Bakı Arbitraj Mərkəzi yaradıldı .....                        Rusiya ordusu Kurskdan Ukraynaya daxil olub .....                        Paşinyan milli təhlükəsizlik strategiyasını dəyişir - Komissiya yaratdı .....                        Asiya Parlament Assambleyasının büdcəsi 1 milyon dollar olacaq .....                        Zelenski prezident postundan yalnız bu şərtlərlə gedəcək - AÇIQLADI .....                        Zelenski prezident postundan yalnız bu şərtlərlə gedəcək - AÇIQLADI .....                        Əsgəran qalasından ən son görüntülər .....                        Polad Həşimovun necə şəhid olduğu açıqlandı .....                        Sexdə 3 nəfər dəm qazından zəhərləndi .....                       
Tarix : 5-02-2019, 10:01
Xalq rəssamı Hüseynqulu Əliyevin 70 illik yubileyi qeyd edilib
Cəlil Məmmədquluzadə adına Naxçıvan Dövlət Musiqili Dram Teatrında Azərbaycan Respublikasının Xalq rəssamı Hüseynqulu Əliyevin 70 illik yubileyi qeyd edilib.
Butov.az AZƏRTAC-a istinadən xəbər verir ki, tədbirdə çıxış edən Naxçıvan Muxtar Respublikasının mədəniyyət naziri Natəvan Qədimova muxtar respublikada tanınmış sənət adamlarına yüksək diqqət və qayğı göstərildiyini bildirib. Vurğulanıb ki, Ali Məclis Sədrinin göstərişinə əsasən onların yubileyləri yüksək səviyyədə qeyd edilir. Bu gün keçirilən yubiley də bu ənənələrin uğurlu davamıdır.
Nazir yubileyi qeyd edilən Xalq rəssamının həyat yolu və yaradıcılığı haqqında ətraflı məlumat verərək diqqətə çatdırıb ki, Hüseynqulu Əliyevin yaradıcılığında portret janrı, qədim diyarımızın keçmişini və bu gününü əks etdirən mənzərə əsərləri mühüm yer tutur. Xalq rəssamının “Mənim Naxçıvanım” kompozisiyasında fikir və duyğunun incə vasitələrlə, zərif cizgilərlə göstərilməsi təbiilik və dolğunluq ifadəsidir. Rəssam müxtəlif janrlara müraciət etsə də, onun yaradıcılıq təxəyyülü özünəməxsusluğu, monumentallığı, ritm və koloriti, duyum tərzi ilə seçilir.
“Xalq rəssamının pedaqoji fəaliyyəti də təsviri incəsənətimizə xidmətin gözəl nümunəsidir. Gənc rəssam kadrlarının hazırlanmasında onun xidmətləri xüsusi olaraq qeyd edilməlidir. Sənətkar uzun illərdir ki, Naxçıvan Dövlət Universitetində (NDU) pedaqoji fəaliyyətlə məşğuldur”, – deyən nazir bildirib ki, Hüseynqulu Əliyevin xidmətləri dövlətimiz tərəfindən yüksək qiymətləndirilib. Görkəmli sənətkar 1988-ci ildə “Naxçıvan Muxtar Respublikasının Əməkdar incəsənət xadimi”, 1999-cu ildə “Azərbaycan Respublikasının Əməkdar rəssamı”, 2002-ci ildə “Azərbaycan Respublikasının Xalq rəssamı” fəxri adlarına layiq görülüb.
Nazir Naxçıvan Muxtar Respublikası Ali Məclisinin Sədri adından Xalq rəssamına hədiyyə təqdim edib və ona yaradıcılıq yolunda uğurlar arzulayıb.
NDU-nun rektoru, AMEA-nın müxbir üzvü Saleh Məhərrəmov, Naxçıvan Muxtar Respublikası Rəssamlar Birliyinin sədri, Azərbaycan Respublikasının Əməkdar rəssamı Ülviyyə Həmzəyeva rəssamı təbrik edib, onun qədim diyarımızda təsviri incəsənətin və heykəltəraşlığın inkişafındakı xidmətlərindən söhbət açıblar.
Tədbirdə Naxçıvan Muxtar Respublikasının Əməkdar rəssamları Həbibə Allahverdiyeva, Səyyad Bayramov, Azərbaycan Respublikasının Əməkdar rəssamı Telman Abdinov, Xalq artistləri Rza Xudiyev, Kamran Quliyev, Azərbaycan Respublikasının Əməkdar artisti Xəlil Hüseynov çıxış edərək yubilyara ürək sözlərini bildiriblər.
Sonda Xalq rəssamı Hüseynqulu Əliyev çıxış edərək yaradıcılığına verilən yüksək qiymət üçün Naxçıvan Muxtar Respublikası Ali Məclisi Sədrinə dərin minnətdarlığını bildirib, təsviri incəsənətimizin inkişafı və yeni rəssam kadrlarının hazırlanmasında bundan sonra da səylə çalışacağını deyib.


Paylaş



Bölmə: Mədəniyyət / Karusel / Slayd / Xəbər lenti
Fikirlər
Sorğu
Saytımızda hansı mövzulara daha çox yer verilməsini istəyirsiniz?


Son buraxılışımız
Facebook səhifəmiz
Təqvim
«    Fevral 2025    »
BeÇaÇCaCŞB
 12
3456789
10111213141516
17181920212223
2425262728 
Reklam
Hava
Valyuta
Reklam

Sayğac
Xəbər lenti
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
Foto
Erməni tərəfdən Azərbaycan mövqeləri belə görünür... - VİDEO






Bütöv.az
Video
"Vətən Qəhrəmanları" Şəhid İlyas Nəsirov


All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!