Butov.az GünAz - yə istinadən xəbər verir ki, Qərbi Azərbaycanın Xoy şəhərinin Qotur kəndində allanaraq “Pejak” terror qruplaşmasına qoşulduğu deyilən 17 yaşlı yeniyetmə terrorçulardan qurtarılıb.

Yerli mətbuatın yaydığı məlumata görə, Qotur kəndi sakini Dəllayi Milan Salman Mustafa oğlu bir müddət öncə “Pejak” qruplaşmasının əlaltılarına allanaraq ailəsini tərk edib və terrorçuların dağlarda yerləşən düşəgəsinə gedib. Bəzi mənbələr Salmanın terrorçular tərəfindən oğurlandığını, bəziləri isə onlara alandığını bildirir.

Yeniyetmənin atası Mustafa hadisədən xəbərdar olunca, kənd əhalisi və ağsaqqallarla birlikdə “Pejak”ın düşərgəsinə gedib, onlardan öz oğlunu istəyib. Terrorçular birinci Salmanın azad edilməsinə qarşı çıxıb, onun İraq ölkəsinə göndərildiyini bildiriblər. Lakin kənd əhalisinin israrından sonra terrorçular yeniyetmənin azad edilməsi üçün 5 milyon tümən nağd pul tələb ediblər. Bundan sonra Salmanın atası 2 gün ərzində tələb olunan məbləği əldə edib, onu “Pejak” düşərgəsinə verdikdən sonra oğlunu terrorçulardan qurtarıb.

Qotur Qərbi Azərbaycanın Xoy şəhərinin yaxınlığında yerləşən kürd kəndi, Dəllayi Milanlar isə kürd ailəsidir.

Son aylarda kürd terror qruplaşmaları Azərbaycanın qərb bölgəsində terror aktları törədərək bir neçə soydaşımızın ölümünə səbəb olublar. İran rejimi isə həmin terrorçuları əhaliyə tanıtdırma yerinə onları “silahlı quldurlar” adlandırır. Rejim kontroldan çıxmamaq şərti ilə qruplaşmaların bölgənin kürdləşdirilməsi uğrunda apardıqları bütün fəaliyyətlərə göz yumur, bununla da Qərbi Azərbaycan Əyalətində planlaşdırdığı demoqrafik tərkibin dəyişdirilməsinə şərait yaradır.