Turan » Səhifə 26

11-10-2021, 18:28

"Aclıq edən şəxs yarım kiloqram bal yemir".

Butov.az xəbər verir ki, bunu Gürcüstanın Baş naziri İrakli Qaribaşvili sabiq prezident Mixail Saakaşvilinin həbsxanada aclıq aksiyası keçirməsinə münasibət bildirərkən deyib.

Qaribaşvili söyləyib ki, sabiq prezident şəxsən öz bank kredit kartı ilə yeddi banka bal alıb və yarım kilo bal qəbul edib.

"Aclıq elan etdiyini açıqlayan adam yarım kilo bal yeməməlidir, bunu tam məsuliyyətlə deyirəm. İnsanları aldatmağı və cəmiyyəti çaşdırmağı dayandırın", -Qaribaşvili əlavə edib.

Gürcüstan hökuməti başçısının sözlərinə görə, ixtisaslı həkimlər Saakaşvilinin səhhətinə nəzarət edir və vəziyyəti qənaətbəxşdir.

"Saakaşvili həbsxanada yarım kilo bal yeyib" - Qaribaşvili

11-10-2021, 11:40

Əfqanıstanda siyasi hakimiyyətə gələn “Taliban” əsas gəlir mənbəyi barədə məlumat verib.

Bu barədə Əfqanıstanın mədəniyyət və informasiya naziri kimi təyinat alan Zabihullah Mücahid məlumat yayıb.

Z.Mücahid qeyd edib ki, hazırda hərəkatın əsas gəlir mənbəyi vergi və rüsumlardan yığılan vəsaitdir. Gələcəkdə isə hökumət mədən sənayesindən gəlir əldə etməyi düşünür.

Mənbə: TASS

Butov.az

“Taliban” haradan maliyyələşir?

11-10-2021, 11:30

Türkiyə prezidenti Rəcəb Tayyib Ərdoğan mahnı oxuyub.

Unikal.org xəbər verir ki, ölkə lideri mahnını Adanada gənclərlə görüş zamanı ifa edib.

Qeyd edək ki, dövlət başçısının ifası böyük maraqla qarşılanıb.

Butov.az

Ərdoğan mahnı oxudu - VİDEO

10-10-2021, 21:06

Qazaxıstanda daha bir sursat anbarında partlayış

8-10-2021, 20:11

Türkiyənin İran sərhədində inşa etdiyi beton səddin bir hissəsi tamamlanıb.

Butov.az xəbər verir ki, planın tamamlanan hissəsi Van bölgəsini əhatə edir. Bölgədə uzunluğu 20 kilometr olan beton lövhələr düzülüb.
Qeyd edək ki, Türkiyə İranla bütün sərhəd boyu beton lövhələr yerləşdirməyi planlaşdırır. Məqsəd İran tərəfdən gələ biləcək qaçqın axınına və qanunsuz keçidlərə mane olmaqdır.

Türkiyə İranla sərhədi bağladı - VİDEO

8-10-2021, 09:42

İran İslam İnqilabı Keşikçiləri Korpusunun qayıqları Fars körfəzində ABŞ gəmisini ələ keçirib. Bu barədə ölkənin dövlət televiziyası xəbər verir.

Yayılan videoda sürət gəmilərindən birindən çəkilmiş kadrları nümayiş etdirilir. Kadlarda, Amerika bayrağı ilə üzən bir gəmi, eləcə də göyərtədə olan bir neçə nəfər lentə alınıb.

"İran donanması Fars körfəzindəki Amerika və xarici qüvvələr üzərində tam üstünlüyünü nümayiş etdirib", - reportajda deyilir.

ABŞ-ın 5-ci Dəniz Donanmasının Bəhreyndəki nümayəndəsi Timothy Hawkins, öz növbəsində, son günlər belə bir hadisə haqqında heç bir şey bilmədiyini söyləyib.

Hadisənin təfərrüatları, eləcə də videonun çəkildiyi vaxt məlum deyil.

