6-10-2024, 11:51
Gimnastlarımız Böyük Britaniyadakı yarışın finalında
Azərbaycan gimnastları Bilal Qurbanov və Mixail Malkin Böyük Britaniyanın Telford şəhərində keçirilən beynəlxalq yarışda finala vəsiqə qazanıblar.
Azərbaycan Gimnastika Federasiyasından verilən məlumata görə, onlar tamblinq üzrə yarışda uğurlu nəticəyə imza atıblar.
Qeyd edək ki, yarışa bu gün yekun vurulacaq.
6-10-2024, 11:04
İsrail Qəzzanın şimalında yeni əməliyyata başladı
İsrail hərbçiləri gecə Qəzza zolağının şimalındakı Cəbaliya qaçqın düşərgəsində HƏMAS hərəkatının yaraqlı dəstələrinə qarşı əməliyyata başlayıb, onlarla hədəfə hücum edilib.
Bu barədə ordu mətbuat xidməti məlumat yayıb.
“İsrail Müdafiə Qüvvələrinin əvvəlcədən əldə etdiyi kəşfiyyat məlumatları, cari vəziyyətin qiymətləndirilməsi və İsrail Müdafiə Qüvvələrinin sahə fəaliyyətləri əsasında Qəzza zolağının şimalındakı Cəbaliya bölgəsində terrorçuların və terror infrastrukturunun mövcudluğunu göstərən, həmçinin HƏMAS-ın bu bölgədə öz əməliyyat potensialını bərpa etmək cəhdləri fonunda 162-ci diviziya bu gecə, bazar günü Cəbaliya bölgəsində fəaliyyətə başlayıb”, – məlumatda deyilir.
Ordunun bəyanatına görə, əməliyyatdan əvvəl və artıq onun gedişində quru bölmələrinin fəaliyyətini dəstəkləmək üçün İsrail Hərbi Hava Qüvvələri bu bölgədə “onlarla hərbi hədəfə” zərbələr endirib. “Vurulmuş hədəflər arasında silah anbarları, yeraltı infrastruktur obyektləri, terrorçu dəstələri və digər hərbi infrastruktur obyektləri var idi”, – mətbuat xidməti diqqətə çatdırıb.
“Bu bölgədəki terror infrastrukturunun sistematik məhv edilməsinə yönəlmiş əməliyyat məqsədlərinə çatmaq üçün lazım olduğu qədər davam edəcək”, – ordudan bildirilib.
6-10-2024, 10:33
Amfibiya təyyarəmiz Türkiyədə - VİDEO
Fövqəladə Hallar Nazirliyinin Aviasiya dəstəsinin təyyarəsi Türkiyədə yanğınsöndürmə əməliyyatını davam etdirir.
Bu barədə Fövqəladə Hallar Nazirliyindən bildirilib.
“Azərbaycan Respublikasının Prezidenti cənab İlham Əliyevin tapşırığına əsasən Türkiyə Respublikasındakı meşə yanğınları ilə mübarizə tədbirlərinə köməklik göstərilməsi məqsədilə qardaş ölkəyə göndərilmiş Fövqəladə Hallar Nazirliyinin Aviasiya dəstəsinin “BE-200ÇS” amfibiya tipli təyyarəsi yanğınsöndürmə əməliyyatını davam etdirir.
Əməliyyat çərçivəsində təyyarə ötən gün İzmir-Foça istiqamətində meşədəki yanğınla mübarizə tədbirlərinə cəlb olunub.
Hazırda yanğınların söndürülməsi işləri davam etdirilir”, – FHN-in məlumatında diqqətə çatdırılıb.
6-10-2024, 10:22
Beyrut aeroportu fəaliyyətini bərpa edib
İsrailin ətraf ərazilərə endirdiyi hava zərbələri nəticəsində Beyrut Beynəlxalq Hava Limanının infrastrukturunun bir hissəsinin elektrik enerjisiylə təchizatı dayanıb.
Bu barədə “Al Mayadeen” telekanalı məlumat yayıb.
Artıq elektrik enerjisi təchizatı bərpa olunub və aeroport fəaliyyətini davam etdirir.
Qeyd edək ki, bu, Beyrutda yeganə hava limanıdır.
6-10-2024, 09:55
Ata ilə oğlu qonşularını bıçaqladı - Ölən və yaralılar var
Oktyabrın 6-da gecə saat 01:00 radələrində Xəzər rayonu Buzovna qəsəbəsi ərazisində 1980-ci il təvəllüdlü Etiqad Hacıyev və oğlu İ.Hacıyev şəxsi münasibətlər zəminində 1977-ci il təvəllüdlü Qurban Məlikova, 1982-ci il təvəllüdlü Könül Məlikovaya və 2003-cü il təvəllüdlü Məzahir Məlikova kəsici alətlə xəsarət yetirməsi barədə polisə məlumat daxil olub.
Bu barədə Daxili İşlər Nazirliyinin Mətbuat Xidmətindən məlumat verilib.
Bildirilib ki, polis əməkdaşlarının keçirdikləri tədbirlərlə cinayət əməlini törətməkdə şübhəli bilinən E.Hacıyev və İ.Hacıyev müəyyən olunaraq saxlanılıb.
Şübhəlilər Məlikovar ailəsinin qonşusu və qohumudur.
