoriya kimi istifadə olunur", - Haqari vurğulayıb.
20-11-2023, 23:54
Türkiyə bu ölkələrlə Qara dənizi minalardan təmizləmək üçün bölmə yaradır
Türkiyə, Rumıniya və Bolqarıstan Qara dənizin ərazi sularını minalardan təmizləmək üçün birgə bölmə yaratmağa hazırlaşır.
Bu barədə "Bloomberg” nəşri yazıb.
Bildirilir ki, üç ölkənin müdafiə nazirlərinin müavinləri çərşənbə günü (noyabrın 22-də) Ankarada bir araya gələrək dəniz minalardan təmizləmə bölməsinin yaradılmasının təfərrüatlarını yekunlaşdırmağa çalışacaqlar.
Görüşün sonunda yekun razılaşmanın imzalanıb-imzalanmayacağı hələ məlum deyil. Layihə təsdiq olunarsa, bölmə bir aydan gec olmayaraq işə başlayacaq.
20-11-2023, 22:25
ABŞ-dan Ukraynaya 100 milyon dollarlıq yeni yardım
ABŞ-ın müdafiə naziri Lloyd Ostin Ukraynaya əlavə 100 milyon dollarlıq hərbi yardım paketinin ayrıldığını açıqlayıb.
Paketə tank əleyhinə silahlar və hava hücumundan müdafiə sistemləri üçün raketlər daxildir.
Austin Kiyevdə Ukrayna prezidenti Volodimir Zelenski ilə görüşdən sonra yeni hərbi yardım paketini elan edib. Pentaqonun rəhbəri bu gün elan olunmamış səfərlə Ukraynanın paytaxtına gəlib.
Zelenskinin sözlərinə görə, Lloyd Ostinlə görüşdə cəbhədəki vəziyyət, eləcə də artilleriya və mərmilərin tədarükü zərurəti müzakirə olunub.
20-11-2023, 21:52
İsrail CAR-dakı səfirini geri çağırdı
İsrail Cənubi Afrika Respublikasındakı (CAR) səfirini məsləhətləşmələr üçün geri çağırıb.
Bu barədə İsrail Xarici İşlər Nazirliyi məlumat yayıb.
Nazirlik CAR-da İsrail əleyhinə səsləndirilən son bəyanatlardan sonra bu qərarı qəbul edib.
Cənubi Afrikanın hakim Afrika Milli Konqresi (ANC) partiyası İsrailin bu ölkədəki səfirliyinin bağlanmasını tələb edən təklifini dəstəkləyəcəyini bildirib.
İsrailin Qəzzada HƏMAS-a qarşı hərbi əməliyyatlarını tənqid edən Cənubi Afrika öz diplomatlarını İsraildən geri çağırıb.
20-11-2023, 21:36
Çeçenistanın rəhbəri Putini respublikaya dəvət etdi
Çeçenistan rəhbəri Ramzan Kadırov Rusiya prezidenti Vladimir Putini respublikaya səfərə dəvət edib.
Bu barədə TASS məlumat yayıb.
Onun sözlərinə görə, Putin uzun müddətdir Çeçenistana getmədiyi üçün ağsaqqallar onu danlayır.
“Ağsaqqallarımızın sözlərini çatdırmaq istəyirəm ki, respublikamıza gəlmədiyinizə görə məni danlayırlar. Siz bizim üçün hər şeyi etdiniz, təkcə avtovağzalları, hava limanını deyil, qalan infrastrukturu da bərpa etdiniz", - Kadırov qeyd edib.
20-11-2023, 19:37
ABŞ-ın müdafiə naziri Zelenskiylə görüşdü
ABŞ-ın müdafiə naziri Lloyd Ostin Ukrayna prezidenti Volodimir Zelenski ilə görüşüb.
Bu barədə Ostin "X" hesabında yazıb.
