17-04-2024, 16:36
17 martda keçirilmiş imtahanın nəticələri bu tarixdə açıqlanacaq - RƏSMİ
17 mart tarixində IX siniflər üzrə keçirilmiş buraxılış imtahanının nəticələri də bu həftə ərzində elan olunacaq.
Bu barədə Dövlət İmtahan Mərkəzindən (DİM) bildirilib.
“Nəticələr hazır olan kimi elan olunur. Dəqiq vaxt demək mümkün deyil”, - DİM bildirib.
Martın 17-də Bakı şəhərinin Sabunçu, Səbail, Xətai, Nəsimi, Nərimanov rayonlarında, Gəncə (I hissə) Samux, Daşkəsən, Qazax, Ağstafa, Şəki, Lənkəran (I hissə), Astara, Biləsuvar, Ağdam, Ağcabədi, Ağsu, Zərdab, Kürdəmir, İmişli, Şirvan, Qusar, Siyəzən, Xızı, Şabran rayonlarında ümumi (9 illik) orta təhsil səviyyəsi üzrə buraxılış imtahanları keçirilib.
İmtahanlarda 46700-dən çox şagird iştirak edib.
17-04-2024, 16:22
İlham Əliyev həmkarını COP29-a dəvət etdi
Azərbaycan Prezidenti İlham Əliyev Qambiya Prezidenti Adama Barrounu (Adama Barrow) noyabrda Bakıda keçiriləcək BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasına (COP29) dəvət edib.
Bu barədə Azərbaycanın Mərakeşdəki səfiri Nazim Səmədov "X" hesabında yazıb.
N.Səfərov Qambiyanın Mərakeşdəki səfiri Saffi Lou Sisey (Saffie Lowe Ceesay) ilə görüşüb və dəvət məktubunun surətini ona çatdırıb.
17-04-2024, 15:57
Ərdoğan seçki nəticələri ilə bağlı mesajlar verdi
Türkiyə prezidenti Rəcəb Tayyib Ərdoğan 31 Mart seçkilərindən sonra partiyasının parlament fraksiyasının ilk toplantısını keçirib.
Ərdoğan toplantıda bir sıra dəyişikliklərin anonsunu verib.
O, özünütənqidin vacibliyini vurğulayıb: "Millətin tələb və tənqidləri istiqamətində təşkilatımız daxilində lazımi dəyişiklikləri edib yolumuza daha da güclü şəkildə davam edəcəyik".
"81 əyalətimizdə yalnız bir hökumət var, o da 14-28 may seçkiləri ilə millətin ölkəni idarə etmə vəzifəsini verdiyi prezident və kabinetidir. Seçkilər 40,5 faiz səslə Cümhur İttifaqının üstünlüyü ilə nəticələndi. 1400 bələdiyyənin 54,3 faizini bu ittifaq idarə edəcək. Hər kəs görsün və bilsin ki, biz bitdi deyənə qədər heç nə bitməyib. “Biz bu ölkənin ən dinamik partiyasıyıq, həyəcanımız ilk günkü kimi güclüdür", - o əlavə edib.
Bununla belə, Ərdoğan qeyd edib ki, millətin seçki qutusunda verdiyi mesajları düzgün oxumaq lazımdır və seçkinin nəticələrində aşağı fəallıq rol oynayıb.
Ərdoğan partiyanın səs itkisinin səbəbləri arasında əsas amillərdən biri kimi göstərilən inflyasiya ilə mübarizəyə də toxunaraq deyib: “İnşallah qarşıdakı 4 ildə inflyasiya ilə mübarizəmizi qələbə ilə yekunlaşdıracağıq. Artıq seçki olmayacaq”.
Qeyd edək ki, martın 31-də keçirilən yerli seçkilərdə AKP-nin ötən seçkilərlə müqayisədə səs faizi və qazandığı bələdiyyələrin sayı azalıb. Partiyanın 22 illik hakimiyyəti dövründə ilk dəfə seçki yarışı ikinci pillədə başa vurulub. Ali seçki Komissiyası (YSK) iştirak nisbətinin 78 faiz olduğunu elan edib.
17-04-2024, 15:29
Sabiq deputat dəfn olundu
Sabiq deputat Hadi Rəcəbli dəfn olunub.
Onun cənazəsi “Qurd qapısı” qəbiristanlığında torpağa tapşırılıb.
Dəfn mərasimində mərhumun ailə üzvləri, Milli Məclisin deputatları və digər şəxslər iştirak ediblər.
17-04-2024, 15:10
Ər-Riyad İrəvanla təhsildə əməkdaşlıq edəcək
Ermənistanın xarici işlər naziri Ararat Mirzoyanın Səudiyyə Ərəbistanına səfəri başlayıb.
Bu barədə Ermənistan Xarici İşlər Nazirliyi məlumat yayıb.
Bu, 2023-cü ilin noyabrında iki ölkə arasında diplomatik əlaqələrin qurulmasından sonra ilk yüksək səviyyəli səfərdir. Ararat Mirzoyan Ər-Riyadda Səudiyyə Ərəbistanı Krallığının təhsil naziri Yusuf bin Abdullah Əl-Bənyan ilə görüşüb.
