11-01-2022, 19:22
Azərbaycanda son sutkada koronavirus (COVID-19) əleyhinə 32 735 vaksin vurulub.
Nazirlər Kabineti yanında Operativ Qərargahdan verilən məlumata görə, bir gündə birinci mərhələ üzrə vaksinasiya olunanların sayı 3 396, ikinci mərhələ üzrə vaksinasiya olunanların sayı 4 124 nəfərdir, buster doza üzrə vaksinasiya olunanların sayı isə 25 215 nəfərdir.
Ölkədə vurulan vaksinlərin ümumi sayı 11 531 165, birinci mərhələ üzrə vaksinasiya olunanların ümumi sayı 5 187 462, ikinci mərhələ üzrə vaksinasiya olunanların sayı 4 699 487, buster doza üzrə vaksinasiya olunanların sayı isə 1 644 216 təşkil edir.
Bütöv.az
11-01-2022, 19:18
Novxanıda bağ evindən oğurluq edən şəxs hadisə yerindəcə mühafizə polisləri tərəfindən saxlanılıb.
Bu barədə Daxili İşlər Nazirliyi (DİN) məlumat yayıb.
Bildirilib ki, Novxanı qəsəbəsində yerləşən xüsusi texniki vasitələrlə qorunan bağ evlərindən birindən Baş Mühafizə İdarəsinin Kompüterləşdirilmiş Mərkəzi Mühafizə Məntəqəsinə “həyəcan” siqnalı daxil olub.
Belə ki, Abşeron Rayon Mühafizə İdarəsinin əməkdaşları tərəfindən hadisəyə dərhal operativ reaksiya göstərilib.
Əraziyə gələn polislər bağ evinə baxış keçirən zaman bir nəfərin evin naqillərini oğurladığının şahidi olublar. Polisləri görən həmin şəxs evin hasarından tullanaraq qaçmaq istəyən zaman mühafizə polislərinin çevikliyi sayəsində saxlanılıb. Ərazi üzrə polis bölməsinə təhvil verilən saxlanılan şəxsin paytaxt sakini Ramin Rzayev olduğu müəyyən edilib. Araşdırma zamanı onun əvvəllər də dəfələrlə Cinayət Məcəlləsinin müxtəlif maddələri ilə məhkum olunduğu müəyyən edilib. O, ifadəsində oğurluq etdiyi üçün mühafizə polisləri tərəfindən saxlanıldığını bildirib.
Qeyd edək ki, bağ evinin sahibi bir müddət əvvəl mənzilindən bəzi əşyaların oğurlandığını müşahidə edib. Bundan sonra o, mühafizə polisinin xüsusi texniki vasitələrinin köməkliyi evin 24 saat qorunması üçün Abşeron Rayon Mühafizə İdarəsi ilə müqavilə bağlayıb. Yalnız bundan sonra evdən silsilə oğurluqlar edən şəxsin saxlanılması mümkün olub.
Faktla bağlı araşdırmalar davam etdirilir. Bu şəxsin qanunsuz əməllərindən zərər çəkən başqa vətəndaşlar varsa ərazi polis orqanlarına, habelə, Nazirliyin “102” Xidməti-Zəng Mərkəzinə məlumat verə bilərlər.
Bütöv.az
11-01-2022, 19:16
Alimlər ömrü uzadan içkinin adını açıqlayıblar.
Yaşıl çayın istehlakı ürək-damar xəstəliklərindən qorunmağa kömək edir.
Bütöv.az medicina.az-a istinadən xəbər verir ki, bunu Çin alimlərinin araşdırması sübut edib.
Yeddi illik araşdırmada xərçəng, infarkt və ya insult keçirmiş yüz mindən çox insan iştirak edib.
Bildirilib ki, dünyada ölümün əsas səbəblərindən biri məhz ürək-damar xəstəlikləridir.
Beləliklə də, yaşıl çay faktiki olaraq ömrü uzadır.
11-01-2022, 19:11
2020/21-ci il mövsümünü əhatə edən UEFA-nın “Həmrəylik ödəmələri və uşaq futbolunun inkişafı” proqramı çərçivəsində qeyd olunan mövsümdə Azərbaycan Premyer Liqasında çıxış etmiş, lakin UEFA Çempionlar Liqası və UEFA Avropa Liqası turnirlərinin qrup mərhələsində iştirak etməmiş klubların hesabına UEFA-dan ayrılmış əlavə maliyyə vəsaiti AFFA-nın vasitəçiliyi ilə köçürülüb.
Bütöv.az xəbər verir ki, AFFA-dan verilən məlumata görə, “Keşlə” klubu üçün nəzərdə tutulmuş vəsait klubun aylıq cari xərclərini ödəmək üçün növbəti aylarda Futbolun İnkişaf Fondundan Klubun hesabına köçürüləcək.
"Neftçi" – 72 866 avro
"Səbail" – 72 866 avro
"Qəbələ" – 72 866 avro
"Zirə" – 72 866 avro
"Sumqayıt" – 72 866 avro
"Sabah" – 72 866 avro
"Keşlə" – 72 866 avro
11-01-2022, 19:07
Daxili İşlər Nazirliyində yeni kadr təyinatı olub.