O, Kiyevdə ABŞ-ın Ukraynaya sarsılmaz dəstəyini təsdiqləmək üçün Zelenski ilə görüşdüyünü bildirib
"Biz müttəfiqlərimiz və tərəfdaşlarımızla birlikdə Ukraynanın döyüş meydanındakı təcili ehtiyaclarını və uzunmüddətli müdafiə ehtiyaclarını dəstəkləməyə davam edəcəyik”, - açıqlamada deyilir.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Təqvim
| « Noyabr 2026 » | ||||||
|---|---|---|---|---|---|---|
| Be | Ça | Ç | Ca | C | Ş | B |
| 1 | ||||||
| 2 | 3 | 4 | 5 | 6 | 7 | 8 |
| 9 | 10 | 11 | 12 | 13 | 14 | 15 |
| 16 | 17 | 18 | 19 | 20 | 21 | 22 |
| 23 | 24 | 25 | 26 | 27 | 28 | 29 |
| 30 | ||||||
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Zəngilanın dirçəliş
və qayıdış dövrü
Azərbaycan tarixinin ən şanlı səhifəsi olan Vətən müharibəsi bizə təkcə torpaqlarımızı deyil, ləyaqətimizi, qürurumuzu qaytardı. Həmin qürurun ən parlaq ünvanlarından biri də Zəngilandır. 2020-ci il sentyabrın 27-də başlanan Zəfər yürüşü zamanı şərqdən, Cəbrayıl istiqamətindən düşmənə vurulan sarsıdıcı zərbələr nəticəsində Azərbaycan Ordusu 30-dan çox yaşayış məntəqəsini azad edərək Zəngilanın inzibati hüdudlarına çatdı. Oktyabrın 18-də rayonun tam azad edilməsi uğrunda genişmiqyaslı əməliyyata start verildi və cəmi iki gün sonra, oktyabrın 20-də Müzəffər Ali Baş Komandan, Prezident İlham Əliyev xalqa müraciətində Havalı, Zərnəli, Məmmədbəyli, Həkəri, Şərifan, Birinci Muğanlı kəndlərinin və Zəngilan şəhərinin işğaldan azad edildiyini elan etdi. Beləliklə, Zəngilan döyüşləri nəticəsində 1 şəhər, 4 qəsəbə və 49 kənd düşmən tapdağından xilas edildi və bununla da 132 kilometrlik Azərbaycan-İran dövlət sərhədi tam bərpa olundu. İşğalın bitməsindən dərhal sonra sərhəd boyunca zəruri istehkam və mühafizə işlərinə başlanıldı.
Qərbi zəngəzurlular Zəngilan şəhidliyində
Bu tarixi qələbənin əbədiləşdirilməsi üçün 2020-ci il noyabrın 26-da “Zəngilanın azad olunmasına görə” medalı təsis edildi və 6974 hərbi qulluqçumuz bu medalla təltif olundu. Prezidentin 31 iyul 2023-cü il tarixli Sərəncamı ilə isə 20 oktyabr tarixi Zəngilan şəhəri günü kimi rəsmiləşdirildi. Zəngilanın azad olunması Böyük Qayıdışın başlanğıcı oldu. Bu gün dövlətin ən böyük hədəfi həmin torpaqları yenidən həyatla doldurmaqdır. 2026-cı il 1 oktyabr tarixinə olan məlumata görə, Zəngilan şəhərində 84 ailə, yəni 339 nəfər, Ağalı kəndində 234 ailə, yəni 1017 nəfər, Məmmədbəyli kəndində isə 179 ailə, yəni 903 nəfər öz doğma ocağına qayıdıb. Köçürülən ailələr peşə və bacarıqlarına uyğun olaraq müxtəlif dövlət qurumlarında, tikinti şirkətlərində, tikiş fabrikində və digər sahələrdə işlə təmin edilirlər.Bu qayıdışın dünyaya nümunə olan simvolu isə Ağalı kəndidir. Ağalı təkcə Azərbaycanda deyil, dünyanın ən müasir kəndlərindən biri hesab olunur. Burada “ağıllı kənd” konsepsiyası tam şəkildə tətbiq edilib. Dayanıqlı inkişafın təmin olunması üçün sosial-iqtisadi xidmətlər ən yüksək texnologiyalarla qurulub. Kəndin enerji təminatı ekoloji cəhətdən tam təmizdir, Həkəri çayı üzərində 3 turbindən ibarət Arximed tipli su elektrik stansiyası və gücü 325 kilovat olan günəş panelləri quraşdırılıb. Evlərdə istilik xərclərini azaltmaq üçün kombinə edilmiş sistemlər, mətbəx sobası və yüksək səmərəli elektrod boilerlər var. Suyun isidilməsi üçün günəş kollektorlarından, çirkab suların təmizlənməsi üçün bioloji təmizləmə qurğularından istifadə olunur.
