5-02-2024, 17:27
Türkiyədəki səfirliyimizdə seçki məntəqələri yaradıldı - FOTO
Azərbaycanın Türkiyədəki səfirliyində seçki məntəqələri yaradılıb.
Bu barədə səfirliyin “X” sosial media hesabında qeyd edilib.
“7 fevral 2024-cü il tarixində keçiriləcək növbədənkənar Azərbaycan Respublikası Prezidenti seçkiləri ilə bağlı Səfirliyimizdə 17 saylı Yasamal üçüncü seçki dairəsinin 46 və 47 saylı seçki məntəqələri yaradılıb”, – deyə bildirilib.
5-02-2024, 00:24
Sonda itirən Ermənistan ola bilər - Hakan Fidan
Türkiyənin xarici işlər naziri Hakan Fidan Ermənistana xəbərdarlıq edib.
Bu barədə o, "A Haber" kanalına müsahibəsində danışıb.
O qeyd edib ki, Qərbin İrəvanı silahlandırması Ermənistan üçün yaxşı heç nə vəd etmir.
"Biz Ermənistanla normallaşmaya hazırıq, lakin bunun yolu Ermənistanı silahlandırmaqdan keçmir, bunun sonunda itirən Ermənistan ola bilər", - Hakan Fidan deyib.
Nazir vurğulayıb ki, Türkiyə Azərbaycanın maraqları və təhlükəsizliyini Cənubi Qafqaz siyasətində hər zaman bir nömrəli prioritet hesab edir.
5-02-2024, 00:24
Sonda itirən Ermənistan ola bilər - Hakan Fidan
Türkiyənin xarici işlər naziri Hakan Fidan Ermənistana xəbərdarlıq edib.
Bu barədə o, "A Haber" kanalına müsahibəsində danışıb.
O qeyd edib ki, Qərbin İrəvanı silahlandırması Ermənistan üçün yaxşı heç nə vəd etmir.
"Biz Ermənistanla normallaşmaya hazırıq, lakin bunun yolu Ermənistanı silahlandırmaqdan keçmir, bunun sonunda itirən Ermənistan ola bilər", - Hakan Fidan deyib.
Nazir vurğulayıb ki, Türkiyə Azərbaycanın maraqları və təhlükəsizliyini Cənubi Qafqaz siyasətində hər zaman bir nömrəli prioritet hesab edir.
5-02-2024, 00:15
Tərtərdə minaya düşən gəncin fotosu yayıldı
Ötən gün Tərtər rayonunun Qızıloba kənd ərazisində mina parlayıb.
Partlayış nəticəsində 23 yaşlı Tərtər rayonunun Qaradağlı kənd sakini Əlizadə Həsənəli Şahin oğlu yaralanıb.
Onun sol ayağı topuqdan aşağı amputasiya olunub, sağ ayağı isə qəlpə yarası alıb.
4-02-2024, 23:24
Putinin Türkiyəyə səfəri zamanı müzakirə ediləcək məsələlər açıqlandı
Rusiya prezidenti Vladimir Putinin Türkiyəyə səfəri zamanı müzakirə ediləcək məsələlər açıqlanıb.
Bu barədə Türkiyənin xarici işlər naziri Hakan Fidan "A Haber" kanalına müsahibəsində danışıb.
O bildirib ki, Putinin səfəri çərçivəsində qaz məsələsi, Akkuyu atom elektrik stansiyası layihəsi, taxıl müqaviləsi, Suriya və Qəzza zolağındakı vəziyyətin müzakirəsi planlaşdırılır.
“Burada enerji məsələsi xüsusilə vacibdir. Bildiyiniz kimi, Türkiyə ilə Rusiya arasında enerji resurslarının böyük ticarəti aparılır. Eyni zamanda, Rusiya indi öz növünün ən böyüklərindən biri olan Akkuyu atom elektrik stansiyasını tikir”, - deyə Fidan qeyd edib.
Fidan bildirib ki, Türkiyə prezidenti Rəcəb Tayyib Ərdoğanla görüşdə regional hadisələrin, o cümlədən Qəzza zolağındakı müharibənin müzakirəsi planlaşdırılır.
“Taxıl müqaviləsi hər zaman gündəmimizdədir. Prezidentimiz bu məsələyə böyük önəm verir. Biz Rusiya ilə danışıqlar aparırıq. Biz hazırda bu fürsəti reallaşdırmağa çalışırıq”, - deyə Türkiyə XİN rəhbəri əlavə edib.
Qeyd edək ki, türk mətbutının məlumatına görə, Vladimir Putin fevralın 12-də Türkiyəyə səfər edəcək. Rus KİV-ləri başqa tarixlərin də nəzərdən keçirildiyini bildirib. Putinin köməkçisi Yuri Uşakov açıqlayın ki, Putinin səfəri fevralda baş tutacaq.
4-02-2024, 22:46
“Beşiktaş” rəqibi üzərində qələbə qazandı
Futbol üzrə Türkiyə Superliqasında XXIV tura yekun vurulub.
Turun mərkəzi oyununda "Beşiktaş" doğma meydanda "Trabzonspor"la qarşılaşıb. Görüş İstanbul təmsilçisinin 2:0 hesablı qələbəsi ilə başa çatıb.
