31-08-2022, 14:19
Britaniyanın yeni səfiri Bakıya gəldi
Böyük Britaniyanın Azərbaycana yeni təyin olunmuş səfiri Ferqus Ould Bakıya gəlib. Bu barədə diplomat tvitter hesabında paylaşım edib. “Salam Bakı! Böyük Britaniyanın Azərbaycandakı səfiri olaraq yeni vəzifəmin icrasına başlamağı səbirsizliklə gözləyirəm”, - paylaşımda deyilir.
31-08-2022, 14:18
NASA Aya raket göndərir
Hazırda NASA-nın mühəndisləri "Voyager-1" zondu ilə bağlı problemləri həll edirlər. Aya pilotsuz uçuş çərçivəsində daşıyıcı raketin göndərilməsi sentyabrın 3-nə nəzərdə tutulub. Bu barədə NASA-nın Aya uçuş proqramının rəhbəri Maykl Sarafin bildirib. Onun sözlərinə görə, hava gəmisinin startı 3 sentyabr saat 14:17-də ABŞ-ın şərqində həyata keçiriləcək.
31-08-2022, 14:16
Mixail Qorbaçov öldü
SSRİ Kommunist Partiyası Mərkəzi Komitəsinin sonuncu Baş Katibi Mixail Qorbaçov ölüb. Bu barədə TASS agentliyi məlumat yayıb. Qorbaçov 91 yaşında vəfat edib. "Mixail Sergeyeviç Qorbaçov ağır və uzun sürən xəstəlikdən sonra bu gün axşam saatlarında vəfat edib", - deyə Rusiya Mərkəzi Klinik Xəstəxanasından bildirilib.
31-08-2022, 14:12
Erməni terroru və “Dina”nın missiyası...
Müharibə başa çatsa da, ermənilərin Azərbaycana qarşı amansız terroru davam edir. Düşmənin hədəfi təkcə, mülki insanlar, hərbçilər deyil, həm də bütün canlılardır. Bəli, bütün canlılar...Təki, qan tökülsün, ölüm olsun – Vəhşiliyi həyat tərzi seçən erməni barbarlarının yaşam devizi məhz belədir. Bu gün bir daha şahid olduq ki, 30 illik işğaldan sonra azadlığa qovuşan torpaqlarımızın hər addımı ölüm saçır, ermənilərdən “miras” qalan mina tələləri hər an öz qurbanlarını gözləyir. Təəssüflər olsun ki, avqustun 30-da Qubadlıda baş verən mina partlayışı da qansız-qadasız ötüşmədi. Erməni terrorçularının basdırdığı növbəti minanın işə düşməsi ANAMA-nın bələdçisinin xəsarət alması, minatəmizləmə əməliyyatlarına cəlb edilən “Dina” ləqəbli Belçika malinuasının tələf olması ilə nəticələndi. ANAMA işçisinin dəhşətli hadisədən sağ-salamat çıxmasına sevinsək də, “Dina”nın ölümü hər birimizi üzdü, ürəyimizi ağrıtdı. Axı o da canlıdır! Onun da öz missiyası, öz hədəfləri vardı...Ermənilərdən fərqli olaraq, “Dina”nın missiyası insanları xilas etmək, illərlə vətən həsrətilə yaşayan keçmiş köçkünlərin öz evlərinə təhlükəsiz qayıdışına yardımçı olmaq idi...Bəlkə də, çoxlarına bu xəbər sıradan hadisə kimi gələ bilər. Lakin “Dina”nın tələf olması özlüyündə bir çox həqiqətləri üzə çıxardı. “Dina” ölümü ilə göstərdi ki, heyvan haqları bayrağına bürünərək küçələrə axışan, etiraz aksiyaları keçirən Qərb heyvansevərləri necə ikiüzlü, necə də riyakardılar. Başqa vaxtı “heyvanları öldürməyin, onlara qıymayın” deyən Qərb təşkilatları Belçika malinuasının Qarabağda faciəli ölümünü görməzdən gəldilər, sanki heç nə olmamış kimi səslərini çıxarmadılar. Budurmu Qərbin ədaləti? Bir itin ayağı sınanda, bir pişiyin dişi qırılanda Avropanı ayağa qaldıran dırnaqarası heyvansevərləri param-parça olmuş “Dina”nın ölümü qətiyyən narahat etmədi. Bəs, oxşar hadisəni ermənilər yox, azərbaycanlılar