1-02-2023, 16:53
Saakaşvillinin yeni görüntüləri yayılıb
Gürcüstanın keçmiş Prezidenti Mixail Saakaşvilinin Tbilisidə müalicə aldığı klinikadan yeni görüntüləri yayılıb. Gürcü siyasətçinin fotolarını rusiyalı müxalif siyasətçi və hüquq müdafiəçisi Mark Feygin öz facebook hesabında paylaşıb. Fotolarda Saakaşvilinin köynəyinin üzərində “I'm Ukrainian” (Mən ukraynalıyam) yazısı diqqət çəkib. Məhkəməyə onlayn qatılan Saakaşvili hakimə vəziyyətinin ağır olduğunu söyləyib və adekvat müalicə tələb etdiyini bildirib: "Mən bütün biliyimi Gürcüstana vermişəm... Lazım olsa, canımı da verərəm. İndi tək xahişim odur ki, mənə müalicə almaq imkanı verilsin. Çünki vəziyyətim kəskin şəkildə pisləşib". Qeyd edək ki, bu gün Tbilisi Şəhər Məhkəməsində Saakaşvilinin məhkəməsi keçirilir. Saakaşvili iclasa müalicə aldığı klinikadan onlayn qoşulub.
1-02-2023, 16:48
Sabahın hava proqnozu - Gündüz çiskin, gecə yağış yağacaq
Fevralın 2-də Bakıda və Abşeron yarımadasında buludlu hava şəraiti üstünlük təşkil edəcək. Milli Hidrometeorologiya Xidmətindən verilən məlumata görə, gündüz çiskinli olacağı, gecəyə doğru yağış yağacağı gözlənilir. Səhər bəzi yerlərdə duman olacaq. Cənub-şərq küləyi axşam mülayim şimal-qərb küləyi ilə əvəz olunacaq. Havanın temperaturu gecə 4-6° isti, gündüz 6-9° isti olacaq. Atmosfer təzyiqi 758 mm civə sütunundan 762 mm civə sütununa yüksələcək. Nisbi rütubət 70-80 % olacaq. Azərbaycanın rayonlarında bəzi yerlərdə arabir yağıntılı olacağı, qar yağacağı gözlənilir. Axşam ayrı-ayrı yerlərdə intensivləşəcəyi ehtimalı var. Arabir duman olacaq. Qərb küləyi bəzi yerlərdə arabir güclənəcək. Havanın temperaturu gecə 0-5° isti, gündüz 6-9° isti, dağlarda gecə 10-15° şaxta, gündüz 0-5° şaxta olacaq. Gecə və səhər dağlıq rayonlarda yollar buz bağlayacaq.
1-02-2023, 16:43
Ədalətli sülhün tərəfdarıyıq - Çavuşoğlu
"Türkiyə Ukraynanı dəstəkləməyə davam edir". Bunu Estoniyaya səfəri çərçivəsində həmkarı Urmas Reynsalla birgə mətbuat konfransı keçirən Türkiyə XİN başçısı Mövlud Çavuşoğlu deyib. "Biz sülh istəyirik. Amma Ukraynanın əraziləri işğal edilib. Buna görə də ədalətli sülhün tərəfdarıyıq", - deyə nazir bildirib. Çavuşoğlu, həmçinin üzərinə götürdükləri öhdəlikləri yerinə yetirmək barədə İsveç və Finlandiyaya çağırış edib.
1-02-2023, 16:00
Əmək pensiyalarının artırılmasıyla bağlı qanun təsdiqləndi
Milli Məclis minimum əmək pensiyasının məbləğinin artırılması ilə bağlı qanun layihəsini təsdiqləyib. Parlamentin bu gün keçirilən plenar iclasında “Əmək pensiyaları haqqında” qanuna dəyişiklik layihəsi müzakirəyə çıxarılıb və birinci oxunuşda qəbul edilib. Qeyd edək ki, dəyişikliyə əsasən, əmək pensiyasının minimum məbləği 240 manatdan 280 manata qaldırılır. Qanun layihəsi 2023-cü ilin fevralın 1-dən qüvvəyə minəcək. Artım təxminən 100 min pensiyaçını əhatə edəcək. Prezident İlham Əliyevin imzaladığı “Əhalinin sosial rifahının yaxşılaşdırılması sahəsində əlavə tədbirlər haqqında” 5 yanvar 2023-cü il tarixli sərəncama əsasən, Nazirlər Kabinetinə 10 gün müddətində əmək pensiyasının minimum məbləğinin 280 manata çatdırılmasına dair təkliflərini Azərbaycan Respublikasının Prezidentinə təqdim etmək tapşırılmışdı.
