6-02-2024, 21:52
Erməni hərbçinin yanmış meyidi tapıldı
Ermənistan ordusunun hərbçisi ölüb.
Bu barədə "Hraparak" qəzeti yazıb.
38 yaşlı hərbçinin yanmış halda meyitinin tapıldığı bildirilir.
Ermənistan Müdafiə Nazirliyinin məsələ ilə bağlı açıqlama verəcəyi gözlənilir.
6-02-2024, 21:03
Qarabağ Universitetinin nizamnamə fondu müəyyənləşdi
Qarabağ Universitetinin nizamnamə fondu, əmlakı və maliyyə fəaliyyətinin əsasları müəyyənləşib.
Bu, Nazirlər Kabinetinin təsdiqlədiyi “Qarabağ Universitetinin Nizamnaməsi”ndə əksini tapıb.
Nizamnaməyə əsasən, Universitetin nizamnamə fondu 10.000.000 (on milyon) manatdır.
Universitetin əmlakı nizamnamə fondundan, təsisçinin ona verdiyi digər əmlakdan, dövlət büdcəsindən ayrılan vəsaitdən, fəaliyyətindən əldə olunmuş gəlirdən, o cümlədən ödənişli təhsildən əldə edilən vəsaitdən, ianələrdən, qrantlardan, cəlb edilən investisiyalardan və qanunla qadağan olunmayan digər vəsaitdən formalaşır.
Universitet ona verilmiş əmlakdan yalnız bu Nizamnamə ilə müəyyən olunmuş məqsədlərə uyğun istifadə edir. Universitetin əmlakından təhsildənkənar məqsədlər üçün istifadə edilməsi qadağandır.
Universitet əmlakı üzərində sahiblik və istifadə hüquqlarını məqsədlərinə uyğun olaraq sərbəst, sərəncam vermək hüququnu isə Nazirliklə razılaşdırmaqla həyata keçirir.
Universitet mülkiyyətində və istifadəsində olan əmlakın saxlanılması, qorunması və ondan səmərəli istifadə edilməsi üçün məsuliyyət daşıyır. Universitetin əmlakının idarə edilməsi ilə bağlı fəaliyyətinə nəzarəti Nazirlik və ya Nazirliyin səlahiyyət verdiyi şəxs həyata keçirir.
6-02-2024, 20:30
Komanda yoldaşını vuran futbolçu klubundan ayrıldı
"Turan Tovuz" klubu futbolçu Budaq Nəsirovla yollarını ayırıb.
Klubdan verilən məlumata görə, bölgə təmsilçisi 27 yaşlı yarımmüdafiəçinin müqaviləsinə qarşılıqlı razılaşma əsasında xitam verib.
Qeyd edək ki, AFFA İntizam Komitəsi Budaq Nəsirovu Əvəzedicilər Liqasının XX turunda “Səbail-2” ilə matçda komanda yoldaşını vurduğu üçün 4 oyunluq diskvalifikasiya etmişdi.
6-02-2024, 20:15
“Qarabağ Universitetinin Nizamnaməsi” təsdiq edildi
“Qarabağ Universitetinin Nizamnaməsi” təsdiq edilib.
Bu barədə Baş nazir Əli Əsədov qərar imzalayıb.
Elm və Təhsil Nazirliyi bu Qərar qüvvəyə mindiyi tarixdən 3 (üç) gün müddətində Qarabağ Universitetinin “Hüquqi şəxslərin dövlət qeydiyyatı və dövlət reyestri haqqında” Azərbaycan Respublikasının Qanununa uyğun olaraq dövlət qeydiyyatına alınması üçün zəruri tədbirlərin görülməsini təmin etməlidir.
6-02-2024, 19:56
Ceyhun Bayramov TÜRKPA Müşahidə Missiyasının rəhbərini qəbul etdi
Fevralın 6-da Azərbaycan Respublikasının xarici işlər naziri Ceyhun Bayramov Türk Dövlətləri Parlament Assambleyasının (TÜRKPA) Müşahidə Missiyasının rəhbəri Osman Mesteni və nümayəndə heyətinin digər üzvlərini qəbul edib.
Bu barədə XİN məlumat yayıb. Məlumata görə, görüşdə TÜRKPA çərçivəsində əməkdaşlıq məsələləri, habelə cari ilin 7 fevral tarixində keçiriləcək növbədənkənar Prezident seçkiləri ilə bağlı hazırlıq işləri ətrafında fikir mübadiləsi aparılıb.