etsəydi, nə baş verərdi? Təsəvvür etmək çətin deyil. İndi yəqin ki, qalaq-qalaq bəyanatlar yayıb, Azərbaycanın haqqında olmazın iftiralarını yağdırar, sanksiya hədələrini sıraya düzərdilər. Bu azmış kimi bizə “qatil” damğasını da vursalar, təəccüblənməzdik. Bilirsiniz niyə? Çünki Qərbin demokratiya dəyərləri saxta olduğu kimi, təşkilatları da saxta və ədalətsizdir. Bunu 44 günlük Vətən müharibəsində Gəncə, Bərdə, Tərtər və digər şəhərlərimiz bombalananda, mülki insanlarımız ermənilər tərəfindən amansızlıqla qətlə yetiriləndə, şikəst ediləndə də müşahidə etmişik. Heç nə dəyişməyib, onda da Qərbin ədalət gözü görmürdü, indi də. Qubadlıdakı partlayış Qərbin dəyərsizliyini təsdiqləyən nə ilk hadisədir, nə də son. Allah bilir, bundan sonra neçə “Dina” erməni terrorunun qurbanına çevriləcək, neçəsinin parçalanmış hissələri havada uçuşacaq. Ancaq yenə susacaqlar, yenə it dedikləri bu canlının ermənilərdən fərqini sezə bilməyəcəklər. Dərk edə bilməyəcəklər ki, “Dina” və onun kimi minaaxtaran itlər bu gün müdafiə etdikləri ermənilərdən daha dəyərli və həyatcanlıdır. “Dina”nın ermənilərdən fərqi bilirsiniz nədədir? Ermənilər günahsız insanları öldürür, “Dina” xilas edir, ermənilər qan tökmək üçün yerin altında ölüm tələləri qurur, “Dina” onları üzə çıxarır və Allahın bəxş etdiyi canlıların həyatını qoruyur. Bax budur, Qubadlıda minaya düşərək tələf olan itin erməni canilərindən üstünlüyü...
31-08-2022, 07:43
Ərdəbildə dərman çatışmazlığı yaşanır
Yerli sosial media fəallarının verdiyi məlumata görə, iki həftədir Ərdəbildə dərman çatışmazlığı şiddətlənib və apteklərin qarşısında izdiham yaranır. Məlumatda bir sıra adi dərmanların, o cümlədən antibiotiklərin tapılmadığı, vətəndaşların müraciətlərinə qaneedici cavab verilmədiyi bildirilib.
"Günlərdir yeddi aylıq uşaq üçün dərman axtarıram, ancaq hələ də heç bir aptekdə tapa bilməmişəm. 24 saat işləməli olan apteklər axşam saat 10-dan sonra bağlanır, bunu gərəkli dərmanların çatışmazlığı ilə əlaqələndirirlər. İlgili qurumlara müraciətlərimiz cavabsız qalır və israr etdikdə kobud davranışla üzləşirik"-deyə, ərdəbilli ata sosial mediadakı paylaşımında yazıb.
Fəallar problemlə bağlı müraciətlərə laqeyd yanaşıldığını, əlaqədar qurum və şəxslərin məsuliyyəti bir-birlərinin üzərinə atdığını qeyd ediblər.
Qeyd edək ki, dərman istehsalı müəssisələrinin verdiyi məlumata görə, xammal vaxtında təmin olunmadığı üçün bir sıra istehsal bölmələri bağlanıb. Dərman Sənayesi Sahibləri Birliyinin yaydığı xəbərdarlıqda durumun belə davam edəcəyi təqdirdə avqust ayından başlayaraq bütün müəssisələrin bağlanacağı və dərman çatışmazlığının pik həddə çatacağı qeyd olunur. Dərman Sənayesi Sahibləri Birliyinin başçısı Məhəmməd Əbdzadənin verdiyi məlumata görə, hazırda ölkədə 300 adda dərman tamamilə yoxa çıxıb və adi antibiotik və serum çatışmazlığı yaşanır.
Talassemiya Xəstələrinə Dəstək Birliyinin başçısı Yunis Ərəb isə mediaya verdiyi açıqlamada son bir neçə ay ərzində dərman çatışmazlığı səbəbindən ən azı 70 talassemiya xəstəsinin öldüyünü bildirib.