Qarşılaşmada hər iki qolu meydan sahiblərinin gənc futbolçusu Semih Kılıçsoy vurub. Yarımmüdafiəçi 44 və 62-ci dəqiqələrdə fərqlənib.
Günün digər oyunlarında "Pendikspor" "Adana Demirspor"u, "Kasımpaşa" isə "Alanyaspor"u 2:1 hesabı ilə məğlub edib.
Qeyd edək ki, hazırda turnir cədvəlinə 63 xalla "Fənərbağça" başçılıq edir. Eyni xala malik "Qalatasaray" ikinci pillədə qərarlaşıb. "Beşiktaş" 39 xalla üçüncü, "Trabzonspor" isə 37 xalla dördüncüdür.
4-02-2024, 21:21
Mina təhlükəsi həmişə aktualdır - XİN
“Ermənistanın yerləşdirdiyi minaların təhlükəsi həmişə aktualdır”.
Bunu Azərbaycan Xarici İşlər Nazirliyi (XİN) “X” hesabında bildirib.
“Tərəfdaşların Ermənistanı bu təhlükəni aradan qaldırmağa məcbur etməməsi daha çox itkilərə və xəsarətlərə səbəb olur.
Bu gün partlayış nəticəsində bir mülki şəxs ağır yaralanıb, ayağı amputasiya edilib. 2020-ci ilin noyabr ayından indiyədək 343 nəfər minaların qurbanı olub”, - paylaşımda deyilir.
4-02-2024, 21:03
Şəmkirdə silahla vətəndaşa xəsarət yetirən şəxslər saxlanıldı
Fevralın 2-də Şəmkir Rayon Polis Şöbəsinin əməkdaşlarının keçirdikləri əməliyyat-axtarış tədbirləri nəticəsində rayon sakini Zabil Aslonova odlu silahla xəsarət yetirməkdə şübhəli bilinən şəxslər elə həmin gün saxlanılıb.
DİN-in mətbuat xidmətinin regional qrupundan bildirilib ki, saxlanılan Bahəddin və Babək Bayramlı qardaşlarından Bahəddin Bayramlıya məxsus avtomobildən cinayət aləti olan 1 ədəd “Kalaşnikov” markalı avtomat aşkar olunaraq götürülüb.
Hadisə şəxsi münasibətlər zəminində baş verib.
Şübhəli şəxslər barəsində Cinayət Məcəlləsinin müfaviq maddəsi ilə cinayət işi qaldırılıb, istintaq hərəkətləri davam etdirilir.
4-02-2024, 20:34
Minaya düşən şəxsin sol ayağı topuqdan aşağı amputasiya olundu - ANAMA
Tərtərdə minaya düşən şəxsin sol ayağı topuqdan aşağı amputasiya olunub.
Bu barədə Azərbaycan Respublikası Minatəmizləmə Agentliyinin (ANAMA) Mətbuat xidmətindən bildirilib.
Qeyd edilir ki, keçmiş təmas xətti ərazisində baş verən mina hadisəsi zamanı rayonun Qaradağlı kənd sakini, 2001-ci il təvvəllüdlü Əlizadə Həsənəli Şahin oğlu zərər çəkib.
Minalardan təmizlənməmiş ərazidə mal-qara otaran zaman piyada əleyhinə mina partlayışından xəsarət alan şəxsin sol ayağı topuqdan aşağı amputasiya olunub, sağ ayağı isə qəlpə yarası alıb.
“ANAMA bir daha vətəndaşları məsuliyyətli davranmağa, mina xəbərdaredici nişanlara və təhlükə bildirən göstəricilərə diqqət etməyə, xüsusilə keçmiş təmas xətti boyu ərazilərin minalarla ciddi şəkildə çirkləndiyini nəzərə alaraq, bələd olmadıqları ərazilərə daxil olmamağa və tələb olunan qaydalara riayət etməyə çağırır”, - Agentliyin vətəndaşlara müraciətində deyilir.
4-02-2024, 19:39
Kahramanmaraşın Azərbaycan Bulvarında tikintinin başa çatacağı tarix açıqlandı
Türkiyənin cənub-şərqində baş verən zəlzələ zamanı ən çox dağıntıların olduğu şəhərlərdən biri olan Kahramanmaraşın Azərbaycan Bulvarında yerləşən yaşayış binalarının inşasının 2024-cü ilin sonunadək yekunlaşması gözlənilir.
Bunu açıqlamasında Kahramanmaraşın valisi Mükerrem Ünlüer bildirib.
O qeyd edib ki, məhz Azərbaycan Məhəlləsi layihəsi ən tez təhvil veriləcək layihə olacaq: “Bura tamam dağılmışdı. Azərbaycanlı qardaşlarımız bizə dəstək oldu, birlikdə 1 800 tikilinin inşasına başladıq. Bu ərazinin zəmininin gücləndirilməsi prosesindən sonra artıq inşaat işlərinə də start verilib. Məsələn, Heydər Əliyev adına ibtidai sinif məktəbinin inşası yaxın zamanda bitəcək”.
Yalnız zəmininin gücləndirilməsi prosesi üçün 40 milyon dolların xərcləndiyini əlavə edən Mükerrem Ünlüer zəlzələdən ziyan görən ərazilərdə yeni binaların inşasına yalnız Azərbaycanın bilavasitə dəstək olduğunu da vurğulayıb.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!