Butov.az

İran Fars körfəzində Amerika gəmisini ələ keçirdi - VİDEO

7-10-2021, 17:03

Türkiyə ilə İran arasında iki ölkənin xarici işlər nazirlərinin müavinlərinin başçılığı altında siyasi müzakirələr aparılacaq.

Bu barədə Türkiyə Xarici İşlər Nazirliyi açıqlama yayıb.
Qeyd edilir ki, sabah Türkiyə xarici işlər nazirinin müavini Sedat Önal və İran xarici işlər nazirinin müavini Əli Bağeri Keninin başçılığı ilə Ankarada siyasi müzakirə görüşləri keçiriləcək.

Görüş zamanı ikitərəfli əlaqələr müzakirə olunacaq, regional və beynəlxalq hadisələrlə bağlı fikir mübadiləsi aparılacaq.

Butov.az

Türkiyə və İran Ankarada siyasi müzakirələr aparacaq

7-10-2021, 12:46

Pakistanın cənub-qərbində rixter cədvəli üzrə 5,7 bal gücündə zəlzələ baş verib.

Butov.az xəbər verir ki, zəlzələ nəticəsində azı 20 nəfər həyatını itirib. 200-dən çox yaralı var. Tələfatın artacağı istisna edilmir. Məlumata görə, yeraltı təkanların episentri Harnai şəhərində yerin 20 kilometr dərinliyində yerləşib. Zəlzələ nəticəsində çox sayda tikili dağılıb.
Bildirilir ki, yeraltı təkanların baş verdiyi bölgədə mədənlər yerləşir və mədənlərdə dağıntılar qeydə alınıb.

Pakistanda güclü zəlzələ - VİDEO

5-10-2021, 15:45

“Dünya dəyişir. BMT də dəyişməlidir. “Qərb üstündür” anlayışının sonuna gəldik”.

Butov.az xəbər verir ki, Türkiyə prezidenti Rəcəb Tayyib Ərdoğan “Kriter” nəşrinə belə açıqlama verib. O bildirib ki, əsrlər boyu davam edən qərb hegomoniyası artıq bitib. Ərdoğanın sözlərinə görə, dünyada yeni beynəlxalq sistem formalaşıb. ABŞ-ın səbəb olduğu problemlərə diqqət çəkən Ərdoğan, “soyuq müharibədən” sonra Vaşinqtonun uğursuz siyasət xətti seçdiyini ifadə edib.
“Türkiyənin gücü gündən-günə artır və beynəlxalq siyasətdə rolu genişlənir. Başqa orta səviyyəli ölkələr də inkişaf edir. Yəni sadəcə böyük güclərin sözünün keçdiyi dünyada yaşamırıq artıq”.

Ərdoğan: Qərbin hegomoniyası bitdi, dünyada sözünü deyən Türkiyə var

5-10-2021, 15:17

Əfqanıstanın “Taliban” təşkilatı İŞİD terror qruplaşmasının bir hücrəsini məhv edib.

Bu barədə “Taliban” hökumətinin məlumat və mədəniyyət nazirinin müavini Zabihullah Mücahid “Twitter” hesabında bildirib:

“Dünən gecə Kabilin 17-ci məhəlləsində İslam Əmirliyinin mücahidlərindən ibarət xüsusi bir qrup İŞİD yaraqlılarının yuvasına qarşı əməliyyat keçirdi”.

Onun sözlərinə görə, “bu qətiyyətli və uğurlu əməliyyat” nəticəsində İŞİD təşkilatının mərkəzi tamamilə dağıdılıb və orada olan bütün hərəkat üzvləri məhv edilib.

Qeyd edək ki, dünən Kabildə İŞİD terrorçuları tərəfindən İdgah məscidinin yaxınlığında həyata keçirilən partlayış nəticəsində 12 nəfər ölüb, azı 32 nəfər yaralanıb.

Butov.az

“Taliban” İŞİD-in hücrəsini məhv edib