Cavidan
30-08-2022, 20:40
Novxanıda istirahət mərkəzində partlayış - Yaralılar var
Abşeron rayonu, Novxanı kəndinin ərazisində yerləşən “Sunset” istirahət mərkəzində partlayış baş verib. Bu barədə Fövqəladə Hallar Nazirliyinin “112” qaynar telefon xəttinə məlumat daxil olub. Məlumatla əlaqədar dərhal Nazirliyin müvafiq qüvvələri hadisə yerinə cəlb olunub. Müəyyən olunub ki, ilkin məlumata əsasən istirahət mərkəzinin suqızdırıcı (kombi) sistemində ani partlayış hadisəsi baş verib və nəticədə 3 nəfər xəsarət alıb. Dağıntı və yanğın hadisəsi qeydə alınmayıb. FHN-in qüvvələri tərəfindən obyekt ərazisində müvafiq təhlükəsizlik tədbirləri görülüb.
30-08-2022, 20:39
Ordumuz müasir modelə uyğunlaşdırılır - Kərim Vəliyev
"Hazırda Azərbaycan Ordusunun müasir ordu modelinə, xüsusilə Türkiyə Silahlı Qüvvələrinin standartlarına uyğunlaşdırılması istiqamətində zəruri addımlar atılır". Bunu müdafiə nazirinin birinci müavini - Azərbaycan Ordusunun Baş Qərargah rəisi general-polkovnik Kərim Vəliyev Türkiyənin 30 Avqust - Zəfər Bayramına həsr olunan tədbirdə çıxış edərkən deyib. Baş Qərargah rəisi bildirib ki, ölkələrimiz arasındakı hərbi əməkdaşlıq birliyimizi daha da möhkəmləndirir. "Bu birlik regionda əmin-amanlığın və sabitliyin qorunmasına töhfə verir", - general-polkovnik vurğulayıb.
30-08-2022, 20:35
Şabranda meşəlik ərazi yanır
Fövqəladə Hallar Nazirliyinin “112” qaynar telefon xəttinə Şabran rayonunun Çuxurəzəmi kəndi yaxınlığında dağlıq-meşəlik ərazidə yanğın baş verməsi barədə məlumat daxil olub. FHN-dən verilən xəbərə görə, məlumatla əlaqədar dərhal FHN-in Dövlət Yanğından Mühafizə Xidmətinin yanğından mühafizə bölmələri çağırış üzrə cəlb olunub. Yanğınsöndürmə işlərini sürətləndirmək və daha geniş əraziyə yayılmasının qarşısını almaq məqsədilə, əlavə olaraq FHN-in Xüsusi Riskli Xilasetmə Xidməti və Şimal Regional Mərkəzinin müvafiq qüvvələri yanğınla mübarizə tədbirlərinə cəlb olunub. Hazırda yanğınsöndürmə işləri davam etdirilir.
30-08-2022, 20:32
“Şaurma”nın sahibi “12-ci imam”a 173 min zəkat veribmiş
Özünü 12-ci İmam Mehdi kimi təqdim edərək 40 nəfərə qarşı dələduzluq etməkdə təqsirləndirilən Aqil Babayevin cinayət işi üzrə məhkəmənin baxış iclası keçirilib. Butov.az xəbər verir ki, Bakı Ağır Cinayətlər Məhkəməsinin hakimi Eldar İsmayılovun sədrliyi ilə baş tutan prosesdə zərərçəkmiş Natiq Sadıqov ifadə verib. O bildirib ki, təqsirləndirilən şəxsi 2004-cü ildən tanışlarının vasitəsilə tanıyır. Zərərçəkmiş deyib ki, “ŞaurmaN1” restoranlar şəbəkəsinin sahibidir: "Görürdüm ki, Aqilə hərə bir cür xidmət edirdi. Mən də onun imamlığını