Nazir Ceyhun Bayramov TÜRKPA-nın türk dövlətləri arasında mövcud qardaşlıq və dostluq əlaqələrinin parlamentlərarası səviyyədə inkişafı baxımından vacib platforma olduğunu diqqətə çatdıraraq, dövlətlərimiz arasında siyasi, iqtisadi, sosial, mədəni, humanitar və s. sahələr üzrə əməkdaşlığın genişləndirilməsində parlament diplomatiyasının əhəmiyyətini vurğulayıb. Türk dövlətləri arasında müxtəlif səviyyələrdə təmasların artırılmasının regional və beynəlxalq təşkilatlar çərçivəsində qarşılıqlı faydalı əməkdaşlığa təkan verdiyi diqqətə çatdırılıb.
Növbədənkənar Prezident seçkiləri ilə əlaqədar hazırlıq işləri, o cümlədən Xarici İşlər Nazirliyi tərəfindən görülən tədbirlər barədə qarşı tərəfi ətraflı məlumatlandıran nazir Ceyhun Bayramov, ilk dəfə bütün ərazilərimizdə suverenliyimizin bərpasından sonra keçirilən bu seçki prosesinin tarixi əhəmiyyət kəsb etdiyini bildirib. İşğaldan azad edilmiş ərazilərdə 26 seçki məntəqəsinin təsis edildiyi diqqətə çatdırılıb.
Missiya rəhbəri Osman Mesten qardaş Azərbaycanın 44 günlük Vətən müharibəsi nəticəsində əldə etdiyi zəfərdən, habelə tam suverenliyinin bərpasından sonra ilk dəfə keçirilən Prezident seçkilərini müşahidə etməkdən məmnunluq duyduğunu qeyd edib. Keçiriləcək seçkilərin nəticələrinin Azərbaycanın bundan sonrakı inkişafında mühüm rola malik olacağına dair əminlik ifadə olunub.
Görüş zamanı, həmçinin qarşılıqlı maraq doğuran digər məsələlər müzakirə olunub.
6-02-2024, 19:46
Şəhid xanımı tapdığı 11 min dolları sahibinə qaytardı
Vətən müharibəsi şəhidi Natiq Baxşəliyevin xanımı Gülnaz Baxşəliyeva bu gün paytaxtda böyük miqdarda pul tapıb.
Şəhidin həyat yoldaşı pulu itirən şəxsi tapmaq üçün “ATV” telekanalında yayımlanan “Bizimləsən” verlişinə müraciət edib.
Məbləğin nə qədər olduğu və hansı istiqamətdə tapıldığı barədə məlumatlar açıqlanmayıb. Məlumata görə, bu məbləğ 11 min dollar olub.
Telekanalın qaynar xəttinə zəng edənlərdən birinin pulun həqiqi sahibi olduğu bəlli olub.
6-02-2024, 18:27
Baba Vəziroğluna “Şərəf” ordeni təqdim edildi
Fevralın 6-da Mədəniyyət Nazirliyində müasir Azərbaycan poeziyasının tanınmış nümayəndəsi, şair, tərcüməçi, ssenarist, Əməkdar incəsənət xadimi Baba Vəziroğluna “Şərəf” ordeni təqdim edilib.
Qeyd edək ki, Prezident İlham Əliyevin 11 yanvar 2024-cü il tarixli Sərəncamı ilə Azərbaycan ədəbiyyatının inkişafında uzunmüddətli səmərəli fəaliyyətinə görə Baba Vəziroğlu bu ordenə layiq görülüb.
Mədəniyyət naziri Adil Kərimli 70 illik yubileyi və yüksək dövlət təltifi münasibətilə Baba Vəziroğluna təbriklərini çatdırıb. Qeyd olunub ki, şair çağdaş poeziyamızda öz dəst-xəti ilə seçilir. Onun şeirlərinə çoxsaylı mahnılar bəstələnib və tanınmış müğənnilər tərəfindən ifa olunur.
Ölkəmizdə ədəbiyyat və mədəniyyət xadimlərinə dövlət qayğısından danışan nazir bildirib ki, Ümummilli Lider Heydər Əliyev ölkəmizə rəhbərliyinin hər iki dövründə bu sahələrin inkişafını diqqətdə saxlayıb, yaradıcı insanlardan öz dəstəyini əsirgəməyib. Hazırda bu siyasət ölkə başçısı tərəfindən uğurla davam etdirilir.
Baba Vəziroğlu yaradıcılığına verilən qiymətə görə Prezident İlham Əliyevə minnətdarlığını bildirib.
