DÇ-2015: Rəsul qızıl, Rövşən gümüş medal, Olimpiadaya daha 2 lisenziya

Əlaqə Haqqımızda

Azərbaycan və Türkiyənin XİN Başçıları görüşdü

Dr. Müqəddəs Sancar və Səlcuq Bayraktar.

“Qarabağın xalça xəritəsi” - FOTO

Andımız

Azərbaycanda milli dil uğrunda mübarizə tarixindən

Dil ilahi bir qüvvədir!

Dərələyəzdən deportasiya edilmiş deputat Sona Hüseynovanın həyat həqiqətləri

Vidadi Avdıoğlunun söz çələngi

Ürəklərdə yaşayan Milli Qəhrəman!

REJİM OYAQDIR, FARS DİLİNƏ DAYAQDIR

Məryəm Gəncəliyeva yazır:

Azər Cabbarov - 55

"Wikisource-2025" beynəlxalq konfransında yeganə təmsilçimiz

Qəzzada 63 girov qalıb ..... Gənc şair intihara cəhd etdi: vəziyyəti ağırdır ..... Qarlı hava ilə bağlı daha bir xəbərdarlıq ..... Hücum edilən xəbər saytlarının fəaliyyəti yeni həftədən bərpa olunur ..... "Qarabağ" heç-heçə etdi ..... Mansur Yavaşdan prezidentliyə namizədliklə bağlı açıqlama ..... Oğlu tərəfindən baltalanan 84 yaşlı kişi danışdı: "Dedi ki, yaxşı eləmişəm" ..... Pənah Hüseynin partiyası fəaliyyətini dayandırır? - AÇIQLAMA ..... Qısa fasilədən sonra yenidən qar yağır .....

Tarix : 9-09-2015, 09:09

DÇ-2015: Rəsul qızıl, Rövşən gümüş medal, Olimpiadaya daha 2 lisenziya - FOTO

Amerika Birləşmiş Ştatlarının Las Veqas şəhərində 2016-cı ildə Braziliyanın Rio-de Janeyro şəhərində keçiriləcək XXXI Yay Olimpiya Oyunlarına ilk lisenziyaların qazanıldığı güləş üzrə Dünya çempionatı davam edir.

Azərbaycan Güləş Federasiyasından (AGF) Trend-ə verilən məlumata görə, ilk iki yarış gününün yekunlarına əsasən, güləşçilərimizdən Rövşən Bayramov (59 kq), Elvin Mürsəliyev (75 kq) və Sabah Şəriəti (130 kq) Olimpiya Oyunlarına vəsiqə əldə edib.

İkinci yarış günündə 59, 71, 80 və 130 kq çəki dərəcələrində qaliblər müəyyənləşib. Güləşçilərimiz günü 1 qızıl və 1 gümüş medalla başa vurub.

59 kq çəki dərəcəsində mübarizə aparan Olimpiya Oyunlarının ikiqat gümüş medalçısı və Dünya çempionu Rövşən Bayramov inamla güləşərək finala yüksəlib. Final yolunda güləşçimiz hindistanlı Singh Ravinder üzərində asan, Şimali Koreyadan Von Çol Yun üzərində çətin qələbə qazanıb. 1/4 finalda London Yay Olimpiya Oyunlarının final görüşündə məğlub olduğu Hamid Mohammad Soryanla qarşılaşan Rövşən Bayramov vaxtından əvvəl görüşü qələbə ilə başa vurub. Buna səbəb, həm də İranlı güləşçinin görüş zamanı qaydalara zidd olaraq rəqibinə başla ardıcıl zərbələr endirməsi olub. Hakimlərin yekdil qərarı isə, Rövşən Bayramovu yarımfinala yüksəldib. Bu qələbə ilə güləşçimiz 2016-cı il Rio Olimpiadasına vəsiqəni də təmin edib. Yarımfinalda Rövşən Qırğızıstanlı Arsen Yeraliyevi mübarizədən kənarlaşdıraraq karyerasında üçüncü dəfə Dünya çempionatının finalına yüksəlib. Finalda güləşçimiz Kubalı rəqibi İsmael Borrero Molinaya uduzub və Dünya çempionatının gümüş medalına sahib olub.

İlk Avropa Oyunlarının qalibi və 71 kq çəkidə mübarizə aparan Rəsul Çunayev ötən mundialı bürünc medalla başa vurmuşdu. Bu dəfə güləşçimiz finala qədər yüksələ bilib. İlk olaraq Monakdon Frank Hassli üzərində qələbə qazanan Rəsul, ardınca Rusiya təmsilçisi Adam Kuraka heç bir şans verməyib. Yerli azarkeşlərin güclü dəstəyinə rəğmən ABŞ təmsilçisi Justin Daşaun Lesteri də tam üstünlüklə məğlub edən Rəsul yarımfinala yüksəlib. Finalın bir addımlığında Belarus güləşçisi Tsimur Berdiyevi də tam üstünlüklə məğlub edən Rəsul Çunayev adını finala yazdırıb. Finalda güləşçimiz Ukrayna təmsilçisi Armen Vardanyana qalib gələrək Dünya çempionatının qızıl medalına sahib olub.

2016-cı il Rio Olimpiadasına daha bir vəsiqəni 130 kq çəkidə mübarizə aparan Sabah Şəriəti qazandırıb. İlk görüşündə Macarıstandan Balint Lam üzərində qələbə qazanan Sabah, 1/4 finalda Venesueladan Ervin Jose Caraballo Cabreranı mübarizədən kənarlaşdırıb. Yarımfinala yüksələn güləşçimiz həm də Rio Olimpiadasına 3-cü vəsiqəni əldə edib. Yarımfinalda Türkiyə təmsilçisi Rıza Kayaalpa məğlub olan Sabah Şəriəti bürünc medal şansını saxlayıb. Ancaq həlledici görüşdə Ukrayna Oleksandr Çernetskiyə məğlub olan güləşçimiz Dünya çempionatını beşinci sırada tamamlayıb.