qəbul etdim. Bizə deyirdi ki, Allah məsləhət bildiyi vaxtda zühur edəcək. Evinin liftini təmir etdirdim. Daha sonra onun evi yandı, oranı da təmir etdirdim. Xocahəsəndə həyət evi tikdirdim, onu da Aqilə hədiyyə etdim, amma bəyənmədi. Evi mənə satdırdı, pulunu ona verdim. Özümə isə qiyməti 132 minmanat olan iki maşın aldım və birini ona hədiyyə etdim. Bunlara görə artıq valideynlərim məndən narazılıq etdilər. Bizə qayda-qanun qoymuşdu ki, zəkat vermək lazımdı. Aqil deyirdi ki, hər ay minimum 2 min manat zəkat verək. 2007-ci ildən zəkat verməyə başladım. Sonra mənə söylədi ki, "ev tikək kasıblara paylayaq". Daha sonra onun hicablı qadınlarla əxlaqsız hərəkətlərini eşitdik. Bundan çox sarsıntı keçirdim. Bu barədə Aqilə sual verdim. Ondan normal cavab ala bilmədim. Daha sonra Aqildən pulumu istədim. O, pulumu qəpiyinə kimi qaytarağını bildirdi. Ona 173 min manat zəkat vermişəm. Eyni zamanda Aqil mənə 170 min manat maddi ziyan vurub". Məhkəmənin növbəti iclası sentyabrın 6-na təyin edilib. Qeyd edək ki, Aqil Babayev 2 milyon 500 min manat miqdarından zərərçəkmişlərə ümumilikdə ziyan vurub. İttihama görə, Aqil Babayev inanclı insanlar arasında özünü zühur etmiş "12-ci İmam Mehdi" kimi təqdim edib. Təşkil etdiyi dini məclislərdə Aqil Babayev guya yer üzünə ilahi qüvvə tərəfindən yaxşılıqlar və maddi çətinliyi olan insanlara köməklik etmək məqsədi ilə göndərildiyini, axirət əzabından xilas olmaq üçün ona inanmağın vacib olduğunu bildirib. Bu yollarla insanları təsiri altına salan Aqil Babayev hər ay ona pul ödənişləri edilməsini tələb edib və topladığı maddi vəsaitlərin guya kasıb insanlara onun vasitəsi ilə paylanıldığı görüntüsü yaradıb. Hətta Aqil Babayevin zərərçəkənlərin etibarından sui-istifadə edərək Vətən müharibəsi dövründə şəhid və qazi ailələri üçün guya bina tikib, onların mənzillərlə təmin edilməsi adı altında da külli miqdarda pul vəsaitini ələ keçirdiyi ortaya çıxıb. Topladığı vəsaitlər hesabına Aqil Babayev xeyirxah əməllər etmək əvəzinə öz şəxsi güzərarını yaxşılaşdırıb və Bakı şəhərində bahalı mənzillər, avtomobillər alıb. Aqil Babayevin ətrafında aparılan əlavə araşdırmalar zamanı tabeliyində olan insanların onun sözündən çıxdığı təqdirdə onlara müxtəlif zorakılıq hərəkətləri edərək şərəf və ləyaqətlərini alçaltdığı da müəyyən edilib. Aqil Babayevin barəsində Cinayət Məcəlləsinin 178.4-cü (dələduzluq, külli miqdarda ziyan vurmaqla törədildikdə) maddəsi ilə ittiham elan edilib. Qeyd edək ki, Aqil Babayev “ŞaurmaN1” restoranlar şəbəkəsinin şəriki olub. Cinayət işi üzrə 40 nəfər zərərçəkmiş şəxs qismində tanınıb.