Sonra nazir “Şərəf” ordeninin nişanını və vəsiqəsini şairə təqdim edib, xatirə şəkli çəkdirilib.
6-02-2024, 17:50
Latviya, Litva və Estoniyanın diplomatları Rusiya XİN-ə çağırıldı
Latviya, Litva və Estoniyanın Moskvadakı müvəqqəti işlər vəkili Rusiya Xarici İşlər Nazirliyinə çağırılıb.
Bunu Rusiya Xarici İşlər Nazirliyinin sözçüsü Mariya Zaxarova bildirib.
"Buna səbəb martda keçiriləcək Rusiya prezident seçkiləri zamanı təhlükəsizliyin təmin edilməsi ilə bağlı Moskvanın müraciətlərinə cavab verilməməsi olub.
Xarici İşlər Nazirliyi Latviya, Litva və Estoniya hakimiyyətlərindən seçicilərin, eləcə də səfirlik əməkdaşlarının təhlükəsizliyini təmin etmək üçün bütün lazımi addımları atmağı tələb edib", - deyə sözçü bildirib.
6-02-2024, 17:26
Azərbaycanda yeni ictimai qurum yaradıldı
Azərbaycanda yeni ictimai qurum yaradılıb. "Təhsil Ekspertləri Mərkəzi" adlanan qurumun təsisçiləri bildiriblər ki, məqsəd təhsillə bağlı yaranan problemlərin meydana çıxma səbəblərini araşdırmaq, onların aradan qaldırılması ilə bağlı təhlillər, təhqiqatlar aparmaq, həmin problemlərin həlli ilə bağlı təkliflərlə çıxış etməkdir.
Təşkilatda təhsil ekspertləri İlham Əhmədov, Məzahir Məmmədli, Sona Aliyeva , Kamran Əsədov, Elşən Qafarov, Vüsal Kərimli, Elçin Əfəndiyev, Elmin Nuri, Adil Vəliyev təmsil olunurlar.
"Təhsil Ekspertləri Mərkəzi" təhsilverənləri, valideyinləri, təhsilalanları, ziyalıları, təhsil sahəsindəki QHT-ləri, təhsil idarəetmə orqanlarını, təhsil sahəsində araşdırmaçı mütəxəsisləri və KİV nümayəndələrini əməkdaşlığa dəvət edib.
“Mərkəz həm paytaxtda, həm bölgələrdə təhsil prosesini və problemlərini yaxından izləyəcək, təhsilin inkişafı üçün təkliflərini hazırlayıb təqdim edəcək.
Həmçinin Mərkəz tərəfindən mütəmadi olaraq təhsil prosesinin iştirakçıları üçün təlimlər və dəyirmi masalar, müzakirə klubları təşkil olunacaq.
Əsas məqsəd təhsilin tərəflərini maraqlandıran məsələlərə yaxından dəstək verməkdir”, - deyə təsisçilər bəyan ediblər.
6-02-2024, 17:15
Qazaxıstanda yeni təyin olunmuş nazirlər açıqlandı
Fevralın 6-da Qazaxıstanda Baş nazir təyinatı təsdiqləndikdən sonra yeni hökumətdə yer alan nazirlərin adları bir-birinin ardınca ictimaiyyətə elan olunur.
Xarici işlər, daxili işlər və müdafiə nazirlərinin təyinatı barədə xəbər vermişdik.
Qazaxıstan Prezidentinin mətbuat xidməti daha bir sıra nazir təyinatlarını açıqlayıb.
Dövlət başçısı Kazım-Jomart Tokayevin sərəncamı ilə Akmaral Alnazarova səhiyyə naziri təyin edilib.
Çingiz Arinov fövqəladə hallar naziri, Aibek Dadebayev isə Prezidentinin Administrasiyasının rəhbəri vəzifəsini tutub.
Prezidentin sərəncamı ilə Madi Takiyev Qazaxıstan Respublikasının maliyyə naziri təyin edilib.
Bağdat Musin isə rəqəmsal inkişaf, innovasiya və aerokosmik sənaye naziri vəzifəsinə təyinat alıb.
Dövlət başçısı Aidarbek Saparovu Qazaxıstan Respublikasının kənd təsərrüfatı naziri təyin edib.
Digər sərəncamla Almasadam Satkaliyev energetika naziri vəzifəsini tutub.
Qani Beysembayev Qazaxıstan Respublikasının təhsil naziri təyin edilib.
Bundan başqa, Nurlan Baybazarov baş nazirinin müavini - milli iqtisadiyyat naziri postuna təsdiqlənib.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!