Tarix : 14-01-2021, 15:06
İnsanlar peyvəndləndikdən sonra da özlərini qorumalıdırmı?
Cəmiyyətin vaksinasiyanın tətbiqinə başlanacağı günü səbrsizliklə gözlədiyi başa düşüləndir. Amma vaksinasiyanın tətbiqi virusun kökündən məhv edilməsi anlamına gəlməməlidir.

Butov.az xəbər verir ki, bunu Trend-ə Almaniya-Azərbaycan Radioloji və Neyroradioloji Cəmiyyətinin sədri, Köln Universiteti Klinikasının tibb elmləri doktoru, azərbaycanlı alim Nuran Abdullayev deyib.

Onun sözlərinə görə, bunun əsasında isə bir neçə vacib elmi izahlar durur ki, bunları bilmək hər kəs üçün önəmlidir:

"Məsələn, 16 yaşdan aşağı insanlara peyvəndin vurulmaması nəticəsində bu yaş qrupları arasında virusa yoluxmalar ola bilər və biz elm adamları artıq bu yaş qrupunda olan insanların virusu böyüklər kimi yaymaq qabiliyyəti olduğunu da bilirik. Nəticədə isə peyvəndləmə ilə yanaşı virusa yoluxmaların qarşısını almaq üçün bu cür yaş qruplarına qarşı xüsusi nəzarət olmalıdır.

Mütləq olaraq peyvənd alan və olmayanlara fərq qoyulmadan onlara virusa qarşı tətbiq edilən qayda və qanunlara riayət etməyin vacibliyi bildirilməlidir. Digər vacib amil isə virusa yoluxub sağalan şəxslərə nəzarətdir ki, onlara da özlərinin virusun mutasiyaya uğramağa səbəb olmaları deyilməli və bundan əlavə bunun da birbaşa yoluxmaların çoxalmasına gətirib çıxarması problemi izah edilməlidir.

Beləliklə bir daha təkrar edirəm ki, yuxarıdakı və digər elmi əsaslı fikirlərə görə də insanlar hətta peyvəndləndikdən sonra da tətbiq edilən qayda və qanunlara riayət etməyi özlərinə borc bilməlidirlər".

Onun fikrincə, bundan başqa insanlarımız bilməlidir ki, indiki zamanda tətbiqinə başlanan peyvəndlərin böyük əksəriyyəti birinci nəsil peyvəndlərdir və məqsədi ölüm saylarını azaltmaq və ağır kliniki gedişlərin qarşısını almaqdır:

“Hazırda vaksinasiya zamanı istifadə olunacaq peyvəndlərin böyük qismi birinci nəsil peyvəndlərdir. Birmənalı olaraq hər kəs bilməlidir ki, birinci nəsil peyvəndlərin əsas məqsədi ölüm saylarının və ağır kliniki gedişlərin qarşısını almaqdan ibarətdir ki, bununla da səhiyyə sistemlərində olan yüklənmələrə dəstək oluna bilər. Bu tip peyvəndlərin tətbiqindən sonra yenidən yoluxma baş verərsə, bu çox zəif və ya hiss edilməyən simptomlarla özünü biruzə verməlidir. Bütün bunları qısa da olsa nəzərə alıb demək olar ki, vaksinasiya hələ davam edən pandemiya ilə mübarizənin sadəcə olaraq bir hissəsinə aiddir”.


Paylaş



Bölmə: Sağlamlıq / Karusel / Slayd / Xəbər lenti
Fikirlər
Sorğu
Saytımızda hansı mövzulara daha çox yer verilməsini istəyirsiniz?


Son buraxılışımız
Facebook səhifəmiz
Təqvim
«    Mart 2021    »
BeÇaÇCaCŞB
1234567
891011121314
15161718192021
22232425262728
293031 
Reklam
Hava
Valyuta
Reklam

Sayğac
Ən çox baxılanlar
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
Xəbər lenti
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
Foto
Hər ötən il növbəti il üçün xatirəyə çevrilir; bəzən xatırlanır, bəzən də yenidən yaşanılır. Ancaq elə illər var ki, onları yenidən yaşamaq mümkün olmur. Bu illərə Türkiyənin unudulmaz 90 - cı illərini aid etmək olar. Axı həmin illəri yaddaqalan edən nəydi?
Butov.az Türkiyə mətbuatına istinadən həmin unudulmazlığı təqdim edir:
Türkiyənin unudulmaz 90 - cı illəri...
Video
Şəhid Baş leytenant Azad Hümbətova həsr olunmuş qısa metrajlı film çəkildi

All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!