30-08-2022, 20:22
DTX Gömrük Komitəsində əməliyyat keçirib? – Rəsmi açıqlama
Dövlət Təhlükəsizliyi Xidməti (DTX) Dövlət Gömrük Komitəsində əməliyyat keçirməsi ilə bağlı xəbəri təkzib edib. DTX-nin İctimai Əlaqələr Mərkəzindən bildirilib ki, qurum tərəfindən Gömrük Komitəsində antikorrupsiya əməliyyatı keçirilməyib. Qeyd olunub ki, yayılan məlumatlar həqiqəti əks etdirmir. Bir neçə saat əvvəl Dövlət Gömrük Komitəsinin strukturlarında anti-korrupsiya əməliyyatı keçirilib. Butov.az xəbər verir ki, əməliyyat zamanı Gömrük Komitəsinin “Azərterminalkompleks” Birliyinin direktor müavini Məsumov Hüseyn Möhsün oğlu saxlanılıb. Xatırladaq ki, Hüseyn Məsumov bir ay əvvəl həbs edilən “Azərterminalkompleks” birliyinin direktoru gömrük general-mayoru Ehtiram Xəlilovu əvəzləmişdi.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Təqvim
| « Noyabr 2026 » | ||||||
|---|---|---|---|---|---|---|
| Be | Ça | Ç | Ca | C | Ş | B |
| 1 | ||||||
| 2 | 3 | 4 | 5 | 6 | 7 | 8 |
| 9 | 10 | 11 | 12 | 13 | 14 | 15 |
| 16 | 17 | 18 | 19 | 20 | 21 | 22 |
| 23 | 24 | 25 | 26 | 27 | 28 | 29 |
| 30 | ||||||
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Zəngilanın dirçəliş
və qayıdış dövrü
Azərbaycan tarixinin ən şanlı səhifəsi olan Vətən müharibəsi bizə təkcə torpaqlarımızı deyil, ləyaqətimizi, qürurumuzu qaytardı. Həmin qürurun ən parlaq ünvanlarından biri də Zəngilandır. 2020-ci il sentyabrın 27-də başlanan Zəfər yürüşü zamanı şərqdən, Cəbrayıl istiqamətindən düşmənə vurulan sarsıdıcı zərbələr nəticəsində Azərbaycan Ordusu 30-dan çox yaşayış məntəqəsini azad edərək Zəngilanın inzibati hüdudlarına çatdı. Oktyabrın 18-də rayonun tam azad edilməsi uğrunda genişmiqyaslı əməliyyata start verildi və cəmi iki gün sonra, oktyabrın 20-də Müzəffər Ali Baş Komandan, Prezident İlham Əliyev xalqa müraciətində Havalı, Zərnəli, Məmmədbəyli, Həkəri, Şərifan, Birinci Muğanlı kəndlərinin və Zəngilan şəhərinin işğaldan azad edildiyini elan etdi. Beləliklə, Zəngilan döyüşləri nəticəsində 1 şəhər, 4 qəsəbə və 49 kənd düşmən tapdağından xilas edildi və bununla da 132 kilometrlik Azərbaycan-İran dövlət sərhədi tam bərpa olundu. İşğalın bitməsindən dərhal sonra sərhəd boyunca zəruri istehkam və mühafizə işlərinə başlanıldı.
Qərbi zəngəzurlular Zəngilan şəhidliyində
Bu tarixi qələbənin əbədiləşdirilməsi üçün 2020-ci il noyabrın 26-da “Zəngilanın azad olunmasına görə” medalı təsis edildi və 6974 hərbi qulluqçumuz bu medalla təltif olundu. Prezidentin 31 iyul 2023-cü il tarixli Sərəncamı ilə isə 20 oktyabr tarixi Zəngilan şəhəri günü kimi rəsmiləşdirildi. Zəngilanın azad olunması Böyük Qayıdışın başlanğıcı oldu. Bu gün dövlətin ən böyük hədəfi həmin torpaqları yenidən həyatla doldurmaqdır. 2026-cı il 1 oktyabr tarixinə olan məlumata görə, Zəngilan şəhərində 84 ailə, yəni 339 nəfər, Ağalı kəndində 234 ailə, yəni 1017 nəfər, Məmmədbəyli kəndində isə 179 ailə, yəni 903 nəfər öz doğma ocağına qayıdıb. Köçürülən ailələr peşə və bacarıqlarına uyğun olaraq müxtəlif dövlət qurumlarında, tikinti şirkətlərində, tikiş fabrikində və digər sahələrdə işlə təmin edilirlər.Bu qayıdışın dünyaya nümunə olan simvolu isə Ağalı kəndidir. Ağalı təkcə Azərbaycanda deyil, dünyanın ən müasir kəndlərindən biri hesab olunur. Burada “ağıllı kənd” konsepsiyası tam şəkildə tətbiq edilib. Dayanıqlı inkişafın təmin olunması üçün sosial-iqtisadi xidmətlər ən yüksək texnologiyalarla qurulub. Kəndin enerji təminatı ekoloji cəhətdən tam təmizdir, Həkəri çayı üzərində 3 turbindən ibarət Arximed tipli su elektrik stansiyası və gücü 325 kilovat olan günəş panelləri quraşdırılıb. Evlərdə istilik xərclərini azaltmaq üçün kombinə edilmiş sistemlər, mətbəx sobası və yüksək səmərəli elektrod boilerlər var. Suyun isidilməsi üçün günəş kollektorlarından, çirkab suların təmizlənməsi üçün bioloji təmizləmə qurğularından istifadə olunur.
