Butov.az xəbər verir ki, Azərbaycan Respublikasının Prezidenti yanında Gənclər Fondunun maliyyə, “İrəli” İctimai Birliyinin təşkilatı dəstəyi ilə “Könüllülər fəaliyyətdə” layihəsi həyata keçirilib. “Könüllülər Fəaliyyətdə” layihəsi Azərbaycan Respublikasının Prezidenti yanında Gənclər Fondunun elan etdiyi 10-cu qrant müsabiqəsi çərçivəsində qalib olan layihələrindən biri olub. Layihə rəhbəri Əmirov Azərdir.

“Könüllülər fəaliyyətdə” layihəsi Azərbaycanda islam həmrəyliyinin möhkəmləndirilməsinə və könüllülük fəaliyyətinin təbliğinə yönəlmiş bir layihədir. Layihə çəçivəsində ümumilikdə 50-dən artıq gəncin iştirakı nəzərdə tutulmuşdu. Seçim mərhələsi ilə seçilən 50 könüllü gənc bir komandada 5 nəfər olaraq 10 müxtəlif komandalarda yer alaraq, müxtəlif tapşırıqları yerinə yetirmişlər. “Könüllülər fəaliyyətdə” layihəsinin ana ideyası dünyaca məşhur və çoxşahəli yarışmanın bir növünə olan “Scavenger Hunt Game” müsabiqəsinə əsaslanır.

10 və 16 dekabr 2017-ci il tarixlərdində layihə ilə bağlı tədbirlər həyata keçirilib. 10 dekabr 2017-ci il tarixində layihənin açılış məraismi baş tutub. Açılış mərasimində gənclərə layihə haqqında məlumatlar ötürülərək, gənclərin yarışacağı müsabiqənin reqlamenti və qaydaları izah olunub. Həmçinin bu tarixdə yarışmanın özü reallaşdırılıbdır. Yarışma çərçivəsində gənclər 3 saat müddətində 40-dan artıq tapşırıq yerinə yetirməyə çalışıblar. 16 dekabr tarixində layihənin bağlanış mərasimi keçirilib və qaliblər elan olunduqdan sonra qalib komanda şəhadətnamə, kubok və qiymətli hədiyyələrlə təltif ediliblər. Layihə çərçivəsində “İrəli” İctimai Birliyinin və bır sıra qurumlardan olan gənclər təmsil olunub.