11-01-2026, 10:17
56 ilin ən şiddətli qarı yağdı
Yanvarın 9-da Rusiyanın paytaxtı Moskvaya yağan qar son 56 ilin ən güclü qar yağıntısı olub.
Bu barədə "Phobos" hava mərkəzinin aparıcı mütəxəssisi Yevgeni Tişkovets məlumat verib.
O bildirib ki, şəhərdə 22 mm yağıntı qeydə alınıb ki, bununla da 1970-ci ilin rekordu qırılıb.
Məlumata görə, bu göstərici ortaaylıq rəqəmin 42%-ni təşkil edir.
11-01-2026, 02:30
İrandakı etirazlarda 5 yaşlı uşaq güllələnib
İranın Neyşabur şəhərində fəaliyyət göstərən bir həkim CNN-ə audiomesaj yollayıb.
Həkim İran təhlükəsizlik qüvvələrinin dünən azı 30 nəfərə atəş açdığını bildirib.
O qeyd edib, güllənənlər arasında uşaqlar da var:
"5 yaşlı uşaq anasının qucağında ikən güllələnib". Həkim toqquşmalar nəticəsində çoxlu yaralıların olduğunu deyib: "Xəstəxanalar son dərəcə xaotikdir və xəstələr qəbul olunmaqdan və şəxsiyyətlərini müəyyənləşdirməkdən qorxurlar. Bu səbəbdən insanları məlumatlandırmağa və klinikalarda özəl müalicə etməyə çalışırıq”.
11-01-2026, 00:47
İrəvandakı iranlılar Pəhləvinin qayıtmasını istəyirlər
İrəvandakı İran səfirliyinin önündə ikinci gündür etiraz aksiyası keçirilir.
Görüntülər sosial mediada yayılıb. Belə ki, etirazçılar İran səfirliyinin qarşısına toplaşaraq vəliəhd Rza Pəhləvinin geri qaytarılmasını tələb edirlər .
Əllərində Pəhləvinin şəkillərini tutan iştirakçılar İranın azad edilməsi və internetin bərpası ilə bağlı şüarlar səsləndiriblər.
11-01-2026, 00:34
Bakıda SSRİ bayrağı müzakirələrə səbəb oldu - VİDEO
Bakıda Muzey Mərkəzinin fasadında yerləşən SSRİ dövrünə aid rəmzlər ictimai müzakirələrə səbəb olub.
Bəzi sakinlər bu atributların sökülməsini tələb edərək, Azərbaycanın artıq müstəqil dövlət olduğunu və sovet simvollarının uyğun olmadığını bildiriblər.
Müzakirə olunan elementlər əsasən binanın giriş hissəsində və fasadında həkk olunmuş sovet gerbi və naxışlardır.
Mədəniyyət Nazirliyi yanında aidiyyəti qurum isə açıqlamasında bildirib ki, tarixi abidələr üzərindəki simvollar dövrün memarlıq ənənələrini əks etdirir və onların dəyişdirilməsi abidənin tarixi dəyərinə müdaxilə sayılır Qurum əlavə edib ki, bu cür elementlər yalnız elmi əsaslandırılmış qərar əsasında dəyişdirilə bilər.
11-01-2026, 00:18
ABŞ ordusu hücuma başladı
ABŞ Silahlı Qüvvələrinin Suriyada İŞİD mövqelərinə qarşı zərbələr endirməyə başlayıb.
Bu barədə "Fox News" telekanalı mənbələrə istinadla məlumat yayıb.
Telekanalın məlumatına görə, endirilən zərbələr dekabr ayında iki ABŞ hərbçisi və bir tərcüməçinin öldürülməsinə cavab xarakteri daşıyır.
Mənbələr bu hücumları “cavab zərbəsi” kimi qiymətləndiriblər.
Məlumatda qeyd olunur ki, əməliyyatlar İŞİD-in Suriyadakı mövqelərini hədəf alıb. Hadisələrlə bağlı Amerika Birləşmiş Ştatları və Suriya rəsmiləri hələlik rəsmi açıqlama verməyiblər.
11-01-2026, 00:11
İranda Qasım Süleymaninin portretini yandırdılar
Tehranda etirazçılar general Qasım Süleymaninin portretini yandırıblar.
Görüntülər sosial mediada yayılıb.
Qeyd edək ki, Süleymani 3 yanvar 2020-ci ildə Bağdadda ABŞ Hərbi Hava Qüvvələri tərəfindən həyata keçirilən hava zərbəsi nəticəsində öldürülüb.
Əməliyyat Donald Trampın göstərişi ilə həyata keçirilmişdi.
10-01-2026, 23:38
ABŞ İranı bombalayacaq
İranda davam edən etirazlar fonunda ABŞ prezidenti Donald Trump administrasiyasında “zərurət yaranacağı təqdirdə” İran İslam Respublikasına qarşı hərbi zərbələrin endirilməsi variantlarının müzakirə edilir
Bu barədə The Wall Street Journal qəzeti mənbələrə istinadla məlumat yayıb.