Bütöv.az oxu.az-a istinadən xəbər verir ki, bununla bağlı daxili işlər naziri general-polkovnik Vilayət Eyvazov əmr imzalayıb.
Əmrə əsasən, Bakı Baş Polis İdarəsinin Cinayət Axtarış İdarəsinin Cibgirlik Cinayətlərinə qarşı Mübarizə Şöbəsinin rəisi, polis polkovnik-leytenantı Atik Cəlilzadə Səbail Rayon Polis İdarəsinin Cinayət Axtarış Şöbəsinin rəisi vəzifəsinə təyin edilib.
11-01-2022, 18:26
Bu gün Azərbaycan-Ermənistan dövlət sərhədinin Kəlbəcər rayonu istiqamətində şəhid olan hərbi qulluqçu Ayaz Nəzərovun ailəsində 7 il əvvəl daha bir faciə yaşanıbmış.
“Qafqazinfo”nun məlumatına görə, A. Nəzərovun bacısı, 1997-ci il təvəllüdlü Aytən Nəzərova 2015-ci ildə toyundan bir neçə gün sonra özünü dəmiryolu körpüsündən ataraq intihar edib. Belə ki, şəhidin bacısı əvvəlcə ailə qurmaq məqsədilə qaçırılıb. Toydan sonra yoxa çıxan Nəzərova isə ailədaxili münaqişə səbəbindən özünü körpüdən ataraq həyatına son qoyub.
Qeyd edək ki, şəhidin bir bacısı olub. Şəhidin valideynləri isə illər əvvəl ayrılıb. Onlar Tovuzun Bozalqanlı kəndində yaşayıb.
Faktı Bozalqanlı kəndinin bələdiyyə sədri Zahid Tanrıverdiyev də saytımıza təsdiqləyib.
Bütöv.az
11-01-2022, 18:22
Dövlət büdcəsindən ayrılmış vəsait hesabına işlərin və xidmətlərin göstərilməsinə görə əlavə dəyər vergisindən azad olunan publik hüquqi şəxslərin siyahısında dəyişiklik edilib.
Bununla bağlı Prezident İlham Əliyev fərman imzalayıb.
Fərmana əsasən, dövlət büdcəsindən ayrılmış vəsait hesabına işlərin və xidmətlərin göstərilməsinə görə əlavə dəyər vergisindən azad olunan publik hüquqi şəxslərin siyahısına Azərbaycan Respublikasının Minatəmizləmə Agentliyi də daxil edilib.
Bu fərman 2021-ci il oktyabrın 15-dən tətbiq edilir.
Bütöv.az
11-01-2022, 18:21
Prezident İlham Əliyev Məmməd Əhəd oğlu Salmanovun “Azərbaycan Respublikası Prezidentinin fəxri diplomu” ilə təltif edilməsi haqqında sərəncam imzalayıb.
Bununla bağlı Prezident.az məlumat yayıb.
Sərəncama əsasən, M.Salmanov Azərbaycan Respublikasında elmin inkişafında uzunmüddətli səmərəli fəaliyyətinə görə təltif edilib.
Bütöv.az
11-01-2022, 14:04
11-01-2022, 14:01
Dövlət Tibbi-Sosial Ekspertiza və Reabilitasiya Agentliyi indi əhalinin “daş atıb, baş tutduğu”, dad elədiyi qurumlardan bəlkə də birincisidir.
Vətəndaşlar dünənə qədər bu strukturu “VTEK” olaraq tanıyırdılar və qurumun əlilliklərin təyinatında hansı funksiyaya malik olduğu ictimaiyyətə məlum idi.
O da bəlli idi ki, əlillik təyinatı “VTEK”lərdə hansı “prinsip”lər əsasında reallaşırdı. İndi bu strukturun Dövlət Tibbi-Sosial Ekspertiza və Reabilitasiya Agentliyi adlanması hər hansı dəyişikliyə səbəb olmayıb.
Dəyişən, yəni islahat kimi görünən, sadəcə, ad yenilikliyidir. Əksinə, indi əhaliyə daha çox “qan uddurulur” və bunu dövlət büdcəsinə qənaət adı ilə siyasi rəhbərliyə təqdim edirlər.
TİA.Az məlumat verir ki, bu qurumun İdarə Heyətinin sədri əvvəl Cavid Əbdülqədirov idi. Sonra əmək və əhalinin sosial müdafiəsi naziri Sahil Babayev onu müşavir təyin etdi. Hazırda Agentliyin İdarə Heyətinin sədri Anar Bayramovdur.
Lakin ad dəyişikliyi kimi, fiqur dəyişikliyi də müsbət istiqamətdə inkişafa səbəb olmayıb. Dəyişən əlillik təyinatında qeyri-rəsmi alınan pulun məbləği və idarəçilikdə tayfa-qəbilə, traybalizmə üstünlük verilməsidir.
