Rusiya ilə Ukrayna razılaşa biləcək? -Türkiyədən AÇIQLAMA .....                        Makronun 40 min avroluq heykəli oğurlandı .....                        Müharibə zamanı Ermənistanın hədəfə aldığı mülki obyektlər .....                        Tələbə dənizdə boğulub öldü .....                        Kreml 30 günlük atəşkəsə niyə razılaşmır? .....                        28 Mayı 3 qardaşa layiq şəkildə qeyd etdik - Ərdoğan .....                        Ərdoğan Putinlə Zelenskini görüşdürmək istəyir .....                        Rusiya və Ukrayna razılaşdı .....                        Zelenskidən İstanbul danışıqları barədə ilk açıqlama .....                       
Tarix : 8-10-2021, 18:28
Avropa Xəbər Agentlikləri Alyansının yeni prezidenti seçilib


Oktyabrın 8-də Vyanada Avropa Xəbər Agentlikləri Alyansının (EANA) Baş Assambleyası keçirilib.
Assambleyada Avstriyanın APA agentliyinin icraçı direktoru Klemens Piq EANA-nın yeni prezidenti seçilib. O, növbəti iki ildə bu nüfuzlu media təşkilatına rəhbərlik edəcək. Klemens Piqin namizədliyini dəstəkləyənlərdən biri də AZƏRTAC olub.
Pandemiya səbəbindən ötən il təxirə salınan Baş Assambleya bu il AZƏRTAC da daxil olmaqla üzv agentliklərin iştirakı ilə əyani şəkildə baş tutub. Toplantıda EANA-nın iki yeni Büro üzvü də seçilib. Onlar France Press (Fransa) agentliyinin prezidenti Fabrisias Fris və FENA (Bosniya və Herseqovina) agentliyinin baş direktoru Elmir Huremoviçdir.
Baş Assambleyada koronavirusdan vəfat etmiş Bolqarıstanın BTA agentliyinin sabiq rəhbəri, tanınmış jurnalist Maksim Minçevin xatirəsi anılıb. Onun adına təsis edilən "Maksim Minçev Mükafatı" Almaniyanın DPA agentliyinə təqdim olunub.
Növbəti Baş Assambleyanın gələn ilin payızında Kiyevdə keçirilməsi qərara alınıb.
Assambleya çərçivəsində Avstriyanın APA xəbər agentliyinin 75 illik yubileyi qeyd olunub. Yubiley tədbirində Avstriyanın Federal Prezidenti Aleksander Van der Bellen, parlament üzvləri, həmçinin Avropa Xəbər Agentlikləri Alyansına (EANA) üzv agentliklərin rəhbərləri və təmsilçiləri, o cümlədən AZƏRTAC-ın nümayəndələri iştirak ediblər.
Qeyd edək ki, oktyabrın 7-də EANA-nın payız konfransı keçirilib. "Xəbər sahəsində müxtəliflik və gender" mövzusuna həsr olunmuş konfransın açılışında APA agentliyinin rəhbəri Klemens Piq, EANA-nın və Almaniyanın DPA agentliyinin prezidenti Piter Kropş çıxış ediblər. Panel müzakirələrdə xəbər agentliklərinin qadın rəhbərləri menecerlik təcrübələrini bölüşüblər. Müxtəlif agentliklərdə qadınların tutduğu mövqelər barədə nümunələr göstərilib.
EANA dünyanın ən nüfuzlu və mötəbər media təşkilatlarından biridir. Alyans öz sıralarında “Reuters”, “Press Association” (Böyük Britaniya), “France Press” (Fransa), TASS (Rusiya), Anadolu (Türkiyə), EFE (İspaniya), DPA (Almaniya) və bir çox digər aparıcı xəbər agentliklərini birləşdirir.
2008-ci ildən EANA-nın üzvü olan AZƏRTAC təşkilatın işində fəal iştirak edir.




Paylaş



Bölmə: Xəbər / Karusel / Xəbər lenti
Fikirlər
Sorğu
Saytımızda hansı mövzulara daha çox yer verilməsini istəyirsiniz?


Son buraxılışımız
Facebook səhifəmiz
Təqvim
«    İyun 2025    »
BeÇaÇCaCŞB
 1
2345678
9101112131415
16171819202122
23242526272829
30 
Reklam
Hava
Valyuta
Reklam

Sayğac
Xəbər lenti
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
Foto
Erməni tərəfdən Azərbaycan mövqeləri belə görünür... - VİDEO






Bütöv.az
Video
"Vətən Qəhrəmanları" Şəhid İlyas Nəsirov


All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!