Kənddə GPON texnologiyası ilə yüksək sürətli internet, İP TV, video müşahidə kameraları, ağıllı işıq dirəkləri və avtomatik hava müşahidə stansiyaları var. Əhalinin rahatlığı üçün Tele-səhiyyə, E-təhsil və digər elektron xidmətlər, ASAN, DOST, məktəb, bağça, tibb məntəqəsi, kiçik və orta biznesə dəstək mərkəzləri fəaliyyət göstərir. Ümumi sahəsi 2 hektardan çox olan park salınıb. Bütün bunlar onu göstərir ki, Ağalı kəndi sadəcə yaşayış məntəqəsi deyil, gələcəyin kənd modelidir. Nazirlər Kabinetinin 30 oktyabr 2023-cü ildə təsdiq etdiyi Baş Plana əsasən şəhərin 2040-cı ilədək inkişafı üçün böyük vəsait ayrılıb. 2022-ci ildə təməli qoyulan 104 mənzilli ilk yaşayış kompleksinin açılışı 2026-cı ildə olub. Kompleksin ərazisi 2 hektardan artıqdır və burada 12 bina, o cümlədən 4 ədəd üçmərtəbəli 60 mənzilli və 8 ədəd ikimərtəbəli 44 mənzilli evlər tikilib.
Azad Zəngilanın qonaqları
Zəngilan Beynəlxalq Hava Limanı bu bölgənin inkişafı üçün mühüm faktora çevrilib. Zəngəzur dəhlizinin hava infrastrukturu ilə gücləndirilməsi baxımından hava limanı strateji əhəmiyyət daşıyır. Eyni zamanda Horadiz-Zəngilan-Ağbənd dəmir yolunun inşası da böyük strateji əhəmiyyətə malikdir. Bu yol azad edilmiş torpaqlara həm vətəndaşların qayıdışı, həm də yüklərin daşınması üçün tarixi imkan yaradır. Artıq yolun birinci mərhələsi üzrə böyük hissə tamamlanıb və Araz İqtisadi Zonası Sənaye Parkına yüklər daşınır. Horadiz-Cəbrayıl-Zəngilan-Ağbənd avtomobil yolunun uzunluğu 126,3 kilometrdir, illik buraxılış qabiliyyəti 15 milyon tondur və layihənin 2026-cı ilin ikinci yarısında yekunlaşdırılması nəzərdə tutulur. İşğal dövründə tövlə kimi istifadə olunan XIX əsrə aid Zəngilan şəhər məscidi Heydər Əliyev Fondu tərəfindən bərpa olunub. Bərpa-tikinti işləri çərçivəsində tarixi məscid konservasiya edilib və onun yanında düzbucaqlı planlı, iki minarəli yeni məscid inşa edilib. Yeni məsciddə 220 və 100 nəfərlik ibadət zalları yaradılıb. Rayonun gələcəyi üçün turizm və kənd təsərrüfatı da unudulmayıb. 2024-cü il mayın 18-də Ağalı kəndində, Həkəri çayı vasitəsilə yaradılmış süni gölün sahilində “Ağalı” hoteli açılıb. Zəngilan İstirahət Kompleksində 111 nömrəli hotelin təməli 2023-cü il mayın 4-də qoyulub. 2026-cı il mayın 10-da isə “Zəngilan City Park Hotel”in təməli qoyulub. Kənd təsərrüfatı sahəsində isə “Dost Aqropark” layihəsi həyata keçirilir. Azərbaycan və Türkiyə şirkətlərinin birgə layihəsi olan bu kompleks tam başa çatdıqda 500 nəfəri işlə təmin edəcək və 100 milyon dollar sərmayə qoyulacaq. Layihənin birinci mərhələsində 5200 kvadratmetr qapalı, 113 min kvadratmetr açıq tipli heyvandarlıq kompleksləri, sosial obyektlər, kafe, kinoteatr tikilib.
Beləliklə, Zəngilan bu gün sadəcə işğaldan azad edilmiş bir rayon deyil, Azərbaycan dövlətinin qüdrətinin, iradəsinin və gələcəyə olan inamının canlı rəmzidir. Burada hər daş, hər tikilən ev, hər qayıdan ailə 30 illik həsrətin sonu və Böyük Qayıdışın əbədi başlanğıcıdır.
Mahnur Hüseynova
Xırdalan şəhər 8 nömrəli tam orta ümumtəhsil məktəbinin direktoru
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!