“Gaming League Azerbaijan”ın təşkilatçılığı ilə keçirilən “GLA PUBG Mobile” turnirində ölkənin 32 ən güclü komandası mübarizə aparıb.

Reqlamentə əsasən, 32 komanda 4 qrupda yer alıb. Hər qrupda ən yaxşı nəticə göstərən 4 komanda final mərhələsinə vəsiqə qazanıb.

Maraqlı mübarizənin yekununda 150 xal toplayan “Dirty Legends” komandanın turnirin qalibi olub. “GMT” komandası 140 xalla ikinci yerlə kifayətlənməli olub. Üçüncü yeri isə 136 xalla “Max Main” komandası tutub.

Qeyd edək ki, final günündə 4 xəritə oynanılıb. Oyunda döyüşlər çox sıx keçdiyinə görə komandalar arasında böyük xal fərqi yaranmayıb. İlk xəritədə “We For Cycle” komandası əla oyun göstərməklə 15 öldürmə ilə birinciliyin ən yaxşısı olub. İkinci xəritədə birinci xəritəni qaçıran “GMT” komandası 12 öldürmə ilə “Top 1”də yerləşib. Üçüncü xəritədə “Dirty Legends” komandası da 12 öldürmə ilə hamını qabaqlayaraq birinci olub. Dördüncü xəritədə isə “GMT” komandası 13 öldürmə ilə yenidən “TOP 1”də yer alıb.

“Gaming League Azerbaijan”ın (GLA) təşkilatçılığı ilə keçirilən turnirin tərəfdaşları Gənclər və İdman Nazirliyi və Azərbaycan Kiber İdman Federasiyasıdır.

İnstaqram və yutub ünvanları: Glahub.