25-12-2022, 21:31
Latviya da Ukraynada PUA zavodu açacaq
Latviyanın pilotsuz uçuş aparatları istehsal edən "Atlas Dynamics" şirkəti 2023-cü ilin əvvəlində Ukraynada tədqiqat və təkmilləşdirmə zavodu açacaq. Bu barədə "Defence news" nəşri yazıb. Şirkət daha sonra Ukrayna Müdafiə Nazirliyi ilə əməkdaşlıqla əlaqədar istehsalat zavodu açmağı planlaşdırır. Müharibənin başlanmasından bəri "Atlas Dynamics" Ukrayna qüvvələrinə ümumilikdə 300 PUA göndərib. Qeyd edək ki, bundan əvvəl Türkiyə də Ukraynada "Bayraktar" istehsal etmək üçün zavod açmağı planlaşdırır.
25-12-2022, 20:03
Akar Fransayla bağlı çıxış etdi
"Fransızların bəslədikləri ilan özlərini sancmağa başlayıb". Bunu Türkiyənin milli müdafiə naziri Hulusi Akar bildirib. O qeyd edib ki, artıq hər kəs terror təşkilatının əsl üzünü görməlidir. "Terrorçulara kömək etmək və dəstəkləməyin necə problemli olduğunu gördülər. Bunun oxşarı buradan uzaqda oldu. Harada oldu? Parisdə", - Akar deyib. Türkiyəli nazir Fransanın paytaxtı Parisdə terror təşkilatının hücumlarına da münasibət bildirib: "Müttəfiqlərimiz, bəzi dövlətlər müxtəlif səbəblərə görə PKK/YPG terror təşkilatı ilə əməkdaşlığı davam etdirir. Suriya qəbilələri gücü ancaq gücsüz və müdafiəsiz qadınlara çatan PKK/YPG terrorçularına təpki göstərdilər və bölgəni tərk etmələrini istədilər. Biz terror təşkilatına dəstək verənlər, yardım edənlər barədə açıq və qəti şəkildə xəbərdarlıq etdik. Bunların hamısının (terror aktlarının) və daha çoxunun ola biləcəyini söylədik. Bu alçaqlarla, terrorçularla əməkdaşlıq etmək olarmı? Bir terrorçu ilə başqa terrorçunun üstünə getmək olarmı? Bu mövzuda əlaqələri davam etdirir, müttəfiqlərimizə yanlışlıqlarını deyirik".
25-12-2022, 19:59
Türkiyə güləş üzrə dünya çempionatına ev sahibliyi edəcək
Gələn il Türkiyə güləş üzrə dünya çempionatına ev sahibliyi edəcək. Bu barədə Dünya Güləş Birliyi (UWW) qərar qəbul edib. On yeddi yaşadək güləşçilər arasında qitə birinciliyi iyulun 31-dən avqustun 6-dək İstanbulda təşkil olunacaq. Qeyd edək ki, böyüklər arasında dünya çempionatı Serbiyanın paytaxtı Belqradda keçiriləcək.
25-12-2022, 19:54
Sülhməramlıların daha 2 avtomobili Laçın yolundan keçdi
Rusiya sülhməramlılarına məxsus təminat avtomobilləri Laçın-Xankəndi yolunda dinc aksiya keçirilən ərazidən maneəsiz hərəkət edə bilirlər. Laçın istiqamətindən Xankəndiyə doğru hərəkət edən Rusiya sülhməramlılarına məxsus daha iki avtomobilin aksiya keçirilən məkandan sərbəst hərəkətinə şərait yaradılıb. Bu, onu göstərir ki, etirazçıların toplaşdığı ərazidən keçən yolda sərbəst hərəkətə heç bir maneə yoxdur. Yol humanitar məqsədlər üçün tam olaraq açıqdır. Xatırladaq ki, Qarabağda faydalı qazıntı yataqlarının qanunsuz istismarına qarşı təşkil olunan aksiya artıq 14-cü gündür davam edir.