Gələn məlumatlara görə, hələ Əbdülqədirov sədr olduğu dövrdə Agentlikdə xımır-xımır mənimsəmələrə yol verirmiş. Onun vəzifədən çıxarılması ilə effektiv idarəçilik olacağına ümid bəslənirdi. Lakin A.Bayramov gəlişi ilə sələfinə şükür etdirməyə başlayıb. Bildirilir ki, hazırkı sədr sığorta sahəsində çalışıb, “A Group” sığorta firmasından bu vəzifəyə gəlib.
Əldə etdiyimiz xəbərdə deyilir ki, A.Bayramov nazir Sahil Babayevlə dostdurlar. Elə bu dostluq münasibətlərinin nəticəsidir ki, ona belə yüksək vəzifə peşkəş edib.
Amma iddialara görə, Anar Bayramov Dövlət Tibbi-Sosial Ekspertiza və Reabilitasiya Agentliyində kobudluğu, işçilərə yuxarıdan aşağı baxması, əməkdaşlarla qaba və yüksək tonla danışması ilə xarakterizə edilir. Hətta bəzi hallarda qırmızı xətləri keçdiyi, işçilərlə danışığında normaları belə gözləmədiyi deyilir. A. Bayramov gəldiyi gündən araşdırır ki, kimin kimin adamıdır, kimə bağlantısı var və buna uyğun kadr siyasəti aparır.
Bütün bunlar da azmış kimi, hər kəsi narahat edən məsələ nazirin dostunun yaşlı, təcrübəli mütəxəssisləri, tibbi ekspertləri, həkimləri işdən azad etməsidir.
Halbuki səriştəli, peşəkar kadrlara ehtiyac var, amma Bayramov kimi istəyir işdən uzaqlaşdırır, kimi istəyir işə götürür.
Məlumata görə, Agentlik sədri bu müddət ərzində “Veysəloğlu” ticarət şəbəkəsində çalışan dost-tanışlarını başına toplayıb. Təsəvvür edin ki, firmada çalışan dostlarını belə bir mühüm strukturda işə cəlb edir. Bu da sözsüz ki, narazılığa səbəb olur.
Beləliklə, nazirin dostu vəzifəyə gəlir, o da öz dostlarını başına yığıb qurumu podrata çevirir. Nəticədə əlillik təyinatı hansısa təsadüfi şəxslərin səlahiyyətinə verilir.
TİA.Az-ın məlumatına görə, A.Bayramov gətirdiyi dostlarına hər ay 120-150 faiz premiya yazır. Amma guya agentlikdə islahat apardığını bildirir.
Bundan başqa, həmin işçilərin adlarını müxtəlif formal kurslara yazdırmaqla büdcədən babat vəsait çırpışdırdığı iddia edilir. Eyni zamanda agentliyə alınan və bağışlanan avadanlıqların qiymətində şişirtmələrə yol verərək maxinasiyalar üçün şərait yaradılır.
Təxminən 33 nəfər işçi – “Veysəloğlu” və market sistemindən gələnlərə mükafatlar verilir, köhnə əməkdaşlar isə kənarda saxlanır. Bu siyasətin başında Bayramov özü dayanıb.
Hər şeydən ümdə isə əlillik təyinatının olmasıdır. İddialara görə, indi 5 illik əlliliyin təyin olunması beş min manatdır. İddialara görə bu məsələlər agentlikdə İlkin Yusifova həvalə olunub. Bax, bu da nazirin islahatı…
İndisə A.Bayramov çevrəsində söz-söhbət yayır ki, S.Babayev daha yüksək vəzifəyə təyin olunacaq, özü onun yerinə gedir.
Göründüyü kimi, belə bir mühüm qurum təsadüfi şəxslərin əlində əsir-yesir qalıb. Bu iddialarla bağlı qarşı tərəfin mövqeyini işıqlandırmağa hazırıq.
Bütöv.az
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Tanınmış telejurnalist vəfat edib
Tanınmış telejurnalist Nailə Əkbərova vəfat edib.
Bu barədə onun dostları məlumat yayıblar.
O, ağır xəstəlikdən əziyyət çəkirmiş.
Əkbərova Nailə Ənvər qızı 27 avqust 1963-cü ildə Şamaxı şəhərində anadan olub. Azərbaycan Dövlət Mədəniyyət və İncəsənət Universitetinin məzunudur. 1981-ci ildən Azərbaycan Dövlət Televiziyasında çalışmağa başlayıb. 1997-2006-cı illərdə musiqi verlişləri baş redaksiyasında baş rejissor vəzifəsində çalışıb.
2006-ci ildə “Space” telekanalında bir neçə verlişin rejissoru işləyib. 2009-cu ildən TRT telekanalının əməkdaşıdır. TRT Avaz-da yayımlanan “Qafqazlara əsən yellər” proqramının müəllifi, rejissoru və aparıcısı olub. Azərbaycanda ilk klip yaradıcılarındandır.
Allah rəhmət etsin!
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!