Nəşrin yazdığına görə, müzakirələr ilkin xarakter daşıyıb və konkret qərar mərhələsinə keçməyib. Müzakirə olunan ideyalar sırasında İranın bir sıra hərbi obyektlərinə qarşı genişmiqyaslı hava əməliyyatı variantı da yer alıb. Lakin qəzetin mənbələri bildiriblər ki, Tramp administrasiyası daxilində bu addımın məqsədəuyğunluğu ilə bağlı ortaq mövqe formalaşmayıb və razılıq əldə olunmayıb.
Mənbələrin sözlərinə görə, hazırkı mərhələdə İran üçün dərhal hərbi hücum təhlükəsi mövcud deyil. ABŞ-ın İranla bağlı konkret fəaliyyət kursu hələ razılaşdırılmayıb, hərbi texnika və şəxsi heyət də mümkün zərbəyə hazırlıq məqsədilə bölgəyə yerləşdirilməyib.
Xatırladaq ki, bundan əvvəl Amerika Birləşmiş Ştatları prezidenti jurnalistlərin suallarını cavablandırarkən, İran etirazçılarının mümkün ölümü halında Vaşinqtonun İran rəhbərliyinə qarşı “güclü zərbə” endirə biləcəyini istisna etməmişdi.
10-01-2026, 23:18
“Fənərbaxça”ya məğlub olan “Qalatasaray”dan gözlənilməz qərar
“Fənərbaxça”ya məğlub olan “Qalatasaray” Superkubok mərasimində iştirak etməmək qərarına gəlib.
Klub bu qərar gəlməsinə keçmiş futbolçusu Gökmen Özdenakın xatirsəni yad edərkən “Fənərbaxça” azarkeşləri tərəfindən fitə basılmalarını səbəb göstərib.
Qeyd edək ki, Atatürk Olimpiya Stadionunda oynanılan final matçı “Fənərbaxça”nın 2:0 hesablı qalibiyyəti ilə başa çatıb.
10-01-2026, 23:07
ABŞ İran xalqına kömək etməyə hazırdır - TRAMPDAN SƏRT MESAJ
ABŞ prezidenti Donald Tramp İranda baş verən son hadisələrlə bağlı açıqlama verib.
“Truth Social” platformasında paylaşdığı mesajda bildirib ki, İran azadlığa doğru, bəlkə də indiyə qədər heç olmadığı qədər yaxın bir mərhələyə baxır.
Tramp qeyd edib ki, ABŞ bu prosesdə yardım göstərməyə hazırdır.
O, paylaşımında “İran AZADLIĞA baxır, bəlkə də heç vaxt olmadığı qədər. ABŞ kömək etməyə hazırdır” ifadələrindən istifadə edib.
10-01-2026, 22:31
İran səfirliyində dövlət bayrağı dəyişdirildi
İranın Londondakı səfirliyi önündə asılmış dövlət bayrağı etirazçılar tərəfindən parçalanıb.
Bu barədə "Azad İran" "Telegram" kanalı məlumat yayıb.
Məlumata görə, səfirlik önündəki dövlət bayrağı 1979-cu il İslam İnqilabından əvvəlki rəsmi bayraqla əvəzlənib.
Bu arada, İranda azı 200 etirazçının həbs olunduğunu bildirir. Əməliyyatlar zamanı onların gizləndiyi yerlərdən çoxlu sayda silah, sursat, qumbara və "Molotov kokteyli" müsadirə edilib.
İranlı "Hanzala" haker qrupu "Mossad"la əlaqəli olduğu iddia edilən 600 şəxsin kimliyini də açıqladığını bildirib. Onların iğtişaşların təşkilində və etirazların artmasında iştirak etdikləri iddia edilir. Dərc olunmuş hesabatda açıqlanan adlar arasında bir neçə tanınmış ictimai xadimin də olduğu deyilir.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Tanınmış telejurnalist vəfat edib
Tanınmış telejurnalist Nailə Əkbərova vəfat edib.
Bu barədə onun dostları məlumat yayıblar.
O, ağır xəstəlikdən əziyyət çəkirmiş.
Əkbərova Nailə Ənvər qızı 27 avqust 1963-cü ildə Şamaxı şəhərində anadan olub. Azərbaycan Dövlət Mədəniyyət və İncəsənət Universitetinin məzunudur. 1981-ci ildən Azərbaycan Dövlət Televiziyasında çalışmağa başlayıb. 1997-2006-cı illərdə musiqi verlişləri baş redaksiyasında baş rejissor vəzifəsində çalışıb.
2006-ci ildə “Space” telekanalında bir neçə verlişin rejissoru işləyib. 2009-cu ildən TRT telekanalının əməkdaşıdır. TRT Avaz-da yayımlanan “Qafqazlara əsən yellər” proqramının müəllifi, rejissoru və aparıcısı olub. Azərbaycanda ilk klip yaradıcılarındandır.
Allah rəhmət etsin!
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!