1-12-2025, 10:02
Təbrik Edirik!
Əzizim Fərhad, Ulu Yaradandan dilərəm ki, bundan sonra ömrünə səni tanıdığım illərin sayı qədər ömür calasın. Qardaş, bu illər ərzində çox şey dəyişib. Dünyanın düzəni pozulub, insanlar arasında ünsiyyət azalıb. Qohumlar yadlaşıb, dostların bir-birinə inamı, etibarı azalıb. Müqəddəs şeylər, sevgi qarışıq-alış veriş, dəyər-dəyməz predmetinə çevrilib. Çox sayıb vaxtını almıram. Bircə onu deyim ki, bütün bu dəyişiklikləri görə-görə saçlarını ağartdın, amma çox şey dəyişsədə sən dəyişmədin. Yaxşı ki, dəyişmədin. Olduğun kimi, saf, təmiz, təmənnasız, dürüst, özü-sözü bütöv, etibarlı qaldın.
Sevgi və sayğıyla: Tamxil ZİYƏDDİNOĞLU
30-11-2025, 23:30
Maduro istefa verməyə hazırdır - BİR ŞƏRTLƏ
Venesuela prezidenti Nikolas Maduro 18 aydan tez olmamaq şərtilə istefaya getməyə hazırdır.
Bu barədə CNN ABŞ və Venesuela arasında aparılan qeyri-formal danışıqların gedişi barədə məlumatlı mənbəyə istinadən məlumat yayıb
Bəzi ABŞ rəsmiləri bunun bir həll yolu ola biləcəyini düşünsələr də, Ağ Ev Maduronun dərhal istefasını nəzərdə tutan bir planı dəstəkləyir.
“The Wall Street Journal”ın məlumatına görə ABŞ prezidenti Donald Tramp ötən həftə Maduro ilə telefon danışığı zamanı ona postundan getmək barədə ultimatum irəli sürüb.
30-11-2025, 23:00
Zelenski xəbərdarlıq etdi: “...çox şey dəyişə bilər”
Ukrayna Prezidenti Volodimir Zelenski ilə NATO-nun Baş katibi Mark Rutte arasında telefon danışığı olub.
Zelenski “Teleqram” səhifəsində müzakirələrin Ukrayna üçün əhəmiyyətli olduğunu bildirib.
"Bu, vacib günlərdir və çox şey dəyişə bilər. Biz yaxından əlaqələndiririk və birgə fəaliyyət və ümumi mövqelər fəaliyyətimizdə, bütün tərəfdaşlarımızın fəaliyyətində son dərəcə təsirli olacaq", - deyə o, söyləyib.
Zelenski, həmçinin Avropa Komissiyasının Prezidenti Ursula Fon der Lyayenlə telefon danışığı apardığını açıqlayıb. O qeyd edib ki, Ukrayna Aİ ilə səylərini koordinasiya edir və diplomatik vəziyyət müzakirə olunan mövzular arasındadır.
"Biz diplomatik vəziyyəti müzakirə etdik və əsas məsələlər üzrə ortaq fikrimiz var. Həmçinin Ursulanın Rusiyanın infrastruktur və enerjiyə davamlı hücumları qarşısında dayanıqlılığımızı gücləndirmək zərurətinə çox diqqətli olması vacibdir",- deyə Zelenski bildirib.
Qeyd edək ki, noyabrın 29-da Ukrayna nümayəndə heyəti sülh planını müzakirə etmək üçün ABŞ-a yola düşüb. Mayamidə danışıqlar bu gün başlayıb və hazırda davam edir. Məlumdur ki, ABŞ Ukrayna ilə sülh planının iki əsas bəndi - ərazi məsələləri və təhlükəsizlik təminatları üzrə bütün mübahisələri bir gün ərzində həll etmək istəyir.
30-11-2025, 22:36
İran vitse-prezidentinin həyat yoldaşı qəzada öldü
İranın vitse-prezidenti İsmail Saqəb İsfəhaninin həyat yoldaşı Germsar–Tehran magistral yolunda baş verən ağır yol-nəqliyyat hadisəsində dünyasını dəyişib.
Bu barədə IRNA agentliyi məlumat yayıb.
Agentliyin məlumatına görə, qadın hadisə yerindəcə vəfat edib. Vitse-prezidentin üç övladı və qayınatası isə müxtəlif xəsarətlərlə Germsardakı tibb mərkəzinə çatdırılıblar.
IRIB dövlət teleradio şirkətinin açıqlamasına əsasən, qəza vitse-prezidentin qayınatasının idarə etdiyi avtomobilin yük maşını ilə toqquşması nəticəsində baş verib.
30-11-2025, 22:06
Polad Bülbüloğlunun oğluna yeni vəzifə verildi
Üzeyir Hacıbəyli adına Azərbaycan Dövlət Simfonik Orkestrinə yeni dirijor təyin olunub.
Bu posta Murtuza Bülbül təyin edilib.
O, SSRİ Xalq artisti Bülbülün nəvəsi, Xalq artisti Polad Bülbüloğlunun oğludur.