Bildirilib ki, görüş zamanı nazirlər təhsil sahəsində əməkdaşlığa dair geniş spektrli məsələləri müzakirə edib, hər iki tərəfin təhsil, elm və mədəniyyət sahələrində əlaqələrin genişləndirilməsi istiqamətində addımlar atmağa hazır olduqlarını bildiriblər.
Qeyd olunub ki, təhsilin müxtəlif səviyyələrində təcrübə mübadiləsi, peşəkar kadr hazırlığının təmin edilməsi, həmçinin təqaüd və insan resurslarının böyük potensialının qarşılıqlı surətdə reallaşdırılması məqsədi ilə İrəvan və Ər-Riyad arasında əlaqələrin intensivləşdirilməsinə dair razılıq əldə olunub.
"Görüşə yekun vuran hər iki nazir dövlətlərarası əlaqələri erməni və ərəb xalqları arasında tarixi dostluq və qarşılıqlı rəğbətə uyğun inkişaf etdirməyə böyük hazır olduqlarını vurğulayıblar", - məlumatda deyilir.
17-04-2024, 00:40
Ukrayna üçün 1 milyarddan çox yardım ayrılacaq
Kanada hakimiyyəti 2024-cü ildə Beynəlxalq Valyuta Fondu (BVF) vasitəsilə Ukraynaya 2,4 milyard Kanada dolları (1,74 milyard ABŞ dolları) məbləğində kredit vermək niyyətindədir.
Bu barədə ölkənin Maliyyə Nazirliyinin dərc etdiyi növbəti maliyyə ili üçün büdcə layihəsində deyilir.
“2024-cü ilin büdcəsində Kanadanın Ukraynaya 2,4 milyard dollar kredit vermək niyyəti var və bunun 2 milyard dolları artıq martın 20-də BVF-nin idarə etdiyi hesab vasitəsilə Ukraynaya köçürülüb”, - deyə sənəddə qeyd edilir.
Layihədə, həmçinin nəzərdə tutulub ki, Kanada beş il ərzində Ukraynaya 1,16 milyard dollar dəyərində hərbi yardım köçürəcək.
16-04-2024, 23:45
Fransa Azərbaycandakı səfirini geri çağırdı
Fransanın Azərbaycandakı səfiri Ann Buayon məsləhətləşmələr üçün geri çağırılıb.
Bu barədə Fransa Xarici İşlər Nazirliyi məlumat yayıb.
Bildirilib ki, səfiri Fransa Prezidenti Emmanuel Makron qəbul edib.
16-04-2024, 23:08
Rusiya sülhməramlıları Azərbaycanı tərk etdi
Qarabağda müvəqqəti yerləşdirilən Rusiyanın sülhməramlı kontingenti Azərbaycanı tərk edib.
Məlumata görə, Rusiya kontingenti Azərbaycanı (Qarabağı) birdəfəlik və tam olaraq tərk edib.
Bununla da Azərbaycan Qarabağ məsələləri ilə bağlı bütün problemlərini həll etmiş, tam müstəqil, suveren nəzarətini bərpa etmiş durumdadır.
Təqdim etdiyimiz video sülhməramlı kontingentin Qarabağ istiqamətindən çıxaraq Azərbaycanı tərk etməsi zamanı Tərtər və Bərdə rayonlarında çəkilib.
16-04-2024, 22:27
Tbilisidə yenidən etiraz aksiyası keçirildi
Gürcüstanın müxtəlif siyasi partiyaları, qeyri-hökumət təşkilatları, tələbə-gənclər hərəkatları və təşəbbüs qrupları aprelin 16-da Tbilisidə, ölkə parlamentinin önündə etiraz aksiyasını yenidən bərpa edib.
Parlament binasının qarşısına toplaşan minlərlə insan mərkəzi Rustaveli prospektini bağlayıb.
Aksiya iştirakçıları hakim "Gürcü Arzusu-Demokratik Gürcüstan" partiyasının parlamentə təqdim etdiyi "Xarici təsirin şəffaflığı haqqında" qanun layihəsinə etiraz edirlər.
Əraziyə çoxlu sayda polis əməkdaşı cəlb edilib, təhlükəsizlik tədbirləri gücləndirilib.
Gürcüstanın Daxili İşlər Nazirliyi mitinq təşkilatçılarına və iştirakçılarına xəbərdarlıq edib. Etirazçılara xatırladılıb ki, inzibati binalara girişin bağlanması qanunla qadağandır. Daxili İşlər Nazirliyinin xəbərdarlığında deyilir: “Biz bir daha mitinqin təşkilatçılarını və iştirakçılarını dinc aksiya keçirməyə, qanunu pozmamağa və polis əməkdaşlarının göstərişlərinə tabe olmağa çağırırıq”.
Qeyd edək ki, bir müddət əvvəl etirazçılarla polis arasında əlbəyaxa dava olub. Hazırda sakitlikdir.