1-02-2023, 15:57
İrəvanın danışıqlarda iştirakdan imtina etməsi vəziyyəti çətinləşdirir
"Hakimiyyətin Laçın dəhlizinə görə Rusiyanın məsuliyyət daşıması ilə bağlı tezisi təhlükəlidir". Bunu Ermənistanın müxalif "Hayastan" fraksiyasının deputatı, Daşnaksütun partiyasının funksioneri Geğam Manukyan deyib. "Üçtərəfli bəyanatda Ermənistanın da imzası var, müvafiq olaraq İrəvan da məsuliyyət daşıyır. Laçın dəhlizi məsələsi kontekstində ictimai təzyiqlər Ermənistan rəhbərliyini gərginliyi azalda biləcək bəzi təxirəsalınmaz tədbirlərə əl atmağa məcbur edir. Buna misal olaraq Paşinyanın bir gün əvvəl Putinlə telefon danışığını göstərmək olar. Lakin İrəvan bütün vasitələrdən istifadə etmir. Üstəlik, İrəvanın Bakı ilə Rusiya Federasiyasının təşəbbüsü ilə aparılan danışıqlarda iştirakdan imtina etməsi vəziyyəti çətinləşdirir və düzgün deyil", - deyə müxalif siyasətçi bəyan edib. Qeyd edək ki, Laçın-Xankəndi yolunda keçirilən aksiya dəhlizin humanitar məqsədlər üçün istifadəsinə maneə törətmir.
1-02-2023, 15:51
İran Milli Bankının bağlanma ehtimalı yoxdur - Mərkəzi Bank
Azərbaycanda İran Milli Bankının bağlanma ehtimalı ilə bağlı suala aydınlıq gətirilib. Bu barədə Mərkəzi Bankın baş direktoru Toğrul Əliyev bu gün keçirilən mətbuat konfransında danışıb. O qeyd edib ki, Mərkəzi Bankın gündəliyində belə bir məsələ yoxdur: “Bizə belə bir müraciət daxil olmayıb”.
1-02-2023, 15:48
İrana casusluq edən şəxlərdən biri “İnterAz” kanalının rəhbəridir
Daxili İşlər Nazirliyinin (DİN) İranın casus şəbəkəsinə qarşı keçirdiyi xüsusi əməliyyat tədbirləri nəticəsində saxlanılanlar arasında “Hacı Mətləb” kimi tanınan Mətləb Bağırov da var. Mətləb Bağırov “SalamNews" İnformasiya Agentliyinin və “İnterAz” televiziyasının rəhbəridir. Mətləb Bağırov əslən Cəlilabad rayonundandır. Onun İranın Qum şəhərində və Suriyada dini təhsil aldığına dair məlumatlar var. Mətləb Bağırovun iş adamı kimi biznes obyektlərinə sahib olduğu da bildirilir. Qeyd edək ki, DİN-in keçirdiyi xüsusi əməliyyat tədbirləri nəticəsində Azərbaycanda din pərdəsi altında təxribat və pozuculuq əməllərini həyata keçirən 39 nəfər saxlanılıb. Məlumata görə, onlar İran xüsusi xidmət orqanlarının tapşırıqlarını yerinə yetiriblər.
1-02-2023, 15:43
Ukrayna müharibədən sonra NATO-ya qoşulmalıdır - Çexiya Prezidenti
"Ukrayna müharibədən dərhal sonra NATO üzvlüyünə layiqdir". Bunu Çexiya prezidenti Petr Pavel deyib. "Ukrayna müharibə başa çatdıqdan sonra hərbi alyansa qoşulmaq üçün mənəvi və praktiki olaraq hazırdır. Bu ölkənin ordusu Avropada ən təcrübəli ordu olacaq", - deyə prezident bildirib."Düşünürəm ki, onlar həqiqətən buna layiqdirlər", - istefada olan NATO generalı əlavə edib.