2001-ci ildə doğulan Murtuza Bülbül musiqi təhsilinə Moskvadakı Betxoven adına Uşaq Musiqi Məktəbində başlayıb.
2020-ci ildə P.İ.Çaykovski adına Moskva Dövlət Konservatoriyasının nəzdində fəaliyyət göstərən Akademik Musiqi Kollecini (xor dirijorluğu şöbəsi, Leonid Pavlovun sinfi), ardınca isə Moskva Konservatoriyasının opera-simfonik dirijorluq fakültəsini (Vyaçeslav Valeyevin sinfi) fərqlənmə ilə bitirib.
Məlumat üçün qeyd edək ki, Azərbaycan Dövlət Simfonik Orkestrinin baş dirijoru Fuad İbrahimovdur.
Simfonik Orkestrdə həmçinin Mustafa Mehmandarov da dirijorluq fəaliyyəti göstərir.
30-11-2025, 20:22
Azərbaycan neft hasilatı barədə qərarı dəstəklədi
Energetika naziri Pərviz Şahbazov onlayn formatda keçirilən Neft İxrac edən Ölkələr Təşkilatına (OPEC) üzv və qeyri-üzv ölkələrin nazirlərinin 40-cı iclasında iştirak edib.
Bu barədə Energetika Nazirliyinin Mətbuat xidməti məlumat verib.
Bildirilib ki, iclasda gündəlik xam neft hasilatının 2026-cı ilin sonuna qədər sabit saxlanılması və maksimum davamlı istehsal gücünün qiymətləndirilməsi mexanizmi ilə bağlı qəbul edilmiş qərara Azərbaycan da öz dəstəyini ifadə edib.
İclas zamanı qlobal neft bazarındakı vəziyyət, hasilat səviyyələri və kompensasiyaların yerinə yetirilməsinə dair müzakirələr aparılıb. OPEC Katibliyi tərəfindən hazırlanmış və Əməkdaşlıq Bəyannaməsi ölkələrində 2027-ci il üzrə neft hasilatının baza səviyyələrinin müəyyən edilməsində istinad göstəricisi kimi istifadə olunacaq Maksimum Davamlı İstehsal Gücünün (MSC) qiymətləndirilməsi mexanizmi təsdiqlənib. Həmçinin OPEC Katibliyinə 2019-cu il 2 iyul tarixində imzalanmış Əməkdaşlıq Xartiyasının məqsədlərinə nail olmaq üçün plan hazırlamaq və bu planı növbəti nazirlər görüşündə təqdim etmək tapşırılıb.
Neft İxrac edən Ölkələr Təşkilatına (OPEC) üzv və qeyri-üzv ölkələrin nazirlərinin 41-ci iclasının gələn ilin 7 iyun tarixində keçirilməsi razılaşdırılıb.
30-11-2025, 20:01
Zelenskini bu şəxs əvəz edə bilər - AD AÇIQLANDI
Ukraynanın Böyük Britaniyadakı səfiri, Silahlı Qüvvələrin keçmiş komandanı Valeri Zalujni prezident seçkiləri keçirildiyi halda Volodimir Zelenskiyə real rəqib ola bilər.
Bu barədə "The Times" nəşri ictimai rəy sorğularına istinadən yazıb.
Nəşrin məlumatına görə, Zalujni prezidentlik reytinqində Zelenskiyə ən yaxın siyasətçi hesab edilir. O, hazırkı lideri qabaqlamasa da, “müharibə qəhrəmanı” statusu onun populyarlığını xeyli artırıb. Xüsusilə, müharibənin ilk mərhələsində müdafiəyə rəhbərlik etməsi onun ictimai dəstəyini möhkəmləndirən əsas amil kimi göstərilir.
"The Times" seçici meyllərini əks etdirən iki illik diaqrammanı da təqdim edib:
Yanvar 2024: Zelenski – 45%+, Zalujni – 30%+
Payız 2024: Zalujni Zelenskini populyarlıqda üstələyib (təxminən 30% və 20%)
Yaz 2025: Zelenski yenidən güclənib – 40%+, Zalujni – 20%
Oktyabr 2025: Fərq minimuma enib – Zelenski ~30%, Zalujni ~25%+
Bu göstəricilər Zalujnının seçkiyə qatıldığı halda ciddi rəqabət yaradacağını göstərir.
Nəşrin Zalujniyə yaxın mənbələri bildiriblər ki, populyarlığına baxmayaraq, onun prezident seçkilərinə qatılması ehtimalı azdır.
Bundan əvvəl Zalujni yazdığı məqalədə Ukraynanın “tam qələbə” əldə etməsə belə Rusiya ilə sülh saxlaya biləcəyini qeyd etmişdi:
“Sülh, hətta növbəti müharibənin gözləntisi fonunda olsa belə, siyasi dəyişikliklərə, dərin islahatlara, bərpaya, iqtisadi inkişafa və vətəndaşların geri qayıtmasına imkan yaradır.”
30-11-2025, 19:40
Cüdoçumuz Əbu-Dabidə medal qazandı
Birləşmiş Ərəb Əmirliyinin paytaxtı Əbu-Dabidə keçirilən Böyük Dəbilqə turniri başa çatıb.