Hadisə nəticəsində Q.Məlikov ölüb. Araşdırma aparılır.
6-10-2024, 00:30
Nəsrullah gizli yerdə dəfn olunub
Sentyabrın 27-də İsrailin Beyruta endirdiyi zərbə nəticəsində ölən “Hizbullah” hərəkatının baş katibi Həsən Nəsrullah müvəqqəti olaraq gizli yerdə dəfn edilib.
Bu barədə “Sky News Arabia” məlumat yayıb.
Bildirilib ki, bu qərar dəfn mərasiminin İsrail hava hücumunun hədəfinə çevrilə biləcəyi təhlükəsi səbəbindən verilib.
Xatırladaq ki, 27 sentyabr 2024-cü ildə Hizbullahın baş katibi Həsən Nəsrullah Beyrutda İsrailin hava hücumu nəticəsində öldürülüb.
6-10-2024, 00:30
Nəsrullah gizli yerdə dəfn olunub
Sentyabrın 27-də İsrailin Beyruta endirdiyi zərbə nəticəsində ölən “Hizbullah” hərəkatının baş katibi Həsən Nəsrullah müvəqqəti olaraq gizli yerdə dəfn edilib.
Bu barədə “Sky News Arabia” məlumat yayıb.
Bildirilib ki, bu qərar dəfn mərasiminin İsrail hava hücumunun hədəfinə çevrilə biləcəyi təhlükəsi səbəbindən verilib.
Xatırladaq ki, 27 sentyabr 2024-cü ildə Hizbullahın baş katibi Həsən Nəsrullah Beyrutda İsrailin hava hücumu nəticəsində öldürülüb.
5-10-2024, 23:49
Ukraynada Rusiyanın unikal dronu vuruldu
Rusiyanın eksperimental "S-70 Oxotnik" pilotsuz uçuş aparatı (PUA) Ukraynada vurulub.
Dron Donetsk vilayəti üzərində səmada zərərsizləşdirilib.
Sosial şəbəkələrdə vurulan PUA-nın fotoları yayılıb.
Dron Rusiyanın "Suxoi" Korporasiyası tərəfindən hazırlanır. S-70-in dəqiq xüsusiyyətləri məlum deyil. Ehtimallara görə, dron Su-57 və Su-35 qırıcıları ilə birlikdə uça bilən unikal cihaz ola bilər.
5-10-2024, 23:27
Hacıqabulda bir ailənin 3 üzvü yaralandı
Hacıqabulda yol qəzası zamanı bir ailənin üç üzvü xəsarət alıb.
Hadisə Hacıqabul şəhərində qeydə alınıb.
Belə ki, hərəkətdə olan “Mercedes” markalı avtomobil digər nəqliyyat vasitəsi ilə toqquşub.
Qəza nəticəsində şəhərin İ.Qayıbov küçəsində yaşayan bir ailənin üç üzvü - 1965-ci il təvəllüdlü Əhədova Qızılgül Şəmsəddin qızı, onun nəvəsi, 2016-cı il təvəllüdlü Əhədova Qızılgül Ərşad qızı və 1986-cı il təvəllüdlü Əhədova Xəyalə Azad qızı müxtəlif dərəcəli xəsarətlər alıblar.
Xəsarət alanlar Hacıqabul Rayon Mərkəzi Xəstəxanasına yerləşdiriliblər.
Faktla bağlı araşdırma aparılır.
5-10-2024, 23:15
Netanyahudan Makrona: "Ayıb olsun!"
İsrailin Baş naziri Benyamin Netanyahu Fransa prezidenti Emmanuel Makronun İsrailə silah tədarükünü dayandırmağa çağıran açıqlamasına sərt cavab verib.
Netanyahu bu barədə sosial media hesabında yazıb.
“Biz İranın başçılıq etdiyi qüvvələrə qarşı mübarizə apararkən, bütün sivil dövlətlər İsrailin yanında möhkəm dayanmalıdır. Bununla belə, prezident Makron və bəzi digər Qərb liderləri indi İsrailə silah embarqosu tətbiq etməyə çağırırlar. Ayıb olsun!”, - Netanyahu bildirib.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Tanınmış telejurnalist vəfat edib
Tanınmış telejurnalist Nailə Əkbərova vəfat edib.
Bu barədə onun dostları məlumat yayıblar.
O, ağır xəstəlikdən əziyyət çəkirmiş.
Əkbərova Nailə Ənvər qızı 27 avqust 1963-cü ildə Şamaxı şəhərində anadan olub. Azərbaycan Dövlət Mədəniyyət və İncəsənət Universitetinin məzunudur. 1981-ci ildən Azərbaycan Dövlət Televiziyasında çalışmağa başlayıb. 1997-2006-cı illərdə musiqi verlişləri baş redaksiyasında baş rejissor vəzifəsində çalışıb.
2006-ci ildə “Space” telekanalında bir neçə verlişin rejissoru işləyib. 2009-cu ildən TRT telekanalının əməkdaşıdır. TRT Avaz-da yayımlanan “Qafqazlara əsən yellər” proqramının müəllifi, rejissoru və aparıcısı olub. Azərbaycanda ilk klip yaradıcılarındandır.
Allah rəhmət etsin!
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!