BAO.az.xəbər verir ki, Dağıstan Respublikasının informasiya agentliyinin məlumatına görə, Azərbaycan Respublikasının prezidenti İlham Əliyevin göstərişi ilə Dərbənddə olimpiya kompleksinin tikintisinə başlanılmışdır. Dağıstan hökümətinin rəhbəri Əbdüsəməd Həmidov şəxsən nəzərdə tutulan layihənin həyata keçiriləcəyi yeri nəzərdən keçirmişdir.Onu Dağıstan hökumətinin rəsmiləri də müşayiət ediblər.

Dərbənd rayon administrasiyasının rəhbəri Qurban Qurbanov qeyd etmişdir ki, kompleks özlüyündə dostluq parkını,atraksionları, mehmanxanaları,7 min nəfərlik futbol meydançasını, üstü örtülü üzgüçülük hovuzunu, idman oyunları zalını, tennis meydançasını, ticarət mərkəzi və məktəbi özündə birləşdirəcəkdir. Azərbaycan nümayəndələri Dağıstan ərazisində konserv zavodu, kirəmit kaşılar istehsal edən zavod, sement zavodu, logistik mərkəz və başqa tikililər də bina etməyi planlaşdırırlar.

Narınqala yaxınlığında da obyektlərin tikilməsi planlaşdırılır. Qalanın yaxınlığında milli park, kanat yollar, dostluq xiyabanı inşa ediləcək.

Paralel olaraq arxeoloji qazıntılar da aparılacaq. Qurban Qurbanovun sözlərinə görə, “Bu beynəlxalq standartlara cavab verən ən gözəl komplekslərdən biri olacaq.“ Tikintinin başlanması 2014-cü ilin aprelinə planlaşdırılır, bütün obyektlərin tikintisinin isə 2015-ci ilin sonuna başa çatdırılmasına vəd verilir.

 Butov.az