Azərbaycan Dövlət Mədəniyyət və İncəsənət Universitetinin lll kurs “kütləvi tədbirlər və bayramlar” rejissorluğu fakultəsinin fəal tələbələri Laçının işğalının 22-ci il dönümünə həsr olunmuş ədəbi-bədii gecə hazırladılar. Tamaşa kursun rəhbəri Əliyar Əliyevin dəstəyi və fakultənin lll kurs tələbəsi Mülayim Əhmədovanın səyi nəticəsində ərsəyə gəldi.

Tamaşada kursun tələbələri Rəvanə Məmmədova, Sərdar Hüseynli, Xudu Həsənov, Lamiyə Əsədzadə, Şəhla Rəşidova, Solmaz Əlizadə və Zaur Əliyev öz yadda qalan çıxışları, səhnəcikləri və Laçınla bağlı şeir parçaları ilə tamaşaçılarda vətənpərvərlik ruhunun oyanmasına, vətənimizin bütövlüyü, torpaqlarımızın bölünməzliyi uğrunda mübarizəyə və qələbə əzminə səslədilər. Bundan başqa tədbirdə Laçına həsr olunmuş musiqi ifaları ilə pianoda müşaiəti Ceyhun Qurbanov, solo ifanı isə “Ay Laçın” mahnısı ilə Türkay Məlikova etdi.

Ədəbi-bədii gecədə tamaşaçılarla yanaşı universitetin rejissorluq fakültəsinin dekanı Xaləddin Sofiyev, həmin fakultənin kafedra müdir, Əməkdar artist Qəmər Məmmədova tədbirdə iştirak edərək gənclərə gələcək fəaliyyətlərində müvəffəqiyyətlər arzuladılar.

Rəqsanə İntiqamqızı