İlham Əliyev Pakistanın Baş naziriylə görüşdü

Əlaqə Haqqımızda

Azərbaycan və Türkiyənin XİN Başçıları görüşdü

And Yerimiz

Mir Cəfər haqqında inanılmaz həqiqətlər...

Əlirza Xələfli yazır:

Niyə məhz İmam Hüseyn?

“Vətən sevdaların əzəli”

Doğum günün mübarək, dağlar oğlu...

Xocalı və Ağdərəyə 2073 nəfər qayıdıb

Türküstan poeziyası

Özünü axtaran şair, təbrik edirik!

İdarəetmənin əlifbası

15 yaşlı yeniyetmə Tərtər çayında boğuldu ..... Azərbaycanda distant təhsil tanınacaq ..... İlham Əliyevdən 9 May paylaşımı ..... Sumqayıtda iş yerində ölüm ..... Yeni Roma Papası məlum oldu ..... 7 saatdan çox danışıqlar aparıblar ..... Sabah yollar bağlı olacaq! - Siyahı AÇIQLANDI ..... Ukrayna parlamenti ABŞ ilə sazişə "HƏ" dedi ..... Sahibə Qafarova Vyetnamın Baş katibi ilə görüşüb .....

Tarix : 9-11-2023, 11:27

İlham Əliyev Pakistanın Baş naziriylə görüşdü

İlham Əliyev Pakistanın Baş naziriylə görüşdü[/size]

Azərbaycan Respublikasının Prezidenti İlham Əliyevin noyabrın 9-da Daşkənddə Pakistan İslam Respublikasının Keçid Hökumətinin Baş naziri Ənvər-ul-Xak Kakar ilə görüşü olub.
Bu barədə Prezidentin Mətbuat Xidməti məlumat yayıb.
Görüşdə Azərbaycan ilə Pakistan arasında əlaqələrin mövcud vəziyyətindən məmnunluq ifadə olunub.
Pakistanın Baş naziri Azərbaycanı antiterror tədbirlərinin uğurla başa çatması və Azərbaycanın suverenliyinin tam şəkildə təmin olunması münasibətilə təbriklərini çatdırıb. Pakistanın həmişə Azərbaycanın haqlı və ədalətli mövqeyini dəstəklədiyini vurğulayıb.
Dövlətimizin başçısı təbriklərə görə təşəkkürünü bildirib, Ermənistanın Azərbaycana qarşı 30 ilə yaxın davam edən işğalı dövründə, həmçinin 44 günlük Vətən müharibəsində Pakistanın ölkəmizə göstərdiyi siyasi-diplomatik dəstəyini və Ermənistanın işğalçı dövlət kimi tanımasını yüksək qiymətləndirib.
Prezident İlham Əliyev Azərbaycanın Cəmmu və Kəşmir məsələsində BMT Təhlükəsizlik Şurasının müvafiq qərarlarını rəhbər tutaraq haqq-ədalətin tərəfdarı olduğunu diqqətə çatdırıb.
Görüşdə ölkələrimiz arasında iqtisadi-ticari münasibətlərin, biznes dairələri arasında əlaqələrin genişləndirilməsi məsələlərinə toxunulub. Hökumətlərarası Komissiyanın fəaliyyətinin vacibliyi qeyd edilib. Həmçinin enerji və nəqliyyat bağlantıları sahələrində əməkdaşlıq məsələlərinə dair fikir mübadiləsi aparılıb.
İmtiyazlı ticarət münasibətlərinin ölkələrimiz arasındakı ticarət dövriyyəsinin həcminin artırılmasına müsbət təsir göstərəcəyi qeyd edilib. İnformasiya-kommunikasiya texnologiyaları, turizm sahələrində əməkdaşlığın, iki ölkənin şəhərləri arasında bu yaxınlarda birbaşa hava əlaqəsinin yaradılmasının müsbət addım olduğu bildirilib, bunun turizm sahəsində əməkdaşlığa və insanlar arasındakı təmaslara müsbət təsir göstərəcəyi vurğulanıb. İki ölkə arasında beynəlxalq təşkilatlar çərçivəsində uğurlu əməkdaşlığın davam etdirilməsinin vacibliyi qeyd olunub.
Söhbət zamanı dünyada islamofobiya meyillərinin artmasından narahatlıq ifadə edilib.

Paylaş

Bölmə: Xəbər / Karusel / Xəbər lenti