25-12-2022, 19:49
Akar təftiş üçün Suriya sərhədinə yollandı
Türkiyənin milli müdafiə naziri Hulusi Akar Türkiyə Silahlı Qüvvələri komandanlığının müşayiəti ilə Suriya sərhədinə yollanıb. Nazir burada qoşunların təftişini həyata keçirib. Akar Baş Qərargah rəisi ordu generalı Yaşar Gülər, Quru Qoşunları komandanı ordu generalı Musa Avsever, Dəniz Qüvvələri komandanı admiral Ərcüment Tatlıoğlu və Hərbi Hava Qüvvələri komandanı general Atilla Gülanla birlikdə Hatay şəhərinə baş çəkib. Hatay Hava Limanında 2-ci Ordu komandanı, general Metin Gürak və digər rəsmilər tərəfindən qarşılanan Akar onu müşayiət edən komandirlərlə birgə Bahar Qalxanı Əməliyyatları Bölgəsi Sektor Komandanlığına üz tutub.
25-12-2022, 16:08
Bu il bütün bayramların ən acısıdır - Zelenski
“25 dekabrda Ukraynada da milyonlarla adam Milad Bayramını qeyd edir. Amma bu gün xalqımız müharibə üzündən çətin vəziyyətdədir. Təəssüf ki, bu il bütün bayramların ən acısıdır". Bunu Ukrayna prezidenti Vladimir Zelenski deyib. O bildirib ki, Ukraynada Rusiyaya qarşı müharibə əslində 8 ildir davam edir: "Ölkəmizin azadlığı üçün inanc və birlik içində mübarizəmizi sürdürəcəyik. Gəlin, bu qışa dözək. Çünki nə üçün mübarizə apardığımızı bilirik. Bu il ölkəmiz Milad bayramını müharibənin kölgəsində qeyd edir. Amma Rusiya ordusunun hücumları nəticəsində Ukraynada enerji infrastrukturlarına ciddi ziyan dəydiyi üçün elektrik enerjisində fasilələr var. Bütün çətinliklərə baxmayaraq, gəlin, bayramı qeyd edək”.
25-12-2022, 16:00
Putin ABŞ-ın Ukraynaya yardım etməsiylə bağlı danışdı
ABŞ “Patriot” hava hücumundan müdafiə sistemlərini Ukraynaya tədarük edəcəyi təqdirdə, bu sistemlər məhv ediləcək. Bunu “Rossiya-1” telekanalına müsahibəsində Rusiya Prezidenti Vladimir Putin deyib. Rusiya lideri bildirib ki, hazırda belə komplekslər Ukraynada yoxdur. Qeyd edək ki, bu yaxınlarda Ukrayna prezidenti Volodimir Zelenskinin Vaşinqtona səfəri ərəfəsində Bayden administrasiyası Kiyevə daha 1,85 milyard dollarlıq hərbi yardımın ayrılacağını bəyan edib. Bildirilib ki, yeni hərbi yardım paketinə “Patriot” hava hücumundan müdafiə sistemləri də daxildir.
25-12-2022, 15:42
“Qırmızı Xaç”ın avtomobilləri Xankəndiyə keçdi
Şuşadan keçən Xankəndi-Laçın yolunda Beynəlxalq Qırmızı Xaç Cəmiyyətinə (BQXK) məxsus avtomobillərin növbəti dəfə hərəkət etməsinə şərait yaradılıb. Nəqliyyat vasitələri Laçından Xankəndi istiqamətinə maneəsiz şəkildə hərəkət ediblər. Ümumilikdə üç avtomobil ərazidən keçid edib. Yük maşınında qida (uşaq qidası) və tibbi ləvazimatlar daşınıldığı ehtimal edilir. Yük Xankəndi xəstəxanasına çatdırılacaq. Bu, bir daha göstərir ki, humanitar məqsədli maşınların keçidi üçün heç bir məhdudiyyət yoxdur. Qeyd edək ki, bu gün səhər saatlarında BQXK-ya məxsus avtomobillərin müşayiəti ilə Xankəndindən Ermənistana müalicə üçün 2 xəstə aparılıb.
