İyulun 26-da Böyük Qafqazın ərazisindən axan Qusarçayın Kuzun məntəqəsində suyun səviyyəsində 10, Vəlvələçayın Təngəaltı məntəqəsində 3, Kiçik Qafqazın ərazisindən axan Şəmkirçayın Qalakənd məntəqəsində 1 santimetr azalma qeydə alınıb. Zəyəmçayın Ağbaşlar, Gəncəçayın Zurnabad, Kürəkçayın Çaykənd, o cümlədən Lənkəran-Astara bölgəsindən axan Lənkərançayın Sifidor məntəqələrində suyun səviyyəsi dəyişməyib. Təngərüdçayın Vaqo məntəqəsində 1 santimetr artıb, Viləşçayın Şıxlar məntəqəsində isə suyun səviyyəsində 2 santimetr azalma müşahidə olunub.

Butov.az xəbər verir ki, Ekologiya və Təbii Sərvətlər Nazirliyinin Milli Hidrometeorologiya Xidmətindən AZƏRTAC-a verilən məlumata görə, Kür çayının Qıraqkəsəmən məntəqəsində suyun səviyyəsində dəyişiklik qeydə alınmayıb. Hazırda məntəqədə su sərfi 113 kubmetr/saniyə təşkil edir. Bu da ongünlük normanın 74 faizinə bərabərdir. Hazırda sululuq keçən il ilə müqayisədə 8 faiz çoxdur. Qanıx çayının Cəlayir məntəqəsində suyun səviyyəsində 1 santimetr azalma müşahidə olunub. Hazırda məntəqədə su sərfi saniyədə 18 kubmetrə bərabərdir. Bu da ongünlük normanın 20 faizini təşkil edir. Hazırda sululuq keçən il ilə müqayisədə 10 faiz azdır.

Kür çayının Surra məntəqəsində suyun səviyyəsi 3 santimetr artaraq 356 santimetr, su sərfi isə 116 kubmetr/saniyə təşkil edib, Şirvan məntəqəsində suyun səviyyəsi 4 santimetr artaraq 151 santimetr olub, Bankə məntəqəsində suyun səviyyəsi 7 santimetr azalaraq 102 santimetrə, su sərfi isə 33 kubmetr/saniyəyə bərabər olub.