HHM bölmələrinin döyüş atışları keçirilir .....                        İran Borçalıda soydaşlarımızı Azərbaycana qarşı hazırlayır .....                        DOĞMALAR ARANAN YERDƏ .....                        HEYDƏR ƏLİYEVİN AZƏRBAYCANÇILIQ İDEYASINDA CƏNUBİ AZƏRBAYCAN .....                        Müdafiə Nazirliyi qəbul elan edir .....                        İlham Əliyev MDB Dövlət Başçıları Şurasının iclasında: “Dağlıq Qarabağ münaqişəsi keçmişdə qalıb” .....                        Milli Məclis İlham Əliyevə və Mehriban Əliyevaya məktub göndərəcək .....                        Fazil Mustafa: Bir əsgərimizin qisası üçün 20 erməni hərbçi... .....                        Ombudsman ermənilərin Tərtər təxribatı ilə bağlı Bəyanat yaydı .....                       
Tarix : 6-10-2021, 18:36
Yalan ayaq tutar, yeriməz


Yalan ayaq tutar, yeriməz


Yadıma gəlir ki, 70-ci illərin əvvəllərində yenicə jurnalistlik fəaaliyyətimə başladığımda yazıb “Azəbaycan gəncləri” qəzetinə göndərdiyim ilk yazılardan biri o vaxtlar adı Sumqayıt Tibb Məktəbi olan orta ixtisas təhsili ocağında yaradılmış “Qaranquş” qızlar klubu haqqında reportaj olub. Yazım qəzetdə çıxanda çox sevinmişdim. Sonrakı dövrlərdə də dəfələrlə həmin məktəbdə keçirilən tədbirləri mətbuatda işıqlandırmışam. Nur çöhrəli müəllimlərin, ağ xalatlı tələbə qızların tədbirləri həmişə mənə maraqlı təsir bağışlayıb. Bura məndən ötrü həvəslə getdiyim ünvanlardan biri sayılır.
Elə bu yaxınlarda yenə həmin ünvanda - Sumqayıt Tibb Kollecində idim. 27 Sentyabr – Vətən müharibəsinin başlanmasının birinci ildönümü və Şəhidləri Anım Günü münasibətilə tədbir keçirilirdi. Burada Vətən Müharibəsi Qəhrəmanları Sübhan Cəbrayılov və Mehrab Niftəliyevə həsr olunmuş “Şəhidlər unudulmur” adlı xatirə lövhəsinin açılışı mərasimi ilk dərs kimi tələbələrə unudulmaz təsir bağışladı. Kollecin direktoru, tibb elmləri doktoru, Əməkdar həkim Rəfayıl Eyvazov Qarabağ torpaqlarını işğal etmiş mənfur düşmənə qarşı mübarizədə həlak olan qəhrəmanlarımızla hər kəsin fəxr etdiyini söyləyərək vurğuladı ki, onlara sayğı, vətənə əmanət qoyub getdikləri övladlarına isə qayğı göstərmək müqəddəs borcumuzdur.
Qarabağda xidmətini davam etdirən mayor, Vətən Müharibəsi Qəhrəmanı Saleh Həsənovun ömür-gün dostu Sevinc Həsənova bu kollecdə müəllim kimi işə qəbul edilib. Gələcəkdə tibb bacıları olacaq bugünkü tələbə qızlarımızın isə Vətən müharibəsinin yeganə qadın şəhidi, Azərbaycan Ordusunun çavuşu olan hərbi feldşer Arəstə Baxışova kimi vətənpərvər olmaq əzmindədirlər. Tədbirdə qəhrəmanların həyat yoldaşları Vüsalə Niftəliyeva və Sevda Cəbrayılova Vətən uğrunda döyüşlərdə həlak olan əzizləri ilə və bütün digər şəhidlərlə hədsiz qürur duyduqlarını, fəxr etdiklərini söylədilər. Ölkə Prezidenti İlham Əliyevə və birinci vitse-prezident Mehriban xanım Əliyevaya minnətdarlıq hissləri ifadə edildi. Sonra “Qəhrəmanlar unudulmur” lövhəsi ilə tanışlıq olub...

