Ukrayna cari ilin dövlət büdcəsində müdafiə xərclərini artırıb .....                        Nazirlikdən təbiət qoynunda istirahət edənlərə xəbərdarlıq .....                        Azərbaycanın üç cüdoçusu İslamiadanın finalında çıxış edəcək .....                        Bakının əsas prospektlərindən biri təmir olunur .....                        Pensiyalar bu tarixdə tam ödəniləcək .....                        Laçında həlak olan əsgərlərə şəhid statusu verildi .....                        Ermənistan xəbərdarlıqlardan ciddi nəticə çıxarmalıdır - Deputat .....                        Özbək iş adamlarından ibarət nümayəndə heyəti Azərbaycanda səfərdədir .....                        İranın hərbi nümayəndə heyəti Moskvadadır .....                       
Tarix : 27-11-2020, 20:15
Mən Türkəm eşitsin dünya səsimi


Ramiz Abbasqulu oğlu Babayev Naxçıvan Muxtar Respublikasının Babək rayonunun Şıxmahmud kəndində anadan olub. “Unuda bilsəm”, “Yenə yadıma düşdü”, “Ötən günlərim”, “Məhəbbət nəğmələri” və “Bulağın nağılı” şeirlər kitabının müəllifidir. Azərbaycan Yazıçılar Birliyinin üzvü, “Qızıl qələm” media mükafatçısıdır. Ramiz müəllimlə 2019-cu ildə tanış olduq. Qəribə könül dünyası var. Qərbi Azərbaycandakı soydaşlarımızın yurdda qalan son nümayəndələri olan 300 min Azərbaycan türkünün öz dədə- baba yurdlarından didərgin salınması, Birinci Qarabağ savaşındakı uğursuzluqlarımız, düşmən tapdağındakı torpaqlarımızın ağrı-acısı şair qardaşımızın şeirlərini həsrət üstə kökləmişdi. Nə yaxşı ki, biz də Azərbaycan Ordusunun zəfər yürüşünün şahidi olduq. Budur, Ramiz müəllimin qələbə sevincinin əks-sədası Şıxmahmuddan gəlir. "Bütöv Azərbaycan" qəzeti redaksiyasına göndərdiyi şeirləri oxucularımıza təqdim edirik:

Mən Türkəm

Mən Türkəm eşitsin dünya səsimi,
Türkün intiqamı yamandan yaman.
Lərzəyə salacam yer kürəsini,
Mən Türkəm yeni bir tarix yazıram!

Dərbənddən başlayıb Zəncana qədər
Alınan torpaqlar qayıdacaqdır.
Zaman yaxınlaşıb yer üzündəki
Bütün Türk dünyası bir olacaqdır.

Mən Türkəm Koroğlu nərəsindəki
Gücüm qayıdıbdır artıq özümə.
Altay dağlarından doğan günəşin
Qızıl şəfəqləri düşür üzümə.

Mən Türkəm Atatürk babamdır mənim,
Qorquddan yadigar bir dasdanım var.
Ankara, İstanbul mənim vətənim,
Mənə toxunanın yurdu dağılar.

Mən Türkəm qoy dünya eşitsin bunu,
Orxan-Yeniseydən gəlir sorağım.
Bütün yer üzündə asılacaqdır,
Mənim ay ulduzlu qızıl bayrağım.

Mən Türkəm Ərdoğan, İlham Türküyəm,
Gücüm birləşəndə ölər yağılar.
Ürəyim içində illərdir yanan
Bir Türk qeyrəti var Türk ocağı var.



Mənim qalib komandanım

Dünyaya bir lərzə salan,
Düşmənimdən qisas alan,
Ər oğlu ər tək dayanan,
Mənim qalib komandanım!

Vətənimin vuran qolu,
Dərrakəli,məğrur,ulu,
Heydərimin İlham oğlu,
Mənim qalib komandanım!

Tarix yazdı bu günlərə,
Hər gün döndü bir əsərə,
Örnək oldu nəsillərə,
Mənim qalib komandanım!

Odur xalqın qəhrəmanı,
Bu torpağın ruhu,canı,
Heyran qoydu bu dünyanı,
Mənim qalib komandanım!

Xoş gəldin Şuşam!

Ruhuma,canıma xoş gəldin Şuşam!
İllərin həsrəti qaldı arxada.
Min dəfə şəninə qurban olmuşam,
Sənsiz sığınmışam quru bir ada.

Bayrağın mübarək,yolun mübarək!
Azan sədasıyla oyanan şəhər.
Sıldırım qayadan hücum çəkərək,
Səni xilas etdi qəhrəman əsgər.

Gəzdin xəyalların kəhkəşanında,
Ulduzlar səmada səndən danışdı.
İllərdir xalqımın ruhu,canında,
Belə bir sevincli gün olmamışdı.

Sən bizə gətirdin gözəllikləri,
Sevindi küçələr sevindi evlər.
Sən mənim ruhumun doğan səhəri,
Artıq səninləyəm ey doğma şəhər!

Ulu Heydərimin qəhrəman oğlu,
Səni xilas etdi düşmən əlindən.
Min dəfə Allaha şükür edirəm ki,
Sən yenə mənimsən,yenə mənimsən!



Paylaş



Bölmə: Ədəbiyyat / Karusel / Manşet / Xəbər lenti
Fikirlər
Sorğu
Saytımızda hansı mövzulara daha çox yer verilməsini istəyirsiniz?


Son buraxılışımız
Facebook səhifəmiz
Təqvim
«    Avqust 2022    »
BeÇaÇCaCŞB
1234567
891011121314
15161718192021
22232425262728
293031 
Reklam
Hava
Valyuta
Reklam

Sayğac
Ən çox baxılanlar
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
Xəbər lenti
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
Foto
Erməni tərəfdən Azərbaycan mövqeləri belə görünür... - VİDEO






Bütöv.az
Video
Qırmızı işıqda keçən “Range Rover” dəhşətli qəza törətdi - VİDEO

Bakının mərkəzində avtomobilin aşması ilə nəticələnən dəhşətli qəza baş verib.

Bütöv.az xəbər verir ki, bununla bağlı görüntülər sosial şəbəkələrdə paylaşılıb.

Görüntülərdən anlaşılır ki, Bülbül prospektində “Range Rover” markalı avtomobil aşıb.

Hadisə şahidlərinin verdiyi məlumata görə, onun digər avtomobillə toqquşmasının səbəbi yüksək sürətlə qırmızı işıqda keçməsi olub.

Hadisə nəticəsində xəsarət alanlarla bağlı məlumat verilməyib.(Unikal)



All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!