Abşeron rayonunda kitab toplama aksiyası keçirilir. Bu münasibətlə Abşeron Rayon İcra Hakimiyyəti yanında İctimai Şuranın sədri Elçin Quliyev, Sumqayıt Mədəniyyət Regional İdarənin rayon üzrə nümayəndəsi, Əməkdar mədəniyyət işçisi İlham Manafov, Türkiyənin Təhsil müşaviri Nihat Böyükbaş, türkiyəli diplomat Hüseyn Altınalan, Bakı Anadolu Türk Liseyinin direktoru Nurullah Yazıcı və digərlərinin iştirakı ilə görüş keçirilib. Aksiya Azərbaycan Respublikasının işğaldan azad edilmiş ərazilərində kitab fondlarının bərpası məqsədilə təşkil olunub.

Butov.az AZƏRTAC-a istinadən xəbər verir ki, qonaqlar əvvəlcə Xırdalan Şəhidlər Xiyabanını və Abşeronda yerləşən Türk şəhidlərinin məzarlığını ziyarət edib, şəhid məzarları üzərinə tər güllər qoyublar.

Sonra Xırdalan şəhərində Heydər Əliyevin abidəsi önünə gül dəstələri düzülüb, Heydər Əliyev Mərkəzi ilə tanışlıq olub.

Daha sonra Abşeronda Yanardağ abidəsi, Abşeron Tarixi-Diyarşünaslıq Muzeyi ziyarət edilib, nümayiş olunan eksponatlar, tarixi məkanlar haqqında məlumat verilib.

Qonaqlar, həmçinin Abşeron rayon Təhsil şöbəsinin müdiri Nazilə Məmmədova ilə görüşüb və Abşeron ərazisində keçirilən kitab toplama aksiyasına öz ölkələri adından kitablar hədiyyə ediblər.