Parlamentin yaxınlığına, 9 Aprel və Çitadze küçələrinə robokoplar və su reaktiv maşınları gətirilib.
16-04-2024, 22:12
Leyla Əliyevanın iştirakı ilə növbəti abad həyətlər sakinlərin istifadəsinə verildi - FOTO
“Yaşıl dünya naminə həmrəylik ili” çərçivəsində Heydər Əliyev Fondunun vitse-prezidenti, “IDEA” İctimai Birliyinin təsisçisi və rəhbəri Leyla Əliyevanın təşəbbüsü ilə Bakı şəhəri Xətai rayon Rahib Məmmədov küçəsi 4. 4a. 15q. və Cavanşir küçəsi 7 və 9 saylı ünvanlarında 2200-dən çox sakinin yaşadığı çoxmərtəbəli binaları əhatə edən həyətlər abadlaşdırılaraq sakinlərin istifadəsinə verilib.
Aprelin 16-da baş tutan açılış mərasimində iştirak edən Leyla Əliyeva tədbir çərçivəsində keçirilən kütləvi ağacəkmə aksiyasında iştirak edib, həyətin azyaşlı sakinlərinə hədiyyələr təqdim edib.
Qeyd edək ki, “Bizim həyət” layihəsinin əsas məqsədi paytaxt ərazisində həyətlərin ekoloji cəhətdən təmiz və abad olması, yaşıllıqların bərpası, mənalı istirahət mühitinin formalaşdırılması, sakinlər üçün təhlükəsiz və rahat yaşam şəraitinin yaradılmasıdır. Abadlaşdırılan həyətlərdə sağlamlıq imkanları məhdud insanların rahat hərəkəti nəzərə alınıb, bütün yaş qrupları üzrə uşaqların inkişafı üçün əlverişli şəraitin yaradılması, gənclərin asudə vaxtlarının səmərəli təşkili və onlarda idmana marağın artırılması məqsədilə ərazidə süni örtüklü futbol stadionu, şahmat meydançası, müxtəlif idman qurğuları, uşaqlar üçün oyun meydançaları salınıb. Eyni zamanda, həyətyanı sahələrdə beş söhbətgah, çoxsaylı oturacaqlar, quş yuvaları və pişik evləri quraşdırılıb. Bundan əlavə, həyətlərdə yeni işıqlandırma dirəkləri, müşahidə kameraları quraşdırılıb, binaların fasad və blokları tam təmir olunub, asfalt və dam örtüyü, elektrik xətləri yenilənib.
Həyətlərin ərazisindəki mövcud yaşıllıqların bərpası ilə yanaşı, müxtəlif növ 1680 ağac, 19 min 256 kol bitkisi əkilib, 8549 kvadratmetr ərazidə yaşıllıq zolağı salınıb. Bununla yanaşı, həyətin ətrafında sıx bitən və havanın çirklənməsinin qarşısını almaq məqsədilə adi daşsarmaşığı və digər sarmaşan bitkilər əkilərək “yaşıl sədlər” yaradılıb.
Məlumat üçün bildirək ki, “IDEA” İctimai Birliyinin təsisçisi və rəhbəri Leyla Əliyevanın təşəbbüsü ilə 2017-ci ildən etibarən icra olunan “Bizim həyət” layihəsi çərçivəsində bu günədək 152 ümumi yaşayış sahəsi abadlaşdırılaraq sakinlərin istifadəsinə verilib.
Xüsusi olaraq qeyd edək ki, “IDEA” İctimai Birliyi həyətlərin abadlaşdırılması və yenidənqurma işlərinin aparılması istiqamətində sakinlərin təklif və müraciətlərini İctimai Birliyə təqdim etməyə çağırır. Müraciətlərinizi “IDEA” İctimai Birliyinin qaynar xətti “1113” və ya e-mail ünvanına (info@ideacampaign.org) göndərməyiniz xahiş olunur.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Tanınmış telejurnalist vəfat edib
Tanınmış telejurnalist Nailə Əkbərova vəfat edib.
Bu barədə onun dostları məlumat yayıblar.
O, ağır xəstəlikdən əziyyət çəkirmiş.
Əkbərova Nailə Ənvər qızı 27 avqust 1963-cü ildə Şamaxı şəhərində anadan olub. Azərbaycan Dövlət Mədəniyyət və İncəsənət Universitetinin məzunudur. 1981-ci ildən Azərbaycan Dövlət Televiziyasında çalışmağa başlayıb. 1997-2006-cı illərdə musiqi verlişləri baş redaksiyasında baş rejissor vəzifəsində çalışıb.
2006-ci ildə “Space” telekanalında bir neçə verlişin rejissoru işləyib. 2009-cu ildən TRT telekanalının əməkdaşıdır. TRT Avaz-da yayımlanan “Qafqazlara əsən yellər” proqramının müəllifi, rejissoru və aparıcısı olub. Azərbaycanda ilk klip yaradıcılarındandır.
Allah rəhmət etsin!
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!