Milli komandamız Dünya Cüdo Turuna daxil olan yarışda bir medal qazanıb.
Son yarış günündə +100 kq çəki dərəcəsində çıxış edən Uşanqi Kokauri bürünc mükafata yiyələnib. Cüdoçumuz həlledici görüşdə Niderland təmsilçisi Yur Spaykersi ipponla məğlub edərək fəxri kürsüyə yüksəlib.
Yığmamızın digər üzvləri - Əhməd Yusifov (-60 kq), Murad Fətiyev (-90 kq) və Camal Qamzatxanov (+100 kq) turniri 5-ci yerdə başa vurublar.
Qeyd edək ki, ilk üç qarşılaşmasında qələbə qazanan Murad Fətiyev zədələndiyi üçün yarımfinal mərhələsində mübarizəni davam etdirə bilməyib.
30-11-2025, 19:33
Ukrayna üçün taleyüklü danışıqlar başladı
ABŞ və Ukrayna nümayəndə heyətləri Mayamidə növbəti danışıqlara başlayıblar.
Görüş ABŞ prezidentinin xüsusi nümayəndəsi Stiven Uitkoffun "Shell Bay" qolf-klubunda keçirilir.
Görüşdən əvvəl Ukrayna Təhlükəsizlik və Müdafiə Şurasının katibi, nümayəndə heyətinin rəhbəri Rustem Umerov ölkə prezidenti Volodimir Zelenski ilə məsləhətləşmələr aparıb, hazırlığın vəziyyətini, əsas mövqeləri və növbəti mərhələdən gözləntiləri müzakirə edib.
Qeyd edək ki, Ağ Ev bu gün “sülh planı” ilə bağlı iki əsas məsələdə - ərazi şərtləri və təhlükəsizlik zəmanətləri üzrə Kiyevlə mövcud fikir ayrılıqlarını aradan qaldırmağı planlaşdırır. Qərb mətbuatı yazır ki, bu mövzular görüşün əsas gündəliyində olacaq.
Məlumata görə, ABŞ və Ukrayna tərəfləri Vaşinqtonun təklif etdiyi “sülh planı”nın son variantı üzərində işləyirlər. Sənəd bir neçə günlük müzakirələrdən sonra dəyişdirilərək Kiyevin qəbul edə biləcəyi formaya salınıb.
Gözlənilir ki, ABŞ prezidentinin xüsusi elçisi Stiven Uitkoff və Trampın kürəkəni Cared Kuşner bu sənədi gələn həftə Rusiya prezidenti Vladimir Putinə təqdim edəcəklər.
Kremlin sözçüsü Dmitri Peskov bu gün bəyan edib ki, Stiven Uitkoff Putinin 4–5 dekabrda Hindistana səfərindən əvvəl Moskvaya gələcək.
29-11-2025, 21:35
Zelenskinin planı dəyişir
Ukrayna prezidenti Volodimir Zelenski müdafiə naziri Denis Şmıqala hərbi əməliyyatların gedişi və yenilənmiş prioritetləri nəzərə alaraq yeni milli müdafiə planı hazırlamağı tapşırıb.
Bu barədə “RBC-Ukrayna” məlumat yayıb.
"Ukraynanın fundamental müdafiə sənədlərini, xüsusən də dövlətimizin müdafiə planını dəyişməyin vaxtı çatıb. Hərbi əməliyyatların gedişi göstərdi ki, prioritetlərin dəqiq nəyə görə yenilənməsi lazımdır. Biz razılaşdıq ki, Denis (Şmıqal – red.) dəyişikliklərlə bağlı ətraflı təkliflər hazırlayıb Nazirlər Kabinetinə təsdiq üçün təqdim edəcək", - Zelenski bildirib.
Ukrayna prezidenti həmçinin bildirib ki, müdafiə naziri Nikolayev və Xerson vilayətlərindəki missiyaları barədə hesabat verib. Bundan başqa, görüşdə mühüm infrastrukturun qorunması və müvafiq resursların yerləşdirilməsi ayrı-ayrılıqda müzakirə edilib.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Tanınmış telejurnalist vəfat edib
Tanınmış telejurnalist Nailə Əkbərova vəfat edib.
Bu barədə onun dostları məlumat yayıblar.
O, ağır xəstəlikdən əziyyət çəkirmiş.
Əkbərova Nailə Ənvər qızı 27 avqust 1963-cü ildə Şamaxı şəhərində anadan olub. Azərbaycan Dövlət Mədəniyyət və İncəsənət Universitetinin məzunudur. 1981-ci ildən Azərbaycan Dövlət Televiziyasında çalışmağa başlayıb. 1997-2006-cı illərdə musiqi verlişləri baş redaksiyasında baş rejissor vəzifəsində çalışıb.
2006-ci ildə “Space” telekanalında bir neçə verlişin rejissoru işləyib. 2009-cu ildən TRT telekanalının əməkdaşıdır. TRT Avaz-da yayımlanan “Qafqazlara əsən yellər” proqramının müəllifi, rejissoru və aparıcısı olub. Azərbaycanda ilk klip yaradıcılarındandır.
Allah rəhmət etsin!
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!