1-02-2023, 00:33
Ukrayna və Macarıstan arasında münasibətlər gərginləşdi
Macarıstanın baş naziri Viktor Orbanın bəyanatlarından sonra bu ölkənin Kiyevdəki səfiri Ukrayna Xarici İşlər Nazirliyinə çağırılıb. Bu barədə Ukrayna Xarici İşlər Nazirliyinin mətbuat xidməti məlumat yayıb. “Macarıstanın Ukraynadakı səfiri İştvan İjarto Ukrayna Xarici İşlər Nazirliyinə çağırılıb və ona Macarıstanın baş naziri Viktor Orbanın Ukraynaya qarşı son təhqiredici bəyanatları ilə əlaqədar kəskin etiraz bildirilib”, - deyə məlumatda vurğulanıb. Diplomata Ukrayna əleyhinə ritorikanın qətiyyən yolverilməz olduğu və Ukrayna-Macarıstan münasibətlərinə ciddi ziyan vurduğu xatırladılıb. Qeyd edək ki, Orban Kiyevin qələbəsinə inanmadığını və Ukraynanın tədricən idarəolunmaz xarabalığa çevrildiyinə inandığını söyləyib.
31-01-2023, 23:08
Ukrayna və Macarıstan arasında münasibətlər gərginləşdi
Macarıstanın baş naziri Viktor Orbanın bəyanatlarından sonra bu ölkənin Kiyevdəki səfiri Ukrayna Xarici İşlər Nazirliyinə çağırılıb. Bu barədə Ukrayna Xarici İşlər Nazirliyinin mətbuat xidməti məlumat yayıb. “Macarıstanın Ukraynadakı səfiri İştvan İjarto Ukrayna Xarici İşlər Nazirliyinə çağırılıb və ona Macarıstanın baş naziri Viktor Orbanın Ukraynaya qarşı son təhqiredici bəyanatları ilə əlaqədar kəskin etiraz bildirilib”, - deyə məlumatda vurğulanıb. Diplomata Ukrayna əleyhinə ritorikanın qətiyyən yolverilməz olduğu və Ukrayna-Macarıstan münasibətlərinə ciddi ziyan vurduğu xatırladılıb. Qeyd edək ki, Orban Kiyevin qələbəsinə inanmadığını və Ukraynanın tədricən idarəolunmaz xarabalığa çevrildiyinə inandığını söyləyib.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Təqvim
| « Sentyabr 2026 » | ||||||
|---|---|---|---|---|---|---|
| Be | Ça | Ç | Ca | C | Ş | B |
| 1 | 2 | 3 | 4 | 5 | 6 | |
| 7 | 8 | 9 | 10 | 11 | 12 | 13 |
| 14 | 15 | 16 | 17 | 18 | 19 | 20 |
| 21 | 22 | 23 | 24 | 25 | 26 | 27 |
| 28 | 29 | 30 | ||||
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Tanınmış telejurnalist vəfat edib
Tanınmış telejurnalist Nailə Əkbərova vəfat edib.
Bu barədə onun dostları məlumat yayıblar.
O, ağır xəstəlikdən əziyyət çəkirmiş.
Əkbərova Nailə Ənvər qızı 27 avqust 1963-cü ildə Şamaxı şəhərində anadan olub. Azərbaycan Dövlət Mədəniyyət və İncəsənət Universitetinin məzunudur. 1981-ci ildən Azərbaycan Dövlət Televiziyasında çalışmağa başlayıb. 1997-2006-cı illərdə musiqi verlişləri baş redaksiyasında baş rejissor vəzifəsində çalışıb.
2006-ci ildə “Space” telekanalında bir neçə verlişin rejissoru işləyib. 2009-cu ildən TRT telekanalının əməkdaşıdır. TRT Avaz-da yayımlanan “Qafqazlara əsən yellər” proqramının müəllifi, rejissoru və aparıcısı olub. Azərbaycanda ilk klip yaradıcılarındandır.
Allah rəhmət etsin!
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!