Sumqayıt Tibb Kolleci 1969-cu ildən fəaliyyət göstərir. Ümumilli lider Heydər Əliyevin hakimiyyətə gəldiyi ilk ildə respublika üçün gördüyü məqsədyönlü işlərdən biri də Sumqayıt şəhəri və ona yaxın rayonlarda əhalinin orta tibb işçilərinə olan ehtiyacını ödəmək məqsədilə yaratdığı Sumqayıt Tibb Məktəbi olub. İlk dövrlər məktəb 2 şöbə, 90 tələbə, 10 müəllimlə fəaliyyətə başlayıb. Həmin dövrdən hal-hazıra kimi 10 minlərlə tələbə orta ixtisas təhsili alaraq respublikanın müxtəlif bölgələrində çalışır. Sumqayıt Tibb Məktəbi prezident İlham Əliyevin sərəncamı ilə təhsildə aparılan islahatlarla əlaqədar olaraq 2010-cu ildən Əziz Əliyev adına Sumqayıt Tibb Kolleci adlandırılıb. Son illər tələbə kontingentinin artması nəticəsində Səhiyyə Nazirliyinin və kollecin daxili imkanları hesabına maddi-texniki bazanı möhkəmləndirmək məqsədilə korpusların sayı artırılıb, əyani vəsaitlərlə təchiz olunub, müasir tələblərə cavab verən 4 laboratoriya, 40-dan artıq auditoriya, kitabxana, kompüter otağı və şəbəkəsi, bufet, avtonom istilik sistemi yaradılıb. Kolleci bitirən məzunların işlə təmin olunması daimi diqqətdədir. Məzunların əksəriyyəti diplom alan kimi işlə təmin olunur. Hazırda Sumqayıt şəhərinin tibb müəssisələrində 1671 məzun fəaliyyət göstərir.
İnişil kollecin 50 illik yubileyində Səhiyyə nazirinin müavini Elsəvər Ağayev kollektivi təbrik edib və bu təhsil müəssisəsinin Sumqayıtda səhiyyənin inkişafında mühüm rol oynadığını vurğulayıb. İcra başçısı Zakir Fərəcov tibb kollecinin şəhərdə səhiyyə sahəsində kadr potensialının gücləndirilməsinə mühüm töhvə verdiyini qeyd edib. Bu isə o deməkdir ki, kollec daşıdığı adı layiqincə doğruldur.
Bildiyimiz kimi, Əziz Məmmədkərim oğlu Əliyev Azərbaycanın görkəmli dövlət və elm xadimi, tibb elmləri doktoru, professor olub. Gələn il 125 illik yubileyi keçiriləcək. İllərdən bəri bu kollecə bacarıqla rəhbərlik edən Rəfayıl Eyvazov da adı uca tutulan unudulmaz şəxsiyyətin layiqli elmi xələflərindən sayılır. Əməkdar həkim, tibb elmləri doktorudur. Çalışır ki, direktoru olduğu orta tibb təhsili müəssisəsi daim öz müsbət fəaliyyəti ilə seçilsin, ölkənin təhsil məkanında xüsusi yeri olsun.
Rəfayıl Eyvazov işlədiyi müddətdə kollektivin böyük rəğbətini qazanıb, dərsliklər yazıb, bir çox titullara layiq görülüb. İşdə əsas prinsipi kollektivin hər bir üzvünə hörmətlə yanaşmaq, təşəbbüsləri dəstəkləmək, innovativ yeniliklərə açıq olmaqdır. Onun şəxsi davranışları əsl örnəkdir. Özü bir dəfə də olsun, işə gecikməyib, buna görə nizam-intizam məsələsində güzəştsiz rəhbər sayılır.
Rəfayıl Eyvazov ilk növbədə nazirliyin və Sumqayıt şəhər rəhbərliyinin dəstəyi ilə kollecdə güclü maddi-texniki baza yaradıb, tələbələrin rahat, səmərəli dərs keçməsi üçün lazımi şəraiti təmin edib. Səliqə-sahman da öz yerində. Kollecin həyəti, girəcək hissəsi, ümumi görünüşü göz oxşayır. Bütün bunlar barəsində dəfələrlə ölkə mətbuatında yazılar verilib. Amma son vaxtlar göbələk kimi artan saytların bəziləri qərəzli münasibət sərgiləyərək, məqsədli şəkildə kollec və onun rəhbərliyi haqqında həqiqətə uyğun olmayan, böhtan xarakterli məlumatlar verirlər ki, bu da kollektivin hiddətinə səbəb olur. Buraya müfəttiş kimi gəlib də əliboş qayıdan şantaj ustalarının yazdıqlarının əksinə olaraq, kollecdə sırf qanuni fəaliyyət mühiti hökm sürür. Hər kəs qabiliyyətinə görə dəyərləndirilir, zərrəcə tərəfkeşlik, yerlibazlıq kimi hallara yol verilmir. Müəllimlər üçün zəruri şərait yaradılıb, onlara sırf ixtisasları üzrə dərs saatları ayrılır. Mütəmadi olaraq qabaqcıl pedaqoqlar fəxri fərmanlarla təltif olunurlar. Kollektiv şəhərin ictimai həyatında da fəallıq göstərir. Görülən işlər yüksək qiymətləndirilir. Burada imtahanlar aşkarlıq prinsipi üzrə, kompüter-video sistemi vasitəsilə aparılır. Bu isə tələbələrin və valideynlərin ürəyincədir. İndiyədək heç bir narazılıq olmayıb.