Kənddə GPON texnologiyası ilə yüksək sürətli internet, İP TV, video müşahidə kameraları, ağıllı işıq dirəkləri və avtomatik hava müşahidə stansiyaları var. Əhalinin rahatlığı üçün Tele-səhiyyə, E-təhsil və digər elektron xidmətlər, ASAN, DOST, məktəb, bağça, tibb məntəqəsi, kiçik və orta biznesə dəstək mərkəzləri fəaliyyət göstərir. Ümumi sahəsi 2 hektardan çox olan park salınıb. Bütün bunlar onu göstərir ki, Ağalı kəndi sadəcə yaşayış məntəqəsi deyil, gələcəyin kənd modelidir. Nazirlər Kabinetinin 30 oktyabr 2023-cü ildə təsdiq etdiyi Baş Plana əsasən şəhərin 2040-cı ilədək inkişafı üçün böyük vəsait ayrılıb. 2022-ci ildə təməli qoyulan 104 mənzilli ilk yaşayış kompleksinin açılışı 2026-cı ildə olub. Kompleksin ərazisi 2 hektardan artıqdır və burada 12 bina, o cümlədən 4 ədəd üçmərtəbəli 60 mənzilli və 8 ədəd ikimərtəbəli 44 mənzilli evlər tikilib.
Azad Zəngilanın qonaqları
Zəngilan Beynəlxalq Hava Limanı bu bölgənin inkişafı üçün mühüm faktora çevrilib. Zəngəzur dəhlizinin hava infrastrukturu ilə gücləndirilməsi baxımından hava limanı strateji əhəmiyyət daşıyır. Eyni zamanda Horadiz-Zəngilan-Ağbənd dəmir yolunun inşası da böyük strateji əhəmiyyətə malikdir. Bu yol azad edilmiş torpaqlara həm vətəndaşların qayıdışı, həm də yüklərin daşınması üçün tarixi imkan yaradır. Artıq yolun birinci mərhələsi üzrə böyük hissə tamamlanıb və Araz İqtisadi Zonası Sənaye Parkına yüklər daşınır. Horadiz-Cəbrayıl-Zəngilan-Ağbənd avtomobil yolunun uzunluğu 126,3 kilometrdir, illik buraxılış qabiliyyəti 15 milyon tondur və layihənin 2026-cı ilin ikinci yarısında yekunlaşdırılması nəzərdə tutulur. İşğal dövründə tövlə kimi istifadə olunan XIX əsrə aid Zəngilan şəhər məscidi Heydər Əliyev Fondu tərəfindən bərpa olunub. Bərpa-tikinti işləri çərçivəsində tarixi məscid konservasiya edilib və onun yanında düzbucaqlı planlı, iki minarəli yeni məscid inşa edilib. Yeni məsciddə 220 və 100 nəfərlik ibadət zalları yaradılıb. Rayonun gələcəyi üçün turizm və kənd təsərrüfatı da unudulmayıb. 2024-cü il mayın 18-də Ağalı kəndində, Həkəri çayı vasitəsilə yaradılmış süni gölün sahilində “Ağalı” hoteli açılıb. Zəngilan İstirahət Kompleksində 111 nömrəli hotelin təməli 2023-cü il mayın 4-də qoyulub. 2026-cı il mayın 10-da isə “Zəngilan City Park Hotel”in təməli qoyulub. Kənd təsərrüfatı sahəsində isə “Dost Aqropark” layihəsi həyata keçirilir. Azərbaycan və Türkiyə şirkətlərinin birgə layihəsi olan bu kompleks tam başa çatdıqda 500 nəfəri işlə təmin edəcək və 100 milyon dollar sərmayə qoyulacaq. Layihənin birinci mərhələsində 5200 kvadratmetr qapalı, 113 min kvadratmetr açıq tipli heyvandarlıq kompleksləri, sosial obyektlər, kafe, kinoteatr tikilib.
Beləliklə, Zəngilan bu gün sadəcə işğaldan azad edilmiş bir rayon deyil, Azərbaycan dövlətinin qüdrətinin, iradəsinin və gələcəyə olan inamının canlı rəmzidir. Burada hər daş, hər tikilən ev, hər qayıdan ailə 30 illik həsrətin sonu və Böyük Qayıdışın əbədi başlanğıcıdır.
Mahnur Hüseynova
Xırdalan şəhər 8 nömrəli tam orta ümumtəhsil məktəbinin direktoru
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!