Tarix : 21-09-2015, 12:54
“Borçalı” İctimai Cəmiyyəti el şairi Zahid Ələmpaşallının “İnsanın dəyəri söhbətindədir” adlı kitabını nəşr etdirib. Zahid Ələmpaşallının 80 illik yubileyi münasibətilə işıq üzü görən kitabda müəllifin “Məhəbbət dastanı” və son vaxtlar qələmə aldığı şeirləri yer alıb. “Məhəbbət dastanı” müəllifin zindan həyatı keçirərkən rastlaşdığı romantik sevgi macərasının, canlı hadisələrin bədii təsvirindən ibarətdir. Əsərdə qıfılbəndlər, deyişmələr və, ümumiyyətlə, bütün qoşmalar ustalıqla qələmə alınıb. Dastanın baş qəhrəmanları müəllif özü və məhbəsin həkimi Solmaz xanımdır.
Kitabın “Şeirlər” adlanan ikinci bölməsində Zahid Ələmpaşallının oxucuya təqdim olunan şeirləri klassik aşıq poeziyası üslubunda yazılıb. Burada divani, təcnis, gəraylı, müxəmməs və digər qoşma növlərində təqdim olunan şeirlər oxucunun zövqünü oxşayır, ona nostalji hisslər bəxş edir. Redaktoru Elbəyi Cəlaloğlu olan “İnsanın dəyəri söhbətindədir” kitabı “Elm və təhsil” nəşriyyatında çap olunub.
Qeyd edək ki, Qarayazının el şairi Məmmədov Zahid Mirzə oğlu Ələmpaşallı 1935-ci ildə Qarayazı mahalının Kosalı kəndində anadan olub. Orta təhsilini Kosalı kənd məktəbində alıb. Zahid Ələmpaşallı məktəbdə oxuduğu vaxtlardan poeziyaya böyük maraq göstərib və şeirlər qoşmağa başlayıb. Orta təhsilini bitirdikdən sonra sürücü peşəsinə yiyələnib. Zahid Mirzə oğlu ömrünün 50 ilindən çoxunu sükan arxasında keçirib. Qarayazının el-şairi Zahid Ələmpaşallının bu günə qədər “Qaryazı çiçəkləri” və “Ellərə yadigar, sözüm söhbətim” adlı iki şeirlər kitabı işıq üzü görüb, eləcə də şair bir neçə dastanın müəllifidir. Zahid Ələmpaşallı həm də dinə qulluq edir. O, Qurani-Kərimə yaxından bələddir. El şairi zamanında deyilmiş Ələsgərin, Xəstə Qasımın, Molla Cümanın bağlı qalmış qıfıl bəndlərini açıb. Şairin bir çox şeirləri “Region press”, “Gürcüstan”, “Sözün İşığı”, “Çənlibel”, “Qardabani” qəzetlərində və bəzi jurnallarda dərc olunub. Hazırda Qarayazıda ömrünün 80-ci payızını yaşayan Zahid Mirzəoğlu Ələmpaşallı həm də el ağsaqqalıdır.
4 övladı, 12 nəvəsi, 28 nəticəsi var.
“Borçalı” İctimai Cəmiyyətinin Mətbuat və İnformasiya Xidməti
Butov.az
Paylaş
Bölmə: Borçalı / Karusel / Slayd / Xəbər lenti
Başqa xəbərlər
- Gürcüstanda “Borçalı harayı” kitabı nəşr olunub
- Zahid Oruc rayonlarda görüşlər keçirəcək
- «Bu, ömürdür mən dediyim, nağıl yox»
- “Xudafərin”dən Borçalıya
- “Borçalı” Cəmiyyəti Türkiyəli alimləri qəbul etdi
Fikirlər
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Tanınmış telejurnalist vəfat edib
Tanınmış telejurnalist Nailə Əkbərova vəfat edib.
Bu barədə onun dostları məlumat yayıblar.
O, ağır xəstəlikdən əziyyət çəkirmiş.
Əkbərova Nailə Ənvər qızı 27 avqust 1963-cü ildə Şamaxı şəhərində anadan olub. Azərbaycan Dövlət Mədəniyyət və İncəsənət Universitetinin məzunudur. 1981-ci ildən Azərbaycan Dövlət Televiziyasında çalışmağa başlayıb. 1997-2006-cı illərdə musiqi verlişləri baş redaksiyasında baş rejissor vəzifəsində çalışıb.
2006-ci ildə “Space” telekanalında bir neçə verlişin rejissoru işləyib. 2009-cu ildən TRT telekanalının əməkdaşıdır. TRT Avaz-da yayımlanan “Qafqazlara əsən yellər” proqramının müəllifi, rejissoru və aparıcısı olub. Azərbaycanda ilk klip yaradıcılarındandır.
Allah rəhmət etsin!
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!