Sumqayıt Tibb Kollecində təkmilləşdirmə kursları fəaliyyət göstərir. Bunun üçün ayrıca korpus tikilmiş və müdavimlərin ixtiyarına verilmişdir. Kurslarda qabaqcıl müəllimlərin təcrübəsindən istifadə olunur. Pandemiya şəraitini nəzərə alaraq, müəllimlər müxtəlif proqramlarla onlayn qaydada qoşulan müdavimlərlə məşğələlər aparırlar. Xatırladaq ki, kollecdən sertifikasiya mərkəzinə göndərilən dinləyicilər həmişə yüksək göstəricilərlə müvəffəqiyyət qazanmışlar.
Kollecdə istər kurslarda, istərsə də tələbələrin davamiyyətinə ciddi nəzarət olunur. Vətən müharibəsi qəhrəmanları olan 2 şəhidin ailəsi hamiliyə götürülüb, onlara hər cür maddi-mənəvi köməklik göstərilir. Bu cür göstəriciləri olan kollecin, onun rəhbərliyinin haqqında heç bir obyektiv məlumatı olmayan kimlərinsə “tənqid”inə tuş gəlməsi təəccüb və təəssüf doğurur. Əlbəttə, internet platformasının “özündənbəy” müxbirlərinin uydurmalarına, yalan və böhtanlarına inanan olmur. Atalar çox düzgün deyib ki, yalan ayaq tutar, amma yeriməz. Sadəcə olaraq, özü bir şey olmayan milçək könül bulandırır.
Təsəvvür edin ki, iftira və şər-böhtan yazıları kollecin 90-cı illərə aid köhnə darvazasının şəkli ilə müşayiət olunur. Bu isə o deməkdir ki, bədnam müəlliflər heç buranın ünvanını da tanımırlar. Sadəcə, kiminsə ağzından nəyisə eşidib şantaja əl atır, istədikləri alınmayanda da yersiz hay-qışqırıq salırlar. Yalan ifadələrlə oxucuları çaşdırmaq istəyənlər kollecin real vəziyyətini işıqlandırmağa qətiyyən “həvəs”li olmurlar.
Onların bəzi “yaradıcılıq” nümunələri: “Direktor “tender”, “təkmilləşmə”, “ imtahan”, “qayıb” biznesindən yüz minlər qazanır” (Gündəlik Bakı); “Tibb Kollecində bazar ab-havası” (Xeberaz.az),"Sumqayıt Tibb Kollecində..."( Təhsil.biz, Aktualinfo.orq) və s. Bir-birindən köçürmə olan, vaxtaşırı təkrarlanan “karusel” yazılarda hansısa “aylıq”lardan, tender saxtakarlıqlarından, kotirovka sorğularından bəhs edilir. Guya Bakıdan olan tələbələr dərsə gəlmirlər, etirazçı-müəllimlər sıxışdırılır və daha nələr...
Əlbəttə, böhtana qarşı hüquqi müstəvidə də iddia qaldırmaq olar. Yəqin ki, olacaq da. Amma indilikdə Sumqayıt Tibb Kollecinin rəhbərliyi internet seqmentində meydan sulamaq istəyən intriqan xəbər saytlarının idarəçilərinə qələmin (burada: kompüter klavişlərinin) müqəddəs vəzifəsini, amalını xatırlatmaqla kifayətlənir.
P.S. Bu ilin əvvəlində dövlət başçısı İlham Əliyev “Azərbaycan Respublikasında media sahəsində islahatların dərinləşdirilməsi haqqında” fərman imzalamışdır. Nəzərdə tutulan islahatların həyata keçirilməsi yeni yaradılmış Azərbaycan Respublikasının Medianın İnkişafı Agentliyinə həvalə olunmuşdur. Jurnalist adına iddialı olanlar unutmasınlar: Daha saxtakarlıq, qeyri-obyektivlik keçməyəcək. Kiminsə buyruq quluna çevrilib, insanları ləkələmək qəbulolunmazdır. Obyektlərə eybəcər yanaşmaların daşını atmaq məsləhətdir. Əks təqdirdə trol, “reket media mənsubu” adını almaq, məhkəmələrdə ittiham olunmaq, bu peşəni də gözdən salmaq, özünü də biabır etmək var. Onlayn mətbuat resurslarının - xəbər portallarının, veb-saytların, audiovizual medianın və sosial şəbəkədə informasiya paylaşımlarının əhatə dairəsinin genişlənməsi o demək deyil ki, istədiyinizi edə bilərsiniz.
Milli mətbuatımız elə də geniş miqyasa malik deyil ki, orda kimsənin əməllərini kimsələr görməsin və ya kimsənin qələmindən nə çıxır, kimsə onu bilməsin.


