Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə dəstəyi ilə “Azərbaycan-Gürcüstan ədəbi-mədəni əlaqələrinin inkişafına dəstək” adlı yeni layihənin icrasına start verilib. Türk Dünyası İnfo” İctimai Birliyinin 3 ay müddətinə həyata keçirəcəyi bu layihə konkret olaraq müasir yaradıcılıq baxımından müxtəlif və ədəbi ictimaiyyətin qəbul etdiyi Azərbaycan şairlərinin əsərlərinin xaricdə tanıdılması istiqamətini seçib.

Birliyin sədri Dəyanət Osmanlı bldirib ki, istiqamət müasir Azərbaycan poeziyasının qonşu və dost ölkə olan Gürcüstanda ictimai, elmi, ədəbi mühitdə təbliğidir və Azərbaycan-Gürcüstan ədəbi-mədəni əlaqələrinin inkişafına kömək məqsədi daşıyır. Layihə çağdaş Azərbaycan ədəbiyyatının dəyərləndirilməsi baxımından qonşu Gürcüstanda ədəbi yaradıcılıqla məşğul olan insanlara, elmi-ədəbi ictimayyətə, ümumən geniş auditoriyaya, özəlliklə yeni nəsil ədəbiyyatçılara ünvanlanıb. Azərbaycanda ədəbi ictimaiyyətin tanıdığı 10-15 istedadlı şairin şeirləri secilərək gürcü dilində “Çağdaş Azərbaycan poeziyası” adlı antologiyada kitablaşdırılacaq. Artıq bu yöndə zəruri işlərin bir qismi görülüb.

Kitab nəşr olunduqdan sonra Tiflisdə və Bakıda təqdimat mərasimi keşiriləcək. Sözügedən kitabın nəşri, çağdaş Azərbaycan poeziyasının tanıtımı mövzusu ölkə mediasında və Gürcüstanda elmi, ədəbi-mədəni ictimaiyyətin diqqətinə təqdim olunacaq.