25-12-2022, 15:26
Sabahın hava proqnozu
Azərbaycanda dekabrın 26-na gözlənilən hava proqnozu açıqlanıb. Milli Hidrometeorologiya Xidmətindən bildirilib, Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Lakin gecə və səhər bəzi yerlərdə çiskinli olacağı ehtimalı var. Mülayim şimal-qərb küləyi əsəcək. Havanın temperaturu gecə 5-7° isti, gündüz 7-9° isti, Bakıda gecə 5-7° isti, gündüz 8-10° isti olacaq. Atmosfer təzyiqi 765 mm civə sütunundan 770 mm civə sütununa yüksələcək. Nisbi rütubət 70-80 faiz təşkil edəcək. Azərbaycanın rayonlarında əsasən yağmursuz hava şəraiti hökm sürəcək. Lakin gündüz bəzi şərq rayonlarında yağıntılı olacağı ehtimalı var. Ayrı-ayrı yerlərdə duman olacaq. Mülayim qərb küləyi əsəcək. Havanın temperaturu gecə 1° şaxtadan 4°-dək isti, gündüz 6-10° isti, dağlarda gecə 3-8° şaxta, gündüz 0-3° şaxta olacaq. Gecə dağlıq rayonlarda yollar buz bağlayacaq.
25-12-2022, 15:23
Ödənişli yolun istifadə şərtləri açıqlandı
“AYDA tərəfindən Azərbaycanda ilk ödənişli yolun açılışı təmin ediləcək. Ondan sonra Bakı-Quba istiqamətində beton yolun lokal sıradan çıxmış hissələri təmir olunub vətəndaşların istifadəsinə veriləcək”. Bu barədə Avtomobil Yolları Dövlət Agentliyinin İdarə Heyətinin sədri Saleh Məmmədov açıqlama verib. Qiymətlərə gəlincə, Saleh Məmmədov bildirib ki, tariflər yük maşınları, sərnişin avtobusları, minik avtomobilləri, qoşqular və digər nəqliyyat vasitələri üçün ayrı hesablanacaq. Onun sözlərinə görə, tariflər artıq təqdim olunub. Tezliklə müvafiq sərəncamların veriləcəyi gözlənilir. Agentlik rəsmisi onu da qeyd edib ki, sözügedən yolda giriş-çıxış məntəqələrinin tikintisi başa çatıb, ödəniş terminalları və turniketlər quraşdırılıb. Yol üzərində bir neçə yerdə yük avtomobilləri üçün tərəzi məntəqələri quraşdırılıb.
[media=https://youtu.be/8Il4RUTB3d8]
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Təqvim
| « Sentyabr 2026 » | ||||||
|---|---|---|---|---|---|---|
| Be | Ça | Ç | Ca | C | Ş | B |
| 1 | 2 | 3 | 4 | 5 | 6 | |
| 7 | 8 | 9 | 10 | 11 | 12 | 13 |
| 14 | 15 | 16 | 17 | 18 | 19 | 20 |
| 21 | 22 | 23 | 24 | 25 | 26 | 27 |
| 28 | 29 | 30 | ||||
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Tanınmış telejurnalist vəfat edib
Tanınmış telejurnalist Nailə Əkbərova vəfat edib.
Bu barədə onun dostları məlumat yayıblar.
O, ağır xəstəlikdən əziyyət çəkirmiş.
Əkbərova Nailə Ənvər qızı 27 avqust 1963-cü ildə Şamaxı şəhərində anadan olub. Azərbaycan Dövlət Mədəniyyət və İncəsənət Universitetinin məzunudur. 1981-ci ildən Azərbaycan Dövlət Televiziyasında çalışmağa başlayıb. 1997-2006-cı illərdə musiqi verlişləri baş redaksiyasında baş rejissor vəzifəsində çalışıb.
2006-ci ildə “Space” telekanalında bir neçə verlişin rejissoru işləyib. 2009-cu ildən TRT telekanalının əməkdaşıdır. TRT Avaz-da yayımlanan “Qafqazlara əsən yellər” proqramının müəllifi, rejissoru və aparıcısı olub. Azərbaycanda ilk klip yaradıcılarındandır.
Allah rəhmət etsin!
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!