Əli NƏCƏFXANLI,
Əməkdar jurnalist


Paylaş



Bölmə: Sağlamlıq / Sosial / Karusel / Xəbər lenti
Fikirlər
Sorğu
Saytımızda hansı mövzulara daha çox yer verilməsini istəyirsiniz?


Son buraxılışımız
Facebook səhifəmiz
Təqvim
«    Oktyabr 2021    »
BeÇaÇCaCŞB
 123
45678910
11121314151617
18192021222324
25262728293031
Reklam
Hava
Valyuta
Reklam

Sayğac
Ən çox baxılanlar
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
Xəbər lenti
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
Foto
Dağlıq ərazilərdə isə qar yağacağı ehtimalı var
Video
5 nəfərin öldüyü dəhşətli qəzanın günahkarı kimdir? - VİDEO

Ötən gün Bakıda səhər saatlarında sərnişin avtobusu və yük maşının iştirakı ilə baş verən və 5 nəfərin ölümünə səbəb olan qəzayla bağlı müzakirələr davam edir.

Butov.az xəbər verir ki, AzTV sözügedən hadisənin səbəbləri ilə bağlı araşdırma apararaq sujet hazırlayıb.
Sujetdə qeyd olunub ki, mütəxəssislərin fikrincə, idarə etdiyi avtobusu 20 metr irəlidəki dayanacaqda saxlamayan sürücü də, ən azı yük maşınının sürücüsü qədər günahkardır.

Bildirilib ki, bu halda avtobus sürücüləri ciddi təhlükəyə yol açırlar.

Ekspert Ərşad Hüseynov da məsələyə münasibət bildirib:

"Burada çox ciddi sual ortaya çıxır. Avtobus dayanacağı orada olmalıydımı? Çünki lap yaxınlıqda yol ayrıcı, üfüqi yol əyrisi var. Nəyə görə avtobus dayanacaqları taksilərlə və kənar nəqliyyat vasitələri ilə zəbt edilmiş olur?".

Ətraflı videosujetdə:


All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!